ᐊᑕᓃᑦ ᐂᑉᐸᖏᑦ 24:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐸᓯᔭᒃᓴᐅᖏᑦᑐᓂᒡᓗ ᑐᖁᕅᖃᑦᑕᕐᓯᒪᓂᖓᓄᑦ; ᔨᕉᓴᓕᒥᒃ ᐸᓯᔭᒃᓴᐅᖏᑦᑐᑦ ᐊᐅᖏᓐᓂᒃ ᑕᕐᓴᕐᑖᕐᑎᑦᓯᓯᒪᓕᓚᐅᕐᒪᑦ, ᑕᒪᓐᓇᓗ ᐊᑕᓂᐅᑉ ᐃᓱᒪᒋᔪᓐᓁᓚᐅᓐᖏᓛ.

ᐊᑕᓃᑦ ᐂᑉᐸᖏᑦ 24:4 Iomraidhean Croise

ᐊᑕᓃᑦ ᐂᑉᐸᖏᑦ 21:11

“ᔫᑕᐅᑉ ᐊᖓᔪᖅᑳᕐᔪᐊᖓ ᒫᓇᓯ ᓇᕐᕈᓇᕐᑐᕐᔪᐊᓂᒃ ᐱᓇᓱᐊᕐᓯᒪᖕᒪᑦ, ᐊᒧᕅᑎᒥᐅᑦ ᐃᓕᖅᑯᓯᕆᓯᒪᔭᖏᓐᓂᑦ ᐱᐅᖏᓐᓂᕐᓴᓂᒃ ᐱᓂᐊᕐᓯᒪᕗᖅ, ᒎᑎᓐᖑᐊᖃᖃᑦᑕᕐᓂᕐᒥᖕᓄᑦ ᔫᑕᒥᐅᓂᒃ ᐊᔪᕐᑐᓕᑎᑦᓯᓯᒪᖕᒪᑦ.

ᐊᑕᓃᑦ ᐂᑉᐸᖏᑦ 21:16

ᒫᓇᓯᐅᓪᓗ ᐸᓯᔭᒃᓴᐅᓂᖃᖏᑦᑐᓂᒃ ᐃᓄᐊᕐᓯᒪᔭᖏᑕ ᐅᓄᕐᓂᑯᖏᓐᓄᑦ, ᔨᕉᓴᓕᐅᑉ ᐃᓱᐊᓂᑦ ᐃᓱᐊᓄᑦ ᓈᔨᓯᒪᓚᐅᕐᐳᑦ, ᐊᔪᕐᑐᓕᑎᑦᓯᓯᒪᓂᖓ ᔫᑕᒥᐅᓂᒃ ᐱᒐᓗᐊᕐᒥᑎᓪᓗᒍ, ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᒪᑕ.

ᐊᑕᓃᑦ ᐂᑉᐸᖏᑦ 23:26

ᑭᓯᐊᓂ ᐊᑕᓂᐅᑉ ᓂᓐᖓᒡᕕᖃᕐᓯᒪᓂᖓ ᔫᑕᒧᑦ ᑲᔪᓯᒪᓚᐅᕐᐳᖅ, ᐊᖓᔪᖅᑳᕐᔪᐊᑉ ᒫᓇᓯᐅᑉ ᐱᓂᐊᕐᓂᕐᒥᓄᑦ ᓂᓐᖓᒃᓮᓂᕆᓚᐅᕐᑕᖓᓄᑦ ᓂᓐᖓᒍᑎᖃᕐᓯᒪᓂᖓ.

ᐊᑕᓃᑦ ᐂᑉᐸᖏᑦ 24:5

ᔨᕼᐅᐃᐊᑭᐅᑉ ᐱᓂᐊᕐᓂᕆᓯᒪᔭᓕᒫᖏᑦ ᐊᒡᓚᒃᑕᐅᓯᒪᕗᑦ ᔫᑕᐅᑉ ᐊᖓᔪᖅᑳᕐᔪᐊᖏᑕ ᐊᒡᓚᒃᑕᐅᓯᒪᕕᖏᓐᓂ.

ᐃᓐᖏᕈᑎᑦ 106:38

ᐸᓯᔭᒃᓴᐅᖏᑦᑐᒥᒃ ᐊᐅᖕᒥᒃ ᑯᕕᓯᓚᐅᕐᐳᑦ, ᐊᒡᓛᑦ ᐃᕐᓂᖏᑦᑕ ᐸᓂᖏᑦᑕᓗ ᐊᐅᖏᓐᓂᒃ, ᑐᓂᕐᕈᓯᖃᑦᑕᓕᓚᐅᕐᒪᑕ ᑬᓇᓂᒥᐅᑦ ᒎᑎᓐᖑᐊᖏᓐᓄᑦ: ᓄᓇᓗ ᓇᕐᕈᓇᕐᓯᑎᑕᐅᓚᐅᕐᐳᖅ ᐊᐅᖕᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:17

ᐱᐅᔪᕆᓂᒃᑯᑦ ᑕᑯᓐᓇᕐᑐᖅ, ᓴᒡᓗᑐᔪᖅ, ᐊᒡᒊᓪᓗ ᐸᓯᔭᒃᓴᐅᖏᑦᑐᒥᒃ ᐃᓄᐊᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 15:4

ᐊᖓᔪᖅᑳᕐᔪᐊᓄᑦ ᓄᓇᕐᔪᐊᓕᒫᒥ ᑲᑉᐱᐊᓲᑎᒃᓴᐅᑎᓐᓂᐊᕐᐸᒃᑲ ᐊᖓᔪᖅᑳᕐᔪᐊᑉ ᒫᓇᓯᐅᑉ ᕼᐃᓯᑬᐊᐅᑉ ᐃᕐᓂᖓᑕ ᐱᓂᐊᕐᓂᕆᓚᐅᕐᑕᖏᑦ ᔨᕉᓴᓕᒧᑦ ᐱᑦᔪᑎᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 19:4

ᐅᕙᓐᓂᒃ ᕿᒤᓚᐅᕐᒪᑕ, ᐊᓯᖏᑕᓗ ᒎᑎᒋᔭᖏᓐᓄᑦ ᓄᓇᑎᒃ ᐃᓂᑖᖑᑎᓪᓗᒍ ᓇᕐᕈᓇᕐᓯᑎᑉᐹᑦ, ᐆᑕᒃᓴᓂᒡᓗ ᑐᓂᕐᕈᓯᕐᕕᒋᕙᒃᓗᒋᑦ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓂᒃ, ᔫᑕᐅᓪᓘᓐᓃᑦ ᐊᖓᔪᖅᑳᕐᔪᐊᖏᑕ ᖃᐅᔨᒪᓚᐅᕐᓯᒪᖏᒻᒥᔭᖏᑦ; ᑕᕝᕙᓂᓗ ᑐᖁᕅᕙᒃᓗᑎᒃ ᐸᓯᔭᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 2:34

ᐊᓐᓄᕌᓯ ᐊᐅᒥᓯᒪᕗᑦ ᐸᓯᔭᒃᓴᐅᖏᑦᑐᑦ ᐊᔪᕐᓴᕐᑐᓪᓗ ᐊᐅᖏᓐᓂᒃ, ᖃᐅᔨᒪᒐᓗᐊᕐᓗᓯᐅᒃ ᑎᒡᓕᒐᕐᑎᐅᖏᒻᒪᑕ. “ᑍᒤᒐᓗᐊᕐᑎᓪᓗᒍ,

ᔨᕆᒤᐊᐅᑉ ᐊᒡᓚᖏᑦ 22:17

ᑕᐅᑐᒃᑕᓯ ᐃᓱᒪᓯᓗ ᖃᑭᔪᒪᓃᓐᓇᕐᒥᒃ ᐱᔪᒪᔭᑐᐊᖃᒧᑦ ᓯᓔᕐᕆᒃᓯᕐᓗᓯ ᖃᑭᕙᒃᐳᓯ, ᐸᓯᔭᒃᓴᐅᖏᑦᑐᓂᒃ ᑐᖁᑎᑦᓯᕙᒃᓗᓯ, ᐅᖁᒤᑦᑐᒦᑎᑦᓯᕙᒡᓗᓯᓗ ᐃᓄᖁᑎᑦᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 32:31

ᑖᒃᑯᐊ ᐃᒡᓗᒐᓴᒡᔪᐊᑦ ᓂᓐᖓᒃᓮᓂᖏᓐᓄᑦ ᓂᓐᖓᒃᓯᒪᕗᖓ, ᓴᓇᔭᐅᓂᕐᒥᓂᑦ ᐱᒋᐊᕐᓗᓂ ᐅᓪᓗᒥᒧᑦ ᑎᑭᓪᓗᒍ, ᑍᒤᒻᒪᑦ ᓵᓐᓂᑦ ᐲᕈᒪᕙᒃᑲ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:42

“ᐊᔪᕐᑐᓕᓚᐅᕐᐳᒍᑦ ᐃᓕᖕᓄᑦ ᐊᑕᓃᖅ, ᐊᑭᕋᕐᑐᕐᓯᒪᒐᑦᑎᒋᓪᓗ ᐃᓱᒪᒋᔪᓐᓁᕐᕕᒋᓯᒪᓐᖏᓚᑦᑎᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 22:3

ᐅᖃᐅᑎᔪᒫᕐᐸᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓅᖃᑎᑦᓯᓐᓂᒃ ᐃᓄᐊᕐᓯᒪᒐᑦᓯ, ᐅᓪᓗᒃᓴᓯ ᓇᓪᓕᐅᑎᓕᕐᐳᖅ, ᓄᓇᓯᓗ ᓇᕐᕈᓇᕐᓯᑎᓯᒪᓪᓗᓯᐅᒃ ᒎᑎᓐᖑᐊᓄᑦ ᑐᒃᓯᐊᖃᑦᑕᕐᓂᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 24:6

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑲᑉᐱᐊᓐᓇᒦᖑᕗᖅ ᐃᒡᓗᒐᓴᒡᔪᐊᕐᒥᐅᓄᑦ ᐃᓄᐊᕐᑎᓄᑦ, ᐅᒃᑯᓯᖕᒥᒃ ᒪᓐᖏᕐᑐᕆᓂᕐᒥᒃ ᓴᓗᒻᒪᕆᐊᕐᑕᐅᓚᐅᕐᓯᒪᖏᑦᑐᒥᒃ ᐊᑦᔨᖃᕐᐳᑦ, ᐆᒋᖏᑦ ᐊᑕᐅᓯᐅᓈᕐᑎᕐᓗᒋᑦ ᐲᔭᕐᑕᐅᕗᑦ, ᓂᕈᐊᕐᕕᐅᓇᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 24:8

ᓂᓐᖓᒃᑎᑕᐅᓂᒃᑯᑦ ᐊᑭᓂᐊᖁᓪᓗᖓ, ᑐᖁᑕᖏᑕ ᐊᐅᖏᑦ ᕾᕐᑐᒥ ᐊᐅᓈᕐᑎᑕᐅᑎᑉᐸᒃᑲ, ᓴᐅᔭᐅᔪᓐᓇᖁᓇᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 33:25

ᑍᒤᒻᒪᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᓂᕿᒥᒃ ᓂᕆᖃᑦᑕᕐᐳᓯ ᐊᐅᓕᖕᓂᒃ, ᒎᑎᓐᖑᐊᓄᓪᓗ ᑐᒃᓯᐊᕐᕕᖃᕐᐸᒡᓗᓯ, ᐃᓄᐊᕐᐸᒡᓗᓯᓗ; ᑍᒤᑦᑑᓗᓯ ᓄᓇᒥᒃ ᑐᓂᓯᕕᐅᔭᕆᐊᖃᕐᐱᓰ?

ᒨᓯᓯ ᓯᑕᒪᖏᑦ 35:33

ᓄᓇ ᐃᓂᒋᔭᓯ ᐃᑦᔪᕐᓇᕐᑑᓕᖁᓇᒍ; ᐊᐅᑉ ᓄᓇ ᐃᑦᔪᕐᓇᕐᓯᑎᒻᒪᒍ, ᓄᓇᓗ ᓱᓇᒧᑦ ᓴᓗᒻᒪᕐᑎᑕᐅᔪᓐᓇᕋᓂ, ᐊᐅᒃ ᑯᕕᔭᐅᓯᒪᔪᖅ ᑕᒪᐅᖓ ᐱᓪᓗᒍ, ᑭᓯᐊᓂ ᐊᐅᖕᒥᒃ ᑯᕕᓯᓚᐅᕐᑑᑉ ᓴᓗᒻᒪᕐᑎᑦᓱᓐᓇᕐᒪᒍ.

ᒨᓯᓯ ᑕᓪᓕᒪᖏᑦ 19:10

ᑍᒤᓕᐅᕐᑐᒃᓴᐅᕗᓯ, ᐸᓯᔭᒃᓴᐅᖏᑦᑐᓂᒃ ᐃᓄᖕᓂᒃ ᑐᖁᑕᐅᔪᖃᖃᑦᑕᖁᓇᒍ ᓄᓇᑦᓯᓐᓂ ᐊᑕᓂᐅᑉ ᒎᑎᑦᓯ ᑐᓂᔭᖓᓂ ᐃᓕᑦᓯᓐᓄᑦ ᓄᓇᑖᕆᖁᓪᓗᒍ, ᐃᓕᑦᓯᓗ ᐸᓯᔭᒃᓴᐅᖁᓇᓯ ᑐᖁᑕᐅᔪᑦ ᐱᓪᓗᒋᑦ.

ᒨᓯᓯ ᑕᓪᓕᒪᖏᑦ 29:19

ᐅᓪᓗᒥ ᐅᕙᓃᑦᑐᒥᒃ ᐱᖁᔨᑦᔪᑎᐅᓪᓚᕆᒃᑐᓂᒃ ᑐᓵᔪᒥᒃ ᐃᓱᒪᔪᖃᕐᑍᓕᓕ ᑍᒤᑦᑐᓅᓕᕋᓗᐊᕈᓂ ᖃᓄᐃᓐᓂᐊᕋᓱᒋᖏᑦᑐᒥᒃ, ᓈᓚᒍᒪᖏᓪᓗᓂ ᐊᓯᒥᓂᒃ ᐃᓱᒪᒋᔭᑐᐃᓐᓇᕐᒥᓂᒃ ᐃᓅᔪᓐᓇᕋᓱᒋᔪᒥᒃ. ᑕᒪᓐᓇ ᑍᒤᓕᖓᓂᖅ ᑕᒪᑦᓯᓐᓂᒃ ᓄᖑᑎᑦᓯᔪᒫᕐᐳᖅ, ᐱᐅᔪᓂᒃ ᐱᐅᖏᑦᑐᓂᒡᓗ.