ᐊᑕᓃᑦ ᐂᑉᐸᖏᑦ 23:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᖓᔪᖅᑳᕐᔪᐊᕐᓗ ᓱᑲᕐᔪᐊᑉ ᓴᓂᐊᓂ ᓇᖏᕐᓗᓂ ᐊᑕᓂᐅᑉ ᓵᖓᓂ, ᐊᖏᖃᑎᒌᖕᓂᖅ ᓄᑕᐅᓯᓕᕐᐹ ᐊᑕᓂᖅ ᒪᓕᒡᑕᐅᖁᓪᓗᒍ ᐱᓂᐊᕐᑕᐅᖁᔭᖏᑦ ᐱᖁᔭᖏᓐᓂᒡᓗ ᓈᓚᑦᓯᐊᕐᑕᐅᖁᓪᓗᒋᑦ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒃᓯᒪᓂᐅᓪᓗ ᐱᐅᓯᐅᖁᔭᖏᑦ, ᐱᓂᐊᕈᑎᒋᓗᒋᑦ ᐃᓅᓯᖃᕈᒪᓪᓗᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᑦ, ᒪᓕᒡᓗᒋᑦ; ᐃᓄᓕᒫᑦᑕᐅᒃ ᐊᖏᖃᑕᐅᕗᑦ ᑍᒪᒃ ᐱᓂᐊᖃᑕᐅᔪᒪᓪᓗᑎᒃ.

ᐊᑕᓃᑦ ᐂᑉᐸᖏᑦ 23:3 Iomraidhean Croise

ᐊᑕᓃᑦ ᐂᑉᐸᖏᑦ 11:14

ᑕᑯᒐᒥᓗ ᐊᖓᔪᖅᑳᕐᔪᐊᕐᒥᒃ, ᓇᖏᕐᑐᒥᒃ ᓇᐸᔪᐊᓗᐃᑦ ᓴᓂᐊᓂ ᐱᐅᓯᕆᔭᐅᓲᖅ ᒪᓕᒡᓗᒍ. ᐅᓇᑕᕐᑏᑦ ᐊᖓᔪᖅᑳᖏᑦ ᓱᐴᒐᕐᑏᓪᓗ ᓴᓂᐊᓂ ᓇᖏᕐᓗᑎᒃ, ᐃᓅᓕᒫᓗ ᓇᑭᑐᐃᓐᓇᖅ ᐱᓯᒪᔪᑦ ᑕᕝᕙᓃᑉᐳᑦ ᖁᕕᐊᓱᒃᑐᐊᓘᓪᓗᑎᒃ ᓱᐴᒐᕐᓂᒡᓗ ᓂᓪᓕᐊᑎᑦᓯᓪᓗᑎᒃ. ᐊᑕᓔᐊᐅᓪᓗ ᐊᓐᓄᕌᓂ ᐊᓕᒃᐰᑦ ᓂᐱᑭᑦᑑᓪᓗᓂᓗ ᐅᖃᕐᐳᖅ, “ᐊᑭᕋᕐᑐᕐᑎᐅᕗᓯ! ᐊᑭᕋᕐᑐᕐᑎᐅᕗᓯ!”

ᐊᑕᓃᑦ ᐂᑉᐸᖏᑦ 11:17

ᔨᕼᐅᐃᐊᑕ ᐊᖏᖃᑎᓕᐅᕈᑎᒥᒃ ᐋᖅᑮᕗᖅ ᐊᑕᓂᕐᒧᑦ ᐊᖓᔪᖅᑳᕐᔪᐊᕐᒧᓪᓗ ᐃᓄᖕᓄᓪᓗ ᐊᑕᓂᖕᒧᑦ ᐃᓄᖁᑕᐅᖏᓐᓇᖁᓪᓗᒋᑦ. ᐊᖏᖃᑎᓕᐅᕈᑎᓕᐅᕆᓪᓗᓂᓗ ᐊᖓᔪᖅᑳᕐᔪᐊᕐᒧᑦ ᐊᑕᓂᕐᒧᓪᓗ ᐃᓄᖁᑕᐅᖏᓐᓇᖁᓪᓗᒋᑦ. ᐊᖏᖃᑎᓕᐅᕈᑎᓕᐅᕆᓪᓗᓂᓗ ᐊᖓᔪᖅᑳᕐᔪᐊᑉ ᐃᓄᖁᑎᖏᑕᓗ ᐊᖏᓯᒪᖃᑎᒌᒍᑎᒋᓂᐊᕐᑕᖓᓐᓂᒃ.

ᑯᕉᓂᑲ ᐂᑉᐸᖏᑦ 15:15

ᔫᑕᒥᐅᓕᒫᓪᓗ ᖁᕕᐊᓱᒃᐳᑦ ᐅᖃᕕᒃᓗᑎᒃ ᐊᖏᕈᑎᒋᔭᒥᖕᓂᒃ; ᐊᖏᒻᒪᕆᓚᐅᕋᒥᒃ ᐆᒻᒪᑎᒥᖕᓄᑦ ᐃᓘᓐᓈᓄᑦ, ᖃᐅᔨᓇᓱᓚᐅᕋᒥᑦᔪᒡᓗ ᐱᔪᓐᓇᕐᓂᓕᒫᒥᖕᓄᑦ, ᓇᓂᓚᐅᕋᒥᑦᔪᒡᓗ, ᐊᑕᓂᐅᓪᓗ ᐸᒡᕕᓴᒃᑕᐅᑎᓚᐅᓐᖏᓔᑦ ᐊᕙᑎᒥᐅᑕᓕᒫᖏᓐᓂᑦ.

ᑯᕉᓂᑲ ᐂᑉᐸᖏᑦ 23:13

ᑕᑯᓴᕋᒥᓗ, ᑕᑯᕗᖅ ᐊᖓᔪᖅᑳᕐᔪᐊᕐᒥᒃ ᓇᖏᕐᑐᒥᒃ ᐃᑎᕆᐊᕐᕕᐅᑉ ᓱᑲᖓᑕ ᓴᓂᐊᓂ, ᐅᓇᑕᕐᑐᒃᓮᓪᓗ ᐊᖓᔪᖅᑳᖏᑦ ᑎᑦᑐᓚᐅᓯᔭᕐᑏᓪᓗ ᐊᖓᔪᖅᑳᕐᔪᐊᑉ ᓴᓂᐊᓃᑉᐳᑦ, ᐃᓄᓕᒫᓪᓗ ᓄᓇᓖᑦ ᖁᕕᐊᓱᒃᐳᑦ ᑎᑦᑐᓚᐅᑎᓄᓪᓗ ᓂᓪᓕᐊᑎᑦᓯᓪᓗᑎᒃ, ᐃᓐᖏᕐᑏᓪᓗ ᓂᑦᔭᐅᓯᔭᕐᑐᑦ ᓯᕗᓕᕐᓗᑎᒃ ᖁᕕᐊᓲᑎᖃᕐᐳᑦ. ᐊᑕᓔᐊᐅᓪᓗ ᐊᓐᓄᕌᓂ ᐊᓕᒃᓗᒋᑦ ᐅᖃᕐᐳᖅ, “ᐊᑭᕋᕐᑐᓕᕐᐳᓯ! ᐊᑭᕋᕐᑐᓕᕐᐳᓯ!”

ᑯᕉᓂᑲ ᐂᑉᐸᖏᑦ 23:16

ᔨᕼᐅᐃᐊᑕᓗ ᐊᖏᖃᑎᒌᒍᑎᓕᐅᕐᐳᖅ ᐃᒻᒥᓄᑦ ᐃᓄᓕᒫᓄᓪᓗ ᐊᖓᔪᖅᑳᕐᔪᐊᒧᓪᓗ ᐊᑕᓂᕐᒧᑦ ᐃᓄᖁᑎᒋᔭᐅᔪᒪᓪᓗᑎᒃ.

ᑯᕉᓂᑲ ᐂᑉᐸᖏᑦ 29:10

“ᐆᒻᒪᑎᒃᑯᑦ ᐊᖏᖃᑎᒌᒍᑎᓕᐅᕐᕕᒋᔪᒪᕙᕋ ᐊᑕᓂᖅ, ᐃᓴᕆᐊᓕᒥᐅᑦ ᒎᑎᖓᑦ, ᑖᑦᓱᒪ ᓂᓐᖓᐅᒪᓂᕐᔪᐊᖓ ᐅᕙᑦᑎᓐᓂᒃ ᐊᓔᖁᓪᓗᒍ.

ᐄᓱᕋᐅᑉ ᐊᒡᓚᖏᑦ 10:3

ᒫᓐᓇᓕ ᐊᖏᖃᑎᒌᒍᑎᖃᕐᑐᒃᓴᐅᕗᒍᑦ ᒎᑎᑦᑎᓐᓄᑦ ᑖᒃᑯᐊ ᐊᕐᓁᑦ ᓄᓕᐊᕐᑖᕆᓯᒪᔭᕗᑦ ᕿᑐᕐᖓᖏᓪᓗ ᐊᐅᓪᓚᕐᑎᑦᓱᒪᓗᒋᑦ, ᐱᓇᓱᐊᕐᓂᐊᕐᐳᒍᑦ ᐃᓕᑦᓯ ᐃᓱᒪᓕᐅᕆᔨᐅᔪᓯ ᐊᑕᓂᑦᑎᓐᓄᑦ ᒎᑎᐅᑉ ᐱᖁᔭᖏᓐᓂᒃ ᐅᐱᒍᓱᒃᑐᓯ ᐱᖁᔭᑦᓯᓐᓂᒃ ᒪᓕᒡᓗᑕ; ᐊᑏ ᐱᓇᓱᐊᕐᑐᖃᓕᕐᓕ ᒎᑎᐅᑉ ᐱᖁᔭᖏᓐᓂ ᐱᓇᓱᐊᕐᑕᐅᖁᔭᐅᔪᑦ ᒪᓕᒡᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 10:1

ᐅᑯᐊ ᑕᕝᕙ ᓇᕿᑦᔪᓯᕐᓯᓚᐅᕐᑐᑦ ᓇᓗᓁᒃᑯᑕᐅᓂᐊᕐᑐᓂᒃ ᐱᖁᔭᕆᔭᐅᓂᐊᓕᕐᑐᓂᒡᓗ ᐅᑯᐊᖑᓚᐅᕐᐳᑦ: ᓂᕼᐃᒤᐊ ᐊᐅᓚᑦᓯᔨᐅᔪᖅ, ᕼᐊᑲᓔᐊᐅᑉ ᐃᕐᓂᖓ, ᔨᑎᑬᐊᓗ,

ᓂᕼᐃᒤᐊᐅᑉ ᐊᒡᓚᖏᑦ 5:13

ᐅᓕᒡᔪᐊᒪᓗ ᕿᑎᕈᑎᖓ ᐊᑐᕐᑕᕋ ᐃᑦᓱᒃᑐᕐᓗᒍ, ᐅᖃᕐᐳᖓ, “ᑍᒫᑦᓮᓐᓇᖅ ᒎᑎᐅᑉ ᐃᑦᓱᒃᑐᕐᓂᐊᕐᐹᓯ; ᐃᒡᓗᑦᓯᓐᓂᓗ ᓱᓇᑐᐃᓐᓇᑦᓯᓐᓂᒃ ᓇᖕᒥᓂᑦᓯᓐᓂᒃ ᐊᕐᓵᕐᓂᐊᕐᐹᓯ, ᓱᓇᒥᒡᓘᓐᓃᑦ ᕿᒤᕕᒋᓂᐊᓐᖏᓛᓯ ᐊᖏᕈᑎᒋᔭᑦᓯᓐᓂᒃ ᑲᔪᓯᓐᖏᑐᐊᕈᑦᓯ!” ᐃᓘᓐᓇᑎᒃ ᑲᑎᒪᔪᑦ ᐅᖃᕐᐳᑦ, “ᐋᒦᓐ!” ᐊᑕᓂᖅ ᓂᕐᑐᕐᑕᐅᓕ, ᓯᕗᓕᕐᑏᑦ ᑲᔪᓯᓚᐅᕐᒪᑕ ᐊᖏᕈᑎᒋᓚᐅᕐᑕᒥᖕᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 9:38

ᑕᒪᒃᑯᐊ ᖃᓄᐃᓕᐅᕐᓂᐅᓚᐅᕐᑐᑦ ᐱᑦᔪᑎᒋᓪᓗᒋᑦ ᐊᖏᖃᑎᒌᖕᓂᖃᕐᑎᑦᓯᓚᐅᕐᐳᒍᑦ ᓴᖑᑎᑕᐅᓂᐊᖏᑦᑐᒥᒃ ᑎᑎᕋᕐᓗᒋᓪᓗ; ᐊᖓᔪᖅᑳᕗᑦ, ᓕᕔᑎᓪᓗ, ᑐᓂᕐᕈᓯᕐᑎᑦᓯᔨᖁᑎᕗᓪᓗ ᑖᒃᑯᐊ ᓇᕿᑦᔪᓯᕐᓯᓚᐅᕐᐳᑦ ᓇᓗᓁᒃᑯᑕᐅᓂᐊᕐᑐᓂᒃ.

ᒨᓯᓯ ᐂᑉᐸᖏᑦ 24:3

ᒨᓯᓯᐅᓪᓗ ᐃᓄᐃᑦ ᐅᖃᕐᕕᒋᕔᑦ, ᐊᑕᓂᐅᑉ ᐊᑐᕐᑕᐅᖁᔭᖏᓐᓂᒃ ᒪᓕᒐᕆᔭᐅᖁᔭᖏᓐᓂᒡᓗ. ᐃᓄᐃᓪᓗ ᐊᑕᐅᑦᓯᒃᑯᑦ ᑭᐅᕗᑦ, “ᐊᑕᓂᐅᑉ ᐅᖃᐅᓯᕆᔭᓕᒫᖏᓐᓂᒃ ᒪᓕᖕᓂᐊᕐᐳᒍᑦ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:2

ᐅᖃᕐᐳᖓ, ᐊᖓᔪᖅᑳᕐᔪᐊᑉ ᐱᖁᔭᖏᑦ ᒪᓕᑦᓯᐊᒃᑭᑦ ᒎᑎᒧᑦ ᐊᖏᕐᓯᒪᓂᕆᔧᑦ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 34:15

ᒫᓐᓇᒃᑯᓪᓕ ᓵᒋᐊᓚᐅᕋᑦᓯ ᐊᑲᐅᒋᔭᓐᓂᒃ ᐊᑐᕐᐳᓯ, ᐃᓅᖃᑎᑦᓯᓐᓂᒡᓗ ᐃᓱᒪᕐᓱᓕᕐᑎᑦᓯᔪᓐᓇᕈᒪᓪᓗᓯ ᓇᓗᓁᕐᓯᓚᐅᕐᐳᓯ ᐊᖏᖃᑎᒌᒍᑎᓕᐅᓚᐅᕐᐳᓯᓗ ᓵᓐᓂ ᐃᒡᓗᖁᑎᓐᓃᑦᓗᓯ ᐊᑎᓐᓂᒃ ᑍᔭᐅᔪᒥ.

ᔨᕆᒤᐊᐅᑉ ᐊᒡᓚᖏᑦ 34:8

ᐊᑕᓂᐅᑉ ᔨᕆᒤᐊ ᐅᖃᐅᑎᕚ, ᔨᑎᑬᐊ ᐊᖓᔪᖅᑳᕐᔪᐊᖅ ᐊᖏᖃᑎᒌᒍᑎᓕᐅᕐᓯᒪᓕᕐᑎᓪᓗᒍ ᔨᕉᓴᓕᒥᐅᓄᑦ ᑎᒍᔭᐅᓯᒪᔪᑦ ᕿᓚᕈᑦᔮᕐᑕᐅᖁᓪᓗᒋᑦ,

ᔨᕆᒤᐊᐅᑉ ᐊᒡᓚᖏᑦ 4:2

ᓱᓕᑦᓯᐊᕈᒪᓕᕐᓗᓯ, ᐊᑲᐅᔪᒥᒡᓗ ᐱᓇᓱᐊᕈᒪᒍᑦᓯ, ᐊᖏᒻᒪᕆᓚᐅᕆᑦᓯ ᐊᑕᓂᐅᑉ ᐊᑎᖓᓂ, ᑕᕝᕙ ᐃᓅᖃᑎᒌᒡᔪᐊᑦ ᓮᒻᒪᕐᑎᑕᐅᓂᐊᕐᐳᑦ, ᐊᑕᓂᕐᓗ ᓂᕐᑐᕐᓂᐊᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 50:5

ᓮᐅᓂᒧᐊᕐᑐᒥᒃ ᐊᖅᑯᑎᒥᒃ ᖃᐅᔨᔪᒪᓕᕈᒫᕐᐳᑦ, ᓵᕝᕕᒋᓕᕐᓗᒍᓗ, ᕾᓂᐊᕐᐳᑦ ᐊᑕᓂᕐᓗ ᐃᓅᖃᑎᒌᓐᓇᕈᒪᓕᕈᒫᕐᐹᑦ ᐊᖏᖃᑎᒌᖕᓂᖃᕐᓗᑎᒃ ᐳᐃᒍᕐᑕᐅᓂᐊᕈᓐᓃᕐᑐᒥᒃ.

ᒨᓯᓯ ᑕᓪᓕᒪᖏᑦ 10:12

“ᒫᓐᓇᓕ ᐃᓴᕆᐊᓕᒥᐅᖑᔪᓯ, ᓈᓚᓚᐅᕆᑦᓯ ᐊᑕᓂᐅᑉ ᒎᑎᑦᓯ ᐊᑐᕐᑕᐅᖁᔭᖏᓐᓂᒃ ᐃᓕᑦᓯᓐᓄᑦ: ᑖᓐᓇ ᐊᑕᓂᖅ ᑐᒃᓯᐊᕐᕕᒋᔭᒃᓴᕆᕙᓯ ᐱᖁᔭᓕᒫᖏᓪᓗ ᒪᓕᒡᓗᒋᑦ, ᐅᖓᒋᔭᒃᓴᕆᕙᓯ, ᐱᔨᑦᓯᕐᓗᒍᓗ ᐆᒻᒪᒻᒧᑦ ᐃᓗᐃᑦᑐᒧᑦ ᑕᕐᓂᕐᓄᓪᓗ ᐃᓗᐃᑦᑐᒧᑦ,

ᒨᓯᓯ ᑕᓪᓕᒪᖏᑦ 11:13

“ᑍᒤᒻᒪᑦ, ᐱᖁᔧᑦ ᐃᓕᑦᓯᓐᓄᑦ ᐅᓪᓗᒥ ᑐᓂᔭᒃᑲ ᓈᓚᒃᑕᒃᓴᕆᕙᓯ; ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ ᐱᔨᑦᓯᕐᕕᒋᓗᒍᓗ ᐆᒻᒪᑎᖕᓄᑦ ᐊᑕᖏᕐᑐᒧᑦ ᑕᕐᓂᕐᓄᓪᓗ ᐊᑕᖏᕐᑐᒧᑦ.

ᒨᓯᓯ ᑕᓪᓕᒪᖏᑦ 13:4

ᐊᑕᓂᖅ ᒎᑎᓯ ᒪᓕᒃᑕᒃᓴᕆᕙᓯ ᐃᓕᕋᒋᓗᒍᓗ ᐱᖁᔭᖏᓪᓗ ᒪᓕᒡᓗᒋᑦ ᓂᐱᖓᓗ ᓈᓚᒡᓗᒍ, ᑐᒃᓯᐊᕐᕕᒋᔭᒃᓴᕆᕙᓯ ᓴᒃᑯᑦᑍᓕᓗᒍᓗ.

ᒨᓯᓯ ᑕᓪᓕᒪᖏᑦ 29:1

ᒪᑯᐊ ᑕᕝᕙ ᐊᖏᖃᑎᒌᒍᑏᑦ ᐅᖃᐅᓯᕐᑕᖏᑦ ᒨᓯᓯᒧᑦ ᐊᑕᓂᐅᑉ ᐅᖃᐅᓯᕆᔭᐅᖁᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᒧᐊᐱᒥᐅᑦ ᓄᓇᖓᓃᑎᓪᓗᒋᑦ; ᑕᒪᒃᑯᐊᓕᒫᑦ ᐃᓚᓕᐅᑎᔭᐅᓚᐅᕐᐳᑦ ᖃᖅᑲᒥ ᕼᐆᕆᑉᒥ ᐊᑕᓂᐅᑉ ᐊᖏᖃᑎᒌᒍᑎᒋᓯᒪᔭᖏᓐᓄᑦ.

ᒨᓯᓯ ᑕᓪᓕᒪᖏᑦ 4:45

ᐅᑯᐊ ᑕᕝᕙ ᓇᓗᓁᕐᓯᑦᔪᑎᐅᔪᑦ, ᓴᖅᑭᔮᕐᓗᑎᒃ, ᒪᓕᒐᒃᓴᐅᓪᓗᑎᒡᓗ, ᒨᓯᓯᐅᑉ ᐅᖃᐅᓯᕆᓚᐅᕐᑕᖏᑦ ᐃᓴᕆᐊᓕᒥᐅᓄᑦ ᓄᓇᒥᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᓕᕐᑎᓪᓗᒋᑦ,

ᒨᓯᓯ ᑕᓪᓕᒪᖏᑦ 6:1

“ᒪᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᒋᓚᐅᕐᑕᖏᑦ ᐅᕙᓐᓄᑦ ᐃᓕᓮᑦᔪᑎᒋᔭᐅᖁᓪᓗᒋᑦ ᐃᓕᑦᓯᓐᓄᑦ. ᓈᓚᒃᑕᒃᓴᕆᕙᓯ ᑕᕝᕙᓂ ᓄᓇᒋᓂᐊᓕᕐᑕᑦᓯᓐᓂ ᓄᓇᖃᓕᕐᑎᓪᓗᓯ.

ᒨᓯᓯ ᑕᓪᓕᒪᖏᑦ 6:5

ᑖᓐᓇ ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ ᐆᒻᒪᑎᖕᓄᑦ ᐊᑕᖏᕐᑐᒧᑦ, ᑕᕐᓂᕐᓄᓪᓗ ᐊᑕᖏᕐᑐᒧᑦ, ᐱᔪᓐᓇᕐᓂᕐᓄᓪᓗ ᐊᑕᖏᕐᑐᒧᑦ.

ᒨᓯᓯ ᑕᓪᓕᒪᖏᑦ 8:19

ᐊᑕᓂᕐᒥᒃ ᒎᑎᖕᓂᒃ ᐳᐃᒍᕐᑐᒃᓴᐅᓐᖏᓚᑎᑦ ᐊᓯᐊᓂᒡᓘᓐᓂᑦ ᑐᒃᓯᐊᕐᕕᖃᖃᑦᑕᓕᕐᓗᑎᑦ ᐱᔨᑦᓯᓕᕐᓗᑎᓪᓗ ᐱᔪᒃᓴᐅᓐᖏᓚᑎᑦ. ᑍᒤᓐᓂᐊᕈᕕᑦ, ᓯᕘᕋᒋᔭᒃᓴᕐᓂᒃ ᐅᓪᓗᒥ ᐅᖃᐅᑎᕙᒋᑦ ᖁᓚᕐᓇᖏᑦᓯᐊᕐᑐᒥᒃ ᓄᖑᑕᐅᓪᓚᕆᒍᒫᕐᐳᑎᑦ.

ᐄᑉᕈᐃᓄᑦ 12:24

ᔩᓱᓯᓗ ᐅᐸᒃᐸᓯ, ᐊᖏᖃᑎᒌᖕᓂᕐᒥᒃ ᓄᑖᒥᒃ ᐱᔨᑦᓯᕐᑐᖅ, ᐊᐅᖕᒧᓪᓗ ᓯᕐᐸᕐᓴᕐᑕᐅᓯᒪᔪᒧᑦ ᐂᐱᓕᐅᑉ ᐊᐅᖓᓂᑦ ᐱᐅᓂᕐᓴᒥᒃ ᐅᖃᐅᓯᖃᕐᑐᒧᑦ.

ᐄᑉᕈᐃᓄᑦ 13:20

ᒎᑎᐅᑉ ᓮᒻᒪᕐᑎᑦᓯᔨᐅᑉ ᑐᖁᖓᔪᓂᑦ ᒪᑭᑎᑦᓯᔫᑉ ᐊᑕᓂᑦᑎᓐᓂᒃ ᔩᓱᓯᒥᒃ, ᓰᐲᑦ ᐰᕐᓯᔨᕐᔪᐊᖓᓂᒃ, ᐊᖏᖃᑎᒌᖕᓂᐅᑉ ᐃᓱᖃᖏᑦᑑᑉ ᐊᐅᖓᓄᑦ,