ᐊᑕᓃᑦ ᐂᑉᐸᖏᑦ 19:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᖓᔪᖅᑳᕐᔪᐊᖅ ᕼᐃᓯᑬᐊ ᐅᓂᑳᕐᑕᖏᓐᓂᒃ ᑐᓴᕇᕋᒥ ᐊᓐᓄᕌᓂ ᐊᓕᒃᐰᑦ, ᕿᒃᓵᒃᑐᕐᓯᐅᑎᓂᒡᓗ ᐊᑎᓪᓗᓂ, ᑐᒃᓯᐊᕐᕕᒡᔪᐊᕐᒧᑦ ᑐᒃᓯᐊᕆᐊᕐᐳᖅ.

ᐊᑕᓃᑦ ᐂᑉᐸᖏᑦ 19:1 Iomraidhean Croise

ᒨᓯᓯ ᓯᕗᓪᓖᑦ 37:34

ᑕᕝᕙ ᔧᑰᑉ ᐊᓐᓄᕌᓂ ᐊᓕᒃᐰᑦ, ᖃᓪᓗᓈᕐᑕᒥᒡᓗ ᐳᑐᕐᓛᒥᒃ ᐊᑎᓯᓪᓗᓂ, ᐃᕐᓂᓂᓗ ᕿᒃᓵᒍᑎᒋᕚ ᐅᓪᓗᓂᒃ ᐅᓄᕐᑐᓂᒃ.

ᐊᑕᓃᑦ ᓯᕗᓪᓖᑦ 21:27

ᐂᕼᐊᐱᐅᓪᓗ ᐅᖃᐅᓰᑦ ᑕᒪᒃᑯᐊ ᑐᓴᕋᒥᒋᑦ, ᐊᓐᓄᕌᓂ ᐊᓕᒃᐰᑦ, ᐊᓐᓄᕌᕐᓗᓂᓗ ᐳᑐᕐᓛᓂᒃ ᖃᕿᐊᓕᕐᑐᕐᓯᐅᑎᓂᒃ, ᓂᕆᑦᑍᓕᓚᐅᕐᐳᖅ ᓯᓂᖃᑦᑕᕐᓗᓂᓗ ᐳᑐᕐᓛᓂᒃ ᐊᑐᕐᓗᓂ, ᑕᑯᑦᓱᓇᕐᓗᓂ ᕿᒃᓵᒡᓗᓂᓗ.

ᐊᑕᓃᑦ ᓯᕗᓪᓖᑦ 21:29

“ᑕᑯᓚᐅᕐᐲᑦ, ᐂᕼᐊᑉ ᐃᒻᒥᓂᒃ ᒥᑭᒡᓕᑎᕐᓂᖓᓂᒃ ᓵᓐᓂ? ᑖᓐᓇ ᓵᓐᓂ ᒥᑭᒡᓕᑎᓚᐅᕐᒪᑦ, ᐱᐅᖏᑦᑐᑦ ᑎᑭᑎᑦᓱᒫᕈᓐᓃᕐᐸᒃᑲ ᐃᓅᑎᓪᓗᒍ; ᐃᕐᓂᖓᓕ ᐃᓅᑎᓪᓗᒍ ᐱᐅᖏᑦᑐᑦ ᑎᑭᑎᑦᓱᒫᕐᐸᒃᑲ ᓇᖕᒥᓂᖏᓐᓄᑦ.”

ᐊᑕᓃᑦ ᐂᑉᐸᖏᑦ 18:37

ᑕᕝᕙ ᐃᓔᐊᑭᒻ ᕼᐃᓪᑬᐊᐅᑉ ᐃᕐᓂᖓ, ᐊᖓᔪᖅᑳᕐᔪᐊᑉ ᐃᒡᓗᖓᓂ ᑲᒪᔨᒻᒪᕆᐅᔪᖅ, ᓯᑉᓇᓗ ᐊᖓᔪᖅᑳᕐᔪᐊᑉ ᐃᖅᑲᕐᑐᐃᕕᖓᓂ ᑎᑎᕋᕐᑎᒻᒪᕆᐅᔪᖅ ᔪᐊᓗ ᐊᓴᐸᐅᑉ ᐃᕐᓂᖓ ᕼᐃᓯᑬᐊᒧᐊᕐᐳᑦ, ᐊᓐᓄᕌᒥᖕᓂᒃ ᐊᓕᒃᓯᓯᒪᓪᓗᑎᒃ, ᐅᓂᒃᑳᕐᕕᒋᓪᓗᒍᓗ ᕋᑉᓴᑭᐅᑉ ᐅᖃᐅᓯᕆᔭᖏᓐᓂᒃ.

ᐊᑕᓃᑦ ᐂᑉᐸᖏᑦ 5:7

ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᑎᖅᑲᑦ ᐅᖃᓕᒫᕇᕋᒥᒋᑦ ᐊᓐᓄᕌᓂ ᐊᓕᒃᐰᑦ, ᐅᖃᕐᓗᓂᓗ, “ᒎᑎᐅᒐᒫ? ᑐᖁᑎᑦᓯᓚᐅᕐᓗᖓ ᐆᒻᒪᕐᑎᑦᓯᒃᑲᓐᓂᕈᓐᓇᕐᐳᖔ? ᖃᓄᐃᒻᒪᓂᓐᓇ ᐅᕕᓂᕐᓗᒃᑐᒥᒃ ᐸᕐᑎᕐᑐᒥᒃ ᐋᖅᑭᒃᑕᐅᖁᔨᓪᓗᓂ ᐅᕙᓐᓄᑦ ᑎᓕᓯᕙ? ᑕᑯᒋᑦ ᐅᕙᓐᓄᓂᓐᓇ ᐂᕙᑦᔪᑎᒃᓴᕐᓯᐅᑐᐃᓇᕐᑐᖅ!”

ᐊᑕᓃᑦ ᐂᑉᐸᖏᑦ 6:30

ᐊᖓᔪᖅᑳᕐᔪᐊᖅ ᐊᕐᓇᐅᑉ ᐅᖃᐅᓯᖏᓐᓂᒃ ᑐᓴᕋᒥ, ᐊᓐᓄᕌᓂ ᐊᓕᒃᐰᑦ. ᐊᕙᓗᕐᔪᐊᑉ ᑭᒡᓕᖓᒍᑦ ᐱᓱᒃᑎᓪᓗᒍ ᐃᓄᖕᓄᑦ ᑕᐅᑐᒃᑕᐅᒐᒥ ᐅᑦᔨᕆᔭᐅᓕᕐᐳᖅ ᐊᓐᓄᕌᒥ ᐃᓗᐊᒍᑦ ᐊᓐᓄᕌᕐᓯᒪᓂᖓᓂᒃ ᕿᒃᓵᒃᑐᕐᓯᐅᑎᓂᒃ.

ᐄᓱᕋᐅᑉ ᐊᒡᓚᖏᑦ 9:3

ᑕᒪᑐᒥᖓ ᑐᓴᕋᒪ, ᕿᒃᓵᖕᓂᕐᒧᑦ ᐊᓐᓄᕌᒃᑲ ᐊᓕᓚᐅᕐᐸᒃᑲ, ᓄᔮᕐᑐᓚᐅᕐᐳᖓ ᐅᒥᒃᑲᓗ ᓄᓱᓚᐅᕐᐸᒃᑲ, ᐃᖏᓪᓗᖓᓗ ᓯᖁᒥᑦᓯᐊᓚᐅᕐᐳᖓ ᕿᒃᓵᖕᓂᕐᒧᑦ.

ᐃᓐᖏᕈᑎᑦ 35:13

ᐅᕙᖓᓕ ᖃᓂᒪᓕᕌᖓᑕ ᐊᓐᓄᕌᒥᒃ ᓂᕈᒥᖏᑦᑐᒥᒃ ᐊᑎᕙᒃᐳᖓ, ᒥᑭᓕᑎᕐᓗᖓᓗ ᓂᕆᑦᑍᓕᓪᓗᖓ; ᑐᒃᓯᐊᕐᓂᕋᓕ ᐅᑎᓚᐅᕐᐳᖅ ᐅᕙᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 37:37

ᑕᕝᕙ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓯᓇᑯᕆᑉ ᐊᐅᓪᓚᕐᐳᖅ, ᓄᓇᒥᓄᓪᓗ ᓂᓂᕕᒧᑦ ᐅᑎᕐᒥᓗᓂ.

ᔨᕆᒤᐊᐅᑉ ᐊᒡᓚᖏᑦ 36:24

ᐊᖓᔪᖅᑳᕐᔪᐊᖅ ᐱᖃᑎᒋᔭᖏᓪᓗ ᐅᖃᐅᓯᕐᓂᒃ ᑐᓴᕋᓗᐊᕋᒥᒃ ᖁᐊᕐᓵᖓᓚᐅᓐᖏᓚᑦ ᐊᓐᓄᕌᒥᖕᓂᒡᓗ ᐊᓕᒃᓯᓇᑎᒃ.

ᔫᓇᐅᑉ ᐊᒡᓚᖏᑦ 3:5

ᓂᓂᕕᒥᐅᑦ ᑕᕝᕙ ᒎᑎᐅᑉ ᐅᖃᐅᓯᕆᔭᖏᑦ ᐅᒃᐱᕆᕚᑦ. ᐃᓱᒪᑖᕐᐳᓪᓗ ᓂᕆᑦᑍᓕᕕᒃᓴᖃᖁᔨᓪᓗᑎᒃ ᐃᓄᓕᒫᓄᑦ, ᐊᑎᓯᕗᓪᓗ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ, ᐱᒻᒪᕆᐅᓂᕐᐹᓂᑦ ᐱᒻᒪᕆᐅᖏᓐᓂᕐᐹᓄᑦ ᑎᑭᓪᓗᑎᒃ, ᖃᕿᐊᓕᕐᓂᕐᒥᖕᓂᒃ ᓇᓗᓁᕐᓯᔪᒪᓪᓗᑎᒃ.

ᔫᓇᐅᑉ ᐊᒡᓚᖏᑦ 3:8

ᐃᓄᓕᒫᓪᓕ ᓂᕐᔪᑏᓪᓗ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ ᐊᑐᕐᑐᒃᓴᐅᕗᑦ. ᐃᓗᖏᕐᑐᕐᓗᑎᒃ ᑐᒃᓯᐊᕐᑐᒃᓴᐅᕗᑦ ᒎᑎᒧᑦ ᖃᕿᐊᓕᕐᓗᑎᒡᓗ ᐊᖅᑯᑎᒋᔭᒥᖕᓂᑦ ᐃᓱᐊᖏᑦᑐᓂᑦ ᐊᒡᒐᖕᒥᓗ ᐊᑲᐅᖏᑦᑐᓕᓂᖏᓐᓂᑦ.

ᒫᑎᐅᓯᐅᑉ ᐊᒡᓚᖏᑦ 11:21

“ᑲᑉᐱᐊᓐᓇᒦᒃ ᐃᓕᑦᓯ, ᑯᕋᓯᓐ! ᑲᑉᐱᐊᓐᓇᒦᒡᓗ ᐃᓕᑦᓯ, ᐱᑦᓮᑕ! ᑕᒪᒃᑯᐊ ᑲᒪᓇᕐᑐᓕᓃᑦ ᐃᓕᑦᓯᓐᓂ ᐱᓂᐊᕐᓂᐅᖃᑦᑕᓚᐅᕐᑐᑦ ᐱᓂᐊᕐᓂᐅᖔᓚᐅᕐᐸᑕ ᓄᓇᓂ ᑍᕆᒥ ᓮᑐᓂᒥᓗ, ᐃᓄᖏᑦ ᖃᕿᐊᓕᖅᑲᒻᒥᕋᔭᓚᐅᓐᖏᓚᑦ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᐊᑎᓗᑎᒃ ᐊᕐᔭᓕᓂᕐᓂᒡᓗ ᐃᒻᒥᖕᓄᑦ ᑲᓐᖓᕐᑎᕐᕕᒋᓗᑎᒃ ᐱᒐᔭᓚᐅᕐᐳᑦ!

ᒫᑎᐅᓯᐅᑉ ᐊᒡᓚᖏᑦ 26:65

ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᒻᒪᕆᖓ ᑕᒪᑐᒥᖓ ᑐᓴᕋᒥ ᐊᓐᓄᕌᓂ ᐊᓕᒃᐰᑦ ᐅᖃᕐᓗᓂ, “ᒎᑎᒥᒃ ᐅᖃᕐᓂᕐᓘᑎᖃᕐᐳᖅ! ᖃᐅᔨᓯᒪᔪᒥᒃ ᑐᓴᒃᑲᓐᓂᕆᐊᖃᕈᓐᓃᕐᐳᒍᑦ, ᑕᕝᕙ ᑐᓵᕐᐸᓯ ᒎᑎᒥᒃ ᐅᖃᕐᓂᕐᓘᑎᖃᕐᑎᓪᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:3

ᓇᓗᓁᕐᓯᔩᒃᑲᒡᓗ ᒪᕐᕉᒃ ᑎᓕᔪᒫᕐᐹᒃᑲᒃ ᐳᑐᕐᓛᓂᒃ ᐊᓐᓄᕌᕐᓯᒪᔫᒃ; ᐅᖃᐅᓯᐅᖁᔭᐅᔪᓂᒃ ᐅᖃᓪᓚᖁᓪᓗᒋᒃ ᐅᓪᓗᑦ 1,260 ᓈᓗᒋᑦ.”

ᓴᒧᐃᓕ ᓯᕗᓪᓖᑦ 4:12

ᐊᖑᑦ ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᔪᖅ ᐅᓪᓔᓐᓇᕐᓗᓂᖅ ᐅᓇᑕᕐᕕᐅᔪᒥᑦ ᓮᓗᐊᒧᑦ ᑎᑭᑉᐳᖅ, ᐊᓐᓄᕌᖏᑦ ᐊᓕᒃᑐᕐᓯᒪᓪᓗᑎᒃ ᓂᐊᖁᖓᓗ ᐳᔪᕋᒥᑎᕐᓯᒪᓪᓗᓂ.