ᐊᑕᓃᑦ ᐂᑉᐸᖏᑦ 8:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᔪᕌᒥᐅᑉ ᐂᕼᐊᑉ ᐃᕐᓂᖓᑕ ᐊᐅᓚᑦᓯᓂᖓᑦᑕ ᐊᕐᕌᒍᑦ ᑕᓪᓕᒪᖓᓐᓂ ᔨᕼᐆᓴᐸᑦ ᐊᖓᔪᖅᑳᕐᔪᐊᕆᔭᐅᑎᓪᓗᒍ ᔫᑕᒥᐅᓄᑦ. ᔨᕼᐅᕌᒥ ᔨᕼᐆᓴᐸᐅᑉ ᐃᕐᓂᖓ ᐊᐅᓚᑦᓯᓕᕐᐳᖅ ᔫᑕᒥ.

ᐊᑕᓃᑦ ᐂᑉᐸᖏᑦ 8:16 Iomraidhean Croise

ᐊᑕᓃᑦ ᓯᕗᓪᓖᑦ 22:42

ᔨᕼᐆᓴᐸᑦ ᐊᖓᔪᖅᑳᕐᔪᐊᕈᕐᑎᓪᓗᒍ ᐊᕐᕌᒍᖃᓚᐅᕐᐳᖅ 35ᓂᒃ, ᐊᖓᔪᖅᑳᕐᔪᐊᖑᓚᐅᕐᐳᕐᓗ ᐊᕐᕌᒍᓂᒃ 25ᓂᒃ ᔨᕉᓴᓕᒥ. ᐊᓈᓇᖓ ᐊᑎᖃᕐᐳᖅ ᐊᔪᐸᒥᒃ ᓮᕼᐂᑉ ᐸᓂᖓᓂᒃ.

ᐊᑕᓃᑦ ᓯᕗᓪᓖᑦ 22:44

ᔨᕼᐆᓴᐸᑦᓗ ᐃᓚᓕᐅᕆᓚᐅᕐᐳᖅ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓂᒃ.

ᐊᑕᓃᑦ ᓯᕗᓪᓖᑦ 22:50

ᔨᕼᐆᓴᐸᑦᓕ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᓯᕗᓕᕐᒥᓂ ᑍᕕᑎᐅᑉ ᐃᒡᓗᒐᓴᖏᓐᓂ; ᐃᕐᓂᖓᓗ ᔨᕼᐅᕌᒻ ᐊᖓᔪᖅᑳᕐᔪᐊᕈᕐᐳᖅ ᐃᓂᖓᓂ.

ᐊᑕᓃᑦ ᓯᕗᓪᓖᑦ 22:51

ᐊᕼᐊᔧᐊ ᐂᕼᐊᐱᐅᑉ ᐃᕐᓂᖓ ᐊᖓᔪᖅᑳᕐᔪᐊᕈᓚᐅᕐᐳᖅ ᐃᓴᕆᐊᓕᒥᐅᓄᑦ ᓴᒥᐊᕆᐊᒥ, ᔨᕼᐆᓴᐸᑦ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᔫᑕᒥ ᐊᕐᕌᒍᓂᒃ 17ᓂᒃ, ᐊᕼᐊᔧᐊᓗ ᐊᖓᔪᖅᑳᕐᔪᐊᖑᓚᐅᕐᐳᖅ ᐃᓴᕆᐊᓕᒥ ᐊᕐᕌᒎᖕᓂᒃ ᒪᕐᕉᖕᓂᒃ.

ᐊᑕᓃᑦ ᐂᑉᐸᖏᑦ 1:17

ᐊᑕᓂᐅᓪᓗ ᐅᖃᕐᑕᖓ ᐃᓔᑦᔭᒃᑯᑦ ᒪᓕᒡᓗᒍ ᑐᖁᕗᖅ. ᐊᕼᐊᔧᐊ ᐃᕐᓂᖃᓚᐅᖏᒻᒪᑦ, ᓄᑲᖓ ᔪᕌᒻ ᐊᖓᔪᖅᑳᕐᔪᐊᓐᖑᕐᐳᖅ ᑖᑦᓱᒪ ᐃᓂᖓᓂ, ᐊᕐᕌᒎᑉ ᐂᑉᐸᕆᓕᕐᑕᖓᓂ ᔨᕼᐅᕌᒻ ᔨᕼᐆᓴᐸᐅᑉ ᐃᕐᓂᖓ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥᐅᓄᑦ.

ᐊᑕᓃᑦ ᐂᑉᐸᖏᑦ 11:2

ᔨᕼᐅᓰᐸ ᐊᖓᔪᖅᑳᕐᔪᐊᑉ ᔪᕌᒻ ᐸᓂᖓ ᐊᕼᐊᔧᐊᐅᑉ ᓇᔭᖓ, ᐃᔨᕋᕐᑐᕐᓗᓂ ᔪᐊᓯ ᐊᕼᐊᔧᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᑉ ᕿᑐᕐᖓᖏᓐᓂᑦ ᑎᒍᕚ ᑐᖁᕋᕐᑕᐅᖏᓐᓂᖏᓐᓂ ᐊᕝᕗᑎᑎᓪᓗᒍ ᐊᑕᓔᐊᒥᑦ ᐃᔨᕐᐹ. ᑖᓐᓇ ᑐᖁᑕᐅᓚᐅᓐᖏᓚᖅ.

ᐊᑕᓃᑦ ᐂᑉᐸᖏᑦ 3:1

ᔨᕼᐆᓴᐸᑎᐅᑉ ᐊᖓᔪᖅᑳᕐᔪᐊᖑᓂᖓᑕ ᔫᑕᒥ ᐊᕐᕌᒍᐃᑦ 18ᒋᓕᕐᑕᖓᓂ ᔨᕼᐅᕋᒻ ᐂᕼᐋᐱᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᕐᐳᖅ ᐃᓴᕆᐊᓕᒥᐅᓄᑦ ᓴᒥᐊᕆᐊᑉ ᓄᓇᖓᓂ, ᐊᖓᔪᖅᑳᕐᔪᐊᖑᓚᐅᕐᐳᕐᓗ ᐊᕐᕌᒍᓂᒃ 12ᓂᒃ.

ᐊᑕᓃᑦ ᐂᑉᐸᖏᑦ 8:25

ᔪᕌᒥᐅᑉ ᐂᕼᐊᐱᐅᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᑦ 12ᖓᓐᓂ, ᐊᕼᐊᔧᐊ ᔨᕼᐅᕌᒥᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᕐᐳᖅ ᔫᑕᒥ.

ᑯᕉᓂᑲ ᐂᑉᐸᖏᑦ 22:1

ᔨᕉᓴᓕᒥᐅᑦ ᐃᓄᖏᑦ ᐊᖓᔪᖅᑳᕐᔪᐊᕈᕐᑎᑦᓯᕗᑦ ᐊᕼᐊᔧᐊᒥᒃ ᐊᖓᔪᖅᑳᕐᔪᐊᑉ ᐃᕐᓂᖏᓐᓂᑦ ᓄᑲᕐᓕᕐᐹᒥᒃ, ᐊᕐᓵᕐᑎᕆᔩᑦ ᐋᕋᑉᒥᐅᑦ ᑐᖁᕅᓚᐅᕐᒪᑕ ᐊᖓᔪᓕᒫᖏᓐᓂᒃ. ᑍᒤᒻᒪᑦ ᐊᕼᐊᔧᐊ ᔨᕼᐅᕌᒻᒥᐅᑉ ᐃᕐᓂᖓ ᐊᖓᔪᖅᑳᕐᔪᐊᕈᕐᐳᖅ ᔫᑕᒧᑦ ᐊᐅᓚᑦᓯᓕᕐᓗᓂᓗ.