ᐲᑦᑐᕉᓯ ᐂᑉᐸᖏᑦ 2:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐊᒡᓛᓪᓕ ᐂᖏᓖᑦ ᓴᓐᖏᓂᕐᓴᐅᔪᑦ ᐱᔪᓐᓇᕐᓂᖃᕐᓂᕐᓴᐅᔪᓪᓗ ᑖᒃᑯᓇᓐᖓᑦ, ᐊᑭᕋᕐᑐᕐᓗᑎᒃ ᐅᖃᕐᓂᕐᓘᑎᖃᓚᐅᓐᖏᓚᑦ ᕿᓚᖕᒦᑦᑐᑦ ᐱᓐᓇᕐᓇᕐᓂᖏᓐᓂᒃ ᐊᑕᓂᐅᑉ ᓵᖓᓂ.

ᐲᑦᑐᕉᓯ ᐂᑉᐸᖏᑦ 2:11 Iomraidhean Croise

ᐃᓐᖏᕈᑎᑦ 103:20

ᐊᑕᓂᖅ ᓂᕐᑐᕐᓯᐅᒃ, ᐃᓕᑦᓯ ᐂᖏᓕᖁᑕᐅᔪᓯ ᑖᑦᓱᒧᖓ, ᐃᓕᑦᓯ ᐊᔪᖏᑦᑐᕐᔪᐊᖑᔪᓯ ᐅᖃᐅᓯᖓᓂᒃ ᓈᓚᒃᑐᓯ, ᒪᓕᑦᓯᐊᕐᑐᓯ ᐅᖃᐅᓯᖓᑕ ᓂᐱᖓᓂᒃ!

ᐃᓐᖏᕈᑎᑦ 104:4

ᐂᖏᓕᖁᑎᓂ ᐊᓂᕐᓂᓐᖑᕐᑎᓚᐅᕐᐰᑦ, ᐱᓇᓱᐊᕐᑎᖁᑎᓂᓗ ᐃᑯᒪᐅᓪᓗᑎᒃ ᐃᑯᐊᓚᔪᓐᖑᕐᑎᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 6:22

ᒎᑎᒐ ᐂᖏᓕᖁᑎᒥᓂᒃ ᑎᓕᓯᓚᐅᕐᐳᖅ, ᓛᔧᓪᓗ ᖃᓂᖏᑦ ᒪᑐᓪᓗᒋᑦ, ᑖᒃᑯᓇᖓᑦ ᖃᓄᐃᓕᔭᐅᓐᖏᓚᖓ, ᖃᐅᔨᔭᐅᒐᒪ ᐸᓯᔭᒃᓴᐅᖏᓐᓂᓐᓂᒃ ᑖᑦᓱᒪ ᓵᖓᓂ; ᐃᓕᖕᓄᓪᓗ ᐊᖓᔪᖅᑳᕐᔪᐊᖅ, ᓈᒻᒪᖏᑦᑐᒥᒃ ᐱᓇᓱᐊᓚᐅᕐᓯᒪᖏᓐᓇᒪ.”

ᒫᑯᓯᐅᑉ ᐊᒡᓚᖏᑦ 7:22

ᐱᔪᒪᕕᒡᔪᐊᕐᓃᑦ, ᐱᐅᖏᑦᑐᓕᓃᑦ, ᓴᒡᓗᕿᑦᓯᔪᒪᓃᑦ, ᑲᓐᖑᓇᕐᑐᓕᖃᑎᖃᕐᓃᑦ, ᒥᖕᓂᒍᑦᔨᓃᑦ, ᒎᑎᒥᒃ ᒥᑕᐅᑎᖃᕐᓃᑦ, ᐱᐅᔪᕆᓃᑦ, ᓯᓔᑦᑑᓃᑦ,

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:7

ᐃᓕᑦᓯᓕ ᐊᒃᓱᕈᕐᓇᕐᑐᑰᕐᑎᑕᐅᓂᓯᓂᒃ ᐊᓂᒍᐃᑎᑕᐅᓂᐊᕐᐳᓯ ᐅᕙᒍᓪᓗᑕᐅᖅ, ᑕᒪᑐᒥᖓ ᐱᓇᓱᐊᕈᒫᕐᐳᖅ ᐊᑕᓂᖅ ᔩᓱᓯᐅᑉ ᓴᖅᑭᑉᕕᖓᓂ ᕿᓚᖕᒥᑦ ᐂᖏᓕᖁᑎᓂ ᐱᔪᓐᓇᕐᑐᕐᔪᐊᑦ ᐃᓚᒋᓗᒋᑦ.

ᔫᑎᐅᑉ ᐊᒡᓚᖏᑦ 1:9

ᐂᖏᓖᓪᓕ ᐊᖓᔪᖅᑳᖓᑦ ᒤᑯᓪ, ᐊᑭᕋᕐᑐᕐᓗᓂ ᓵᑖᓇᓯᒥᒃ, ᒨᓯᓯᐅᑉ ᑎᒥᖓᓂᒃ ᐂᕝᕙᑦᔪᑎᖃᕐᓗᑎᒃ, ᒤᑯᓪ ᐅᖃᐅᓯᖃᓚᐅᓐᖏᓚᖅ ᓵᑖᓇᓯᐅᑉ ᐃᖅᑲᕐᑐᕐᑕᐅᓂᒃᓴᖓᓂᒃ, ᐅᖃᑐᐃᓐᓇᓚᐅᕐᐳᕐᓕ, “ᐊᑕᓂᐅᑉ ᓱᒋᐊᕐᓕᑎᑦ.”