ᐊᑕᓃᑦ ᐂᑉᐸᖏᑦ 5:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᓔᓴ ᒎᑎᐅᑉ ᐃᓄᖁᑎᖓ ᑐᓴᕋᒥ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᐊᓐᓄᕌᒥᓂᒃ ᐊᓕᒃᓯᖕᒪᑦ, ᐅᖃᐅᑦᔭᐅᒃᑲᕐᐹ ᐃᒫᒃ, “ᖃᓄᐃᒻᒪᑦ ᐊᓐᓄᕌᑎᑦ ᐊᓕᒃᐱᒌᑦ? ᑍᓐᓇ ᐊᖑᑦ ᐅᕙᓐᓄᑦ ᕾᑎᑕᐅᓚᐅᕐᓕ ᖃᐅᔨᓂᐊᕐᒪᑦ ᒎᑎᒧᑦ ᐅᖃᕐᑎᑕᖃᕐᓂᖓᓂᒃ ᐃᓴᕆᐊᓕᒥᐅᓂ.”

ᐊᑕᓃᑦ ᐂᑉᐸᖏᑦ 5:8 Iomraidhean Croise

ᓴᒧᐃᓕ ᐂᑉᐸᖏᑦ 3:31

ᑕᕝᕙ ᑍᕕᑎᐅᑉ ᔪᐊᐱᒃᑯᑦ ᐃᓚᖏᓪᓗ ᐅᖃᐅᑎᕔᑦ, “ᐊᓐᓄᕌᓯ ᐊᓕᒃᑐᕐᓯᒋᑦ, ᐊᓐᓄᕌᕐᓗᓯᓗ ᐊᕐᔭᓕᓂᑎᕐᓯᒪᔪᓂᒃ, ᕿᒃᓵᒍᑎᖃᓪᓗᓯ ᐋᑉᓄᒥᒃ.” ᐃᓗᕕᕐᑕᐅᓕᕐᑎᓪᓗᒍᓗ ᐊᖓᔪᖅᑳᕐᔪᐊᖅ ᑍᕕᑎ ᐱᓱᓚᐅᕐᐳᖅ ᐃᒃᓯᕐᕕᐊᑕ ᑭᖑᓂᖓᓂ.

ᐊᑕᓃᑦ ᓯᕗᓪᓖᑦ 12:22

ᒎᑎᐅᓪᓕ ᐅᖃᕐᑎᖓ ᓯᒤᐊ, ᒎᑎᒧᑦ ᐅᖃᐅᑎᔭᐅᕗᖅ,

ᐊᑕᓃᑦ ᓯᕗᓪᓖᑦ 17:24

ᐊᕐᓇᕐᓗ ᐃᓔᑦᔭᒧᑦ ᐅᖃᕐᐳᖅ, “ᒫᓐᓇ ᖃᐅᔨᕗᖓ ᒎᑎᐅᑉ ᐃᓄᖁᑎᒋᖕᒪᑎᑦ, ᐊᑕᓂᐅᓪᓗ ᐅᖃᐅᓯᖓ ᖃᓂᒃᑰᕐᑐᖅ ᓱᓕᖕᒪᑦ.”

ᐊᑕᓃᑦ ᐂᑉᐸᖏᑦ 1:6

ᑖᒃᑯᐊ ᑭᐅᕚᑦ, “ᐊᖑᒻᒧᑦ ᐸᕐᕆᐊᕐᑕᐅᖅᑲᐅᒐᓐᓄᒃ, ‘ᐅᖃᕐᓗᓂᓗ, ᐊᖓᔪᖅᑳᕐᔪᐊᕐᒧᑦ ᑎᓕᓯᓚᐅᕐᑐᒧᑦ ᐅᑎᕐᓗᓯ ᐃᒫᒃ ᐅᖃᐅᑎᓯᐅᒃ, ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥ ᒎᑎᑕᖃᕈᓐᓃᕐᒫᑦ ᐃᑯᕋᓐᒥᐅᑦ ᒎᑎᖓᓐᓂᒃ ᐱᐅᓪᓯᐹᐱᒥᒃ ᖃᐅᔨᓇᓱᐊᕐᕕᖃᕆᐊᕐᑐᕐᐱᓰ? ᑍᒤᒻᒪᑦ ᐃᒡᓕᖅ ᓇᓚᕕᒋᔧᑦ ᒪᑭᕝᕕᒋᒃᑲᓐᓂᑦᔮᔪᓐᓃᕐᐸᑦ, ᑐᖁᑐᐃᓐᓇᕐᓂᐊᓕᕋᕕᑦ ᑕᕝᕙᓂ.’ ”

ᐊᑕᓃᑦ ᐂᑉᐸᖏᑦ 5:15

ᑕᕝᕙ ᓁᒪᓐ ᐃᓚᒋᔭᓕᒫᑦᓯᐊᓂ ᐃᓚᒋᓪᓗᒋᑦ ᒎᑎᐅᑉ ᐃᓄᖁᑎᖓᓄᑦ ᐅᑎᕆᕗᑦ, ᓵᖓᓄᐊᕐᓗᓂ ᐅᖃᐅᑎᕚ, “ᑕᑯᒋᑦ, ᖃᐅᔨᕗᖓ ᓯᓚᕐᔪᐊᓕᒫᒥ ᒎᑎᑕᖃᓐᖏᓚᖅ ᐃᓴᕆᐊᓕᒥᐅᓂ ᑭᓯᐊᓂ, ᑭᒡᒐᕕᑦ ᑐᓂᕐᕈᑎᖏᑦ ᐃᓕᖕᓄᑦ, ᐱᔭᐅᖁᔭᕋᓗᐊᑲ.”

ᐊᑕᓃᑦ ᐂᑉᐸᖏᑦ 5:3

ᓂᕕᐊᕐᓵᖅ ᐱᓯᒪᔨᒋᓕᕐᑕᒥᓄᑦ ᐅᖃᕐᐳᖅ, “ᐊᖓᔪᖅᑳᕋ ᑕᑯᔭᕐᑐᕈᓐᓇᕈᓂ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓂᒃ ᓴᒥᐊᕆᐊᒦᑦᑐᒥᒃ ᐅᕕᓂᕐᓗᒍᑎᐊᓗᐊ ᐋᖅᑭᒃᑕᐅᔪᓐᓇᕐᑑᒐᓗᐊᖅ.”

ᐊᑕᓃᑦ ᐂᑉᐸᖏᑦ 5:7

ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᑎᖅᑲᑦ ᐅᖃᓕᒫᕇᕋᒥᒋᑦ ᐊᓐᓄᕌᓂ ᐊᓕᒃᐰᑦ, ᐅᖃᕐᓗᓂᓗ, “ᒎᑎᐅᒐᒫ? ᑐᖁᑎᑦᓯᓚᐅᕐᓗᖓ ᐆᒻᒪᕐᑎᑦᓯᒃᑲᓐᓂᕈᓐᓇᕐᐳᖔ? ᖃᓄᐃᒻᒪᓂᓐᓇ ᐅᕕᓂᕐᓗᒃᑐᒥᒃ ᐸᕐᑎᕐᑐᒥᒃ ᐋᖅᑭᒃᑕᐅᖁᔨᓪᓗᓂ ᐅᕙᓐᓄᑦ ᑎᓕᓯᕙ? ᑕᑯᒋᑦ ᐅᕙᓐᓄᓂᓐᓇ ᐂᕙᑦᔪᑎᒃᓴᕐᓯᐅᑐᐃᓇᕐᑐᖅ!”

ᐊᑕᓃᑦ ᐂᑉᐸᖏᑦ 5:9

ᐊᓱᐃᓛᒃ ᓁᒪᓐ ᕿᒧᒃᓯᐅᑎᒥᒍᑦ ᕿᒻᒥᕐᔪᐊᒃᑰᕐᑐᖁᑎᓂ ᐃᓚᒋᓪᓗᒋᑦ ᐂᕗᖅ, ᑎᑭᓐᓇᒥᒡᓗ ᐃᓔᓴᐅᑉ ᐹᖓᑕ ᓵᖓᓄᑦ ᓄᖅᑲᕐᐳᑦ.

ᒨᓯᓯ ᐂᑉᐸᖏᑦ 11:8

ᒨᓯᓯ ᑭᖑᓪᓕᕐᐹᒥᒃ ᐅᖃᓕᕐᐳᖅ, “ᐱᔨᑎᑦ ᐅᕙᓐᓄᑦ ᕾᓂᐊᕐᐳᑦ ᓵᓐᓄᓪᓗ ᐹᒻᒪᒃᑎᕐᓗᑎᒃ, ᐅᕙᓐᓂᒡᓗ ᐊᐅᓪᓚᖁᔨᕕᒃᔪᐊᕐᓂᐊᕐᐳᑦ ᐃᓄᖁᑎᒃᑲ ᐱᖃᑎᒋᓗᒋᑦ, ᑭᖑᓂᖓᒍᓪᓗ ᐊᐅᓪᓚᕐᓂᐊᕐᐳᖓ.” ᒨᓯᓯᒧᓗ ᐊᑲᐅᒃᓴᖏᑦᑐᒻᒪᕆᐊᓘᓪᓗᓂ ᐊᖓᔪᖅᑳᕐᔪᐊᖅ ᕿᒪᓕᕐᐹ.

ᐃᓯᑭᐊᓕᐅᑉ ᐊᒡᓚᖏᑦ 2:5

ᓈᓚᖕᓂᐊᕐᐸᑕ ᓈᓚᖕᓂᐊᖏᑉᐸᑕᓘᓐᓃᑦ ᐊᑭᕋᕐᑐᕐᑎᐅᓂᕐᒥᖕᓄᑦ ᖃᐅᔨᔪᒫᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᑎᑭᑕᐅᕐᓯᒪᔪᕕᓂᐅᓂᕐᒥᖕᓂᒃ.

ᕼᐆᓯᐊᑉ ᐊᒡᓚᖏᑦ 12:13

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᒍᑦ ᐊᑕᓂᐅᑉ ᐊᐅᓪᓚᐅᑎᓚᐅᕐᐹ ᐃᓴᕆᐊᓕ ᐄᑦᔨᑉᑎᒥᑦ, ᐅᖃᕐᑎᒥᒍᓪᓗ ᐰᕆᓚᐅᕐᐹ.

ᕉᒪᒥᐅᓄᑦ 11:13

ᐃᓕᑦᓯᓕ ᔫᑎᐅᖏᑦᑐᓯ ᐅᖃᕐᕕᒋᕙᑦᓯ; ᐋᐴᓯᑕᓕᐅᒐᒪ ᔫᑎᐅᖏᑦᑐᓄᑦ, ᑕᒪᓐᓇ ᐱᔨᑦᓯᕐᓂᕋ ᓂᕐᑑᑎᒋᓂᐊᕐᐸᕋ.

ᓴᒧᐃᓕ ᓯᕗᓪᓖᑦ 9:6

ᐱᔨᖓ ᑭᐅᕗᖅ, “ᑕᑯᒋᑦ, ᑕᕝᕙᓂ ᐃᒡᓗᒐᓴᖕᓂ ᐊᖑᒻᒥᒃ ᒎᑎ ᐃᓄᖁᑎᖃᕐᐳᖅ, ᐃᒃᐱᒋᔭᐅᑦᓯᐊᕐᑐᒥᒃ; ᐅᖃᕐᑕᕕᓂᓕᒫᖏᓪᓗ ᓇᓪᓕᐅᑦᓯᕙᒃᓗᑎᒃ. ᑍᑯᓐᖓᓚᐅᕐᑕ; ᐃᒻᒪᖄ ᐅᖃᐅᑎᔪᓐᓇᕐᐹᑎᒍᑦ ᓇᒧᓐᖓᕐᑐᒃᓴᐅᓂᑦᑎᓐᓂᒃ.”