ᐲᑦᑐᕉᓯ ᐂᑉᐸᖏᑦ 1:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᒪᓐᓇ ᐱᑦᔪᑎᒋᓗᒍ ᐅᒃᐱᕐᓂᑦᓯ ᐱᔪᓐᓇᕐᓂᓕᒫᑦᓯᓐᓄᑦ ᐃᓚᓇᓱᐊᕐᓯᐅᒃ ᐱᑦᓯᐊᕐᓂᕐᒥᒃ, ᐱᑦᓯᐊᕐᓂᕐᓗ ᐃᓚᓗᒍ ᖃᐅᔨᒪᓂᕐᒥᒃ,

ᐲᑦᑐᕉᓯ ᐂᑉᐸᖏᑦ 1:5 Iomraidhean Croise

ᐃᓐᖏᕈᑎᑦ 119:4

ᐱᖁᓚᐅᕐᐸᑦᑎᒍᑦ ᐊᑐᕐᑕᐅᖁᔭᕐᓂᒃ ᒪᓕᖁᓪᓗᑕ ᑖᒃᑯᐊᓗ ᒪᓕᑦᓯᐊᕐᓗᒋᑦ ᑲᔪᓯᑦᓯᐊᖁᓪᓗᑕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:23

ᐆᒻᒪᒻᒥᐅᑕᑎᑦ ᐱᓯᒪᑦᓯᐊᒃᑭᑦ ᐊᔪᐃᓐᓇᕐᓗᑎᑦ, ᑕᕝᕙᓐᖓᑦ ᐃᓅᓯᖃᕐᓇᕐᑐᖅ ᑰᖕᒪᑦ.

ᐂᓮᐊᓯᐅᑉ ᐊᒡᓚᖏᑦ 55:2

ᓱᖕᒪᑦ ᑮᓇᐅᔭᕐᑑᑎᖃᕋᓱᐊᕐᐱᓰ ᓂᐊᖂᔭᐅᖏᑦᑐᓂᒃ? ᓱᖕᒪᓪᓗ ᐊᒃᓱᕈᕈᑎᖃᕐᐱᓰ ᓈᒻᒪᒃᓯᑦᔪᑎᒋᓂᐊᓐᖏᑕᑦᓯᓐᓂᒃ? ᓈᓚᑦᓯᐊᓚᐅᕐᓯᓐᖓ, ᓂᕆᓗᓯᓗ ᐱᐅᔪᒥᒃ, ᑕᕐᓂᓯ ᓈᒻᒪᒃᓯᑦᓯᐊᖁᓪᓗᒍ ᖁᐃᒃᓯᓐᓇᕐᑐᒥᒃ.

ᓴᑲᕅᐊᐅᑉ ᐊᒡᓚᖏᑦ 6:15

ᐅᖓᓯᒃᑐᒥᑦ ᐱᓯᒪᔪᑦ ᐃᑲᔪᕆᐊᕈᒫᕐᐳᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂᒃ ᓴᓇᒃᑲᓐᓂᖃᑕᐅᔭᕐᑐᕐᓗᑎᒃ, ᑕᒪᓐᓇᓗ ᖃᐅᔨᒃᑲᓐᓂᕈᑎᒋᔪᒫᕐᐸᓯ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓚᐅᕐᒪᖓ ᐃᓕᑦᓯᓐᓄᑦ. ᑍᒤᑦᓱᒫᕐᐳᖅ ᓈᓚᑦᓯᐊᕈᑦᓯ ᐊᑕᓂᐅᑉ ᐱᖁᔭᖏᓐᓂᒃ.

ᓘᑲᓯᐅᑉ ᐊᒡᓚᖏᑦ 16:26

ᓱᓕ ᐊᑯᓐᓇᑦᑎᓐᓂ ᐃᑎᕐᓵᓗᒃᑕᖃᕐᒪᑦ, ᒫᓐᖓᑦ ᐃᓕᑦᓯᓐᓄᑦ ᐃᑳᕈᒪᔪᑦ ᐊᔪᕐᐳᑦ, ᑍᒫᒃᑕᐅᖅ ᐃᓕᑦᓯᓐᓂᑦ ᐃᑳᕈᒪᔪᑦ ᒪᐅᖓ ᐊᔪᕆᕗᑦ.’

ᓘᑲᓯᐅᑉ ᐊᒡᓚᖏᑦ 24:21

ᐅᕙᒍᓪᓕ ᓂᕆᐅᓚᐅᕐᐳᒍᑦ ᑖᑦᓱᒧᖓ ᐃᓴᕆᐊᓕᒥᐅᑦ ᐅᖁᒤᒃᓴᕈᓐᓃᕐᑎᑕᐅᓂᐊᕋᓱᒋᓪᓗᒋᑦ. ᑍᒪᓐᖓᓪᓕ ᒫᓐᓇ ᐅᓪᓗᑦ ᐱᖓᔪᒋᓕᕐᐹᑦ ᑍᒤᓕᐅᕐᑕᐅᓚᐅᕐᑎᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 6:27

ᓂᕿᒃᓴᒥᒃ ᓄᖑᓴᕅᑦᑐᒥᒃ ᐱᓇᓱᐊᕐᓂᐊᕋᓯ, ᓂᕿᒃᓴᒥᒡᓕ ᐱᓇᓱᐊᓕᕆᑦᓯ ᐃᓅᓯᕐᑖᕐᓇᕐᑐᒥᒃ ᓄᖑᓱᐃᑦᑐᒧᑦ, ᐃᓅᑉ ᐃᕐᓂᖓᑕ ᑐᓂᓂᐊᕐᑕᖓᓂᒃ ᐃᓕᑦᓯᓐᓄᑦ; ᑖᓐᓇ ᒎᑎᐅᑉ ᐊᑖᑕᐅᑉ ᓇᓗᓁᒃᑯᓯᕐᓯᒪᖕᒪᒍ ᓈᒻᒪᒃᓴᕐᓂᕐᒥᓂᒃ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:20

ᐃᓚᒃᑳ, ᓄᑕᕋᕐᑎᑐᑦ ᐃᓱᒪᖃᕐᓂᐊᕋᓯ; ᐊᔪᕐᓂᕐᒧᑦ ᓄᑕᕋᕐᑎᑑᕐᓗᓯ, ᐃᓱᒪᑦᓯᒍᓪᓕ ᐱᕈᕇᕐᓯᒪᓗᓯ.

ᐃᐱᓯᒥᐅᓄᑦ 5:17

ᑍᒤᒻᒪᑦ ᐃᓕᑦᓯᓐᓂᒃ ᓯᓔᕐᕆᓂᐊᕋᓯ, ᖃᐅᔨᓕᕆᑦᓯᓕ ᖃᓄᖅ ᐱᖁᔭᐅᖕᒪᖔᑦᓯ ᐊᑕᓂᕐᒧᑦ.

ᐱᓕᐱᒥᐅᓄᑦ 1:9

ᑐᒃᓯᐅᑎᕙᑦᓯᓗ ᓇᒡᓕᒍᓱᖕᓂᓯ ᑍᒪᓐᖓᑦ ᐊᖏᒡᓕᕙᓪᓕᐊᖏᓐᓇᖁᓪᓗᒍ, ᖃᐅᔨᕙᓪᓕᐊᖁᓪᓗᓯᓗ ᓱᓕᔪᒥᒃ ᑐᑭᓯᑦᓯᐊᖁᓪᓗᓯᓗ ᖃᓄᐃᓕᐅᕆᐊᖃᕐᓂᕐᒥᒃ,

ᐱᓕᐱᒥᐅᓄᑦ 2:12

ᑍᒤᒻᒪᑦ ᓇᒡᓕᒋᔭᒃᑲ, ᑍᒪᓐᖓᑦ ᓈᓚᑦᓯᐊᖃᑦᑕᓚᐅᕋᑦᓯᓐᖓ, ᐃᓕᑦᓯᓐᓄᑦ ᓇᔫᑎᑎᓪᓗᖓᑐᐃᓐᓇᐅᖏᑦᑐᖅ, ᐱᓗᐊᕐᑐᒥᒃᓕ ᐃᓕᑦᓯᓐᓃᖏᑎᓪᓗᖓ, ᐱᐅᓕᔭᐅᓂᒃᓴᓯ ᑍᒪᓐᓇ ᐱᓇᓱᐊᕐᓯᐅᒃ ᐃᓕᕋᓱᒡᓗᓯ ᓴᔪᒃᓗᓯᓗ;

ᐱᓕᐱᒥᐅᓄᑦ 4:8

ᑭᖑᓪᓕᕐᐹᒥᓪᓕ ᐅᒃᐱᕐᑑᖃᑎᒃᑲ, ᓱᓇᑐᐃᓐᓇᖅ ᓱᓕᔫᒃᐸᑦ, ᐅᐱᓐᓇᕐᐸᑦ, ᓈᒻᒪᓈᑦᓯᐊᕐᓂᐅᒃᐸᑦ, ᐃᑦᔪᕐᓁᑉᐸᑦ, ᓇᒡᓕᖕᓇᕐᐸᑦ, ᐱᑦᓯᐊᕐᓂᐅᒃᐸᑦ, ᓈᒻᒪᓈᕐᓯᒪᑦᓯᐊᕐᓂᖃᕐᐸᓪᓗ, ᓂᕐᑐᕐᓇᕐᑐᖃᕐᐸᓪᓗ, ᑕᒪᒃᑯᐊ ᐃᓱᒪᒃᓴᕐᓯᐅᕈᑎᒋᓯᒋᒃ.

ᑯᓘᓯᐊᒥᐅᓄᑦ 1:9

ᑍᒤᒻᒪᑦ ᐅᓪᓗᒥᑦ ᑍᑦᓱᒪᓂ ᑐᓴᓚᐅᕐᓂᑦᑎᓂᑦ, ᑐᒃᓯᐅᑦᔩᓐᓇᕐᐳᒍᑦ ᐃᓕᑦᓯᓐᓂᒃ, ᖃᐅᔨᑎᑕᐅᖁᓪᓗᓯ ᑖᑦᓱᒪ ᐱᔪᒪᔭᖓᓂᒃ ᑕᒤᓐᓂᒡᓗ ᐊᓂᕐᓂᒃᑯᑦ ᓯᓚᑐᓂᕐᒥᒃ ᑐᑭᓯᓂᕐᒥᒡᓗ,

ᑯᓘᓯᐊᒥᐅᓄᑦ 2:3

ᑖᓐᓇᑐᐊᖅ ᒪᑐᐃᕐᓯᔪᓐᓇᕐᒪᑦ ᑕᒤᓐᓂᒃ ᐃᔨᕐᓯᒪᔪᓂᒃ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ.

ᐄᑉᕈᐃᓄᑦ 11:6

ᐅᒃᐱᕐᓂᖃᖏᓪᓗᓂ ᒎᑎᒧᑦ ᖁᕕᐊᒋᔭᐅᓂᖅ ᐊᔪᕐᓇᕕᒃᐳᖅ. ᒎᑎᒧᐊᕈᒪᔪᖅ ᒎᑎᖃᕐᑐᒥᒃ ᐅᒃᐱᕐᑐᒃᓴᐅᕗᖅ ᑖᓐᓇ ᕿᓂᕐᑎᒥᓄᑦ ᐊᑭᓖᔪᓐᓇᕐᒪᑦ.

ᐄᑉᕈᐃᓄᑦ 12:15

ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.

ᐄᑉᕈᐃᓄᑦ 6:11

ᐃᓇᑦᓯᓪᓚᕆᒃᐳᒍᑦ ᐃᓕᑦᓯ ᐊᑐᓂᑦ ᑲᑦᓱᖕᒊᕐᓯᒪᓂᕆᔭᓯ ᑲᔪᓯᑦᓯᐊᖁᓪᓗᒍ ᐃᓱᐊᓄᑦ, ᓂᕆᐅᖕᓂᕆᔭᓯ ᑲᔪᓯᑦᓯᐊᕈᓐᓇᖁᓪᓗᒍ.

ᔮᓱᐊᑉ ᐊᒡᓚᖏᑦ 7:3

ᐅᑎᕋᒥᒃ ᔮᓱᐊᒧᑦ ᐅᖃᕐᐳᑦ, “ᐃᓄᓕᒫᑦ ᐂᔭᕆᐊᖃᓐᖏᓚᑦ ᐅᓇᑕᕆᐊᕐᓗᑎᒃ ᐂᒧᑦ, ᑎᓕᓯᓕᕆᑦ ᐃᒻᒪᖄ 2,000ᓂᒃ ᐅᕝᕙᓗ 3,000ᓂᒃ ᐊᖑᑎᓂᒃ ᐅᓇᑕᕆᐊᖁᓪᓗᒋᑦ ᐂᒥᒃ; ᐅᓇᑕᕐᑐᒃᓴᓕᒫᑦ ᑎᓕᔭᕆᐊᖃᓐᖏᑕᑎᑦ, ᐅᓇᑕᕐᑐᒃᓴᖏᑦ ᐅᓄᖏᒻᒪᑕ.”

ᐲᑦᑐᕉᓯ ᓯᕗᓪᓖᑦ 3:7

ᑍᒫᑦᓮᓐᓇᕐᑕᐅᖅ ᐅᐃᖑᔪᓯ, ᓄᓕᐊᓯ ᐃᓅᖃᑎᒋᑦᓯᐊᒐᒃᓴᕆᕙᓯ, ᐅᐱᒋᑦᓯᐊᕐᓗᒋᓪᓗ ᑎᒥᒥᒃᑎᒍᑦ ᓴᓐᖐᓐᓂᕐᓴᐅᖕᒪᑕ, ᑖᒃᑯᐊᑦᑕᐅᖅ ᐱᑎᑕᐅᖃᑎᒋᔪᒫᕋᑦᓯᐅᒃ ᒎᑎᐅᑉ ᐱᔪᓐᓇᕐᓯᑎᑦᓯᓂᖓᓂᒃ ᐃᓅᓯᕐᒥᒃ, ᑍᒤᓕᐅᕐᑐᒃᓴᐅᕗᓯ ᑐᒃᓯᐊᖃᑦᑕᕐᓂᓯ ᐊᒡᕕᐊᕐᑕᐅᖁᓇᒋᑦ.

ᐲᑦᑐᕉᓯ ᐂᑉᐸᖏᑦ 1:10

ᑍᒤᒻᒪᑦ ᐅᒃᐱᖃᑎᒃᑲ, ᐊᒃᓱᕈᒃᑲᓐᓂᕆᐊᖃᕐᐳᓯ ᕾᖁᔭᐅᓯᒪᓂᓯ ᓂᕈᐊᕐᑕᐅᓯᒪᓂᓯᓗ ᑲᔪᓯᑎᓐᓇᓱᐊᕐᓗᒋᑦ, ᑍᒤᒃᑯᑦᓯ ᐅᒃᐱᕐᓂᕐᒥᑦ ᑲᑕᖕᓂᐊᓐᖏᒻᒪᕆᒃᐳᓯ;

ᐲᑦᑐᕉᓯ ᐂᑉᐸᖏᑦ 1:11

ᐱᕕᒃᓴᖃᕐᑎᑕᐅᑦᓯᐊᕐᓂᐊᕐᐳᓯᓗ ᐃᑎᕐᕕᒃᓴᕐᑖᖁᓪᓗᓯ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᐅᓕᔨᑦᑕ ᐊᑕᓂᐅᕕᖓᓄᑦ ᐃᓱᖃᖏᑦᑐᒧᑦ.

ᐲᑦᑐᕉᓯ ᐂᑉᐸᖏᑦ 3:14

ᑍᒤᒻᒪᑦ ᓇᒡᓕᒋᔭᒃᑲ, ᑍᒤᑦᑐᒥᒃ ᓂᕆᐅᒃᑎᓪᓗᓯ, ᐊᒃᓱᕈᕆᑦᓯ ᑖᑦᓱᒧᖓ ᑲᑎᔭᐅᖁᓪᓗᓯ ᐊᔪᕐᓂᖃᕐᑎᓐᓇᓯ ᐃᑦᔪᕐᓇᕐᑐᖃᕐᑎᓐᓇᓯᓗ ᑖᑦᓱᒧᖓ ᑎᑭᑕᐅᖁᓪᓗᓯ, ᓮᒪᓂᖃᕐᑎᓪᓗᓯᓗ.

ᐲᑦᑐᕉᓯ ᐂᑉᐸᖏᑦ 3:18

ᐱᕈᕐᐸᓪᓕᐊᓕᕆᑦᓯᓕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂ ᖃᐅᔨᕙᓪᓕᐊᓗᓯᓗ ᐊᑕᓂᑦᑎᓐᓂᒃ ᐱᐅᓕᔨᑦᑎᓐᓂᒡᓗ ᔩᓱᓯ ᙭ᔅᑑᓯᒥᒃ. ᑖᓐᓇ ᓂᕐᑐᕐᑕᐅᓕ ᒫᓐᓇᒥᑦ ᐃᓱᖃᖏᑦᑐᒧᓪᓗ ᐋᒦᓐ.