ᐊᑕᓃᑦ ᐂᑉᐸᖏᑦ 24:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᒪᓐᓇ ᑍᒤᓚᐅᕐᐳᖅ ᔫᑕᒥᐅᓄᑦ ᐊᑕᓂᐅᑉ ᐱᖁᔨᓂᖓᒍᑦ, ᔫᑕᒥᐅᑦ ᑕᑯᓐᓇᕐᑕᒥᓂᑦ ᐲᕈᒪᓚᐅᕐᒪᒋᑦ, ᒫᓇᓯᐅᑉ ᐊᔪᕐᑐᓕᓯᒪᓂᖓᓄᑦ, ᐱᓇᓱᐊᕐᓂᕆᓯᒪᔭᓕᒫᖏᓪᓗ ᐱᑦᔪᑎᒋᓪᓗᒋᑦ,

ᐊᑕᓃᑦ ᐂᑉᐸᖏᑦ 24:3 Iomraidhean Croise

ᒨᓯᓯ ᓯᕗᓪᓖᑦ 50:20

ᐃᓕᑦᓯᓕ ᐃᓱᒪᖃᓚᐅᕋᓗᐊᕐᐳᓯ ᐱᐅᖏᑦᑐᒥᒃ ᐅᕙᓐᓄᑦ ᐱᓇᓱᐊᕈᒪᓪᓗᓯ; ᒎᑎᐅᓪᓕ ᑕᒪᓐᓇ ᐱᐅᔪᒧᑦ ᐋᖅᑭᒃᓯᒪᓚᐅᕐᐹ, ᐃᓄᐃᑦ ᐅᓄᕐᑐᕐᔪᐊᑦ ᐃᓅᑎᑕᐅᖁᓪᓗᒋᑦ, ᓲᕐᓗ ᐅᓪᓗᒥ ᑍᒤᒻᒪᑦ.

ᐊᑕᓃᑦ ᐂᑉᐸᖏᑦ 17:18

ᐊᑕᓂᐅᑉ ᐃᓴᕆᐊᓕᒥᐅᑦ ᓂᓐᖓᒡᕕᒋᓚᐅᕐᐰᑦ ᓇᔪᕈᒪᔪᓐᓃᕐᓗᓂᒋᓪᓗ, ᔫᑕᐅᑉ ᑭᖑᕚᖏᑦ ᐃᓚᓕᐅᕐᓯᒪᔭᑐᐊᕆᓕᕐᓗᓂᒋᑦ.

ᐊᑕᓃᑦ ᐂᑉᐸᖏᑦ 17:20

ᐊᑕᓂᐅᑉ ᐃᓴᕆᐊᓕᐅᑉ ᑭᖑᕚᓕᒫᖏᑦ ᖁᔭᓈᓚᐅᕐᐰᑦ, ᐅᖁᒤᒃᓴᕐᓇᕐᑐᓂᒃ ᐊᑑᑎᑎᓚᐅᕐᐰᑦ ᐊᑭᕋᕐᑐᕐᑎᖏᓐᓄᑦ ᓇᒡᓕᓂᖃᖏᑦᑐᓄᑦ ᐱᓇᓱᐊᕐᕕᐅᑎᓪᓗᓂᒋᑦ ᐃᓚᒋᔪᒪᔪᓐᓃᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 17:23

ᐊᑕᓂᐅᑉ ᓇᔪᕈᒪᔪᓐᓃᓚᐅᕐᐰᑦ, ᐅᖃᕐᑎᒥᒍᑦ ᖃᐅᔨᑎᒋᐊᕐᓗᓂᒋᑦ ᐅᖃᐅᑎᕙᓚᐅᕋᓗᐊᕐᓗᓂᒋᑦ. ᐃᓴᕆᐊᓕᒥᐅᑦ ᓄᓇᒥᖕᓂᑦ ᐊᐅᓪᓚᕈᑦᔭᐅᓚᐅᕐᐳᑦ ᐊᓯᕆᐊᒧᐊᕐᑎᑕᐅᓪᓗᑎᒃ ᑕᕝᕙᓂᓗ ᓄᓇᖃᓕᕐᓗᑎᒃ ᐅᓪᓗᒥᒧᑦ.

ᐊᑕᓃᑦ ᐂᑉᐸᖏᑦ 18:25

ᓄᓇᑦᓯᓐᓂᒃ ᐅᓇᑕᕐᓂᒃᑯᑦ ᓵᓚᖃᕐᓯᒪᓇᓱᒋᖏᓐᓇᑦᑎᒍᑦ ᐊᑕᓂᐅᑉ ᐱᔪᓐᓇᕐᑎᑦᓯᓂᖓᒍᑦ ᑭᓯᐊᓂ? ᐊᑕᓂᕐᒧᑦ ᐅᖃᐅᑎᔭᐅᓯᒪᓂᕗᑦ ᒪᓕᒡᓗᒍ ᓄᓇᖁᑎᑦᓯᓐᓂᒃ ᐊᓯᕈᐃᔭᕐᑐᓚᐅᕐᐳᒍᑦ.”

ᐊᑕᓃᑦ ᐂᑉᐸᖏᑦ 21:16

ᒫᓇᓯᐅᓪᓗ ᐸᓯᔭᒃᓴᐅᓂᖃᖏᑦᑐᓂᒃ ᐃᓄᐊᕐᓯᒪᔭᖏᑕ ᐅᓄᕐᓂᑯᖏᓐᓄᑦ, ᔨᕉᓴᓕᐅᑉ ᐃᓱᐊᓂᑦ ᐃᓱᐊᓄᑦ ᓈᔨᓯᒪᓚᐅᕐᐳᑦ, ᐊᔪᕐᑐᓕᑎᑦᓯᓯᒪᓂᖓ ᔫᑕᒥᐅᓂᒃ ᐱᒐᓗᐊᕐᒥᑎᓪᓗᒍ, ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᒪᑕ.

ᐊᑕᓃᑦ ᐂᑉᐸᖏᑦ 24:20

ᐊᑕᓂᐅᓪᓗ ᓂᓐᖓᒡᕕᒋᓚᐅᕋᒥᒋᑦ ᔨᕉᓴᓕᒥᐅᑦ ᔫᑕᒥᐅᓪᓗ ᓇᔪᕈᒪᔪᓐᓃᓚᐅᕐᐰᑦ. ᔨᑎᑬᐊᓗ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓂᒃ ᐊᑭᕋᕐᑐᓕᓚᐅᕐᐳᖅ.

ᑯᕉᓂᑲ ᐂᑉᐸᖏᑦ 24:24

ᓯᕆᐊᒥᐅᑦ ᐅᓇᑕᕐᑎᖏᑦ ᐅᓄᓚᐅᓐᖏᓚᑦ, ᐊᑕᓂᐅᓪᓕ ᐅᓇᑕᕐᑐᒃᓮᑦ ᐅᓄᕐᑐᕐᔪᐊᑦ ᑖᒃᑯᓄᖓ ᓵᓚᐅᑎᓚᐅᕐᐰᑦ, ᐊᑕᓂᕐᒥᒃ ᕿᒤᓚᐅᕐᒪᑕ, ᓯᕗᓕᖏᑕ ᒎᑎᖓᓂᒃ. ᑖᒃᑯᐊᓗ ᑍᒤᓕᐅᕐᑕᐅᓂᖏᑦ ᓱᒋᐊᕐᓯᓂᐅᓚᐅᕐᐳᑦ ᔪᐊᓯᒥᒃ.

ᑯᕉᓂᑲ ᐂᑉᐸᖏᑦ 25:16

ᓱᓕ ᐅᖃᓪᓚᒃᑎᓪᓗᒍ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐊᖓᔪᖅᑳᕐᔪᐊᒨᑦ ᐅᖃᐅᑦᔨᒋᐊᕐᑎᓐᖑᕐᑎᓚᐅᕐᐱᒌᑦ? ᓄᖅᑲᓕᕆ! ᓱᖕᒪᑦ ᑐᖁᑕᐅᔪᒃᓴᐅᕖᑦ?” ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᓄᖅᑲᕐᐳᖅ, ᐅᖃᕐᓗᓂᓗ, “ᒫᓐᓇ ᖃᐅᔨᕗᖓ ᒎᑎᐅᑉ ᐊᓯᕈᕐᓂᐊᓕᕐᒪᑎᑦ, ᑍᒫᒃ ᐱᓇᓱᐊᕐᓃᑦ ᐱᓪᓗᒍ ᐅᖃᐅᓯᓐᓂᒃ ᓈᓚᓚᐅᖏᓐᓇᕕᑦ.”

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 45:7

ᖃᐅᒪᔪᒥᒃ ᐱᒋᐊᕐᑎᑦᓯᓚᐅᕐᐳᖓ ᑖᕐᑐᕐᓗ ᓴᖅᑭᑎᓪᓗᒍ, ᓮᒻᒪᕐᑎᑕᐅᓂᖅ ᐱᒋᐊᕐᑎᓯᒪᕙᕋ ᑲᑉᐱᐊᓇᕐᑐᒦᓐᓂᕐᓗ ᓴᖅᑭᑎᒃᑭᓪᓗᒍ, ᐅᕙᖓᐅᕗᖅ ᐊᑕᓂᖅ, ᑕᒪᒃᑯᓂᖓᓕᒫᖅ ᐱᓇᓱᐊᕐᐸᒃᑐᖅ.

ᔨᕆᒤᐊᐅᑉ ᐊᒡᓚᖏᑦ 32:31

ᑖᒃᑯᐊ ᐃᒡᓗᒐᓴᒡᔪᐊᑦ ᓂᓐᖓᒃᓮᓂᖏᓐᓄᑦ ᓂᓐᖓᒃᓯᒪᕗᖓ, ᓴᓇᔭᐅᓂᕐᒥᓂᑦ ᐱᒋᐊᕐᓗᓂ ᐅᓪᓗᒥᒧᑦ ᑎᑭᓪᓗᒍ, ᑍᒤᒻᒪᑦ ᓵᓐᓂᑦ ᐲᕈᒪᕙᒃᑲ.

ᔨᕆᒤᐊᐅᑉ ᐊᒡᓚᖏᑦ 52:28

ᐅᑯᐊ ᑕᕝᕙ ᐃᓄᐃᑦ ᐅᓄᕐᓂᖏᑦ ᓂᐱᑯᓁᓴᐅᑉ ᐊᐅᓪᓚᕈᑎᓚᐅᕐᑕᖏᑦ; ᐊᕐᕌᒍᐃᑦ 7ᖓᓐᓂ ᐊᐅᓪᓚᕈᑦᔨᓚᐅᕐᐳᖅ ᔫᑎᓂᒃ ᐅᓄᕐᓂᖃᕐᑐᓂᒃ 3,023ᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 22:3

ᐅᖃᐅᑎᔪᒫᕐᐸᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓅᖃᑎᑦᓯᓐᓂᒃ ᐃᓄᐊᕐᓯᒪᒐᑦᓯ, ᐅᓪᓗᒃᓴᓯ ᓇᓪᓕᐅᑎᓕᕐᐳᖅ, ᓄᓇᓯᓗ ᓇᕐᕈᓇᕐᓯᑎᓯᒪᓪᓗᓯᐅᒃ ᒎᑎᓐᖑᐊᓄᑦ ᑐᒃᓯᐊᖃᑦᑕᕐᓂᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 24:6

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑲᑉᐱᐊᓐᓇᒦᖑᕗᖅ ᐃᒡᓗᒐᓴᒡᔪᐊᕐᒥᐅᓄᑦ ᐃᓄᐊᕐᑎᓄᑦ, ᐅᒃᑯᓯᖕᒥᒃ ᒪᓐᖏᕐᑐᕆᓂᕐᒥᒃ ᓴᓗᒻᒪᕆᐊᕐᑕᐅᓚᐅᕐᓯᒪᖏᑦᑐᒥᒃ ᐊᑦᔨᖃᕐᐳᑦ, ᐆᒋᖏᑦ ᐊᑕᐅᓯᐅᓈᕐᑎᕐᓗᒋᑦ ᐲᔭᕐᑕᐅᕗᑦ, ᓂᕈᐊᕐᕕᐅᓇᑎᒃ.

ᐂᒨᓯᐅᑉ ᐊᒡᓚᖏᑦ 3:6

“ᐃᒡᓗᒐᓴᖕᓂ ᑎᑦᑐᓚᐅᑦ ᓂᓪᓕᕐᐸᑦ ᐃᓄᖏᑦ ᑲᑉᐱᐊᓱᒐᔭᓐᖏᓛᑦ? “ᐱᓂᕐᓗᖕᓂᐊᓗᖃᕈᓐᓇᕐᐹ ᐃᒡᓗᒐᓴᖕᓂ, ᐊᑕᓂᖅ ᐱᖁᔨᑎᓐᓇᒍ?

ᒤᑲᐅᑉ ᐊᒡᓚᖏᑦ 2:10

ᒪᑭᓪᓗᑎᑦ ᐊᐅᓪᓚᓕᕆᑦ, ᑖᓐᓇ ᑕᕾᕐᓯᕐᕕᒋᖏᓐᓇᕕᐅᒃ; ᓱᕈᕐᑎᕐᑕᐅᓯᒪᓕᕐᒪᑦ ᐊᓯᕈᕐᑕᐅᓪᓗᓂᓗ, ᓯᖁᒥᑕᐅᓪᓚᕆᖕᓂᐊᕐᐳᖅ ᐋᖅᑭᒍᓐᓁᓪᓕᓗᓂ.

ᒨᓯᓯ ᑕᓪᓕᒪᖏᑦ 28:63

ᐊᑕᓂᖅ ᑲᑦᓱᖎᕐᓯᒪᓪᓗᓂ ᐃᓕᑦᓯᓐᓂᒃ ᐊᔪᕐᓴᕈᓐᓁᕐᐸᓪᓕᐊᑎᑦᓯᓚᐅᕐᒪᑦ ᐃᓄᒋᐊᒃᓯᕙᓪᓕᐊᑎᑦᓯᓪᓗᓂᓗ, ᑍᒫᒃᑕᐅᖅ ᑲᑦᓱᖎᕐᓯᒪᓗᓂ ᓄᖒᑦᓯᕙᓪᓕᐊᔪᒫᕐᐳᖅ ᓯᖁᒥᑕᐅᕙᓪᓕᐊᑎᑦᓯᓗᓂᓗ. ᓄᓇᒋᔭᑦᓯᓐᓂᓪᓗ ᐊᒧᔭᐅᕙᓪᓕᐊᔪᒫᕐᐳᓯ ᑕᕝᕙᓐᖓᑦ ᓄᓇᑖᕆᓂᐊᓕᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 29:28

ᐊᑕᓂᖅ ᓂᓐᖓᕕᒡᔪᐊᕐᓯᒪᓕᕐᐳᖅ, ᓂᓐᖓᐅᒪᓂᕐᒥᓄᓪᓗ ᐊᖏᔪᒧᑦ ᓄᓇᒋᔭᖏᓐᓂᑦ ᓄᓲᕋᓕᕐᐰᑦ ᐃᒋᓪᓗᓂᒋᓪᓗ ᓄᓇᖅᑲᑎᒋᓐᖏᑕᖏᓐᓄᑦ, ᒫᓐᓇᓗ ᑕᕝᕙᓃᓕᕐᐳᑦ ᐅᓪᓗᒥᒧᑦ.’

ᔮᓱᐊᑉ ᐊᒡᓚᖏᑦ 23:15

ᑍᒤᒻᒪᑦ ᑍᒫᒃ ᐊᖏᕈᑎᒥᓂᒃ ᑲᔪᓯᑎᑦᓯᓚᐅᕐᒪᑦ ᐃᓕᑦᓯᓐᓄᑦ ᐱᐅᔪᓂᒃ ᐱᓂᐊᕐᓂᕋᕐᑕᓕᒫᒥᓂᒃ, ᑍᒤᒻᒪᑦ ᐊᑕᓂᖅ ᑲᔪᓯᑎᑦᓯᒐᔭᕆᕗᖅ ᐃᓕᑦᓯᓐᓄᑦ ᐱᐅᖏᑦᑐᓂᒃ ᐋᓐᓂᕐᓇᕐᑐᓂᒡᓗ, ᓄᖒᑦᓯᓚᐅᖏᓐᓂᓕᒫᒥᓂ ᐃᓕᑦᓯᓐᓂᒃ ᑕᒫᓐᖓᑦ ᓄᓇᑦᓯᐊᕙᖕᒥᑦ ᐊᑕᓂᐅᑉ ᒎᑎᓯ ᑐᓂᓚᐅᕐᑕᖓᓂᒃ ᐃᓕᑦᓯᓐᓄᑦ.