ᐊᑕᓃᑦ ᐂᑉᐸᖏᑦ 8:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᒋᕼᐊᔨᐅᑉ ᐊᖓᔪᖅᑳᕐᔪᐊᖅ ᐅᓂᒃᑲᐅᑎᕚ, ᐃᓔᓴᐅᑉ ᑐᖁᖓᔪᓂᒃ ᐅᒻᒫᕐᑎᑦᓯᖃᑦᑕᕐᓯᒪᓂᖓᓂᒃ ᑖᑦᓱᒪᓗ ᐊᕐᓇᐅᑉ ᓄᓇᖁᑎᒥᓂᒃ ᐃᒡᓗᒥᓂᒡᓗ ᐅᑎᕐᑎᑦᓯᕕᐅᔪᒪᓪᓗᓂ ᐊᖓᔪᖅᑳᕐᔪᐊᕐᒧᐊᕐᑑᑉ ᐃᕐᓂᖓᓂᒃ ᐆᒻᒪᕐᑎᑦᓯᓚᐅᕐᓯᒪᓂᖓᓂᒃ. ᒋᕼᐊᔨᐅᑉ ᐅᖃᐅᑎᕚ, “ᑖᓐᓇ ᑕᕝᕙ ᐊᕐᓇᖅ ᐊᑕᓃᖅ ᐊᖓᔪᖅᑳᕐᔪᐊᖅ, ᐅᓇ ᑕᕝᕙ ᐃᕐᓂᖓ ᐃᓔᓴᐅᑉ ᐆᒻᒪᕐᑎᓚᐅᕐᓯᒪᔭᖓ.”

ᐊᑕᓃᑦ ᐂᑉᐸᖏᑦ 8:5 Iomraidhean Croise

ᐊᑕᓃᑦ ᓯᕗᓪᓖᑦ 20:1

ᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᐱᓐ-ᕼᐊᑖᑦ ᐅᓇᑕᕐᑎᖁᑎᓕᒫᒥᓂᒃ ᑲᑎᕐᓱᐃᕗᖅ, ᐊᖓᔪᖅᑳᕐᔪᐊᓪᓗ 32 ᐃᓚᒋᕔᑦ, ᕿᒻᒥᕐᔪᐊᖏᓪᓗ ᐅᓇᑕᐅᑎᖏᓪᓗ ᐊᒃᓴᓗᐊᓖᑦ; ᒪᔪᐊᕋᒥᓗ ᐅᓇᑕᕆᐊᕐᐳᖅ ᓴᒥᐊᕆᐊᓗ ᓵᓚᒋᓪᓗᒍ.

ᐊᑕᓃᑦ ᐂᑉᐸᖏᑦ 4:12

ᐃᑲᔪᕐᑎᓂ ᒋᕼᐋᓯ ᐅᖃᐅᑎᓕᕐᐹ, “ᓲᓇᒤᑎᒥᐅᑕᖅ ᕾᖁᓚᐅᕈᒃ.” ᑕᕝᕙ ᕾᖁᔭᕐᑐᕐᒪᒍ ᐊᕐᓇᖅ ᑕᕝᕗᓐᖓᕐᐳᖅ.

ᐊᑕᓃᑦ ᐂᑉᐸᖏᑦ 4:35

ᐃᓔᓴ ᓂᑯᕕᓪᓗᓂ, ᐃᒡᓗᕈᓯᐅᑉ ᐃᓗᐊᓂ ᐊᕙᒻᒧᑲᑕᓚᐅᕐᓗᓂ, ᐊᒻᒪ ᖄᖓᓄᑦ ᐃᓯᕕᑦᓯᐊᕐᓗᓂ ᑍᒤᓕᖓᓕᕆᕗᖅ, ᓄᑲᑉᐱᐊᖅ ᑕᒋᐅᕐᓴᓚᐅᕐᓗᓂ 7ᑐᕐᓗᓂ, ᐅᐃᑉᐳᖅ.

ᐊᑕᓃᑦ ᐂᑉᐸᖏᑦ 6:12

ᐊᖓᔪᖅᑳᖁᑎᖓᑦᑕ ᐃᓚᖓᑦ ᑭᐅᕗᖅ, “ᓇᓪᓕᑦᑎᓐᓂᐅᖏᑦᑐᖅ, ᐊᑕᓂᕋ ᐊᖓᔪᖅᑳᕐᔪᐊᖅ! ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐃᓔᓴ ᐅᓂᒃᑲᐅᑦᔨᖃᑦᑕᕐᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᓯᓂᒃᕕᖃᕐᕕᖕᓂ ᐅᖃᕐᑕᑎᑦ ᐊᒡᓛᑦ ᖃᐅᔨᒪᖃᑦᑕᕐᐰᑦ.”

ᐊᑕᓃᑦ ᐂᑉᐸᖏᑦ 6:26

ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᐊᖅᑯᓵᕐᑎᓪᓗᒍ ᐊᕙᓗᕐᔪᐊᑉ ᑭᒡᓕᖓᒍᑦ, ᐊᕐᓇᒧᑦ ᓂᓪᓕᐊᕕᐅᓕᕐᐳᖅ, “ᐊᑕᓃᖅ ᐊᖓᔪᖅᑳᕐᔪᐊᖅ, ᐃᑲᔪᓚᐅᓐᖓ.”

ᐊᑕᓃᑦ ᐂᑉᐸᖏᑦ 8:6

ᐊᖓᔪᖅᑳᕐᔪᐊᓪᓗ ᐊᕐᓇᖅ ᑕᒪᑐᒥᖓ ᐊᐱᕐᓱᒃᑲᓐᓂᕐᐹ, ᐊᕐᓇᐅᓪᓗᑦᑕᐅᖅ ᐅᓂᒃᑲᐅᑎᑦᓯᐊᕐᐹ ᑕᒪᑐᒥᖓ. ᑕᕝᕙ ᐊᖓᔪᖅᑳᕐᔪᐊᖅ ᐊᖓᔪᖅᑳᖁᑎᒥᓂᒃ ᑎᓕᓯᕗᖅ ᐊᕐᓇᐅᑉ ᐱᔪᒪᔭᖏᓐᓂᒃ ᑲᒪᓂᐊᕐᑐᒥᒃ, ᐅᖃᕐᓗᓂᓗ, “ᐊᕐᓇᐅᑉ ᐱᒋᓚᐅᕐᑕᓕᒫᖏᑦ ᐅᑎᕐᑎᑕᐅᓕᑦ ᑮᓇᐅᔭᓕᐊᕆᓚᐅᕐᑕᖏᓪᓗ ᓄᓇᖁᑎᒥᓄᑦ ᐅᓪᓗᒥᑦ ᑍᑦᓱᒪᓐᖓᑦ ᐊᐅᓪᓚᕐᕕᒋᓚᐅᕐᑕᖓᓂᑦ ᐱᒋᐊᕐᓗᒋᑦ ᐅᓪᓗᒥᒧᑦ ᑎᑭᑦᑐᓂᒃ ᑐᓂᔭᐅᓗᓂ.”

ᐃᔅᑕᐅᑉ ᐊᒡᓚᖏᑦ 5:14

ᑕᕝᕙ ᓄᓕᐊᖓᑕ ᔨᕆᓯᐅᑉ ᐃᓚᓐᓇᕆᔭᓕᒫᖏᑕᓗ ᐅᖃᐅᑎᕚᑦ, “ᕿᒥᑦᓯᕕᒃᓴᒥᒃ ᓴᓇᔭᐅᑎᑦᓯᓚᐅᕆᑦ 75ᓂᒃ ᐃᑎᒐᖕᓂᒃ ᐳᕐᑐᓂᖃᕐᑎᓪᓗᒍ, ᐅᓪᓛᒃᑯᑦ ᐊᖓᔪᖅᑳᕐᔪᐊᖅ ᐅᖃᐅᑎᓂᐊᕋᕕᐅᒃ ᒧᐊᑎᑬ ᑕᕝᕙᓂ ᕿᒥᑕᐅᖁᓗᒍ; ᑕᕝᕙ ᖁᕕᐊᓱᑦᓯᐊᕐᓗᑎᑦ ᐊᖓᔪᖅᑳᕐᔪᐊᖅ ᓂᕆᕕᒡᔪᐊᕆᐊᕐᑐᖃᑎᒋᓛᕐᐸᑦ.” ᑕᒪᓐᓇ ᕼᐂᒪᓂᐅᑉ ᖁᕕᐊᒋᒐᒥᐅᒃ; ᑕᕝᕙ ᕿᒥᑦᓯᕕᒃᓴᒥᒃ ᓴᓇᔭᐅᑎᑦᓯᓕᕐᐳᖅ.

ᐃᓐᖏᕈᑎᑦ 145:1

ᐊᖏᔪᕈᕐᑎᑦᓱᒪᕙᒋᑦ ᒎᑎᒐ, ᐊᖓᔪᖅᑳᕐᔪᐊᖑᔪᑎᑦ; ᐊᑏᓪᓗ ᓂᕐᑐᕐᓇᕐᓯᑎᓐᓂᐊᕐᐸᕋ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:9

ᐃᓅᑉ ᐃᓱᒪᖓᑕ ᐊᑐᕐᓂᐊᕐᑕᖏᓐᓂᒃ ᐋᖅᑭᒃᓲᑎᕚ, ᐊᑕᓂᐅᓪᓕ ᑕᓯᐅᕐᐹ ᐱᓱᖕᓂᖏᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:11

ᓯᕿᓂᐅᑉ ᐊᑖᓂ ᑕᑯᓚᐅᕆᕗᖓ ᐃᒫᒃ: ᓱᒃᑲᓕᓂᕐᒧᑦ ᓵᓚᖃᕋᓱᐊᕐᓂᖅ ᓱᒃᑲᓕᓂᕐᐹᒧᑦ ᑐᕌᖓᖏᒻᒪᑦ, ᐅᓇᑕᕐᓂᕐᓗ ᓴᓐᖏᔪᒧᑦ ᑐᕌᖓᓇᓂ, ᓂᕿᒃᓴᕐᓗ ᓯᓚᑐᔪᒧᑦ ᑐᕌᖓᖕᒥᓇᓂ, ᐊᔪᕐᓴᖏᓐᓂᕐᓗ ᐃᓱᒪᑐᔪᒧᑦ ᑐᕌᖓᖕᒥᓇᓂ, ᖁᕕᐊᒋᔭᐅᓂᕐᓗ ᓴᓇᑐᔪᒧᑦ ᑐᕌᖓᖕᒥᓇᓂ; ᐱᕕᒃᓴᒧᓪᓕ ᓇᓪᓕᐅᑎᔪᓄᓪᓗ ᑕᒪᕐᒥᒃ ᑎᑭᑕᐅᕙᒃᐳᑦ.

ᕉᒪᒥᐅᓄᑦ 8:31

ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?

ᕉᑎᐅᑉ ᐅᓂᒃᑲᐅᓯᓂᖓ 2:3

ᑕᕝᕙ ᕉᑎ ᐂᓕᕐᐳᖅ, ᐱᕈᕐᓰᕕᖕᒧᐊᕋᒥ ᑲᑎᕐᓱᐃᔪᑦ ᑭᖑᓂᖓᓐᓂ ᒪᓕᒡᓗᓂ ᑲᑎᕐᓱᐃᓕᕐᐳᖅ ᐱᔭᐅᖏᑦᑐᓂᒃ. ᖃᐅᔨᒪᓇᓂᓕ ᐳᐊᓯᐅᑉ ᐱᕈᕐᓰᕕᖓ ᓇᓚᐅᓐᓂᕐᓗᓂᐅᒃ, ᐃᓔᒥᓕᑭᐅᑉ ᐃᓚᒋᔭᖓᑕ.

ᓴᒧᐃᓕ ᓯᕗᓪᓖᑦ 26:17

ᓴᐅᓕ ᐃᓕᑕᕐᓯᕗᖅ ᑍᕕᑎᐅᑉ ᓂᐱᖓᓂᒃ ᐊᐱᕆᓪᓗᓂᓗ, “ᑍᕕᑏ ᐃᕝᕕᐅᕖᑦ, ᐃᕐᓃᒃ?” ᑍᕕᑎ ᑭᐅᕗᖅ, “ᓂᐱᒊᓐᓇ, ᐊᖓᔪᖅᑳᒃ, ᐊᖓᔪᖅᑳᕐᔪᐊᕋ.”