ᐊᑕᓃᑦ ᐂᑉᐸᖏᑦ 20:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐅᓪᓗᓂ ᑍᒃᑯᓇᓂ ᐊᖓᔪᖅᑳᕐᔪᐊᖅ ᕼᐃᓯᑬᐊ ᖃᓂᒻᒪᒃᐳᖅ ᑐᖁᓂᐅᓴᓕᕐᓗᓂ. ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᔭᕐᑐᕋᒥᐅᒃ ᐅᖃᐅᑎᕚ, “ᐃᒫᒃ ᐊᑕᓂᐅᑉ ᐅᖃᐅᑎᔭᐅᖁᕚᑎᑦ ᐅᐸᓗᖎᔭᕐᓯᒪᑦᓯᐊᕐᑐᒃᓴᐅᕗᑎᑦ; ᑐᖁᓂᐊᓕᕋᕕᑦ ᐋᖅᑭᑦᔮᔪᓐᓃᕐᓗᑎᑦ.”

ᐊᑕᓃᑦ ᐂᑉᐸᖏᑦ 20:1 Iomraidhean Croise

ᓴᒧᐃᓕ ᐂᑉᐸᖏᑦ 17:23

ᐊᕼᐃᑐᐱᓕ ᖃᐅᔨᒐᒥ ᐃᓱᒻᒥᕐᑐᐃᒍᑎᒋᔭᖓ ᒪᓕᒃᑕᐅᖏᓐᓂᖓᓂᒃ, ᓯᐅᑎᖅᑯᕐᑐᔪᖁᑎᒥᓄᑦ ᐃᑭᕗᖅ ᐅᑎᕐᓗᓂᓗ ᓄᓇᒧᑦ ᐱᕈᕐᕕᒋᓯᒪᔭᒥᓄᑦ. ᐱᓇᓱᐊᕆᐊᓕᖕᒥᓂᒡᓕ ᐊᖏᕐᕋᒥᓂ ᐱᔭᕇᕋᒥ, ᐃᒻᒥᓂᒃ ᕿᒥᑉᐳᖅ; ᑐᖁᓪᓗᓂᓗ, ᐃᓗᕕᕐᑕᐅᓚᐅᕐᐳᕐᓗ ᐃᓚᒌᑦ ᐃᓗᕕᖃᕐᕕᖓᓄᑦ.

ᐊᑕᓃᑦ ᐂᑉᐸᖏᑦ 1:16

ᐊᖓᔪᖅᑳᕐᔪᐊᕐᓗ ᐅᖃᐅᑎᕚ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᑎᓕᓯᓚᐅᕋᕕᑦ ᖃᐅᔨᓇᓱᐊᖁᓪᓗᒋᑦ ᐃᑯᕋᓐᒥᐅᑦ ᒎᑎᖓᓐᓄᑦ ᐱᐅᓪᓯᐹᐱᒧᑦ, ᒎᑎᑕᖃᕈᓐᓃᕐᒫᑦ ᐃᓴᕆᐊᓕᒥ ᖃᐅᔨᓇᓱᐊᕐᕕᒃᓴᒥᒃ? ᑍᒤᒻᒪᑦ ᐃᒡᓕᖅ ᓇᓚᕕᒋᔧᑦ ᓇᔪᐃᓐᓇᕐᓗᒍ ᑐᖁᔪᒫᓕᕐᐳᑎᑦ.’ ”

ᐊᑕᓃᑦ ᐂᑉᐸᖏᑦ 1:4

ᒫᓐᓇ ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ, ‘ᐃᒡᓕᕐᒥᑦ ᓇᓚᕕᒋᔭᕐᓂᑦ ᒪᑭᒃᑲᓐᓂᕐᓂᐊᓐᖏᓚᑎᑦ, ᑐᖁᑐᐃᓐᓇᕐᓂᐊᓕᕐᐳᑎᑦ ᑕᕝᕙᓂ.’ ” ᑕᕝᕙ ᐃᓔᑦᔭ ᐊᐅᓪᓚᕐᐳᖅ.

ᐊᑕᓃᑦ ᐂᑉᐸᖏᑦ 19:2

ᐃᓔᐊᑭᒻ ᐊᖓᔪᖅᑳᖁᑎᓂ ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᓯᑉᓇᓗ ᐊᒡᓚᒃᑎᒻᒪᕆᒃ, ᑐᓂᕐᕈᓯᕐᑎᑦᓯᔩᓪᓗ ᐃᓄᑐᖃᐅᓂᖏᑦ, ᑎᓕᕔᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᐂᓮᐊᓯᒧᑦ ᐂᒨᓯᐅᑉ ᐃᕐᓂᖓᓄᐊᖁᓪᓗᒋᑦ ᑖᒃᑯᐊ ᐊᑐᕆᓪᓗᑎᒃ ᐊᓐᓄᕌᓂᒃ ᕿᒃᓵᒃᑐᕐᓯᐅᑎᓂᒃ.

ᐊᑕᓃᑦ ᐂᑉᐸᖏᑦ 19:20

ᑕᕝᕙ ᐂᓮᐊᓯ ᐂᒨᓯᐅᑉ ᐃᕐᓂᖓ ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᑐᓴᕆᐊᖃᕐᑕᖏᓐᓂᒃ ᐅᖃᕆᐊᕐᑐᕐᑎᑦᓯᕗᖅ, “ᐃᒫᒃ ᑕᕝᕙ ᐊᑕᓂᖅ, ᐃᓴᕆᐊᓕᐅᑉ ᒎᑎᖓᑦ ᐅᖃᕐᐳᖅ: ᑐᒃᓯᐊᕐᓂᕆᔭᑎᑦ ᑐᓴᕐᐸᒃᑲ ᓯᓇᑯᕆᑉᒥᒃ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐱᑦᔪᑎᖃᕐᑎᓪᓗᑎᑦ.

ᐊᑕᓃᑦ ᐂᑉᐸᖏᑦ 20:2

ᕼᐃᓯᑬᐊ ᑐᓄᓪᓗᓂ ᐃᒡᓘᑉ ᐊᑭᓐᓇᖓᓄᑦ ᓵᓪᓗᓂ, ᐊᑕᓂᕐᒧᑦ ᑐᒃᓯᐊᓕᕐᐳᖅ, ᐅᖃᕐᓗᓂ,

ᒨᓯᓯ ᑕᓪᓕᒪᖏᑦ 31:14

ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᑕᑯᒋᑦ, ᐅᓪᓗᖅ ᐃᓅᔪᓐᓃᕐᕕᒃᓮᑦ ᖃᒡᓕᕗᖅ; ᔮᓱᐊ ᕾᖁᓚᐅᕈᒃ, ᐅᕗᖓ ᑐᐱᕐᒧᑦ ᑲᑎᒪᕕᖕᒧᑦ ᐃᑎᕐᓗᓯᒃ, ᐱᔭᒃᓴᖏᓐᓂᒃ ᑎᓕᓂᐊᕋᒃᑯ.” ᑕᕝᕙ ᒨᓯᓯᒃᑯᒃ ᔮᓱᐊᒃᑯᒃ ᑐᐱᕐᒧᐊᕐᐴᒃ,

ᒨᓯᓯ ᑕᓪᓕᒪᖏᑦ 31:16

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ: “ᑕᑯᒋᑦ, ᐊᑯᓂᐅᖏᑦᑐᖅ ᑐᖁᓂᐊᓕᕋᕕᑦ ᓯᕗᓕᕕᓂᕐᑎᑦ ᐃᓚᒋᓕᕐᓗᒋᑦ; ᑭᖑᓂᕐᓂ ᐃᓄᐃᑦ ᐅᕙᓐᓂᒃ ᐊᓯᓐᓂᐊᓕᕈᒫᕐᐳᑦ ᐊᖏᖃᑎᒌᒍᑎᒋᓚᐅᕐᑕᕗᓪᓗ ᓯᖁᒥᑕᐅᔪᒫᕐᐳᑦ, ᐅᕙᓐᓂᒃ ᕿᒤᓗᑎᒃ ᐅᒃᐱᖏᑦᑐᑦ ᒎᑎᓐᖑᐊᖏᓐᓄᑦ ᑕᒫᓂ ᓄᓇᑖᕆᓂᐊᓕᕐᑕᖏᑕ ᐃᓄᖏᓐᓂᒃ ᒪᓕᒃᓴᕐᓗᑎᒃ ᑐᒃᓯᐊᖃᑦᑕᓕᕈᒫᕐᐳᑦ.

ᐱᓕᐱᒥᐅᓄᑦ 2:27

ᐃᓛᒃ ᖃᓂᒪᒻᒪᕆᓚᐅᕐᒪᑦ, ᑐᖁᑲᓴᒃᓗᓂ ᐊᒡᓛᑦ. ᒎᑎᐅᓪᓕ ᓂᑲᒋᓚᐅᕐᐹ, ᑖᓐᓇᑑᖏᑦᑐᕐᓕ ᐅᕙᖓᑦᑕᐅᖅ ᓂᑲᒋᓚᐅᕐᒪᖓ, ᕿᒃᓵᖕᓇᕐᑐᒦᓐᓂᕋ ᐃᓚᔭᐅᒋᐊᓪᓚᖁᓇᒍ ᕿᒃᓵᖕᓇᕐᑐᒧᑦ.

ᐱᓕᐱᒥᐅᓄᑦ 2:30

ᐃᓛᒃ ᐃᓅᓯᕐᒥᓂᒃ ᐊᓐᓂᕈᓱᓚᐅᖏᒻᒪᑦ ᐊᒡᓛᑦ ᑐᖁᑲᓴᓚᐅᕐᐳᖅ; ᙭ᔅᑑᓯᐅᑉ ᐱᓂᐊᖁᔭᖏᑦ ᐱᑦᔪᑎᒋᓪᓗᒋᑦ, ᐃᓕᑦᓯᓐᓂᒃ ᐃᓇᖐᓗᓂ ᐅᕙᓐᓂᒃ ᐃᑲᔪᕈᒪᓪᓗᓂ.