ᐊᑕᓃᑦ ᐂᑉᐸᖏᑦ 21:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐊᑕᓂᐅᑉ ᐃᒡᓗᖓᓂ ᐃᒡᓗᕈᓯᖏᖕᓂ ᒪᕐᕉᖕᓂᒃ ᑐᓂᕐᕈᓯᕐᕕᓕᐅᕐᐳᖅ ᐅᓪᓗᕆᐊᓕᒫᓄᑦ ᑐᒃᓯᐊᕐᕕᒋᕙᒃᑕᒥᓂᒃ.

ᐊᑕᓃᑦ ᐂᑉᐸᖏᑦ 21:5 Iomraidhean Croise

ᐊᑕᓃᑦ ᓯᕗᓪᓖᑦ 6:36

ᐃᓗᒻᒪᕆᐊ ᑲᑎᒪᕕᐅᑉ ᓴᓇᓯᒪᓗᓂ ᐹᕐᐸᓯᖓᓃᓪᓗᓂ ᐅᔭᕋᖕᓂᒃ ᓴᓇᓯᒪᔪᓂᒃ, ᐊᑭᓐᓇᓕᒫᖏᑦ ᕿᔪᖕᓂᒃ ᓰᑕᕆᓂᒃ ᕿᕋᑦᑕᖅᑯᑎᖃᕐᐳᑦ ᓱᑲᖏᓐᓂᒃ.

ᐊᑕᓃᑦ ᓯᕗᓪᓖᑦ 7:12

ᐊᖓᔪᖅᑳᕐᔪᐊᒃᑯᕕᐅᑉ ᑐᕐᓲᕐᔪᐊᖓ ᐃᓗᓪᓕᖅ ᐅᔭᕋᒡᔪᐊᖃᕐᐳᖅ ᓴᓇᓯᒪᔪᓂᒃ ᐊᕙᑎᓕᒫᖓ, ᐃᑳᖓᔪᓂᒃ ᓴᐅᓂᖃᕐᓗᓂ ᕿᔪᖕᓂᒃ ᓰᑕᕆᓂᒃ; ᐃᑎᕆᐊᕐᕕᐊ ᐊᑕᓂᐅᑉ ᐃᒡᓗᖓᓄᑦ ᐃᓗᓪᓕᕐᒧᑦ ᐊᑭᓐᓇᔪᐊᖃᕆᓪᓗᑎᒃ ᖃᓕᕇᓂᒃ ᐅᔭᖅᑲᓂᒃ ᐱᖓᓱᐃᓕᖅᑲᖓᔪᓂᒃ ᖁᓪᓕᖃᕐᓗᑎᒃ ᕿᔪᖕᓂᒃ ᓰᑕᕆᓂᒃ.

ᐊᑕᓃᑦ ᐂᑉᐸᖏᑦ 23:12

ᑐᓂᕐᕈᓯᕐᕖᓪᓗ ᓯᖁᑦᑎᕐᑕᐅᑎᑉᐰᑦ ᔫᑕᐅᑉ ᐊᖓᔪᖅᑳᕐᔪᐊᖏᑕ ᓇᑉᐸᕐᑕᐅᑎᑕᕕᓂᖏᑦ ᐂᕼᐊᓯᐅᑉ ᐃᒡᓗᖃᕐᕕᖓᑕ ᖁᓛᖓᓃᑦᑑᑉ ᓴᓂᐊᓂ ᐃᓂᖃᕐᑐᑦ, ᒫᓇᓯᐅᓪᓗ ᑐᓂᕐᕈᓯᕐᕕᓕᐊᕕᓂᖏᒃ ᐊᑕᓂᐅᑉ ᐃᒡᓗᖓᑕ ᓯᓚᓪᓕᖏᖕᓂ, ᓯᖁᑦᑎᕐᓗᒋᒃ ᐃᒋᑕᐅᑎᑉᐰᑦ ᓇᕐᓴᒧᑦ ᑍᔭᐅᔪᒧᑦ ᑭᑐᕌᓂᒥᒃ.

ᐊᑕᓃᑦ ᐂᑉᐸᖏᑦ 23:4

ᑕᕝᕙ ᐊᖓᔪᖅᑳᕐᔪᐊᖅ ᑎᓕᓯᕗᖅ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓂᒃ ᕼᐃᓪᑬᐊᒥᒃ ᐃᑲᔪᕐᑎᖏᓐᓂᒡᓗ, ᑐᒃᓯᐊᕐᕕᒡᔪᐊᓪᓗ ᐃᑎᕐᑕᕐᕕᖓᓂ ᖃᐅᔨᓴᕐᑎᐅᔪᓕᒫᑦ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᓗᑎᒃ ᐊᑐᕐᑕᐅᖃᑦᑕᕐᑐᓕᒫᑦ, ᒎᑎᓐᖑᐊᒧᓪᓗ ᐊᓯᕋᒧᑦ, ᐅᓪᓗᕆᐊᓄᓪᓗ, ᑕᒪᒃᑯᐊᓕᒫᑦ ᐊᖓᔪᖅᑳᕐᔪᐊᑉ ᐃᑯᐊᓪᓚᒃᑕᐅᑎᑉᐰᑦ ᐃᒡᓗᒐᓮᑦ ᔨᕉᓴᓕᐅᑉ ᓯᓚᑖᓂ ᓇᕐᓴᒥ ᑭᑐᕌᓂᒥᒃ ᑍᔭᐅᔪᒥ ᐊᕐᔭᓕᓂᖏᓪᓗ ᐱᑎᓕᒧᑦ ᐋᑕᐅᑎᓪᓗᓂᒋᑦ.

ᐊᑕᓃᑦ ᐂᑉᐸᖏᑦ 23:5

ᑐᓂᕐᕈᓯᕐᑎᑦᓯᔩᑦ ᔫᑕᒥᐅᓄᑦ ᐊᖓᔪᖅᑳᕐᔪᐊᖑᖃᑦᑕᕐᓯᒪᔪᑦ ᑐᓂᕐᕈᓯᕐᑎᑦᓯᔨᓐᖑᕐᑎᖃᑦᑕᕐᑕᕕᓂᖏᑦ ᒎᑎᑐᐊᒥᒃ ᒎᑎᖃᖏᑦᑐᑦ ᑐᓂᕐᕈᓯᕐᕕᖏᓐᓂ ᔫᑕᒦᑦᑐᓂ ᔨᕉᓴᓕᐅᓪᓗ ᖃᓂᒋᔮᖓᓃᑦᑐᓕᒫᑦ ᓄᖅᑲᕐᑎᓪᓗᒋᑦ ᑐᓂᕐᕈᓯᕐᑎᑦᓯᔨᐅᔪᓐᓃᕐᑎᑉᐰᑦ, ᑐᓂᕐᕈᓯᕐᑎᑦᓯᔨᐅᓪᓗᑎᒃ ᐰᓕᒧᑦ, ᓯᕿᓂᕐᒧᓪᓗ, ᑕᖅᑭᕐᒧᑦ ᓯᓚᕐᔪᐊᓄᓪᓗ, ᐅᓪᓗᕆᐊᓄᓪᓗ ᐃᑯᐊᓚᑎᑦᓯᓪᓗᑎᒃ ᑐᓂᕐᕈᓯᕐᓂᕐᒥᒃ ᐱᓇᓱᐊᖃᑦᑕᕐᓯᒪᔪᓕᒫᑦ.

ᐊᑕᓃᑦ ᐂᑉᐸᖏᑦ 23:6

ᐊᑕᓂᐅᑉ ᐃᒡᓗᖓᓂᑦ ᐲᕐᑕᐅᑎᑉᐹ ᒎᑎᓐᖑᐊᖅ ᐊᓯᕋ ᐊᑕᓂᐅᑉ ᐃᒡᓗᖓᓃᑦᑐᖅ ᓴᓇᓐᖑᐊᕐᓯᒪᔪᖅ ᐃᒡᓗᒐᓴᒡᔪᐊᑉ ᔨᕉᓴᓕᐅᑉ ᓯᓚᑖᓄᑦ ᐊᐅᓪᓚᕈᑎᓪᓗᒍ ᑭᑐᕌᓂᐅᑉ ᓇᕐᓴᖓᓂ ᐃᑯᐊᓪᓚᒃᐹ, ᐃᑯᐊᓚᔭᕇᕐᒪᑦ ᑲᓱᐊᕐᓗᒍ ᓯᖃᓪᓕᕚ ᐊᕐᔭᓕᓂᓐᖑᕐᑎᓪᓗᒍ, ᓯᐊᒻᒪᕐᑎᑉᐹᓗ ᐃᓗᕕᕐᓯᕕᐅᖃᑦᑕᕐᑐᒧᑦ.

ᑯᕉᓂᑲ ᐂᑉᐸᖏᑦ 33:15

ᓄᓇᖅᑲᑎᒋᓐᖏᑕᖏᑕᓗ ᒎᑎᓐᖑᐊᖏᑦ ᐲᔭᕐᐰᑦ ᒎᑎᓐᖑᐊᓪᓗ ᐊᑕᓂᐅᑉ ᐃᒡᓗᖓᓃᑦᑐᑦ, ᑐᓂᕐᕈᓯᕐᕕᓕᒫᓪᓗ ᓴᓇᓚᐅᕐᑕᓂ ᐊᑕᓂᐅᑉ ᐃᒡᓗᖓᓂᑦᑐᑦ ᔨᕉᓴᓕᒥ, ᖃᖅᑲᓂᓗ ᐃᒋᑉᐰᑦ ᐃᒡᓗᒐᓮᑦ ᓯᓚᑖᓄᑦ.

ᑯᕉᓂᑲ ᐂᑉᐸᖏᑦ 33:5

ᑐᓂᕐᕈᓯᕐᕕᓕᐅᓚᐅᕆᕗᕐᓗ ᐅᓪᓗᕆᐊᓄᑦ ᐊᑕᓂᐅᑉ ᐃᒡᓗᖓᑕ ᐃᓗᐊᓂ ᑐᕐᓲᖑᔭᖏᖕᓂ ᑕᒪᖏᖕᓂ.

ᑯᕉᓂᑲ ᐂᑉᐸᖏᑦ 4:9

ᐃᒡᓗᐊᕈᓯᓕᐅᕆᕗᖅ ᑐᓂᕐᕈᓯᕐᑎᑦᓯᔩᑦ ᐃᓂᒃᓴᖏᓐᓂᒃ, ᓯᓚᑖᒍᓪᓗ ᐃᓂᒃᓴᒋᐊᓪᓚᒥᒃ ᐊᓃᕋᔭᒡᕕᖕᒥᒃ, ᒪᑐᖏᓪᓗ ᖄᐹᕐᓗᒋᑦ ᑲᓐᓄᔭᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 40:28

ᑕᕝᕙ ᐅᓪᓗᓪᓗᐊᑉ ᓇᓛᓃᑦᑐᒧᑦ ᐃᑎᕐᑕᕐᕕᖕᒧᐊᕈᑎᕚᖓ, ᐃᑎᕐᑕᕐᕕᒡᓗ ᐆᒃᑐᕋᕐᒪᒍ; ᐊᖏᓂᖓ ᐊᑦᔨᒋᔭᐅᕗᖅ ᐆᒃᑐᕋᖃᑦᑕᖅᑲᐅᔭᖏᓐᓄᑦ ᐃᑎᕐᑕᕐᕕᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 40:32

ᐊᖑᑎᐅᑉ ᐃᑎᕐᑕᕐᕕᒃᒨᕐᑎᑉᐹᖓ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ, ᐃᑎᕐᑕᕐᕕᒃ ᐆᒃᑐᕋᕐᒪᒍ; ᐊᑦᔨᒋᔭᐅᕗᖅ ᐊᓯᖏᓐᓄᑦ ᐆᒃᑐᕋᖃᑦᑕᖅᑲᐅᔭᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 40:37

ᐃᑎᕐᑕᕐᕕᐅᑉ ᐃᓗᐊᓃᑦᑐᖅ ᐊᓂᕕᖃᕐᐳᖅ ᑐᕐᓲᖑᔭᕐᒧᑦ ᓯᓚᓪᓕᕐᒧᑦ, ᐃᒡᓗᕈᓰᓪᓗ ᐊᑭᓐᓇᖏᑦ ᓇᐹᕐᑐᓐᖑᐊᓂᒃ ᐹᒥᓂᒃ ᑕᕐᓯᕐᑐᕐᓯᒪᕗᑦ, ᐊᑭᓐᓇᖏᑦ ᐊᑐᓂᑦ ᐃᒡᓗᒌᓂᒃ; ᒪᔫᑎᖏᓪᓗ ᑐᖕᒥᕌᖃᕐᐳᑦ ᓯᑕᒪᐅᔪᕐᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 40:47

ᑖᑦᓱᒪᓗ ᑐᕐᓲᖑᔭᖅ ᐆᒃᑐᕋᕐᒪᒍ, ᐊᑦᔨᒌᒥᒃ ᓂᕈᑐᓂᖃᕐᐳᖅ ᐃᑎᒐᖕᓂᒃ 168ᓂᒃ ᑐᑭᒧᑦ ᓴᓂᒧᓪᓗ, ᑭᒃᐹᕆᓪᓗᐊᕐᓗᓂ; ᓯᕗᕌᓂᓗ ᑐᓂᕐᕈᓯᕐᕕᒃᑕᖃᕐᐳᖅ ᑐᒃᓯᐊᕐᕕᒡᔪᐊᕐᒥ.

ᐃᓯᑭᐊᓕᐅᑉ ᐊᒡᓚᖏᑦ 42:3

ᑕᒪᑐᒪ ᐱᕕᑐᓂᖓ 34ᓂᒃ ᐃᑎᒐᖕᓂᒃ ᓴᓂᒧᑐᓂᖃᕐᐳᖅ ᑐᒃᓯᐊᕐᕕᒡᔪᐊᑉ ᑭᒡᓕᖓᓃᑦᑐᖅ, ᑐᕐᓲᖑᔭᒧᑦ ᓯᓚᓪᓕᕐᒧᑦ ᖁᐊᕐᑎᑕᒐᓕᖕᒧᑦ ᓵᓐᖓᓪᓗᓂ, ᓇᑎᖏᓪᓗ ᑖᒃᑯᐊ ᐱᖓᓲᓕᖅᑲᖓᕗᑦ ᖁᓕᕇᖑᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 43:5

ᑕᕝᕙ ᐊᓂᕐᓂᐅᑉ ᒪᑭᑎᓪᓗᖓ, ᐃᓗᕙᓯᖕᓂᕐᓴᒧᑦ ᑐᕐᓲᖑᔭᕐᒧᐊᕐᑎᑉᐹᖓ; ᑕᑯᒋᓪᓗ, ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᓄᑦ ᑐᒃᓯᐊᕐᕕᒡᔪᐊᖅ ᑕᑕᑕᐅᓯᒪᕗᖅ.

ᐃᓯᑭᐊᓕᐅᑉ ᐊᒡᓚᖏᑦ 44:19

ᐊᓂᓕᕈᑎᒃ ᑐᕐᓲᖑᔭᕐᒧᑦ ᓯᓚᕙᓯᖕᓂᕐᓴᒧᑦ ᐃᓄᐃᑦ ᓇᔪᒐᖓᓐᓄᑦ, ᐊᓐᓄᕌᑦ ᐊᑐᕋᑖᕐᑕᑎᒃ ᐱᓇᓱᐊᕐᓗᑎᒃ ᐲᕐᑕᒃᓴᕆᕔᑦ, ᐃᒡᓗᕈᓯᕐᒧᑦ ᐃᑦᔪᕐᓁᑦᑐᒃᑯᕕᖕᒧᑦ ᐃᓕᓗᒋᑦ; ᐊᓯᖏᓐᓂᒃ ᐊᓐᓄᕌᕐᑐᒃᓴᐅᕗᑦ, ᐃᑦᔪᕐᓁᑦᑐᒥᒃ ᐱᓇᓱᐊᕈᕆᑎᒋᓚᐅᕐᑕᖏᑦ ᐃᓄᖕᓂᒃ ᖃᓄᐃᓕᑎᑦᓯᖁᓇᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 8:16

ᐂᑎᒃᑭᕚᖓᓗ ᐊᑕᓂᐅᑉ ᐃᒡᓗᖓᑕ ᐊᓃᕋᔭᕐᕕᖓᑕ ᐃᓗᓪᓕᖓᓄᑦ; ᑕᑯᒋᓪᓗ, ᐊᑕᓂᐅᑉ ᑐᒃᓯᐊᕐᕕᖁᑎᖓᑕ ᐃᑎᕐᑕᕐᕕᖓᓂ, ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ, ᐊᖑᑎᓂᒃ 25 ᖃᓂᒋᔮᓃᑦᑐᓂᒃ, ᐊᑕᓂᐅᑉ ᑐᒃᓯᐊᕐᕕᖁᑎᖓᓂᒃ ᑐᓄᓐᖓᔪᓂᒃ, ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᓵᓐᖓᔪᓂᒃ, ᓯᕿᓂᕐᒧᑦ ᑐᒃᓯᐊᕐᑐᓂᒃ.