ᐊᑕᓃᑦ ᐂᑉᐸᖏᑦ 4:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓄᑦ ᐃᓚᒋᔭᐅᔪᒥᒃ ᐅᐃᒡᒐᕐᓂᑯᒥᒃ ᐃᓔᓴ ᐅᐸᒃᑕᐅᕗᖅ ᐅᖃᕐᓗᓂᓗ, “ᐅᐃᒐ ᑐᖁᓚᐅᕐᒪᑦ ᖃᐅᔨᒪᔪᑎᑦ ᒎᑎᒥᒃ ᓯᕘᕋᒋᔭᖃᕐᓗᓂ ᐃᓅᓚᐅᕐᑐᖅ, ᑭᓯᐊᓂ ᐊᖑᒻᒥᒃ ᐊᑭᓕᒃᓴᖃᕐᕕᖃᕐᓂᕐᒪᑦ, ᑖᑦᓱᒪ ᐃᕐᓃᒃᑲᒃ ᐱᑖᕆᔪᒪᓕᕐᒪᒋᒃ ᐊᑭᓕᒃᓴᖏᓐᓄᑦ ᐊᑭᓕᐅᑎᒋᔭᐅᖁᓪᓗᓂᒋᒃ.”

ᐊᑕᓃᑦ ᐂᑉᐸᖏᑦ 4:1 Iomraidhean Croise

ᒨᓯᓯ ᓯᕗᓪᓖᑦ 22:12

ᐅᖃᐅᑎᕚᓗ, “ᓄᑲᑉᐱᐊᖅ ᐋᓐᓂᕐᑍᓕᒍᒃ ᖃᓄᐃᓕᑦᑍᓕᓗᒍᓗ; ᒫᓐᓇ ᖃᐅᔨᕗᖓ ᒎᑎ ᓯᕘᕋᒋᒐᕕᐅᒃ, ᐃᕐᓃᓪᓗ ᐊᓐᓂᕆᖏᓐᓇᕕᐅᒃ, ᐃᕐᓂᑐᐊᑦ.”

ᐊᑕᓃᑦ ᓯᕗᓪᓖᑦ 18:3

ᐂᕼᐊᐱᐅᑉ ᐅᐸᑍᐊ ᕾᖁᕚ, ᑲᒪᔨᐅᔪᖅ ᐃᒡᓗᖓᓂᒃ. (ᑖᓐᓇ ᐅᐸᑍᐊ ᑲᒪᑦᓯᐊᓪᓚᕆᒃᑑᕗᖅ ᐊᑕᓂᕐᒥᒃ;

ᐊᑕᓃᑦ ᓯᕗᓪᓖᑦ 20:35

ᐊᖑᑎᖃᓚᐅᕐᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐃᕐᓂᖓᓂᒃ ᐅᖃᕐᑎᐅᖃᑎᒥᓄᑦ ᐅᖃᕐᐳᖅ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ, “ᑎᒡᓗᓚᐅᓐᖓ” ᐊᖑᑎᐅᓪᓕ ᑎᒡᓗᒍᒪᓐᖏᓛ.

ᐊᑕᓃᑦ ᐂᑉᐸᖏᑦ 2:15

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᔨᕆᑯᒥᑦ ᐱᓯᒪᔪᑦ ᑕᐅᑐᒃᑲᒥᒃ ᐅᖃᓕᕐᐳᑦ, “ᐊᓂᕐᓂᖅ ᐃᓔᑦᔭᒦᓚᐅᕐᑐᖅ ᐃᓔᓴᒦᓕᕐᐳᖅ.” ᐹᕆᐊᕐᑐᕐᓗᓂᑦᔪᒃ ᓵᖓᓄᐊᕐᓗᑎᒃ ᒪᓂᖅᑲᒧᑦ ᐹᒻᒪᒡᕕᒋᕚᑦ.

ᐊᑕᓃᑦ ᐂᑉᐸᖏᑦ 2:3

ᒎᑎᐅ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐱᑎᓕᒦᑦᑐᑦ ᐃᓔᓴ ᐅᐸᒡᓗᒍ ᐅᖃᐅᑎᕚᑦ, “ᖃᐅᔨᒪᕖᑦ ᐊᖓᔪᖅᑳᑦ ᐊᑕᓂᕐᒧᑦ ᐅᓪᓗᒥ ᐂᔭᐅᓂᐊᕐᓂᖓᓂᒃ?” ᐃᓔᓴᐅᑉ ᑭᐅᕔᑦ, “ᖃᐅᔨᒪᔪᖓ, ᐅᖃᐅᓯᕆᑦᑍᓕᓯᐅᒃ.”

ᐊᑕᓃᑦ ᐂᑉᐸᖏᑦ 2:5

ᐊᒻᒪ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᔨᕆᑯᒦᑦᑐᑦ ᐃᓔᓴ ᐅᐸᒡᓗᒍ ᐅᖃᐅᑎᕚᑦ, “ᖃᐅᔨᒪᕖᑦ ᐊᖓᔪᖅᑳᑦ ᐊᑕᓂᐅᑉ ᐅᓪᓗᒥ ᐊᐅᓪᓚᕈᑎᓂᐊᕐᒪᒍ?” ᑭᐅᒋᕔᑦ, “ᖃᐅᔨᒪᕗᖓ, ᐅᖃᐅᓯᕆᑦᑍᓕᓯᐅᒃ.”

ᐊᑕᓃᑦ ᐂᑉᐸᖏᑦ 2:7

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦᑕ ᐃᓚᖏᑦ 50ᑎᐅᓪᓗᑎᒃ ᒪᓕᒃᐳᑦ ᐅᖓᓯᒡᓗᑎᒃ ᓵᓐᖓᓪᓗᑎᒃ ᑖᒃᑯᖕᓄᖓ, ᐃᓔᑦᔭᐅᑉ ᐃᓔᓴᐅᓪᓗ ᓇᔪᕐᑕᖓᑦᑕ ᑰᑉ ᔪᐊᕐᑕᓂᐅᑉ ᓯᓈᓄᐊᕐᓗᑎᒃ ᓄᖅᑲᕐᐳᑦ.

ᐊᑕᓃᑦ ᐂᑉᐸᖏᑦ 4:38

ᐃᓔᓴ ᑎᑭᓚᐅᕆᕗᖅ ᒋᐅᓪᒐᐅᓪᒧᑦ ᓄᓇᖓᑦ ᑳᖕᓇᕐᑐᕐᔪᐊᖃᓕᕐᐳᖅ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ ᑲᑎᒪᖃᑎᖃᕐᓗᓂ ᐃᓔᓴᐅᑉ ᐱᔨᓂ ᐅᖃᐅᑎᕚ, ᐅᒃᑯᓯᐊᓗᖕᒧᑦ ᐃᒐᓗᑎᑦ ᖃᔪᓕᐅᓚᐅᕆᑦ ᐅᑯᐊ ᓂᕆᓂᐊᕐᑕᖏᓐᓂᒃ.

ᐊᑕᓃᑦ ᐂᑉᐸᖏᑦ 6:9

ᐃᓔᓴ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᐅᖃᐅᑦᔭᐅᒃᑲᕐᐹ, “ᖃᐅᔨᒪᑦᓯᐊᕆᑦᓯ ᒪᐅᓈᕐᑍᓕᓗᓯ ᓯᕆᐊᒥᐅᑦ ᑕᐅᓄᓐᖓᕐᓂᐊᕐᒪᑕ.”

ᓂᕼᐃᒤᐊᐅᑉ ᐊᒡᓚᖏᑦ 10:31

ᔫᑎᐅᖏᑦᑐᓪᓗ ᑕᒫᓂ ᓄᓇᓖᑦ ᓱᓇᑐᐃᓐᓇᕐᓂᒃ ᕾᑦᓯᒃᐸᑕ ᐱᕈᕐᑐᕕᓂᕐᓂᒡᓘᓐᓃᑦ ᓴᐸᑎᐅᑎᓪᓗᒍ ᓂᐅᕐᕈᑎᖃᕈᒪᓗᑎᒃ, ᓂᐅᕕᕐᓂᐊᓐᖏᓚᒍᑦ ᓴᐸᑎᐅᑎᓪᓗᒍ ᐅᕝᕙᓘᓐᓃᑦ ᐅᓪᓗᐃᑦ ᐊᓯᖏᓐᓂ ᐃᑦᔪᕐᓁᑦᑑᓂᕋᕐᑕᑦᑎᓐᓂ; ᐱᒋᐊᕐᓂᖓᓂᑦ ᐊᕐᕌᒎᑉ 7ᒋᓕᕐᑕᖓᓂ ᐱᕈᕐᑎᑕᕕᓂᕐᓂᒃ ᐱᓂᐊᓐᖏᓚᒍᑦ ᐊᑭᓕᒃᓴᕆᔭᐅᔪᓕᒫᓪᓗ ᐊᑭᓕᕋᒃᓴᐅᔪᓐᓁᕐᑎᖃᑦᑕᕐᓂᐊᕐᐸᕗᑦ.

ᓂᕼᐃᒤᐊᐅᑉ ᐊᒡᓚᖏᑦ 7:2

ᐊᖑᑏᖕᓂᒃ ᒪᕐᕉᖕᓂᒃ ᑎᓕᓯᓚᐅᕐᐳᖓ ᐊᐅᓚᑦᓯᔨᐅᓂᐊᕐᑑᖕᓂᒃ ᔨᕉᓴᓕᐅᑉ ᐃᒡᓗᒐᓴᖏᓐᓂᒃ: ᓄᑲᕋᓗ ᕼᐊᓇᓁ ᐊᒻᒪᓗ ᕼᐊᓇᓁᐊ, ᐊᖓᔪᖅᑳᖅ ᐅᓇᑕᕐᑐᒃᓴᓄᑦ. ᕼᐊᓇᓁᐊᓕ ᐱᔪᓐᓇᑦᓯᐊᓚᐅᕐᐳᖅ ᒎᑎᒥᒡᓗ ᓯᕘᕋᓪᓗᓂ ᑍᒤᓪᓗᐊᕐᑕᖃᓚᐅᓐᖏᓚᕐᓗ ᐊᖑᑕᐅᖃᑎᒥᓂᒃ.

ᐃᓐᖏᕈᑎᑦ 103:11

ᓲᕐᓗ ᕿᓚᒃ ᖁᑦᓯᒃᑑᖕᒪᑦ ᓄᓇᒥᑦ, ᑍᒫᒃᑕᐅᖅ ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑑᒋᕗᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ;

ᐃᓐᖏᕈᑎᑦ 103:17

ᐊᑕᓂᐅᓪᓕ ᓇᒡᓕᖕᓂᖓ ᓄᖑᓐᓂᐊᖏᑦᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑐᕌᕐᐳᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ, ᐃᓱᐊᕐᑐᓕᓂᖓᓗ ᕿᑐᕐᖓᖏᑕ ᕿᑐᕐᖓᖏᓐᓄᑦ.

ᐃᓐᖏᕈᑎᑦ 115:13

ᐊᑕᓂᕐᒥᒃ ᓯᕘᕋᔪᑦ ᓮᒻᒪᕐᑎᓐᓂᐊᕐᐰᑦ, ᒥᑭᔪᑦ ᐊᖏᔪᓪᓗ.

ᐃᓐᖏᕈᑎᑦ 147:11

ᐊᑕᓂᐅᓪᓕ ᓯᕘᕋᒋᔨᓂ ᖁᕕᐊᒋᕔᑦ, ᑖᑦᓱᒪ ᓇᒡᓕᖕᓂᖓᓂᒃ ᓱᖁᓯᔪᐃᑦᑐᒥᒃ ᓂᕆᐅᒋᔭᒃᓴᖃᕐᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:7

ᐊᒃᓱᐃᑦᑐᑦ ᐊᐅᓚᑦᓯᕗᑦ ᐊᒃᓱᔪᓂᒃ, ᐊᑦᑕᑐᕐᑎᓗ ᑭᒡᒐᕆᔭᐅᕗᖅ ᐊᑦᑕᑐᕐᑎᑦᓯᔨᒧᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:13

ᒫᓐᓇᓕ ᑕᒪᒃᑯᐊ ᐃᓕᓴᐅᑏᑦ ᐃᓱᓕᓐᓂᖏᑦ ᑐᓴᕐᓚᕗᑦ: ᒎᑎ ᓯᕘᕋᒋᓯᐅᒃ, ᒪᓕᒡᓗᒋᓪᓗ ᐱᖁᔭᖏᑦ, ᑕᒪᓐᓇ ᐃᓅᑉ ᑕᒪᕐᒥᒃ ᐱᓂᐊᒐᒃᓴᕆᖕᒪᒍ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:12

ᐊᔪᕐᑐᓕᔪᖅ ᐅᓄᕐᑐᕐᔪᐊᓂᒃ ᐱᐅᖏᑦᑐᓕᒐᓗᐊᕐᐸᑦ ᓱᓕ ᐊᑯᓂ ᐃᓅᕗᖅ, ᖃᐅᔨᒪᕗᖓᓕ ᐃᓄᐃᑦ ᒎᑎᒥᒃ ᓯᕘᕋᔪᑦ ᐱᐅᓂᕐᓴᒥᒃ ᐱᔭᐅᔪᒫᕐᒪᑕ, ᒎᑎᐅᑉ ᓵᖓᓂ ᐅᐱᒍᓱᒃᑐᑦ ᑖᑦᓱᒥᖓ.

ᐂᓮᐊᓯᐅᑉ ᐊᒡᓚᖏᑦ 50:1

ᐊᑕᓂᖅ ᐃᒫᒃ ᐅᖃᕐᐳᖅ, “ᓇᐅᒡᓕ ᐊᓈᓇᕕᑦ ᐊᕕᑦᑎᑦᔪᑎᖓᑕ ᐊᒡᓚᒃᓯᒪᔪᖁᑎᖓ, ᑍᑦᓱᒧᖓ ᐊᕕᓚᐅᕋᒃᑰ? ᐅᕝᕙᓗ ᐊᑭᓕᒃᓴᖃᕐᕕᒋᔨᓐᓄᑦ ᓇᓪᓕᐊᓐᓄᑦ ᓂᐅᕐᕈᑎᒋᓚᐅᕐᐸᑦᓯ? ᑕᑯᒋᑦᓯ, ᐊᔪᕐᑐᓕᓂᑦᓯᓐᓄᑦ ᓇᖕᒥᓂᖅ ᓂᐅᕐᕈᑕᐅᓚᐅᕐᐳᓯ, ᐊᔪᕐᑐᓕᓂᑦᓯᓐᓄᓪᓗ ᐊᓈᓇᓯ ᐊᕕᑕᐅᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 34:14

ᐊᕐᕌᒍᑦ 7ᒋᓕᕌᖓᒍ ᐄᑉᕉᒥᐅᑕᐅᖃᑎᑦᓯᓐᓂᒃ ᐃᓱᒪᕐᓱᓕᕐᑎᑦᓯᖃᑦᑕᕐᑐᒃᓴᐅᕗᓯ ᓂᐅᕕᐊᕆᓪᓗᒍ ᓯᐊᓛᕐᑖᕆᓂᑯᑦᓯᓐᓂᒃ, ᐊᕐᕌᒍᓂᒃ ᐱᖓᓲᔪᕐᑐᓂᒃ ᐃᓕᑦᓯᓐᓂᑦ ᓯᐊᓛᕆᔭᐅᓂᑰᓯᒪᓕᑐᐊᕐᐸᑦ ᐃᓱᒪᕐᓱᓕᕐᑎᑕᒃᓴᕆᕙᓯ, ᑭᓯᐊᓂᓕ ᓯᕗᓕᓯ ᐅᕙᓐᓂᒃ ᓈᓚᓚᐅᓐᖏᓚᑦ ᑐᓴᕈᒪᓇᑎᒡᓗ.

ᒨᓯᓯ ᐱᖓᔪᖏᑦ 25:48

ᓱᓕ ᐱᕕᕾᓐᓇᕆᐊᖃᕐᐳᖅ ᓴᑐᕐᑕᐅᔪᓐᓇᕐᓗᓂ, ᐃᒻᒥᓂᒃ ᓂᐅᕐᕈᑎᒋᓚᐅᕋᓗᐊᕐᑎᓪᓗᒍ ᖃᑕᓐᖑᑎᖏᓐᓂᑦ ᐅᑎᕐᑎᑕᐅᔪᓐᓇᕐᐳᖅ.

ᒪᓚᑬᑉ ᐊᒡᓚᖏᑦ 3:16

ᒎᑎᒥᒡᓕ ᓯᕘᕋᔪᑦ ᐃᒻᒥᖕᓄᑦ ᐅᖃᖃᑎᒌᓚᐅᕐᐳᑦ, ᐊᑕᓂᐅᓪᓗ ᓈᓚᒡᓗᒋᑦ ᑐᓴᓚᐅᕐᐰᑦ; ᑍᒤᒻᒪᑦ ᐅᖃᓕᒫᒐᓕᐅᕐᑐᖃᓚᐅᕐᐳᖅ ᐃᖅᑲᐅᒪᔭᐅᑦᔪᑎᒃᓴᖏᓐᓄᑦ ᑖᑦᓱᒪ ᓵᖓᓂ, ᐊᑕᓂᕐᒥᒃ ᓯᕘᕋᔪᑦ ᐃᓱᒪᒃᓴᕐᓯᐅᕐᑐᓪᓗ ᑖᑦᓱᒪ ᐊᑎᖓᓂᒃ.

ᒪᓚᑬᑉ ᐊᒡᓚᖏᑦ 4:2

ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 18:25

ᐱᔨ ᐊᑭᓕᐅᑎᒃᓴᖃᖏᒻᒪᑦ, ᑕᕝᕙ ᐊᖓᔪᖅᑳᕐᔪᐊᑉ ᓂᐅᕕᐊᖑᖁᓕᕐᐹ ᐱᖁᑎᑎᑐᑦ ᐱᑖᕆᔭᐅᖁᓪᓗᒍ, ᓄᓕᐊᖓᓗ ᕿᑐᕐᖓᖏᓪᓗ ᐱᖁᑎᓕᒫᖏᓪᓗ, ᐊᑭᓕᒃᓴᖏᑦ ᐊᑭᓕᕐᑕᐅᖁᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 18:30

ᑖᓐᓇ ᐊᖏᓐᖏᓚᖅ ᑎᒍᔭᐅᓯᒪᕕᖕᒧᓪᓗ ᐱᑎᑉᐹ ᐊᑭᓕᒃᓴᒥᓂᒃ ᐊᑭᓖᓚᐅᖏᓐᓂᖓᓂ.

ᒫᑎᐅᓯᐅᑉ ᐊᒡᓚᖏᑦ 18:35

“ᑍᒫᒃᑕᐅᖅ ᐊᑖᑕᒪ ᕿᓚᖕᒦᑦᑑᑉ ᐱᓂᐊᕐᕕᒋᒐᔭᕆᕚᓯ ᐅᒃᐱᕐᑑᖃᑎᑦᓯᓐᓂᒃ ᐃᓱᒪᒋᔪᓐᓁᕐᕕᖃᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᑦ ᐱᔪᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:26

“ᐃᓴᕆᐊᓕᒥᐅᖑᖃᑎᒃᑲ, ᐂᑉᕋᕼᐋᒻ ᑭᖑᕚᖏᑦ, ᐃᓕᑦᓯᓗ ᐅᕙᓃᑦᑐᓯ ᒎᑎᒥᒃ ᓯᕘᕋᔪᓯ, ᐅᕙᑦᑎᓐᓄᑦ ᐅᖃᐅᓰᑦ ᑕᒪᒃᑯᐊ ᐱᐅᓕᔭᐅᓇᕐᑐᑦ ᑐᓂᔭᐅᓯᒪᕗᑦ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:5

ᐃᒃᓯᕙᐅᑕᕐᔪᐊᕐᒥᓪᓗ ᓂᓪᓕᕐᑐᖃᕐᐳᖅ, ᐅᖃᕐᓗᓂ, “ᒎᑎᕗᑦ ᓂᕐᑐᕐᓯᐅᒃ, ᑖᑦᓱᒧᖓ ᐱᔨᐅᔪᓯ ᑕᒪᑦᓯ, ᑖᑦᓱᒥᖓ ᐅᐱᒍᓱᒃᑐᓯ, ᓴᓐᖐᑦᑐᑦ ᓴᓐᖏᔪᓪᓗ.”

ᕉᑎᐅᑉ ᐅᓂᒃᑲᐅᓯᓂᖓ 1:3

ᓱᓕᓕ ᑕᕝᕙᓃᑎᓪᓗᒋᑦ ᐃᓔᒥᓕᒃ ᓁᐅᒥᐅᑉ ᐅᐃᖓ ᑐᖁᓚᐅᕐᐳᖅ, ᓁᐅᒥᓗ, ᐃᕐᓂᖏᒡᓗ ᕿᒪᒃᑕᐅᕗᑦ ᐃᓕᐊᕐᔪᓐᖑᕐᓗᑎᒃ.

ᓴᒧᐃᓕ ᓯᕗᓪᓖᑦ 22:2

ᐃᓄᐃᓪᓗ ᕿᒃᓵᒃᑐᑦ ᐃᓱᒫᓘᑎᓖᓪᓗ, ᐊᑭᓕᒃᓴᓖᓪᓘᓐᓃᑦ, ᖁᕕᐊᓱᖏᑦᑐᓪᓗ ᐊᒃᓱᕈᕐᑐᓪᓗ ᑕᕝᕗᖓ ᐃᓚᓕᐅᑎᕗᑦ, ᐊᖓᔪᖅᑲᐅᓕᕐᓗᓂᓗ ᑖᒃᑯᓄᖓ. ᐊᖑᑏᓪᓗ 400ᖏᓐᓃᑦᑐᑦ ᐃᓚᓕᐅᑎᓚᐅᕐᐳᑦ ᑖᑦᓱᒧᖓ.