ᐊᑕᓃᑦ ᐂᑉᐸᖏᑦ 24:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᓂᕐᓗ ᑲᐅᓪᑎᐊᒥᐅᑦ ᐅᓇᑕᕐᑎᒐᓴᒡᔪᐊᖏᓐᓂᒃ ᐅᓇᑕᕆᐊᕐᑎᑦᓯᕗᖅ ᔨᕼᐅᐃᐊᑭᒻᒧᑦ, ᓯᕆᐊᒥᐅᓂᑦ, ᒧᐊᐱᒥᐅᓂᑦ ᐊᒧᓁᑎᓂᑦ, ᑲᑐᑦᔭᐅᓪᓗᓂ ᑖᒃᑯᓇᓐᖓ ᔫᑕ ᐊᓯᕈᕐᑕᐅᖁᓪᓗᒍ, ᐊᑕᓂᐅᑉ ᐅᖃᐅᓯᕆᓯᒪᔭᖓ ᐅᖃᕐᑎᒥᒍᑦ ᒪᓕᒡᓗᒍ ᑍᒤᑦᓱᒫᕐᓂᕋᕐᓗᒍ ᐅᖃᕐᓯᒪᓚᐅᕋᒥ.

ᐊᑕᓃᑦ ᐂᑉᐸᖏᑦ 24:2 Iomraidhean Croise

ᐊᑕᓃᑦ ᐂᑉᐸᖏᑦ 20:17

ᑕᑯᒋᑦ ᐅᓪᓗᐃᑦ ᓇᓪᓕᐅᑎᔪᒫᕐᐳᑦ, ᐊᖓᔪᖅᑳᕐᔪᐊᑉ ᐃᒡᓗᖓᓃᑦᑐᓕᒫᑦ, ᓯᕗᓕᕕᓂᕐᐱᓪᓗ ᑲᑎᕐᓱᐊᕆᓯᒪᔭᖏᑦ ᐅᓪᓗᒥ ᑎᑭᓪᓗᒍ ᐹᐱᓘᓂᒧᑦ ᐊᐅᓪᓚᕈᑦᔭᐅᔪᒫᕐᐳᑦ, ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᔭᐅᖏᓪᓗᑎᒃ, ᐊᑕᓂᖅ ᑍᒫᒃ ᐅᖃᕐᐳᖅ.

ᐊᑕᓃᑦ ᐂᑉᐸᖏᑦ 22:16

ᐊᑕᓂᖅ ᐃᒫᒃ ᐅᖃᕐᐳᖅ, ᑕᑯᒋᑦ, ᓄᓇᒥ ᑕᒫᓂ ᐱᐅᖏᑦᑐᒥᒃ ᐱᑕᖃᕐᑎᑦᓯᔪᒫᕐᐳᖓ ᐃᓄᖏᓐᓄᓪᓗ, ᐊᖓᔪᖅᑳᕐᔪᐊᑉ ᐊᒡᓚᖕᓂᒃ ᐅᖃᓕᒫᖅᑲᐅᔭᖏᓐᓂ ᐅᖃᐅᓯᕆᓯᒪᔭᒃᑲ ᒪᓕᒡᓗᒋᑦ.

ᐊᑕᓃᑦ ᐂᑉᐸᖏᑦ 23:27

ᐊᑕᓂᖅ ᐅᖃᓚᐅᕐᒪᑦ, “ᔫᑕ ᑕᑯᓐᓇᕐᑕᓐᓂᑦ ᓅᑎᑦᓱᒫᕐᐸᕋ, ᐃᓴᕆᐊᓕᒥᐅᑎᑐᑦ ᓅᑦᓯᓂᕆᓚᐅᕐᑕᑦᑐᖅ, ᔨᕉᓴᓕᒻᓗ ᓂᕈᐊᕐᓗᒍ ᐃᒡᓗᒐᓴᒡᔪᐊᓐᖑᕐᑎᓚᐅᕐᑕᕋ ᓇᕐᕈᒋᓕᕈᒫᕐᐸᕋ, ᑖᓐᓇ ᐅᖃᐅᓯᖃᕐᕕᒋᓚᐅᕐᑕᕋ, ‘ᐊᑎᕋ ᑕᕝᕙᓂ ᐅᐱᒋᔭᐅᖏᓐᓇᖁᓪᓗᒍ.’”

ᐊᑕᓃᑦ ᐂᑉᐸᖏᑦ 6:23

ᑕᕝᕙ ᑖᒃᑯᓂᖓ ᓂᕆᕕᒡᔪᐊᕐᑎᑦᓯᕗᖅ; ᓂᕆᔭᕇᕐᒪᑕ ᐊᖓᔪᖅᑳᖏᓐᓄᑦ ᐅᑎᖁᕔᑦ, ᑕᒪᑐᒪᓗ ᑭᖑᓂᖓᒍᑦ ᓯᕆᐊᒥᐅᑦ ᑲᒪᓇᓱᑦᓵᕈᓐᓃᓚᐅᕐᐳᑦ ᐃᓴᕆᐊᓕᒥᐅᑦ ᓄᓇᓕᖁᑎᖏᓐᓂᒃ.

ᑯᕉᓂᑲ ᐂᑉᐸᖏᑦ 33:11

ᑍᒤᒻᒪ ᐊᑕᓂᐅᑉ ᐱᔭᐅᑎᓚᐅᕐᐰᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐅᓇᑕᕐᑎᖏᓐᓄᑦ, ᑖᒃᑯᐊ ᒫᓇᓯᒥᒃ ᑎᒍᓯᕗᑦ ᓴᕕᕋᔭᖕᓄᓪᓗ ᓂᒃᓯᒃᓯᒪᓪᓗᒍ ᐊᕐᓵᕐᑑᔭᓄᑦ ᑲᓐᓄᔭᓄᑦ ᕿᓚᒃᓱᕐᐹᑦ ᐊᐅᓪᓚᐅᑎᓪᓗᒍᓗ ᐹᐱᓘᓂᒧᑦ.

ᔫᐱᐅᑉ ᐊᒡᓚᖏᑦ 1:17

ᓱᓕᓕ ᐅᖃᕇᓚᐅᕐᑎᓐᓇᒍ, ᐱᔨᖓᑦᑕ ᐃᓚᖓᑦ ᕾᒋᕗᖅ ᐅᖃᕐᓗᓂᓗ, “ᐱᖓᓱᐃᖑᓪᓗᑎᒃ ᑲᐅᓪᑎᐊᒥᐅᑦ ᕿᒻᒥᕐᔪᐊᒃᑰᕐᑐᑦ ᐅᕙᑦᑎᓐᓄᑦ ᐅᓇᑕᕆᐊᕐᒪᑕ ᑳᒥᓕᖁᑎᓕᒫᕗᑦ ᑖᒃᑯᓄᖓ ᐱᔭᐅᕗᑦ ᐱᔨᓕᒫᑎᓪᓗ ᑐᖁᑕᐅᓪᓗᑎᒃ, ᐅᕙᖓᓕ ᐊᒥᐊᒃᑯᑑᕗᖓ ᕿᒫᖅᑲᐅᒐᒪ ᐅᖃᐅᑎᔪᒪᓪᓗᑎᑦ.”

ᐂᓮᐊᓯᐅᑉ ᐊᒡᓚᖏᑦ 13:5

ᑖᒃᑯᐊ ᓄᓇᒥᑦ ᐅᖓᓯᒃᑐᒥᑦ ᐱᕗᑦ, ᕿᓔᑦ ᐃᓱᐊᓂᑦ, ᐊᑕᓂᐅᑉ ᐅᓇᑕᐅᑏᓪᓗ ᓂᓐᖓᐅᑦᔨᓯᒪᓂᕐᒥᓄᑦ ᐱᓇᓱᐊᕐᓂᕆᕔᑦ, ᓄᓇᕐᔪᐊᖅ ᐃᓘᓐᓈᑦ ᐊᓯᕈᕈᒪᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 28:19

ᑏᒐᕐᑕᐅᖃᑦᑕᕈᒫᕐᐳᓯ ᐱᒋᐊᕐᑕᐅᓂᑕᒫᑦ; ᖃᐅᑕᒫᑦ ᐅᓪᓛᑕᒫᑦ ᑏᒐᕐᑕᐅᖃᑦᑕᕈᒫᕐᐳᓯ, ᐅᓪᓗᒃᑯᓪᓗ ᐅᓐᓄᐊᒃᑯᓪᓗ; ᑲᑉᐱᐊᓇᖃᑦᑕᕈᒫᕐᐳᖅ ᐅᖃᐅᓯᕐᒥᒃ ᑐᓴᕐᓗᓯ ᑐᑭᓯᑦᓯᐊᕐᓗᒍᓗ.”

ᐂᓮᐊᓯᐅᑉ ᐊᒡᓚᖏᑦ 7:17

“ᐊᑕᓂᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓂᒃ ᑎᑭᑎᑦᓯᓛᖕᒪᑦ ᐃᓕᖕᓄᑦ ᐃᓄᖁᑎᑦᓯᓐᓄᓪᓗ ᓯᕗᓕᕕᓂᑦᓯᓗ ᑭᖑᕚᖏᓐᓄᑦ ᑲᑉᐱᐊᓇᕐᑐᒥᒃ ᑍᒫᒃ ᑲᑉᐱᐊᓇᕐᑎᒋᔪᖃᓚᐅᕐᓯᒪᓐᖏᓚᖅ ᐃᕗᕅᒥᐅᑦ ᔫᑕᒥᑦ ᐊᕝᕗᑎᓚᐅᕐᓂᖓᑕ ᑭᖑᓂᖓᒍᑦ.

ᔨᕆᒤᐊᐅᑉ ᐊᒡᓚᖏᑦ 12:9

ᐃᓄᖁᑎᒋᔪᒪᓪᓗᒋᑦ ᓂᕈᐊᓚᐅᕐᑕᒃᑲ ᑎᖕᒥᐊᑎᑐᑦ ᐅᑭᓕᕆᐊᑐᑦ ᑍᒤᓕᕐᐳᑦ ᑎᖕᒥᐊᖑᖃᑎᖏᓐᓄᑦ ᓂᕆᔭᐅᓇᓱᐊᕐᑐᑎᑐᑦ, ᐆᒪᔪᑦ ᐃᕐᓯᓇᕐᑐᑦ ᕾᖁᓕᒃᑭᑦ ᑖᒃᑯᓂᖓ ᓂᕆᖃᑕᐅᓂᐊᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 25:1

ᐊᑕᓂᐅᑉ ᐅᖃᕐᕕᒋᕚ ᔨᕆᒤᐊ ᔫᑕᒥᐅᓕᒫᑦ ᐱᑦᔪᑎᒋᓪᓗᒋᑦ, ᐊᕐᕌᒍᐃᑦ ᔨᕼᐅᐃᐊᑭᒻ ᔫᓮᐊᐅᑉ ᐃᕐᓂᖓᑕ ᐊᖓᔪᖅᑳᕐᔪᐊᕆᔭᐅᓂᖓᑕ ᔫᑕᒥ ᓯᑕᒪᒋᓕᕐᑕᖓᓂ, ᓂᐱᑯᓁᓴ ᐊᕐᕌᒍᓕᒫᒥᒃ ᐊᖓᔪᖅᑳᕐᔪᐊᕆᔭᐅᓕᕐᑎᓪᓗᒍ ᐹᐱᓘᓂᒥᐅᓄᑦ.

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 26:20

(ᐊᖑᑎᑕᖃᓚᐅᕆᕗᖅ ᔪᕅᐊᒥᒃ ᐊᑎᓕᖕᒥᒃ ᓯᒤᐊᐅᑉ ᐃᕐᓂᖓᓂᒃ ᑭᕆᐊᑦ-ᔨᕆᒥᐅᑕᕐᒥᒃ, ᑖᓐᓇᓗ ᐊᑕᓂᐅᑉ ᐊᑎᖓᓂ ᐅᖃᓚᐅᕐᓯᒪᒋᕗᖅ, ᐊᓯᕈᕐᑕᐅᓂᐊᕐᓂᕅᓪᓗᓂ ᐃᒡᓗᒐᓴᒡᔪᐊᓂᒃ ᐃᓅᖃᑎᒌᒡᔪᐊᓂᒡᓗ ᔨᕆᒤᐊᐅᑉ ᐅᖃᐅᓯᕆᔭᖓᑐᑦᑕᐅᖅ.

ᔨᕆᒤᐊᐅᑉ ᐊᒡᓚᖏᑦ 26:6

ᑕᕝᕙ ᑐᒃᓯᐊᕐᕕᒃᔪᐊᖅ ᐱᓂᐊᕐᕕᒋᓂᐊᕐᐸᕋ ᓮᓗᐊᒧᑦ ᐱᓇᓱᐊᕐᓂᕆᓚᐅᕐᑕᑦᑐᑦ, ᓄᓇᓖᓪᓗ ᑖᒃᑯᐊ ᓇᕐᕈᒋᔭᐅᓕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 32:28

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ, ᑕᑯᒋᑦ, ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᑐᓂᓕᕐᐸᒃᑲ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑖᑦᓱᒪᓗ ᑎᒍᓂᐊᕐᐹ.

ᔨᕆᒤᐊᐅᑉ ᐊᒡᓚᖏᑦ 35:11

ᓂᐱᑯᓁᓴᐅᓪᓕ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᓄᓇᕗᑦ ᓵᓚᒋᓕᕐᒪᒍ ᐅᖃᓚᐅᕐᐳᖑᑦ, ᔨᕉᓴᓕᒧᐊᕈᒪᓪᓗᑕ ᑲᐅᓪᑎᐊᒥᐅᑦ ᓯᕆᐊᒥᐅᓪᓗ ᐅᓇᑕᕐᑎᖁᑎᖏᓐᓂᑦ ᕿᒫᔪᒪᓪᓗᑕ ᑍᒪᓐᖓᑦ ᑕᕝᕙ ᔨᕉᓴᓕᒥᐅᑕᐅᓕᕐᐳᒍᑦ.”

ᔨᕆᒤᐊᐅᑉ ᐊᒡᓚᖏᑦ 52:28

ᐅᑯᐊ ᑕᕝᕙ ᐃᓄᐃᑦ ᐅᓄᕐᓂᖏᑦ ᓂᐱᑯᓁᓴᐅᑉ ᐊᐅᓪᓚᕈᑎᓚᐅᕐᑕᖏᑦ; ᐊᕐᕌᒍᐃᑦ 7ᖓᓐᓂ ᐊᐅᓪᓚᕈᑦᔨᓚᐅᕐᐳᖅ ᔫᑎᓂᒃ ᐅᓄᕐᓂᖃᕐᑐᓂᒃ 3,023ᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:17

ᓮᐅᓂ ᐃᓵᖓᒐᓗᐊᕐᒪᑦ ᐃᑲᔪᕐᑕᐅᔪᒪᓪᓗᓂ, ᐃᑲᔪᕐᑎᒃᓴᕐᑕᖃᓐᖏᓚᕐᓕ, ᐊᑕᓂᐅᑉ ᔧᑯᒃᑯᑦ ᐅᓇᑕᕐᕕᐅᔭᕐᑐᖁᕔᑦ, ᐃᓅᖃᑎᒋᓇᓱᒋᓚᐅᕐᑕᖏᑦ ᐊᑭᕋᕐᑐᓕᖁᓪᓗᒋᑦ, ᔨᕉᓴᓕᒻᓗ ᓇᕐᕈᒋᔭᐅᓕᕐᐳᖅ ᐃᓄᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 19:8

ᑕᕝᕙ ᐃᓅᖃᑎᒌᒡᔪᐊᑦ ᑲᑐᑦᔨᓪᓗᑎᒃ ᐱᓇᓱᐊᓕᓚᐅᕐᐳᑦ ᓇᒧᓕᒫᖅ ᓄᓗᐊᒥᖕᓂᒃ ᐃᓯᕕᑦᓯᓪᓗᑎᒃ; ᐃᑎᕐᓴᓕᐊᕆᓯᒪᔭᒥᓂᓗ ᐱᔭᕆᕚᑦ.

ᐃᓯᑭᐊᓕᐅᑉ ᐊᒡᓚᖏᑦ 23:23

ᐹᐱᓘᓂᒥᐅᑦ ᑲᐅᓪᑎᐊᒥᐅᓕᒫᓪᓗ, ᐱᑳᑦᒥᐅᑦ ᓱᐊᒥᐅᑦ ᑯᐊᒥᐅᓪᓗ, ᐊᓯᕆᐊᒥᐅᓕᒫᓪᓗ ᐱᖃᑕᐅᓗᑎᒃ ᑎᑭᑎᑦᓱᒫᕐᐸᒃᑲ, ᐃᓅᓱᒃᑐᑦ ᐊᖑᑎᑦᓯᐊᕔᑦ ᐃᒃᓕᒋᖃᑦᑕᓚᐅᕐᑕᑎᑦ, ᐊᐅᓚᑦᓯᔩᑦ ᐅᓇᑕᕐᑏᓪᓗ ᐊᖓᔪᖅᑳᓕᒫᖏᑦ, ᐅᓇᑕᕐᑏᓪᓗ ᐱᓯᑎᐅᓂᕐᐹᖏᑦ, ᕿᒥᕐᔪᐊᕐᑎᖏᓪᓗ.

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᕼᐊᐸᑲᐅᑉ ᐊᒡᓚᖏᑦ 1:6

ᑲᐅᓪᑎᐊᒥᐅᑦ ᐊᐅᓚᑦᓯᔨᓐᖑᕐᑎᓐᓂᐊᕐᐸᒃᑲ, ᐃᓅᖃᑎᒌᒡᔪᐊᑦ ᐆᒥᓱᒃᑎᐊᓗᐃᑦ ᐅᐃᒪᔮᕐᓗᑎᒡᓗ. ᓄᓇᕐᔪᐊᕐᒧᑦ ᓇᒧᑐᐃᓐᓇᖅ ᐃᖏᕐᕋᑲᑕᒃᑐᑦ, ᓄᓇᒋᓐᖏᑕᒥᖕᓂᒃ ᓄᓇᖁᑎᑖᕈᒪᓪᓗᑎᒃ.