ᐊᑕᓃᑦ ᐂᑉᐸᖏᑦ 9:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑖᓐᓇ ᐅᕐᓱᖅ ᐊᓕᒎᕐᒦᑦᑐᖅ ᐱᓗᒍ ᓂᐊᖁᐊᓄᑦ ᑯᕕᓗᒍ ᐅᖃᕐᓂᐊᕐᐳᑎᑦ, ‘ᐃᒫᒃ ᐊᑕᓂᖅ ᐅᖃᕐᐳᖅ: ᐅᕐᓱᒧᑦ ᒥᖑᐊᕐᐸᒋᑦ ᐊᖓᔪᖅᑳᕐᔪᐊᖑᓕᖁᓪᓗᑎᑦ ᐃᓴᕆᐊᓕᒥᐅᓄᑦ.’ ᐱᔭᕇᑐᐊᕈᕕᑦ ᐊᓂᓗᑎᑦ ᐅᓪᓚᒃᓯᓂᐊᕐᐳᑎᑦ, ᓄᖅᑲᕐᑍᓕᓗᑎᑦ.”

ᐊᑕᓃᑦ ᐂᑉᐸᖏᑦ 9:3 Iomraidhean Croise

ᐊᑕᓃᑦ ᓯᕗᓪᓖᑦ 1:34

ᑕᕝᕙᓂ ᔭᑑᒃ ᑐᓂᕐᕈᓯᕐᑎᑦᓯᔨᐅᑉ ᓁᑕᓂᐅᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᕐᓱᕐᑎᕐᓗᒍ, ᐊᖓᔪᖅᑳᕐᔪᐊᓐᖑᕐᑎᑕᒃᓴᕆᕚᒃ ᐃᓴᕆᐊᓕᒥᐅᓄᑦ; ᑎᑦᑐᓚᐅᑎᓗ ᓂᓪᓕᕐᑎᑕᐅᓗᓂ, ᐅᖃᕐᓗᓯ, ‘ᐊᑯᓂ ᐃᓅᓕ ᐊᖓᔪᖅᑳᕐᔪᐊᖅ ᓲᓗᒨᓂ!’

ᐊᑕᓃᑦ ᓯᕗᓪᓖᑦ 19:16

ᔨᕼᐆᓗ ᒥᖑᐊᕐᑕᒃᓴᕆᕙᑦ ᓂᒻᓮᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓴᕆᐊᓕᒥᐅᓄᑦ; ᐃᓔᓴᓗ ᓴᕚᑎᐅᑉ ᐃᕐᓂᖓ ᐊᐱᐅᓪ-ᒥᕼᐅᓛᒥᐅᑕᖅ ᒥᖑᐊᕐᑕᒃᓴᕆᕙᑦ ᐅᖃᕐᑎᐅᓂᕐᒧᑦ ᐃᓕᖕᓂᒃ ᑭᖑᕝᕖᔪᒃᓴᐅᖁᓪᓗᒍ.

ᐊᑕᓃᑦ ᐂᑉᐸᖏᑦ 8:13

ᕼᐊᔧᐅᓪᓗ ᐅᖃᐅᑎᕚ, “ᖃᓄᕐᓕ ᑭᒡᒐᕆᔧᑦ, ᕿᒻᒥᐅᖏᓪᓗᓂ ᑍᒫᓗᐊᕌᓗᒃ ᐱᔪᓐᓇᕈᒫᕐᐹ?” ᐃᓔᓴᐅᑉ ᑭᐅᕚ, “ᐊᑕᓂᐅᑉ ᑕᑯᑎᑦᓴᕇᓚᐅᕐᒪᖓ, ᓯᕆᐊᒥᐅᓄᑦ ᐊᖓᔪᖅᑳᕐᔪᐊᓐᖑᕈᒫᕐᓂᕐᓂᒃ.”

ᐊᑕᓃᑦ ᐂᑉᐸᖏᑦ 9:6

ᔨᕼᐆ ᓂᑯᕕᓪᓗᓂ ᐃᒡᓗᒧᑦ ᐃᑎᕐᐳᖅ ᑕᕝᕙ ᑖᑦᓱᒪ ᐊᖑᑎᐅᑉ ᒎᑎᒧᑦ ᐅᖃᕐᑎᒋᔭᐅᔫᑉ ᐅᕐᓱ ᔨᕼᐅᑉ ᓂᐊᖁᖓᓄᑦ ᑯᕕᓪᓗᒍ ᐅᖃᐅᑎᕚ, “ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐅᕐᓱᒧᑦ ᒥᖑᐊᕐᐸᒋᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓴᕆᐊᓕᒥᐅᓄᑦ.

ᑯᕉᓂᑲ ᐂᑉᐸᖏᑦ 22:7

ᔨᕼᐅᕌᒻᒧᑦ ᐳᓛᕆᐊᕐᓂᖓ ᒎᑎᐅᑉ ᐋᖅᑭᒃᓯᒪᓚᐅᕐᐹ ᐊᕼᐊᔧᐊᐅᑉ ᑲᑕᒍᑎᒃᓴᖓᓄᑦ. ᑎᑭᓐᓇᒥᓗ ᑕᕝᕗᖓ ᔨᕼᐅᕋᒻ ᑲᑎᓯᔭᕐᑐᖃᑎᒋᕚ ᔨᕼᐆᒥᒃ ᓂᒻᓮᑉ ᐃᕐᓂᖓᓂᒃ, ᑖᓐᓇ ᐊᑕᓂᐅᑉ ᐱᔪᓐᓇᕐᓂᕐᑖᕐᑎᓚᐅᕐᒪᒍ ᐊᓯᕈᐃᖁᓪᓗᒍ ᐂᕼᐊᑉ ᐃᓚᖏᓐᓂᒃ.

ᒨᓯᓯ ᐂᑉᐸᖏᑦ 29:7

ᑕᕝᕙ ᓇᐹᕐᑑᑉ ᐅᕐᓱᖓ ᑎᒍᓗᒍ, ᓂᐊᖁᖓᓄᑦ ᑯᕕᔭᒃᓴᕆᕙᑦ, ᒥᖑᐊᕐᓗᒍᓗ ᑕᒪᑐᒧᖓ.

ᑖᓂᐊᓕᐅᑉ ᐊᒡᓚᖏᑦ 2:1

ᓂᐱᑯᓁᓴ ᐊᖓᔪᖅᑳᕐᔪᐊᖑᓂᕐᒥ ᐊᕐᕌᒍᖓᑕ ᐂᑉᐸᖓᓂ, ᓯᓐᓇᒃᑑᒪᓚᐅᕐᐳᖅ; ᐃᓱᒪᔮᓕᕐᓗᓂ ᓯᓂᔪᐃᑦᑑᓕᕐᓗᓂᓗ.

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᑖᓂᐊᓕᐅᑉ ᐊᒡᓚᖏᑦ 5:18

“ᐊᖓᔪᖅᑳᕐᔪᐊᖅ, ᒎᑎᐅᑉ ᖁᑦᓯᖕᓂᕐᐹᑉ ᐊᑖᑍᑦ ᓂᐱᑯᓁᓴ ᑐᓂᓯᕕᒋᓚᐅᕐᐹ ᐊᖓᔪᖅᑲᐅᓂᕐᒥᒃ, ᐊᖏᔪᕐᔫᓂᕐᒥᒡᓗ, ᐅᐱᒋᔭᐅᓂᕐᒥᒡᓗ, ᐱᐅᒋᔭᐅᒻᒪᕆᖕᓂᕐᒥᒡᓗ.

ᒨᓯᓯ ᐱᖓᔪᖏᑦ 8:12

ᐂᕉᓂᓗ ᓂᐊᖁᐊᒍᑦ ᑯᕕᓯᕕᒋᕚ ᓇᐹᕐᑑᑉ ᐅᕐᓱᖓᓂᒃ ᑎᓕᔭᐅᓂᖓ ᐊᑕᓂᕐᒧᑦ ᓇᓗᓁᕐᓗᒍ.

ᒫᑎᐅᓯᐅᑉ ᐊᒡᓚᖏᑦ 10:16

“ᑕᑯᒋᑦ ᓰᐱᑎᑐᑦ ᑎᓕᕙᑦᓯ ᐊᒪᕈᐃᑦ ᐊᑯᕐᖓᓐᓄᑦ; ᑍᒤᒻᒪᑦ ᖁᒡᓗᒋᐊᑎᑐᑦ ᐅᑦᔨᕐᓱᑎᐊᕆᑦᓯ, ᑑᕕᑎᑐᓪᓗ ᐱᖁᓐᓂᕐᑎᒋᓗᓯ.

ᒫᑎᐅᓯᐅᑉ ᐊᒡᓚᖏᑦ 2:13

ᐊᐅᓪᓚᕐᒪᑕ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᔫᓯᐱ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᐃᕉᑕᓯ ᓄᑕᕋᑯᓗᖕᒥᒃ ᕿᓂᕐᓂᐊᓕᕐᒪᑦ ᑐᖁᑦᓯᔪᒪᓗᓂ. ᑍᒤᒻᒪᑦ ᒪᑭᓕᕆᑦ, ᓄᑕᕋᑯᓗᒃ ᐊᓈᓇᖓᓗ ᓇᒃᓴᕐᓗᒋᒃ ᕿᒫᓕᕆᑦ ᐄᑦᔨᑉᑎᒧᑦ, ᑍᑲᓃᓐᓂᐊᕐᐳᑎᑦ ᐅᕙᓐᓄᑦ ᓅᖁᔭᐅᓕᓚᐅᖏᓐᓂᕐᓂ.”

ᒫᑎᐅᓯᐅᑉ ᐊᒡᓚᖏᑦ 26:7

ᐊᕐᓇᒥᑦ ᐅᐸᒃᑕᐅᕗᖅ ᐳᓪᓚᐅᔭᕐᒥᒃ ᐊᑭᑐᔪᒥᒃ ᑎᐱᑦᓯᐊᕆᒃᓴᐅᒻᒥᒃ ᓇᒃᓴᕐᑐᒥᑦ, ᑖᑦᓱᒪ ᔩᓱᓯᐅᑉ ᓂᐊᖁᐊᓄᑦ ᑯᕕᕚ ᓂᕆᕕᖕᒦᑎᓪᓗᒍ.

ᓴᒧᐃᓕ ᓯᕗᓪᓖᑦ 10:1

ᓴᒧᐃᓕᐅᑉ ᐊᓕᒍᖅ ᐅᕐᓱᒥᒃ ᐃᒪᓕᒃ ᑎᒍᕚ ᑯᕕᓪᓗᒍᓗ ᓴᐅᓕᐅᑉ ᓂᐊᖁᐊᓄᑦ, ᑯᓂᒡᓗᒍᓗ ᐅᖃᐅᑎᕚ, “ᐊᑕᓂᐅᑉ ᐅᕐᓱᕐᑎᕐᐹᑎᑦ ᐊᖓᔪᖅᑳᕐᔪᐊᓐᖑᖁᓪᓗᑎᑦ ᐃᓄᖁᑎᖏᓐᓄᑦ. ᐊᑕᓂᐅᑉ ᐃᓄᖁᑎᖏᑦ ᐊᖓᔪᖅᑲᐅᕕᒋᓂᐊᕐᐸᑎᑦ ᓴᐳᑎᓗᒋᓪᓗ ᐊᑭᕋᕐᑐᕐᑎᖏᓐᓂᑦ ᖃᓂᒋᔭᖏᓐᓃᑦᑐᓂᑦ. ᑕᒪᓐᓇᓗ ᓇᓗᓁᒃᑯᑕᕆᓂᐊᕐᐸᑦ ᐊᑕᓂᐅᑉ ᐅᕐᓱᕐᑎᕐᒪᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓄᖁᑎᖏᓐᓄᑦ.

ᓴᒧᐃᓕ ᓯᕗᓪᓖᑦ 15:1

ᓴᒧᐃᓕᓗ ᐅᖃᕐᐳᖅ ᓴᐅᓕᒧᑦ, “ᐊᑕᓂᐅᑉ ᑎᓕᕚᖓ ᐅᕐᓱᕐᑎᕐᑕᐅᖁᓪᓗᑎᑦ ᐊᖓᔪᖅᑳᕐᔪᐊᖑᓂᐊᕐᓗᑎᑦ ᐃᓄᖁᑎᖏᓐᓄᑦ ᐃᓴᕆᐊᓕᒥᐅᓄᑦ; ᒫᓐᓇ ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᑦ ᓈᓚᓕᒃᑭᑦ.

ᓴᒧᐃᓕ ᓯᕗᓪᓖᑦ 15:17

ᓴᒧᐃᓕᓗ ᐅᖃᕐᐳᖅ, “ᒥᑭᔫᑎᓪᓗᑎᑦ ᐃᔨᕕᑦ ᓵᖓᓂ, ᐊᖓᔪᖅᑳᖑᓐᖏᓚᑏᑦ ᐃᓴᕆᐊᓕᒥᐅᑦ ᑭᖑᕚᖏᓐᓅᑦ? ᐊᑕᓂᐅᑉ ᐅᕐᓱᕐᑎᓚᐅᕐᐹᑎᑦ ᐊᖓᔪᖅᑳᕐᔪᐊᖑᖁᓪᓗᑎᑦ ᐃᓴᕆᐊᓕᒥᐅᓄᑦ.

ᓴᒧᐃᓕ ᓯᕗᓪᓖᑦ 16:2

ᓴᒧᐃᓕᓗ ᐅᖃᕐᐳᖅ, “ᖃᓄᕐᓕ ᐊᐅᓪᓚᕈᓐᓇᕐᐳᖔ? ᓴᐅᓕ ᑐᓴᕈᓂ ᑐᖁᒃᑲᔭᕐᐹᖓ.” ᐊᑕᓂᕐᓗ ᐅᖃᕐᐳᖅ, “ᑐᒃᑐᕙᐅᑉ ᓄᕐᕋᖓᓂᒃ ᓇᒃᓴᕐᓗᑎᑦ, ᐅᖃᕐᑐᒃᓴᐅᕗᑎᑦ, ‘ᑎᑭᑉᐳᖓ ᑐᓂᕐᕈᓯᕆᐊᕐᑐᕐᓗᖓ ᐊᑕᓂᕐᒧᑦ.’

ᓴᒧᐃᓕ ᓯᕗᓪᓖᑦ 9:16

“ᖃᐅᒃᐸᑦ ᑍᒤᓪᓗᐊᓕᕐᑎᓪᓗᒍ ᑎᓕᓯᕕᒋᔪᒫᕐᐸᒋᑦ ᐊᖑᒻᒥᒃ ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ; ᑖᓐᓇ ᐅᕐᓱᕐᑎᕈᒫᕐᐸᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ. ᑖᑦᓱᒪ ᐃᓄᖁᑎᒃᑲ ᐱᐅᓕᔪᒫᕐᐰᑦ ᐱᓕᔅᑍᓂᒥᐅᓂᑦ; ᐃᓄᖁᑎᒪ ᐅᖁᒤᑦᑐᒦᓐᓂᖏᑦ ᑕᑯᓯᒪᓕᕋᒃᑭᑦ, ᓂᓪᓕᐊᓂᖏᑦ ᐅᕙᓐᓄᑦ ᑎᑭᓯᒪᓕᕐᒪᑕ.”