ᐊᑕᓃᑦ ᐂᑉᐸᖏᑦ 7:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑖᒃᑯᐊ ᐊᖑᑏᑦ ᐅᕕᓂᕐᓘᑎᖃᕐᑐᑦ ᑕᕝᕗᖓ ᑎᑭᓐᓇᒥᒃ ᑐᐲᑦ ᐃᓚᖓᓐᓄᑦ ᐃᑎᕐᐳᑦ, ᓂᕆᓪᓗᑎᒡᓗ ᐃᒥᕐᐳᑦ ᐱᑖᕐᑐᕐᓗᑎᒡᓗ ᓯᐅᓪᕕᕆᓂᒃ ᒎᓗᓂᒡᓗ, ᐊᓐᓄᕌᓂᒡᓗ ᐱᑖᕆᔭᑎᒡᓗ ᐃᔨᕆᐊᕐᑐᕐᐰᑦ, ᑐᐱᕐᓄᑦ ᐅᑎᕐᒥᒐᒥᒃ ᐊᒻᒪ ᐱᔪᒪᔭᒥᖕᓂᒃ ᑎᒍᓯᒋᕗᑦ ᐃᔨᕆᐊᕐᑐᕆᓪᓗᒋᓪᓗ.

ᐊᑕᓃᑦ ᐂᑉᐸᖏᑦ 7:8 Iomraidhean Croise

ᐊᑕᓃᑦ ᐂᑉᐸᖏᑦ 5:24

ᐱᖑᐊᕐᔫᑉ ᖄᖓᓄᐊᕋᒥᒃ ᒋᕼᐋᓯᐅᑉ ᑖᒃᑯᐊᒃ ᐋᓪᓗᓂᒋᒃ ᐃᒡᓗᒧᐊᕈᑎᕔᑦ ᑖᒃᑯᐊᒡᓗ ᐃᑲᔪᕐᑎᒋᔮᖕᓂ ᐅᑎᖁᖕᒪᒋᒃ ᐅᑎᕐᐴᒃ ᐃᓚᒋᖅᑲᐅᔭᒥᖕᓄᑦ.

ᐊᑕᓃᑦ ᐂᑉᐸᖏᑦ 7:9

ᐃᒻᒥᖕᓄᓪᓗ ᐅᖃᓕᕐᐳᑦ, “ᑕᒃᑰᒡᓕ ᑍᒫᖑᖏᑦᑐᖅ ᐱᓕᕐᑐᒍᑦ ᐅᓪᓗᖅ ᑖᓐᓇ ᑐᓴᕈᒥᓇᕐᑐᒥᒃ ᑐᓴᕐᑎᑦᓯᑦᔪᑎᒋᔭᕆᐊᖃᕐᓗᑎᒍ ᖃᐅᔨᒪᔪᑐᐊᕌᓘᕕᒋᓕᕐᑕᕗᑦ, ᐅᓪᓗᑐᖃᓐᖑᕐᓰᑦᔪᑎᒋᒐᓗᐊᕈᑦᑎᒍ ᖃᓄᐃᓐᓇᕐᑐᒧᑦ ᑎᑭᑦᔪᑎᒋᓪᓚᕐᓂᐊᕋᑦᑎᒍ, ᑐᓴᕐᑕᐅᑎᑦᓴᕐᑐᓚᐅᕐᓚᕗᑦ ᐊᖓᔪᖅᑳᕐᔪᐊᖃᕐᕕᑦᑎᓐᓄᑦ.”

ᐂᓮᐊᓯᐅᑉ ᐊᒡᓚᖏᑦ 33:23

ᑎᖏᕐᕋᐅᑕᑦᓯ ᐊᒃᓱᓈᖏᑦ ᖃᓱᖓᓗᐊᕐᐳᑦ, ᓇᐸᕈᑕᓯᓗ ᐊᑦᓱᖏᕐᓯᒪᑦᓯᐊᕋᓂ, ᑎᖏᕐᕋᐅᑕᓯᓗ ᐃᓯᕕᑦᓯᐊᕈᓐᓇᕋᓂ, ᐅᓇᑕᕐᓂᒃᑯᑦ ᑎᒍᔭᐅᔪᑦ ᐱᖁᑎᑦ ᐊᒥᒐᕈᒫᓐᖏᓚᑦ, ᐱᓱᒍᓐᓇᖏᑦᑐᑦ ᐊᒡᓛᑦ ᑎᒍᓯᖃᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 41:8

ᐊᖑᑎᓪᓕ ᖁᓖᑦ ᑖᒃᑯᓇᓂ ᐃᓚᒋᔭᐅᔪᑦ ᐃᓯᒥᐅᓕ ᐅᖃᐅᑎᕚᑦ, “ᑐᖁᑦᑍᓕᑎᒍᑦ, ᐸᐅᕐᖓᒃᓴᓂᒃ ᐱᕈᕐᑐᓂᒡᓗ ᐅᕐᓱᒃᓴᓕᖕᓂᒃ, ᕼᐊᓂᒥᒡᓗ ᐃᔨᕐᓯᓯᒪᒐᑦᑕ ᐱᕈᕐᓰᕕᖕᓂ.” ᑕᕝᕙ ᑐᖁᑦᓱᓐᓃᕐᐰᑦ.

ᒫᑎᐅᓯᐅᑉ ᐊᒡᓚᖏᑦ 13:44

“ᒎᑎᐅᑉ ᐊᑕᓂᐅᕕᖓ ᐊᑦᔨᖃᕐᐳᖅ ᐱᖁᑎᒥᒃ ᐃᓪᓕᕐᓇᕐᑐᒥᒃ ᐃᔨᕐᓯᒪᔪᒥᒃ ᐱᕈᕐᓰᕕᖕᒥ, ᐊᖑᑎᐅᑉ ᓇᓂᒐᒥᐅᒃ ᐃᔨᒃᑲᓐᓂᕆᕚ; ᐊᒃᓱᐊᓗᒃ ᖁᕕᐊᓱᓕᕋᒥ ᐱᖁᑎᓕᒫᓂ ᓂᐅᕐᕈᑎᒋᕔᑦ ᐅᑎᕋᒥ ᑖᓐᓇ ᐱᕈᕐᓰᕕᒃ ᓂᐅᕕᐊᕆᕚ.”

ᒫᑎᐅᓯᐅᑉ ᐊᒡᓚᖏᑦ 25:18

ᐱᔨᓕ ᑮᓇᐅᔭᕐᑖᕐᑎᑕᐅᓚᐅᕐᑐᖅ 1,000ᓂᒃ, ᓄᓇᒥᒃ ᐃᑎᕐᓴᓕᐅᕆᓪᓗᓂ ᐊᖓᔪᖅᑳᖓᑕ ᑮᓇᐅᔭᖏᑦ ᐃᔨᕐᐰᑦ.

ᔮᓱᐊᑉ ᐊᒡᓚᖏᑦ 7:21

ᑎᒍᓚᐅᕐᑕᑦᑕ ᐃᓚᖏᓐᓂᒃ ᑕᑯᓚᐅᕐᐳᖓ ᐱᐅᔪᐊᓗᖕᒥᒃ ᐹᐱᓘᓂᒥᐅᑦ ᐅᓕᒡᔪᐊᖓᓂᒃ, ᓯᐅᓪᕕᕆᓂᒡᓗ ᑕᓪᓕᒪᓂᒃ ᐅᖁᒤᓐᓂᓕᖕᒥᒃ, ᒎᓗᒥᒡᓗ ᐊᑕᐅᓯᕐᒥᒃ ᐅᖁᒤᓐᓂᓕᖕᒥᒃ, ᐱᔪᒪᒻᒪᕆᓕᕋᒃᑭᑦ ᑎᒍᓚᐅᕐᐸᒃᑲ; ᑕᑯᒋᓪᓗ, ᓇᓂᔪᓐᓇᕐᐸᓯ ᓴᐅᓯᒪᔪᑦ ᓄᓇᒥ ᑐᐱᕐᒪ ᐊᑖᓂ, ᓯᐅᓪᕕᕇᑦ ᐊᓪᓕᕐᐸᐅᑎᓪᓗᒋᑦ.”