ᐊᑕᓃᑦ ᐂᑉᐸᖏᑦ 8:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᕼᐊᔧᐅᓪᓗ ᐊᐱᕆᓕᕐᐹ, “ᓱᖕᒪᑦ ᐊᑕᓂᕋ ᖁᕝᕕᐅᕐᐹ?” ᐃᓔᓴᐅᑉ ᑭᐅᕚ, “ᖃᐅᔨᒪᒐᒪ ᐃᓴᕆᐊᓕᒥᐅᓂᒃ ᐱᑦᓯᐊᖏᑦᓱᒫᕋᕕᑦ, ᐃᑯᐊᓪᓔᔪᒫᕐᐳᑎᑦ ᐃᒡᓗᒐᓴᖁᑎᖏᓐᓂᒃ ᐱᔭᐅᑦᔧᕐᓯᒪᔪᓂᒃ, ᐅᕕᒐᕐᑐᖁᑎᖏᓪᓗ ᑐᖁᕋᕈᒫᕐᐸᑎᑦ ᓴᕕᒡᔪᐊᕐᒧᑦ, ᓄᑕᕋᖏᓪᓗ ᐃᖅᑲᑦᑖᕆᓗᒋᑦ ᑐᖁᑦᓱᒫᕐᐸᑎᑦ, ᐊᕐᓇᖏᓪᓗ ᓄᑕᕋᒃᓴᓖᑦ ᓈᖏᑦ ᓰᒡᓗᒋᑦ ᐊᕐᒪᕐᑎᕈᒫᕐᐸᑎᑦ.”

ᐊᑕᓃᑦ ᐂᑉᐸᖏᑦ 8:12 Iomraidhean Croise

ᐊᑕᓃᑦ ᓯᕗᓪᓖᑦ 18:13

ᑐᓴᓚᐅᓐᖏᓚᑏᑦ? ᐊᖓᔪᖅᑳᒃ ᖃᓄᐃᓕᐅᓚᐅᕐᒪᖔᕐᒪ ᔨᔨᐱᐅᓪ ᑐᖁᕅᑎᓪᓗᒍ ᐊᑕᓂᐅᑉ ᐅᖃᕐᑎᖏᓐᓂᒃ, ᐃᔨᕐᓯᓚᐅᕋᒪ ᐊᑕᓂᐅᑉ ᐅᖃᕐᑎᖏᓐᓂᒃ 100ᓂᒃ, ᕾᕈᓱᖕᒧᐊᕐᑎᓚᐅᕐᐸᒃᑲ 50ᐅᓈᕐᑎᕐᓗᒋᑦ, ᓂᕆᑎᓪᓗᒋᓪᓗ ᓂᐊᖂᔭᒥᒃ ᐃᒥᕐᑎᓪᓗᒋᓪᓗ.

ᐊᑕᓃᑦ ᓯᕗᓪᓖᑦ 19:17

ᐃᒤᑦᓱᒫᕐᐳᖅ ᕼᐊᔧᐅᓪ ᓴᕕᒡᔪᐊᒧᑦ ᑐᖁᓐᖏᑕᖏᑦ, ᔨᕼᐆᑉ ᑐᖁᑦᓱᒫᕐᐰᑦ, ᔨᕼᐆᓪᓗ ᓴᕕᒡᔪᐊᒧᑦ ᑐᖁᓐᖏᑕᖏᑦ, ᐃᓔᓴᐅᑉ ᑐᖁᑦᓱᒫᕐᐰᑦ.

ᐊᑕᓃᑦ ᐂᑉᐸᖏᑦ 12:17

ᑍᑦᓱᒪᓂᐅᑎᓪᓗᒍ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᕼᐊᔧᐅᓪ ᐅᓇᑕᕆᐊᕐᑐᓚᐅᕐᐳᖅ ᒑᑎᒥᐅᓂᒃ ᓵᓚᒋᓪᓗᒋᓪᓗ ᑎᒍᕔᑦ, ᑖᒃᑯᓂᖓᓗ ᑎᒍᓯᒐᒥ ᔨᕉᓴᓕᒥᐅᓂᒃᑕᐅᖅ ᐱᓇᓱᐊᕈᒪᓕᓚᐅᕆᕗᖅ.

ᐊᑕᓃᑦ ᐂᑉᐸᖏᑦ 12:18

ᔨᕼᐅᐊᓯᐅᓪᓕ ᔫᑕᐅᑉ ᐊᖓᔪᖅᑳᕐᔪᐊᖓᑦᑕ ᓯᕗᓕᕕᓂᖏᑕ ᔨᕼᐆᓴᐸᑦᑯᑦ ᔨᕼᐅᕌᒥᐅᓪᓗ, ᐊᕼᐊᔧᐊᐅᓪᓗ ᐊᑕᓂᖅ ᐱᓪᓗᒍ ᑲᑎᕐᓱᕐᑕᕕᓂᖏᑦ ᐱᔪᒥᓇᕐᑐᑦ ᓇᖕᒥᓂᕐᓗ ᑲᑎᕐᓱᐊᕕᓂᓂ ᒎᓗᐃᓪᓗ ᐊᑕᓂᐅᑉ ᐃᒡᓗᖓᓃᑦᑐᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᑦ, ᑐᔫᑎᒋᕔᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᕼᐊᔧᐅᓪᒧᑦ, ᑖᒃᑯᓂᖓᓗ ᐱᑎᑕᐅᒐᒥ ᔨᕉᓴᓕᒥᐅᓂᒃ ᑲᒪᓇᓱᐊᕈᓐᓃᓚᐅᕐᐳᖅ.

ᐊᑕᓃᑦ ᐂᑉᐸᖏᑦ 13:22

ᕼᐊᔧᐅᓕ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᓴᕆᐊᓕᒥᐅᑉ ᓵᓚᒋᓯᒤᓐᓇᓚᐅᕐᐰᑦ ᔨᕼᐅᐊᕼᐊᔨ ᐊᖓᔪᖅᑳᕐᔪᐊᖑᓂᓕᒫᖓᓂ ᐃᓴᕆᐊᓕᒥᐅᓄᑦ.

ᐊᑕᓃᑦ ᐂᑉᐸᖏᑦ 13:3

ᐊᑕᓂᐅᓪᓗ ᐃᓴᕆᐊᓕᒥᐅᑦ ᓂᓐᖓᐅᒪᕝᕕᒋᓕᓚᐅᕐᐰᑦ, ᐊᑯᓂᓗ ᕼᐊᔧᐅᓪᒧᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᕐᓂᖓᓄᓪᓗ ᐱᓐ-ᕼᐊᑖᑦᒧᑦ ᓵᓚᒋᔭᐅᓯᒪᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 13:7

ᔨᕼᐅᐊᕼᐊᔨᐅᑉ ᐅᓇᑕᕐᑎᖁᑎᖏᑦ ᐊᒥᐊᒃᑯᑐᐊᖃᓚᐅᕐᐳᑦ 50ᓂᒃ ᕿᒥᕐᔪᐊᓕᖕᓂᒃ, 10ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓃᑦᑐᓂᒃ 10,000ᓂᒡᓗ ᐅᓇᑕᕐᑎᓂᒃ ᐱᓱᒃᑎᓂᒃ; ᓯᕆᐊᒥᐅᑦ ᓄᖑᕋᓚᐅᕐᒪᒋᑦ ᓯᖃᓕᓯᔨᓄᑦ ᓯᖃᓪᓕᔭᐅᔪᑎᑐᑦ ᓱᓇᐅᒋᔭᐅᒐᑎᒃ.

ᐊᑕᓃᑦ ᐂᑉᐸᖏᑦ 15:16

ᑍᑦᓱᒪᓂᐅᑎᓪᓗᒍ ᒥᓇᕼᐃᒻ ᑎᕐᔭᒥᓐᖔᕐᐸᓪᓕᐊᓪᓗᓂ ᓴᒥᐊᕆᐊᒧᐊᓕᕋᒥ ᓄᓇᓖᑦ ᐊᖅᑯᓵᕐᑕᓂ ᑕᐳᐊᒥᐅᑦ ᐃᒡᓗᒐᓴᖏᑦ ᐃᓄᖕᓂᓪᓗ ᓄᓇᖓᑕᓗ ᖃᓂᒋᔭᖓᓅᕐᑐᓕᒫᑦ ᐊᓯᕈᓚᐅᕐᐰᑦ ᐃᒻᒥᖕᓂᒃ ᑐᓂᑦᔪᑎᒋᑐᐃᓐᓇᕈᒪᓚᐅᖏᒻᒪᑕ, ᐊᒡᓛᑦ ᓄᑕᕋᒃᓴᓕᓕᒫᑦ ᓈᖏᑦ ᓰᖄᑦᑕᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 4:28

ᐊᕐᓇᖅ ᐅᖃᓕᕐᐳᖅ, “ᐊᑕᓃᖅ, ᐃᕐᓂᕐᑖᕈᒪᓪᓗᖓ ᐅᖃᐅᑎᓚᐅᕐᐱᒌᑦ? ᐅᖃᐅᑎᓚᐅᓐᖏᓚᒌᑦ? ᓯᓔᕐᕆᔭᐅᔪᒪᓇᖓ.”

ᐂᓮᐊᓯᐅᑉ ᐊᒡᓚᖏᑦ 13:16

ᕿᑐᕐᖓᓛᖏᑦ ᐃᒋᑕᐅᓗᑎᒃ ᑐᖁᕋᕐᑕᐅᔪᒫᕐᐳᑦ ᑕᑯᓐᓈᕐᑎᓪᓗᒋᑦ; ᐃᒡᓗᖏᓪᓗ ᐃᓵᕐᓴᕐᑕᐅᓗᑎᒃ ᑎᒍᓚᕕᐅᔪᒫᕐᐳᑦ, ᓄᓕᐊᖏᓪᓗ ᖁᓄᔪᕐᓂᐊᕐᑕᐅᓗᑎᒃ ᐱᖃᑎᒋᔭᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 13:18

ᐱᑎᒃᓯᒥᖕᓄᑦ ᑐᖁᕅᔪᒫᕐᐳᑦ ᐃᓅᓱᒃᑐᓂᒃ; ᓂᑲᒍᓱᖃᓐᖏᓚᑦ ᐃᒡᓕᐊᕐᒥᑦ ᐊᓂᓯᒪᔪᓂᒃ; ᓄᑕᖅᑲᓂᒡᓗ ᓇᒡᓕᒍᓱᒐᑎᒃ.

ᕼᐆᓯᐊᑉ ᐊᒡᓚᖏᑦ 10:14

ᑍᒤᒻᒪᑦ ᐅᓇᑕᕐᓂᕐᒥᒃ ᓴᖅᑭᑦᑐᖃᕈᒫᕐᐳᖅ ᐃᓅᖃᑎᑦᓯᓐᓂ, ᓴᐴᓗᑕᓕᖁᑎᓕᒫᓯᓗ ᐊᓯᕈᕐᑕᐅᔪᒫᕐᐳᑦ, ᓵᓪᒪᓂᐅᑉ ᐅᓇᑕᕐᑎᓪᓗᒋᑦ ᐊᓯᕈᐃᓚᐅᕐᓯᒪᓂᖓᑐᑦ ᐱᑦ-ᐊᕐᐱᐅᓪᒥᒃ; ᐊᓈᓇᐅᔪᑦ ᒪᓂᖅᑲᒦᑦᑐᑦ ᑐᖁᑕᐅᓚᐅᕐᐳᑦ ᕿᑐᕐᖓᑎᒃ ᐃᓚᒋᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 13:16

ᓴᒥᐊᕆᐊᑉ ᐸᓯᔭᒃᓴᐅᓂᓂ ᓇᖕᒪᒃᑕᒃᓴᕆᕚ, ᐊᑭᕋᕐᑐᓕᓚᐅᕐᒪᑦ ᒎᑎᒥᓂᒃ; ᐅᕐᕈᑎᑕᐅᔪᒫᕐᐳᑦ ᓴᕕᒡᔪᐊᒧᑦ, ᐊᕐᓁᓪᓗ ᓄᑕᕋᖏᑦ ᓄᓇᒧᑦ ᐃᒋᐅᖅᑲᕐᑕᐅᔪᒫᕐᐳᑦ, ᐊᕐᓁᓪᓗ ᓄᑕᕋᒃᓴᓖᑦ ᐱᓚᒃᑕᐅᔪᒫᕐᐳᑦ ᓰᒃᑕᐅᓗᑎᒃ.”

ᕼᐆᓯᐊᑉ ᐊᒡᓚᖏᑦ 14:1

ᐃᓴᕆᐊᓖ, ᐅᑎᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ, ᐹᓪᓚᒃᓯᒪᒐᕕᑦ ᐱᐅᖏᑦᑐᓕᓂᕐᓄᑦ.

ᐂᒨᓯᐅᑉ ᐊᒡᓚᖏᑦ 1:13

ᐊᑕᓂᖅ ᐅᖃᕐᐳᖅ, “ᐊᒧᓁᒥᐅᑦ ᐊᔪᕐᑐᓕᓂᖏᓐᓄᑦ ᐱᖓᓱᓄᑦ, ᓯᑕᒪᖓᑦᑕᓪᓗ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᐊᕐᓇᓂᒃ ᕿᑐᕐᖓᒃᓴᓕᖕᓂᒃ ᐱᓚᒃᓯᓚᐅᕐᒪᑕ ᐊᖕᒪᕐᓗᒋᑦ ᒋᓕᐊᑎᒥ, ᓄᓇᖁᑎᑎᒃ ᐊᖏᒡᓕᒋᐊᕈᒪᓪᓗᒍ.

ᓇᕼᐅᒥᐅᑉ ᐊᒡᓚᖏᑦ 3:10

ᑎᐲᓯᐅᓪᓕ ᐃᓄᖏᑦ ᐊᐅᓪᓚᕈᑦᔭᐅᓕᕐᐳᑦ, ᐊᖅᑯᑏᓪᓗ ᓴᖑᖓᓂᖏᓐᓂ ᕿᑐᕐᖓᖏᑦ ᑏᒐᕆᐅᑦᔭᐅᕙᒃᓗᑎᒃ ᑐᖁᕋᕐᑕᐅᕗᑦ; ᓯᓚᑐᓂᖏᓪᓗ ᓇᓚᐅᑦᑖᕈᑎᒃᑯᑦ ᐱᑖᕐᑐᒐᐅᕗᑦ, ᓯᕗᓕᕐᑎᓕᒫᖏᓪᓗ ᐊᕐᓵᕐᑑᔭᓄᑦ ᐃᐱᕐᑐᕐᑕᐅᓪᓗᑎᒃ.