ᐊᑕᓃᑦ ᐂᑉᐸᖏᑦ 7:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᖃᐅᕙᓪᓕᐊᓕᕐᑎᓪᓗᒍ ᒪᑭᓐᓇᒥᒃ ᓯᕆᐊᒥᐅᑦ ᑕᖕᒫᕐᓯᒪᕕᖓᓐᓄᑦ ᐂᓕᕐᐳᑦ, ᑕᖕᒫᕐᓯᒪᕕᖓᓐᓄᑦ ᑎᑭᒃᑲᓗᐊᕋᒥᒃ ᐊᑕᐅᓯᕐᒥᒡᓘᓐᓃᑦ ᐃᓄᒃᑕᖃᓚᐅᓐᖏᓚᖅ.

ᐊᑕᓃᑦ ᐂᑉᐸᖏᑦ 7:5 Iomraidhean Croise

ᐊᑕᓃᑦ ᐂᑉᐸᖏᑦ 7:4

ᐃᒡᓗᒐᓴᒡᔪᐊᓄᑦ ᐃᑎᕈᒪᒐᓗᐊᕈᑦᑕ ᑳᒃᑐᐊᓘᖕᒪᑕ ᑐᖁᑐᐃᓐᓇᕐᓂᐊᕐᐳᒍᑦᑕᐅᖅ, ᑕᒫᓃᑐᐃᓐᓇᕋᓗᐊᕈᑦᑕᓗ ᓱᓕ ᑐᖁᕕᒃᓴᑦᑎᓐᓃᑉᐳᒍᑦ, ᐊᑏ ᓯᕆᐊᒥᐅᑦ ᑕᖕᒫᕐᓯᒪᕕᖓᓄᑦ ᐂᓗᑕ ᐅᕙᑦᑎᓐᓂᒃ ᑎᒍᔭᐅᑎᑐᐃᓐᓇᓚᐅᕐᑕ ᑐᖁᓴᕐᑕᐅᖏᒃᑯᑕ ᐃᓅᕕᒃᓴᖃᕐᓂᕐᓴᐅᓂᐊᕐᐳᒍᑦ ᑐᖁᑕᐅᒍᓗᐊᕈᑦᑕᓗ ᑐᕌᕐᑕᕗᑦ ᐊᑑᑎᑐᐃᓐᓇᕐᓂᐊᕐᐳᖅ.”

ᐊᑕᓃᑦ ᐂᑉᐸᖏᑦ 7:6

ᐊᑕᓂᐅᑉ ᓯᕆᐊᒥᐅᑦ ᐅᓇᑕᕐᑎᖏᑦ ᑐᓵᑎᓚᐅᕐᒪᒋᑦ ᐅᓐᓄᐊᒥ ᕿᒧᒃᓯᐅᑎᒐᓴᒡᔪᐊᑦ ᕿᒥᕐᔪᐊᓪᓗ ᕿᑭᕐᕋᖏᓐᓂᒃ ᐅᓇᑕᕐᑎᒐᓴᒡᔪᐊᖑᕙᓗᒃᑐᓂᒃ ᐅᖃᕐᓗᑎᒡᓗ ᐃᒻᒥᖕᓄᑦ, “ᑕᑯᒋᑦ ᐃᓴᕆᐊᓕᒥᐅᑦ ᐃᑲᔪᕆᐊᕐᑕᐅᖂᕐᒪᑕ ᕼᐃᑍᑎᒥᐅᓄᑦ, ᐄᑦᔨᑉᑎᒥᐅᓪᓗ ᐊᖓᔪᖅᑳᕐᔪᐊᖏᓐᓄᑦ ᐅᓇᑕᕆᐊᕐᑖᓘᓕᕐᐳᒍᑦ.”

ᐃᓯᑭᐊᓕᐅᑉ ᐊᒡᓚᖏᑦ 12:12

ᑖᒃᑯᓄᖓ ᐊᖓᔪᖅᑳᖑᔪᖅ ᓇᒃᓴᕐᓂᐊᕐᑕᒥᖕᓂᒃ ᐃᕐᓲᑦᔨᔪᒫᕐᐳᖅ ᑖᕐᑎᓪᓗᒍ, ᐊᓂᔪᒫᕐᐳᖅ; ᐊᑭᓐᓇᖅ ᐊᖕᒪᕐᓗᒍ ᑕᕝᕗᓇ ᐊᓂᔪᒫᕐᐳᖅ; ᒪᑐᐊᕐᓗᓂᓗ, ᓄᓇᒥᒃ ᑕᑯᓐᓇᕈᒪᓇᓂ.

ᒨᓯᓯ ᐱᖓᔪᖏᑦ 27:26

“ᓂᕐᔪᑎᐅᑉ ᕿᑐᕐᖓᕐᑖᕆᐅᕈᑎᖓ, ᐃᑦᔪᕐᓁᓕᑎᑕᐅᔪᓐᓇᓐᖏᓚᖅ, ᕿᑐᕐᖓᕐᑖᕐᖓᐅᑎᑦ ᐊᑕᓂᐅᑉ ᐱᒋᔭᕇᕐᒪᒍ, ᐃᒻᒧᒃᓯᐅᒐᕐᓘᓐᓃᑦ ᓰᐱᐅᒃᐸᓪᓘᓐᓃᑦ.

ᒨᓯᓯ ᐱᖓᔪᖏᑦ 27:8

“ᓇᓪᓕᐊᑦ ᐊᖏᕈᑎᖃᕋᓱᐊᕐᑐᖅ ᐊᔪᕐᓴᓗᐊᕐᐸᑦ, ᐃᓅᓪᓗ ᐊᑭᒋᔭᕆᐊᖃᕐᑕᖓᓂᒃ ᐊᑭᓖᔪᓐᓇᕋᓂ, ᐃᓄᒃ ᐊᑭᓕᕈᒪᔭᓂ ᑐᓂᕐᕈᓯᕐᑎᑦᓯᔨᒧᑦ ᐱᑎᑕᒃᓴᕆᕚ, ᑐᓂᕐᕈᓯᕐᑎᑦᓯᔨ ᐊᑭᖓᓂᒃ ᐋᖅᑭᒃᓯᒐᔭᕐᒪᑦ ᑖᑦᓱᒪ ᐊᑭᓕᕈᓐᓇᕐᑕᖓᓂᒃ.

ᒨᓯᓯ ᑕᓪᓕᒪᖏᑦ 28:7

“ᐊᑕᓂᐅᑉ ᐊᑭᕋᕐᑐᕐᑎᓯ ᐃᓕᑦᓯᓐᓂᒃ ᐅᓇᑕᕋᓱᓕᕐᐸᑕ ᓵᓚᒋᖃᑦᑕᕐᓂᐊᕐᐰᑦ ᓵᑦᓯᓐᓂ; ᐃᓕᑦᓯᓐᓄᑦ ᐅᓇᑕᕆᐊᕋᔭᕐᐳᑦ ᐊᑕᐅᓯᕐᒥᓐᖔᕐᓗᑎᒃ, ᐃᓕᑦᓯᓐᓂᓪᓕ ᕿᒫᓕᕋᔭᕐᐳᑦ ᓵᓐᖓᔭᑐᐃᓐᓇᕐᒥᖕᓄᑦ ᕿᒫᓕᕐᓗᑎᒃ.

ᒨᓯᓯ ᑕᓪᓕᒪᖏᑦ 32:25

ᐃᒡᓗᖃᖏᑦᑐᓂ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ; ᑲᑉᐱᐊᓇᕐᑐᓄᑦ ᑎᑭᑕᐅᔪᒫᕐᐳᑦ ᐊᖏᕐᕋᒥᖕᓂ, ᑐᖁᕋᕐᑕᐅᔪᒫᕐᐳᑦ ᐃᓅᓱᒃᑐᑦ ᐊᖑᑎᑦ ᐅᐃᒡᒐᓱᐃᓪᓗ, ᓄᑕᕋᓛᑯᓗᐃᑦ ᐊᒫᒪᒃᑐᑦ ᐃᓄᑐᕾᓪᓗ ᖃᑯᕐᑕᓂᒃ ᓄᔭᓖᑦ.

ᒨᓯᓯ ᑕᓪᓕᒪᖏᑦ 32:30

ᖃᓄᖅ ᐊᑕᐅᓯᕐᒧᑦ 1,000 ᕿᒫᑎᑕᐅᔪᓐᓇᕐᐹᑦ? ᖃᓄᕐᓗ ᒪᕐᕉᖕᓄᑦ 10,000 ᕿᒫᑎᑕᐅᔪᓐᓇᕐᐸᑦ? ᕾᕐᑑᑉ ᐱᔪᓐᓇᕐᑎᑦᓯᔨᖏᑕ ᕿᒪᒃᓯᒪᒃᐸᒋᑦ, ᐊᑕᓂᐅᓪᓗ ᖁᔭᓈᕐᓯᒪᓕᕐᐸᒋᑦ ᑭᓯᐊᓂ.

ᓴᒧᐃᓕ ᓯᕗᓪᓖᑦ 30:17

ᖃᐅᑎᓪᓗᒍ ᖃᐅᒻᒪᓕᕐᑎᓪᓗᒍ ᑍᕕᑎᐅᑉ ᐅᓇᑕᕆᐊᓚᐅᕐᐰᑦ ᐅᓇᑕᓚᐅᕐᐰᓪᓗ ᐅᓐᓄᒧᑦ ᑎᑭᓪᓗᒍ; ᐅᕕᒃᑬᓪᓕ 400 ᕿᒪᒃᓯᓚᐅᕐᐳᑦ ᑳᒥᓕᒃᑎᒍᑦ, ᐊᓯᓕᒫᖏᓪᓕ ᐊᖑᑎᑦ ᑐᖁᑕᐅᓚᐅᕐᐳᑦ.