ᐊᑕᓃᑦ ᐂᑉᐸᖏᑦ 18:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᕼᐆᓯᐊᑉ ᐄᓚᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᐃᑦ ᐱᖓᔪᒋᓕᕐᑕᖓᓂ ᕼᐃᓯᑬᐊ ᐂᕼᐊᓯᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᔫᑕᒧᑦ.

ᐊᑕᓃᑦ ᐂᑉᐸᖏᑦ 18:1 Iomraidhean Croise

ᐊᑕᓃᑦ ᐂᑉᐸᖏᑦ 15:30

ᕼᐆᓯᐊ ᐄᓚᐅᑉ ᐃᕐᓂᖓ ᑲᑐᑦᔨᖃᑎᖃᕐᓗᓂ ᑐᖁᑦᓯᔪᒪᓕᓚᐅᕐᐳᖅ ᐊᖓᔪᖅᑳᕐᔪᐊᕐᒥᒃ ᐲᑲᒥᒃ ᕆᒪᓔᐊᐅᑉ ᐃᕐᓂᖓᓂᒃ, ᑐᖁᓐᓇᒥᐅᒡᓗ ᐃᓂᖓᓂ ᐊᖓᔪᖅᑳᕐᔪᐊᓐᖑᖔᓚᐅᕐᐳᖅ, ᔫᑕᒥᐅᑉ ᐅᓮᐊᐅᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᐃᑦ 20ᖓᓂ ᔫᑕᒧᑦ.

ᐊᑕᓃᑦ ᐂᑉᐸᖏᑦ 16:2

ᐂᕼᐊᔅ ᐊᕐᕌᒍᖃᕐᓗᓂ 20ᓂᒃ ᔨᕉᓴᓕᒥᐅᓄᑦ ᐊᖓᔪᖅᑳᕐᔪᐊᕆᔭᐅᓕᓚᐅᕐᐳᖅ ᐊᕐᕌᒍᓂᒃ 16ᓂᒃ. ᐊᑕᓂᐅᑉ ᒎᑎᒥ ᓵᖓᓂ ᓈᒻᒪᒋᔭᐅᔪᒥᒃ ᐱᐅᓯᖃᓚᐅᓐᖏᓚᖅ, ᓯᕗᓕᕕᓂᕐᒥᓂᒡᓗ ᑍᕕᑎᒥᒃ ᒪᓕᓚᐅᕋᓂ.

ᐊᑕᓃᑦ ᐂᑉᐸᖏᑦ 16:20

ᐂᕼᐊᔅ ᑐᖁᖕᒪᑦ ᐊᖓᔪᖅᑳᕐᔪᐊᑉ ᐃᓗᕕᕐᑕᐅᓯᒪᕕᒋᔭᖏᓐᓂ ᐃᓗᕕᕐᑕᐅᓚᐅᕐᐳᖅ ᑍᕕᑎᐅᑉ ᐃᒡᓗᒐᓴᖏᓐᓂᒃ ᑍᔭᐅᔪᓂ; ᐃᕐᓂᖓᑕ ᕼᐃᓯᑬᐊᐅᑉ ᑭᖑᕝᕕᓕᓚᐅᕆᕚ ᐊᖓᔪᖅᑳᕐᔪᐊᖑᓕᕐᓗᓂᓗ.

ᐊᑕᓃᑦ ᐂᑉᐸᖏᑦ 17:1

ᐊᖓᔪᖅᑳᕐᔪᐊᑉ ᐂᕼᐊᓯᐅᑉ ᐊᐅᓚᑦᓯᓂᖓᑕ ᔫᑕᒥ ᐊᕐᕌᒍᐃᑦ 12ᖓᓂ, ᕼᐆᓯᐊ ᐄᓚᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᐃᓴᕆᐊᓕᒥᐅᓄᑦ. ᐊᖓᔪᖅᑳᕐᔪᐊᖑᓚᐅᕐᐳᕐᓗ ᐊᕐᕌᒍᓂᒃ 9ᓂᒃ ᓴᒥᐊᕆᐊᒥ.

ᐊᑕᓃᑦ ᐂᑉᐸᖏᑦ 18:9

ᕼᐃᓯᑬᐊᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᐃᑦ ᓯᑕᒪᖓᓐᓂ, ᐊᖓᔪᖅᑳᕐᔪᐊᑉ ᕼᐆᓯᐊᑉ ᐄᓚᐅᑉ ᐃᕐᓂᖓᑕ ᐊᐅᓚᑦᓯᓂᖓᑕ ᐃᓴᕆᐊᓕᓂᒃ ᐊᕐᕌᒍᐃᑦ 7ᒋᓕᕐᑕᖓᓐᓂ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓵᓪᒪᓃᓴ ᐃᓴᕆᐊᐊᓕᓂᒃ ᐊᕙᑕᖏᕐᓯᓯᒪᓪᓗᓂ ᐊᔪᓕᕐᑎᑦᓯᓯᒪᓕᓚᐅᕐᐳᖅ ᓴᒥᐊᕆᐊᒥᐅᓂᒃ.

ᑯᕉᓂᑲ ᓯᕗᓪᓖᑦ 3:13

ᑖᑦᓱᒪ ᐃᕐᓂᖓ ᐂᕼᐊᔅ, ᑖᑦᓱᒪ ᐃᕐᓂᖓ ᕼᐃᓯᑬᐊ, ᑖᑦᓱᒪ ᐃᕐᓂᖓ ᒫᓇᓯ,

ᑯᕉᓂᑲ ᐂᑉᐸᖏᑦ 28:27

ᐂᕼᐊᔅᓗ ᑐᖁᖕᒪᑦ ᓯᕗᓕᒥᓄᐊᓚᐅᕐᐳᖅ, ᐃᓗᕕᕐᐹᓪᓗ ᐃᒡᓗᒐᓴᖕᓂ, ᔨᕉᓴᓕᒥ, ᐊᖓᔪᖅᑳᕐᔪᐊᓪᓕ ᐃᓴᕆᐊᓕᒥᐅᑦ ᐃᓗᕕᖏᓐᓄᐊᓚᐅᓐᖏᓛᑦ. ᐃᕐᓂᖓᓕ ᕼᐃᓯᑬᐊ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑖᑦᓱᒥᖓ ᐃᓇᖐᓪᓗᓂ.

ᑯᕉᓂᑲ ᐂᑉᐸᖏᑦ 29:1

ᕼᐃᓯᑬᐊ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᐊᕐᕌᒍᖃᕐᓗᓂ 25ᓂᒃ, ᐊᖓᔪᖅᑳᖑᓚᐅᕐᐳᕐᓗ ᐊᕐᕌᒍᓂᒃ 29ᓂᒃ ᔨᕉᓴᓕᒥ. ᐊᓈᓇᖓ ᐊᑎᖃᕐᐳᖅ ᐊᐰᔭᒥᒃ ᓴᑲᕅᐊᐅᑉ ᐸᓂᖓ.

ᑯᕉᓂᑲ ᐂᑉᐸᖏᑦ 29:29

ᑐᓂᕐᕈᓯᕐᓂᕐᒥᒡᓗ ᐱᔭᕇᕐᒪᑕ, ᐊᖓᔪᖅᑳᕐᔪᐊᖅ ᐃᓚᒋᔭᖏᓪᓗ ᑍᑲᓃᑦᑐᓕᒫᑦ ᐹᒻᒪᒃᑎᕐᐳᑦ ᑐᒃᓯᐊᕐᓗᑎᒡᓗ.

ᒤᑲᐅᑉ ᐊᒡᓚᖏᑦ 1:1

ᒎᑎᐅᑉ ᐅᖃᐅᓯᖏᑦ ᒤᑲᒧᑦ ᒧᕆᓯᑎᒥᐅᑕᕐᒧᑦ ᔫᑕᒻ, ᐊᕼᐊᔅᓗ, ᕼᐃᓯᑬᐊᓗ ᐊᖓᔪᖅᑳᕐᔪᐊᖑᑎᓪᓗᒋᑦ ᑭᖑᓕᕇᒃᓗᑎᒃ ᔫᑕᒥᐅᓄᑦ. ᑐᑭᓯᑎᑕᐅᓚᐅᕐᐳᖅ ᓴᒥᐊᕆᐊᒥᐅᑦ ᔨᕉᓴᓕᒥᐅᓪᓗ ᐱᓪᓗᒋᑦ.