ᐊᑕᓃᑦ ᐂᑉᐸᖏᑦ 7:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐅᓪᓛᒻᒪᕆᒃᑯᑦ ᒪᑭᓪᓗᑎᒃ ᕿᒫᒃᓯᓚᐅᕐᐳᑦ ᑐᐱᑎᒃ ᐆᒪᔪᖁᑎᑎᒡᓗ ᑍᒤᓕᖓᑐᐃᓐᓇᕐᑎᓪᓗᒋᑦ ᕿᒤᓐᓇᕐᓗᒋᑦ. ᐃᒻᒥᖕᓂᒃ ᐃᓅᑎᒋᐊᑐᐃᓐᓇᓕᕋᒥᒃ ᑕᒤᓐᓂᒃ ᓱᕙᓪᓕᕐᓯᒪᖏᑦᑐᓂᒃ ᕿᒤᓐᓁᓚᐅᕐᐳᑦ.

ᐊᑕᓃᑦ ᐂᑉᐸᖏᑦ 7:7 Iomraidhean Croise

ᐊᑕᓃᑦ ᓯᕗᓪᓖᑦ 10:29

ᐊᐅᓚᑦᔪᑎᒋᖃᑦᑕᕐᑕᖏᓪᓗ ᕿᒧᒃᓯᐅᑏᑦ ᐊᒃᓴᓗᐊᓖᑦ ᐄᑦᔨᑉᑎᒥᑦ ᐱᓯᒪᓚᐅᕐᐳᑦ ᓂᐅᕕᕐᑕᐅᓯᒪᓪᓗᑎᒃ ᐊᑭᖃᕐᑎᓪᓗᒋᑦ 600ᓂᒃ ᓯᐅᓪᕕᕆᓂᒃ ᕿᒻᒥᕐᔪᐊᓪᓗ 150ᓂᒃ; ᐊᖓᔪᖅᑳᕐᔪᐊᓄᓪᓗ ᓂᐅᕐᕈᑎᖃᕐᐸᓚᐅᕐᐳᖅ ᕼᐃᑍᑎᓄᑦ ᓯᕆᐊᓪᓗ ᐊᖓᔪᖅᑳᕐᔪᐊᖏᓐᓄᑦ ᕿᒻᒥᕐᔪᐊᓂᒃ ᕿᒧᒃᓯᐅᑎᓂᒡᓗ ᐊᒃᓴᓗᐊᓕᖕᓂᒃ.

ᐊᑕᓃᑦ ᓯᕗᓪᓖᑦ 20:20

ᐊᑐᓂᑦ ᐊᑭᓕᒥᖕᓂᒃ ᐊᖑᑎᓂᒃ ᑐᖁᑦᓯᕗᑦ; ᑍᒤᒻᒪᑦ ᓯᕆᐊᒥᐅᑦ ᕿᒫᕗᑦ, ᐃᓴᕆᐊᓕᒥᐅᓪᓗ ᒪᓕᒃᐰᑦ, ᐱᓐ-ᕼᐊᑖᑎᓕ ᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᕿᒫᕗᖅ ᕿᒻᒥᕐᔪᐊᒃᑯᑦ ᐊᓐᓇᒃᓗᓂ ᕿᒻᒥᕐᔪᐊᒃᑰᕐᑐᑦ ᐃᓚᒋᓪᓗᒋᑦ.

ᔫᐱᐅᑉ ᐊᒡᓚᖏᑦ 18:11

ᖁᐊᕐᓵᕐᓇᕐᑐᒧᑦ ᑲᑉᐱᐊᓱᒃᑎᑕᐅᓂᐊᕐᐳᖅ ᐊᕙᑎᓕᒫᖓᓂᑦ; ᑭᖕᒥᖓᓄᑦ ᐊᒃᑐᐊᔪᒥᒃ ᒪᓕᒃᑕᐅᖏᓐᓇᕐᓂᐊᕐᐳᖅ.

ᐃᓐᖏᕈᑎᑦ 33:17

ᕿᒧᒃᓯᐅᑎ ᓴᐳᑎᔭᐅᑦᔪᑎᒋᓇᓱᐊᕐᓗᒍ ᓱᕙᓕᑭᐊᖑᕗᖅ; ᓴᐳᑦᔨᓂᐊᓐᖏᓚᕐᓗ ᑭᓇᒥᒡᓘᓐᓃᑦ ᓴᓐᖏᔪᕐᔪᐊᖑᓂᕐᒥᓄᑦ.

ᐃᓐᖏᕈᑎᑦ 68:12

ᐅᓇᑕᕐᑐᒃᓴᕐᔪᐊᑦ ᐊᖓᔪᖅᑳᕐᔪᐊᖏᑦ ᕿᒫᓚᐅᕐᐳᑦ, ᑐᐊᕕᕐᓗᑎᒃ; ᐊᖏᕐᕋᖏᓐᓂ ᐊᒥᐊᒃᑰᔪᑦ ᐱᖁᑎᖏᓐᓂᒃ ᐊᒡᒍᕐᓗᑎᒃ ᐱᑖᕐᑐᓚᐅᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:1

ᐊᖓᔪᖅᑳᕐᔪᐊᑉ ᐆᒻᒪᑎᖓᑕ ᐃᒥᕐᒥᒃ ᑰᖕᓂᖓ ᐊᑕᓂᐅᑉ ᐊᒡᒐᖏᓐᓃᑉᐳᖅ, ᑰᖕᓂᖓ ᓇᒧᑐᐃᓐᓇᖅ ᓵᑎᖃᑦᑕᕈᓐᓇᕐᐹ ᐃᓱᒪᒥᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:1

ᐱᐅᖏᑦᑐᓕᔪᑦ ᕿᒫᕗᑦ ᒪᓕᒃᑕᐅᒐᑎᒃ, ᐃᓱᐊᕐᑐᓕᔪᑦ ᓯᕘᕋᓐᖏᓚᑦ ᓛᔭᑎᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:5

ᑐᒃᑐᖓᔪᑐᑦ ᓱᒃᑲᔪᑎᑐᑦ ᐊᓐᓇᒋᐊᓕᕆᑦ ᐆᒪᔪᕐᓯᐅᕐᑑᑉ ᐱᓇᓱᐊᕐᓂᖓᓂᑦ, ᑎᖕᒥᐊᑎᑐᑦ ᑎᖏᑲᐅᕐᑐᕆᐊᓕᕆᑦ ᕿᒫᓗᑎᑦ ᑎᖕᒥᐊᕐᓂᐊᕐᑎᒥᑦ.

ᐂᓮᐊᓯᐅᑉ ᐊᒡᓚᖏᑦ 2:20

ᐅᓪᓗᒥ ᑖᑦᓱᒪᓂ ᐃᓄᐃᑦ ᐃᒋᐅᖅᑬᓕᕈᒫᕐᐳᑦ ᒎᑎᓐᖑᐊᒥᖕᓂᒃ ᓯᐅᓪᕕᕆᓂᒃ ᒎᑎᓐᖑᐊᒥᖕᓂᒡᓗ ᒎᓗᓂᒃ, ᓇᖕᒥᓂᖅ ᓴᓇᓚᐅᕐᑕᒥᖕᓄᑦ ᑐᒃᓯᐊᕐᕕᒋᖃᑦᑕᕈᒪᓪᓗᒋᑦ, ᐃᒋᑦᓯᔪᒫᕐᐳᑦ ᓄᓇᐅᑉ ᐃᓗᐊᓂᒥᐅᑕᕐᓄᑦ ᐊᕕᓐᖓᐅᔮᕐᑐᓄᑦ ᐊᕕᓐᖓᐅᔮᕐᑐᓄᓪᓗ ᐃᓴᕈᓕᖕᓄᑦ.

ᐄᑉᕈᐃᓄᑦ 6:18

ᒎᑎ ᑍᒤᓕᐅᓚᐅᕐᐳᖅ, ᓴᖅᑭᑎᑦᓯᔪᒪᓪᓗᓂ ᒪᕐᕉᖕᓄᑦ ᓱᖁᓯᔪᐃᑦᑑᖕᓄᑦ ᒎᑎ ᓴᒡᓗᔭᕆᐊᒃᓴᖅ ᐊᔪᕐᓇᒻᒪᕆᖕᓂᖓᓂᒃ, ᐅᕙᒍᑦ ᓴᐳᑦᔭᐅᓂᕐᒥᒃ ᓂᕆᐅᒋᔭᒃᓴᕐᑖᕐᓯᒪᔪᒍᑦ ᑲᔪᖏᕐᓴᕐᑕᐅᒻᒪᕆᖁᓪᓗᑕ.

ᐃᓗᐊᕐᓮᔩᑦ ᐊᒡᓚᖏᑦ 7:21

ᑕᒪᕐᒥᒃ ᐃᓂᒥᖕᓂ ᓇᖏᕐᐳᑦ ᑕᖕᒫᕐᓯᒪᕕᖓᑦ ᐊᕙᓗᓯᒪᓪᓗᒍ, ᐅᓇᑕᕐᑐᒃᓴᓕᒫᓪᓗ ᕿᒫᓕᕐᐳᑦ ᕾᒐᓛᕐᓗᑎᒃ.

ᓴᒧᐃᓕ ᓯᕗᓪᓖᑦ 14:15

ᑕᕝᕙ ᐱᓕᔅᑍᓂᒥᐅᑦ ᑕᕝᕙᓃᑦᑐᑦ ᑲᑉᐱᐊᓱᖕᓂᕐᒧᑦ ᐅᐃᒻᒪᒃᐳᑦ; ᐱᕈᕐᓰᕕᖕᒦᑦᑐᑦ, ᐃᓄᓕᒫᑦ; ᐅᓇᑕᕐᑐᒃᓮᓪᓗ ᑕᖕᒫᕐᓯᒪᕕᖕᒦᑦᑐᑦ ᑎᒡᓕᒐᕐᑏᓪᓗ ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ; ᓄᓇᓗ ᓴᔪᒃᐱᓪᓚᒃᐳᖅ; ᐊᑕᖏᑦᓯᐊᕐᓗᑎᒡᓗ ᑐᑮᕈᑎᑦᓯᐊᕐᐳᑦ.