ᐊᑕᓃᑦ ᐂᑉᐸᖏᑦ 3:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᔨᕼᐆᓴᐸᑎ ᐅᖃᕐᐳᖅ, “ᐊᑕᓂᐅᑉ ᐅᖃᐅᓯᖓ ᑖᑦᓱᒪᓃᑉᐳᖅ.” ᑕᕝᕙ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ, ᔨᕼᐆᓴᐹᑎᓗ, ᐄᑐᒥᒥᐅᓪᓗ ᐊᖓᔪᖅᑳᕐᔪᐊᖓᑦ ᐃᓔᓴᒧᑦ ᐅᐸᒍᑎᕗᑦ.

ᐊᑕᓃᑦ ᐂᑉᐸᖏᑦ 3:12 Iomraidhean Croise

ᐊᑕᓃᑦ ᐂᑉᐸᖏᑦ 2:21

ᑕᕝᕙ ᑰᒐᓛᒧᑦ ᐂᕗᖅ ᓄᓇᐅᑉ ᐃᓗᐊᓂᑦ ᑰᒃᑐᒧᑦ ᑕᕆᐅᕐᓗ ᑰᒐᓛᒧᑦ ᑲᑕᒐᕐᑎᑉᐹ, ᐅᖃᕐᓗᓂᓗ, “ᐃᒫᒃ ᐊᑕᓂᖅ ᐅᖃᕐᐳᖅ, ᐃᒪᖅ ᑕᒪᓐᓇ ᐃᒪᑦᓯᐊᕙᓐᖑᕐᑎᑉᐸᕋ ᑐᖁᑎᑦᓯᖃᑦᑕᒃᑲᓐᓂᕐᓂᐊᕈᓐᓃᕐᐳᖅ ᓄᓇᒥᒡᓗ ᐱᕈᕕᐅᔪᓐᓁᓕᑎᑦᓯᕙᒍᓐᓃᕐᓗᓂ.”

ᐊᑕᓃᑦ ᐂᑉᐸᖏᑦ 3:11

ᔨᕼᐅᓴᐸᑎᐅᑉ ᐊᐱᕆᓕᕐᐰᑦ, “ᐊᑕᓂᐅᑉ ᐅᖃᕐᑎᖓᓂᒃ ᑕᒪᓃᑦᑐᖃᓐᖏᓛᖅ, ᐊᑕᓂᖅ ᖃᐅᔨᒋᐊᕐᕕᒋᓂᐊᕋᑦᑎᒍ ᑖᓐᓇ ᐊᖅᑯᑎᒋᓗᒍ?” ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖓᓐᓂᒃ ᓂᓪᓕᕐᑐᖃᕐᐳᖅ, “ᐃᓔᓴ ᓴᕚᑎᐅᑉ ᐃᕐᓂᖓ ᑕᒫᓃᑦᑐᒐᓗᐊᖅ, ᐃᓔᑦᔭᐅᑉ ᐊᒡᒐᖏᓐᓄᑦ ᐃᒥᕐᒥᒃ ᑯᕕᓯᕙᓚᐅᕐᑐᖅ.”

ᐊᑕᓃᑦ ᐂᑉᐸᖏᑦ 3:13

ᐃᓔᓴᐅᑉ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᐅᖃᐅᑎᕚ, “ᖃᓄᖅ ᐱᓇᓱᐊᖃᑎᒌᒍᓐᓇᓕᕋᓐᓅᒃ? ᐊᑖᑕᒋᓚᐅᕐᑕᕕᑦ ᐅᖃᕐᑎᖏᓐᓄᑦ ᐊᓈᓇᒋᓚᐅᕐᑕᕕᓪᓗ ᐂᖓᓕᕆᑦ.” ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑕ ᑭᐅᕚ, “ᐋᒃᑲᓕ; ᑭᓯᐊᓂ ᐱᖓᓲᓪᓗᑕ ᐊᖓᔪᖅᑳᕐᔪᐊᖑᔪᒍᑦ ᐊᑕᓂᕐᒧᑦ ᑲᑎᖁᔭᐅᓯᒪᔫᔮᓕᕋᑦᑕ ᒧᐊᐱᒥᐅᓄᑦ ᐱᔭᐅᑐᐃᓐᓇᕐᓂᐊᕐᓗᑕ.”

ᐊᑕᓃᑦ ᐂᑉᐸᖏᑦ 5:15

ᑕᕝᕙ ᓁᒪᓐ ᐃᓚᒋᔭᓕᒫᑦᓯᐊᓂ ᐃᓚᒋᓪᓗᒋᑦ ᒎᑎᐅᑉ ᐃᓄᖁᑎᖓᓄᑦ ᐅᑎᕆᕗᑦ, ᓵᖓᓄᐊᕐᓗᓂ ᐅᖃᐅᑎᕚ, “ᑕᑯᒋᑦ, ᖃᐅᔨᕗᖓ ᓯᓚᕐᔪᐊᓕᒫᒥ ᒎᑎᑕᖃᓐᖏᓚᖅ ᐃᓴᕆᐊᓕᒥᐅᓂ ᑭᓯᐊᓂ, ᑭᒡᒐᕕᑦ ᑐᓂᕐᕈᑎᖏᑦ ᐃᓕᖕᓄᑦ, ᐱᔭᐅᖁᔭᕋᓗᐊᑲ.”

ᐂᓮᐊᓯᐅᑉ ᐊᒡᓚᖏᑦ 49:23

ᐊᖓᔪᖅᑳᕐᔪᐊᓄᑦ ᑎᒍᐊᖑᔪᒫᕐᐳᓯ, ᐊᖓᔪᖅᑳᕐᔪᐊᓪᓗ ᓄᓕᐊᖏᓐᓂᒃ ᐰᕆᔨᑖᕐᓗᓯ, ᐹᒻᒪᒡᕕᒋᔪᒫᕐᐹᓯᓗ ᑮᓇᕐᒥᖕᓄᑦ ᒪᓂᕋᖅ ᐊᒃᑐᕐᓗᒍ, ᐃᑎᒐᑦᓯᓗ ᓴᓂᖏᓐᓂᒃ ᐊᓗᒃᑐᕐᓗᑎᒃ, ᑕᕝᕙ ᖃᐅᔨᓕᕈᒫᕐᐳᓯ ᐊᑕᓂᐅᓂᓐᓂᒃ; ᐅᕙᓐᓂᒃ ᐅᑕᖅᑭᔪᑦ ᑲᓐᖑᓱᒃᑎᑕᐅᔪᒫᓐᖏᓚᑦ.”

ᐂᓮᐊᓯᐅᑉ ᐊᒡᓚᖏᑦ 60:14

ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᕙᓚᐅᕐᑐᑦ ᐃᕐᓂᖏᓐᓄᑦ ᐹᒻᒪᒃᑎᕐᕕᐅᔭᕐᑐᕈᒫᕐᐳᓯ; ᐆᒥᓱᒃᑎᒋᓚᐅᕐᑕᓕᒫᓯᓗ ᒥᑭᒡᓕᑎᕐᓗᑎᒃ ᐃᑎᒐᑦᓯᓐᓄᑦ ᐹᒻᒪᒋᐊᕐᑐᕈᒫᕐᐳᑦ; ᑍᔭᐅᓕᕐᓗᓯᓗ ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᓮᐅᓂᒥᒃ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 37:17

ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᐃᒡᓗᒥᓄᑦ ᕾᑎᑕᐅᖁᕚ, ᑕᕝᕙᓃᓕᕐᑎᓪᓗᒍᓗ ᖃᐅᔨᔭᐅᑦᑍᓕᓪᓗᓂ ᐊᐱᕐᓱᕐᐹ, ᐊᑕᓂᕐᒥᑦ ᑐᓴᒐᒃᓴᕐᑕᖃᕐᒪᖔᑦ. ᔨᕆᒤᐊᐅᓪᓗ ᐅᖃᐅᑎᕚ, “ᑐᓴᒐᒃᓴᖃᕐᐳᖅ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐱᔭᐅᓂᐊᕐᐳᑎᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:9

ᑕᑯᒋᑦ, ᑍᒃᑯᐊ ᓵᑖᓇᓯᐅᑉ ᑲᑎᒪᕕᖁᑎᖓᓃᑦᑐᑦ ᔫᑎᐅᓂᕋᕐᑐᑦ ᔫᑎᐅᓇᑎᒡᓗ, ᓴᒡᓗᔪᑦ ᑕᑯᒋᑦ, ᐃᓕᖕᓄᑦ ᐱᑎᓐᓂᐊᕐᐸᒃᑲ ᓵᖕᓄᓪᓗ ᐹᒻᒪᒃᑎᓪᓗᒋᑦ, ᖃᐅᔨᑎᓪᓗᒋᑦ ᓇᒡᓕᒋᒐᒃᑭᑦ.