ᐊᑕᓃᑦ ᐂᑉᐸᖏᑦ 2:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᓔᑦᔭᐅᑉ ᐅᓕᓂ ᐲᕐᐹ, ᐃᒧᓚᐅᕐᓗᒍ, ᐃᒪᖅ ᑖᑦᓱᒧᖓ ᑏᒐᕐᐹ, ᑎᒐᕐᒪᒍᓗ ᐃᒪᖅ ᐊᕙᒻᒧᑦ ᐃᕐᐸᕐᐳᖅ, ᐃᕐᐸᕐᒪᑦ ᑖᒃᑯᐊᒃ ᐃᒤᕐᓯᓐᓂᖓᒍᑦ ᓴᓗᐊᖓᔪᒃᑯᑦ ᑰᑉ ᐊᑭᐊᓄᑦ ᐃᑳᕐᐴᒃ.

ᐊᑕᓃᑦ ᐂᑉᐸᖏᑦ 2:8 Iomraidhean Croise

ᐊᑕᓃᑦ ᓯᕗᓪᓖᑦ 19:13

ᐃᓔᑦᔭᐅᓪᓗ ᑐᓴᕋᒥᐅᒃ, ᑮᓇᓂ ᐃᒻᒧᓯᕐᐹ ᐅᓕᒡᔪᐊᒥᓄ ᐊᓂᓪᓗᓂᓗ ᕾᕈᓲᑉ ᐃᑎᕆᐊᕐᕕᖓᓄᑦ. ᑕᑯᒋᓪᓗ, ᓂᐱᒧᑦ ᑎᑭᑕᐅᕗᖅ, ᐅᖃᕐᑐᒧᑦ, “ᐃᓔᑦᔮ ᑕᒫᓂ ᖃᓄᐃᑉᐱᑦ?”

ᐊᑕᓃᑦ ᓯᕗᓪᓖᑦ 19:19

ᑕᕝᕙ ᑕᕝᕙᓐᖓᑦ ᐊᐅᓪᓚᕐᐳᖅ, ᐃᓔᓴᓗ ᓇᓂᕚ ᓴᕚᑎᐅᑉ ᐃᕐᓂᖓ, ᓄᓇᒥᒃ ᐃᑎᕐᓴᑯᑖᓕᐅᕆᔪᖅ 12ᐅᓕᖅᑲᖓᔪᓄᑦ ᐃᒻᒧᒃᓯᐅᒐᕐᓄᑦ, ᑖᑦᓱᒪ ᓯᕗᓂᖓᓃᑉᐳᑦ 11 ᑖᓐᓇᓗ 12ᖓᓃᑉᐳᖅ. ᐃᓔᑦᔭᐅᑉ ᓴᓂᖅᑯᓕᕋᒥᐅᒃ ᐅᓕᒡᔪᐊᓂ ᐲᕐᓗᓂᐅᒃ ᑖᑦᓱᒧᖓ ᐃᒋᑉᐹ.

ᐊᑕᓃᑦ ᐂᑉᐸᖏᑦ 2:14

ᐅᓕᒃ ᑲᑍᕋᑖᕐᑕᖓ ᑎᒍᓪᓗᓂᐅᒃ ᑖᑦᓱᒧᖓ ᐃᒪᖅ ᑏᒐᕐᐹ, ᐅᖃᕐᓗᓂᓗ, “ᓇᐅᒡᓕ ᑍᒪ ᐊᑕᓂᖅ ᐃᓔᑦᔭᐅᑉ ᒎᑎᖓ?” ᐃᓔᓴᐅᑉ ᐃᒪᖅ ᑏᒐᕐᒪᒍ ᐃᒪᖅ ᐊᕙᒻᒧᑦ ᐃᕐᐸᕐᐳᖅ, ᐃᓔᓴᓗ ᐃᑳᕐᐳᖅ.

ᒨᓯᓯ ᐂᑉᐸᖏᑦ 14:29

ᐃᓴᕆᐊᓕᒥᐅᓪᓕ ᐱᓱᒃᐳᑦ ᓄᓇᒃᑯᑦ ᓴᓗᐊᒪᑦᓯᐊᕐᑐᒃᑯᑦ ᐃᒪᐅᑉ ᐃᓚᕕᓂᕋᓗᐊᖓᒍᑦ. ᐃᒫᓗᒡᓗ ᐊᑭᓐᓇᓕᐅᑎᓯᒪᓚᐅᕐᐳᖅ ᐃᒡᓗᒃᑐᑦ ᐊᕙᑖᓐᓂ.

ᐂᓮᐊᓯᐅᑉ ᐊᒡᓚᖏᑦ 11:15

ᐊᑕᓂᐅᓪᓗ ᐊᓯᕈᑦᓯᐊᕈᒫᕐᐹ ᐄᑦᔨᑉᑎᐅᑉ ᐃᒪᖓᑕ ᑲᖏᕐᓱᐊ; ᐊᓄᕆᕐᔪᐊᖃᕐᑎᑦᓯᓗᓂ ᐆᓇᕐᑐᒥᒃ ᐃᕗᕅᑎᐅᑉ ᑰᒡᔪᐊᖓ ᓵᓐᖓᔪᒫᕐᐹ, ᐊᓇᐅᔪᒫᕐᐹ 7ᐅᓕᖅᑲᖓᔪᓂᒃ ᑰᖃᓕᕐᑎᓪᓗᒍ, ᐃᓄᐃᓪᓗ ᐃᑳᖃᑦᑕᓕᕈᒫᕐᐳᑦ ᐱᓱᒡᓗᑎᒃ.

ᐄᑉᕈᐃᓄᑦ 11:29

ᐅᒃᐱᕐᓂᑯᑦ ᐃᓴᕆᐊᓕᒥᐅᑦ ᐃᑳᕈᓐᓇᓚᐅᕐᐳᑦ ᐃᒪᒃᑯᑦ ᐊᐅᐸᓗᒃᑕᒃᑯᑦ ᓄᓇᑐᑦ ᐸᓂᕐᑐᒃᑯᑦ ᐃᖏᕐᕋᔪᑎᑐᑦ; ᐄᑦᔨᑉᑎᒥᐅᑦᑕᐅᖅ ᐆᒃᑐᕋᓱᐊᓚᐅᕋᓗᐊᕐᐳᑦ, ᐃᒪᕐᔪᐊᕐᒥᓕ ᐃᐱᓚᐅᕐᐳᑦ.

ᐄᑉᕈᐃᓄᑦ 11:37

ᐅᔭᖅᑲᓄᑦ ᒥᓪᓗᕐᑕᐅᓚᐅᕐᐳᑦ, ᑭᓪᓘᑎᓄᓪᓗ ᑭᓪᓗᕐᑕᐅᓚᐅᕐᐳᑦ ᒪᕐᕉᓕᔭᐅᓪᓗᑎᒃ, ᓴᕕᒡᔪᐊᒧᓪᓗ ᑐᖁᑕᐅᓚᐅᕐᐳᑦ; ᓇᒧᑐᐃᓐᓈᕐᑎᑕᐅᓚᐅᕐᐳᑦ ᓰᐲᑦ ᒎᑦᓰᓪᓗ ᐊᒥᖏᓐᓂᒃ ᐊᓐᓄᕌᕐᑎᑕᐅᓪᓗᑎᒃ, ᐊᔪᕐᓴᕐᓗᑎᒃ ᐊᑭᕋᕐᑐᕐᑕᐅᓪᓗᑎᒃ, ᐱᑦᓯᐊᕐᑕᐅᓇᑎᒡᓗ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:12

ᐂᖏᓖᓪᓗ ᐱᖓᓲᔪᕐᑐᖓᑦᑕ ᖃᓪᓗᑎᓂ ᑯᕕᒋᕚ ᑰᒑᓗᖕᒧᑦ ᐃᕗᕅᑎᒧᑦ, ᑰᒐᓗᒡᓗ ᐃᒤᕐᑎᑉᐳᖅ, ᐊᖅᑯᑕᐅᔪᓐᓇᕐᓯᓪᓗᓂᓗ ᐊᖓᔪᖅᑳᕐᔪᐊᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᓄᑦ.

ᓴᒧᐃᓕ ᓯᕗᓪᓖᑦ 28:14

ᓴᐅᓕ ᐊᐱᕆᕗᖅ, “ᖃᓅᖅ ᑕᐅᑦᑐᖃᕐᐹ?” ᑭᐅᕗᖅ, “ᐊᖑᑦ ᐃᑦᑐᐊᓗᒃ ᕾᕗᖅ; ᐅᓕᒡᔪᐊᕐᓯᒪᔪᖅ.” ᓴᐅᓕᓗ ᖃᐅᔨᕗᖅ ᓴᒧᐃᓕᐅᓂᖓᓂᒃ, ᐹᒻᒪᒃᑎᕐᐳᕐᓗ ᒪᓂᖅᑲᒧᑦ, ᐅᐱᒍᓱᑦᓯᐊᕐᓂᕐᒧᑦ.