ᐊᑕᓃᑦ ᐂᑉᐸᖏᑦ 16:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᕆᖃᑦᑕᕐᓯᒪᔭᖏᑎᑐᑦ ᐃᓕᖅᑯᓯᖃᑐᐃᓐᓇᓚᐅᕆᕗᖅ ᐊᒡᓛᑦ ᐃᕐᓂᕐᒥᓂᒃ ᑐᓂᕐᕈᓯᓚᐅᕐᐳᖅ ᒎᑎᓐᖑᐊᓄᑦ. ᐊᑕᓂᐅᑉ ᓇᕐᕈᓇᕐᓂᕋᓚᐅᕐᑕᖏᑦ ᐃᓅᖃᑎᒌᒡᔪᐊᓄᑦ ᐊᑐᕐᑕᐅᑎᓪᓗᒋᑦ ᐃᓴᕆᐊᓕᒥᐅᓄᑦ ᓄᓁᕐᑕᐅᓚᐅᕐᑐᑦ ᐃᓄᖏᑕ ᐃᓕᖅᑯᓯᕕᓂᖏᑦ ᓄᓇᒋᔭᐅᖁᔭᐅᔪᒧᑦ ᑎᑭᑉᐸᓕᐊᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 16:3 Iomraidhean Croise

ᐊᑕᓃᑦ ᓯᕗᓪᓖᑦ 14:24

ᐊᖑᑎᓂᒡᓗ ᐊᕐᓇᓂᒡᓗ ᐊᑐᕐᑐᐊᒐᖁᑎᖃᐅᓚᐅᕐᐳᖅ ᑐᒃᓯᐊᕐᕕᖕᒥᖕᓂ. ᔫᑕᐅᑉ ᐃᓄᖏᑦ ᐱᐅᖏᑦᑐᓂᒃ ᐱᓇᓱᐊᓚᐅᕐᐳᑦ ᐊᑕᓂᐅᑉ ᓯᖏᑕᐅᑎᓚᐅᕐᑕᖏᑎᑐᑦ ᐃᓅᖃᑎᒌᒡᔪᐊᑎᑐᑦ ᓇᕐᕈᓇᕐᑐᒥᒃ ᐱᓇᓱᐊᖃᑦᑕᕐᓂᖏᓐᓄᑦ ᐃᓴᕆᐊᓕᒥᐅᑦ ᓄᓇᑖᕐᐸᓪᓕᐊᓕᕐᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 17:16

ᐊᑕᓂᐅᑉ ᒎᑎᖓᑦᑕ ᐱᖁᔭᖏᓐᓂᒃ ᒪᓕᒍᓐᓁᓚᐅᕐᐳᑦ, ᓴᓇᓚᐅᕐᐳᑦ ᒪᕐᕉᖕᓂᒃ ᑐᒃᑐᕙᓐᖑᐊᖕᓂᒃ ᑐᒃᓯᐊᕐᕕᒋᔭᒃᓴᒥᖕᓂᒃ, ᓴᓇᓚᐅᕆᕗᑦ ᐊᕐᓇᐅᑉ ᒎᑎᓐᖑᐊᑉ ᐊᓯᕋᐅᑉ ᐊᑦᔨᖓᓂᒃ ᓴᓇᓐᖑᐊᕐᓯᒪᔪᒥᒃ, ᐅᓪᓗᕆᐊᓄᓪᓗ ᑐᒃᓯᐊᕐᐸᒃᑭᓪᓗᑎᒃ ᒪᓕᒐᖃᕐᓗᑎᒡᓗ ᒎᑎᓐᖑᐊᒥᒃ ᐰᓕᒥᒃ.

ᐊᑕᓃᑦ ᐂᑉᐸᖏᑦ 17:17

ᐃᑯᐊᓚᑎᓪᓗᒍ ᑐᓂᕐᕈᓯᕐᕕᖕᓂ ᑐᓂᕐᕈᓯᖃᑦᑕᓚᐅᕐᐳᑦ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ, ᐊᖓᒃᑯᓂᒡᓗ ᑕᑎᖃᖃᑦᑕᕐᓗᑎᒃ ᐃᒻᒥᖕᓂᒃ ᑐᓂᓯᒪᓂᖃᓚᐅᕐᐳᑦ ᐱᐅᖏᑦᑐᓂᒃ ᐱᓂᐊᕐᓂᐅᔪᓄᑦ ᐊᑕᓂᐅᑉ ᓵᖓᓂ ᓂᓐᖓᒍᑎᒋᔪᓐᓇᕐᑕᖏᓐᓂᒃ.

ᐊᑕᓃᑦ ᐂᑉᐸᖏᑦ 17:19

ᔫᑕᒥᐅᑦᑕᐅᖅ ᒪᓕᑦᓯᐊᕐᓗᑎᒃ ᐃᓅᓚᐅᓐᖏᓚ ᐊᑕᓂᐅᑉ ᒎᑎᖓᑦᑕ ᒪᓕᒃᑕᐅᖁᔭᖏᓐᓂᒃ, ᒪᓕᖃᑕᐅᓯᑐᐃᓐᓇᕐᓂᑰᖕᒥᒐᒥᒃ ᐃᓴᕆᐊᓕᒥᐅᑦ ᐃᓕᖅᑯᓯᕐᑖᕆᓯᒪᔭᖏᓐᓂᒃ.

ᐊᑕᓃᑦ ᐂᑉᐸᖏᑦ 17:8

ᒪᓕᓕᕐᓗᑎᒃ ᓄᓁᑦ ᑎᑭᑕᖏᑕ ᐃᓄᖏᓐᓄᑦ ᐃᓕᖅᑯᓯᕆᔭᐅᓚᐅᕐᑐᓂᒃ ᒎᑎᐅᑉ ᓯᖏᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖏᑕ ᐃᓕᖅᑯᓯᕐᑖᕆᔭᐅᑎᓯᒪᔭᖏᓐᓄᑦ.

ᐊᑕᓃᑦ ᐂᑉᐸᖏᑦ 21:11

“ᔫᑕᐅᑉ ᐊᖓᔪᖅᑳᕐᔪᐊᖓ ᒫᓇᓯ ᓇᕐᕈᓇᕐᑐᕐᔪᐊᓂᒃ ᐱᓇᓱᐊᕐᓯᒪᖕᒪᑦ, ᐊᒧᕅᑎᒥᐅᑦ ᐃᓕᖅᑯᓯᕆᓯᒪᔭᖏᓐᓂᑦ ᐱᐅᖏᓐᓂᕐᓴᓂᒃ ᐱᓂᐊᕐᓯᒪᕗᖅ, ᒎᑎᓐᖑᐊᖃᖃᑦᑕᕐᓂᕐᒥᖕᓄᑦ ᔫᑕᒥᐅᓂᒃ ᐊᔪᕐᑐᓕᑎᑦᓯᓯᒪᖕᒪᑦ.

ᐊᑕᓃᑦ ᐂᑉᐸᖏᑦ 21:2

ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᐳᖅ, ᐃᓅᖃᑎᒌᒡᔪᐊᑦ ᐊᑕᓂᐅᑉ ᐊᐅᓪᓚᕐᑎᓚᐅᕐᑕᖏᑕ ᐃᓕᖅᑯᓯᕆᓚᐅᕐᑕᖏᓐᓂᒃ ᓇᕐᕈᓇᕐᑐᓂᒃ ᐱᓂᐊᓚᐅᕐᒪᑕ ᐃᓴᕆᐊᓕᒥᐅᓂᑦ ᓄᓁᑕᐅᓚᕐᑐᓂᒃ.

ᐊᑕᓃᑦ ᐂᑉᐸᖏᑦ 21:6

ᐃᕐᓂᕐᒥᓂᒃ ᐃᑯᐊᓚᑦᓯᓪᓗᓂ ᑐᓂᕐᕈᓯᓚᐅᕐᐳᖅ, ᓇᓗᓇᕐᑐᓂᒡᓗ ᖃᐅᔨᒪᑦᔪᑎᖃᕋᓱᒃᐸᒃᓗᓂ, ᐊᖓᒃᑯᓂᒡᓗ ᑕᑎᖃᕐᐸᒃᓗᓂ, ᑐᖁᖓᔪᓂᒡᓗ ᖃᐅᔨᒪᓂᕋᕐᑎᓂᒃ ᐃᑲᔪᕐᑎᖃᕋᓱᒃᐸᒃᓗᓂ. ᐊᖏᔪᒥᒃ ᐊᑕᓂᐅᑉ ᓵᖓᓂ ᐊᔪᕐᑐᓕᓚᐅᕐᐳᖅ, ᓂᓐᖓᒃᓮᒍᑎᓂᒡᓗ ᐊᑕᓂᕐᒥᒃ ᐱᓇᓱᐊᕐᓗᓂ.

ᐊᑕᓃᑦ ᐂᑉᐸᖏᑦ 21:9

ᑖᒃᑯᐊᓕ ᓈᓚᓚᐅᓐᖏᓚᑦ, ᒫᓇᓯᐅᑉ ᐊᔪᕐᑐᓕᓐᓇᕐᑐᓄᑦ ᑕᓯᐅᓚᐅᕐᒪᒋᑦ ᐱᐅᖏᓐᓂᕐᓴᒧᑦ ᓄᓇᑖᕆᓯᒪᔭᖏᑕ ᐃᓄᒋᓚᐅᕐᑕᖏᑕ ᐱᓂᐊᕐᓂᕆᓚᐅᕐᑕᖏᓐᓂᑦ ᐊᑕᓂᐅᑉ ᓯᖏᑕᐅᑎᓚᐅᕐᑕᖏᓐᓂᑦ ᐃᓴᕆᐊᓕᒥᐅᓄᑦ ᓄᓇᑖᕆᔭᐅᕙᓪᓕᐊᓕᕐᑎᓪᓗᒍ.

ᐊᑕᓃᑦ ᐂᑉᐸᖏᑦ 23:10

ᑐᐱᑎᐅᑉ ᑐᒃᓯᐊᕐᕕᒋᔭᐅᔪᓐᓁᓪᓕᑎᑉᐹ ᓇᕐᓴᒦᑦᑐᖅ ᕼᐃᓇᓂᒥᒃ ᑍᔭᐅᔪᒥ, ᑭᓇᓕᒫᖅ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᑐᓂᕐᕈᓯᖃᑦᑕᕈᓐᓁᖁᓪᓗᒋᑦ ᐃᑯᐊᓚᔪᒥ ᒧᓕᑭᒧᑦ.

ᐊᑕᓃᑦ ᐂᑉᐸᖏᑦ 8:18

ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᕆᖃᑦᑕᕐᓯᒪᔭᖏᑕ ᐃᓕᖅᑯᓯᖏᓐᓂᒃ ᒪᓕᑐᐃᓐᓇᓚᐅᕐᐳᖅ ᐊᖓᔪᖅᑳᕐᔪᐊᑉ ᐂᕼᐊᐱᐅᑉ ᐱᐅᓯᕆᕙᓚᐅᕐᑕᖏᓐᓂᒃ, ᓄᓕᐊᓂᓚᐅᕐᒪ ᐂᕼᐊᐱᐅᑉ ᐸᓂᖓᓂᒃ. ᐱᓇᓱᐊᕐᓂᖃᕐᓗᓂᓗ ᐊᑕᓂᐅᑉ ᓵᖓᓂ ᓈᒻᒪᒋᓐᖏᑕᖏᓐᓂᒃ.

ᑯᕉᓂᑲ ᐂᑉᐸᖏᑦ 22:3

ᑖᓐᓇᓗ ᐂᕼᐊᑉᑯᑎᑐᑦ ᐱᓇᓱᐊᓚᐅᕐᐳᖅ, ᐊᓈᓇᖓᑕ ᐃᓱᒻᒥᕐᑐᖃᑦᑕᓚᐅᕐᒪᒍ ᐃᓱᐃᑦᑐᓕᓚᐅᕐᐳᖅ.

ᑯᕉᓂᑲ ᐂᑉᐸᖏᑦ 33:2

ᐱᐅᖏᑦᑐᓕᓚᐅᕐᐳᖅ ᐊᑕᓂᐅᑉ ᑕᑯᓐᓇᑕᖓᒍᑦ, ᓄᓇᓖᑦ ᐱᐅᖏᑦᑐᓂ ᓇᕐᕈᓇᕐᑐᓕᓂᖏᓐᓂᒃ ᒪᓕᓚᐅᕐᒪᑦ ᐊᑕᓂᐅᑉ ᐊᓂᑎᓚᐅᕐᑕᖏᓐᓂᒃ ᐃᓴᕆᐊᓕᒥᐅᑦ ᐃᓄᖏᓐᓄᑦ ᐃᓇᖏᕐᑕᐅᑎᓚᐅᕐᑕᖏᑕ.

ᑯᕉᓂᑲ ᐂᑉᐸᖏᑦ 33:6

ᐃᕐᓂᓂᓗ ᐃᑯᐊᓪᓚᒡᓗᒋᑦ ᑐᓂᕐᕈᑎᒋᕔᑦ ᓇᕐᓴᒥ ᕼᐃᓇᒻ ᐃᕐᓂᖓᓂᒃ ᐊᑎᓕᖕᒥ, ᐱᓇᓱᐊᖃᑦᑕᓚᐅᕐᐳᕐᓗ ᓇᓚᐅᑦᑍᓇᓱᐊᕈᑎᓂᒃ ᐊᖓᒃᑰᓇᓱᐊᕈᑎᓂᒡᓗ ᓯᕗᓂᒃᓴᒥᓗ ᖃᐅᔨᒪᓇᓱᐊᕈᑎᓂᒃ, ᖃᐅᔨᓇᓱᐊᕐᑎᑦᓯᖃᑦᑕᕐᓗᓂᓗ ᑐᖁᖓᔪᓂᒃ ᐊᓂᕐᓂᓕᕆᓲᓂᒃ. ᐱᐅᖏᑦᑐᒻᒪᕆᐊᓗᖕᓂᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓂᓐᖓᒃᓮᑦᔪᑎᐅᔪᓂᒃ ᑖᑦᓱᒧᖓ.

ᐃᓐᖏᕈᑎᑦ 106:35

ᐃᓅᖃᑎᒌᒡᔪᐊᓄᓪᓕ ᐃᓚᓕᐅᑎᓚᐅᕐᐳᑦ ᐂᑉᐸᕐᑖᖃᑦᑕᓕᕐᓗᑎᒃ, ᐃᓕᓐᓂᐊᕐᕕᒋᓗᒋᓪᓗ ᐱᓇᓱᐊᕐᓂᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 57:5

ᐃᒡᓕᒎᕐᓂᕐᔪᐊᒧᑦ ᐱᔪᒪᓂᐊᓗᓯ ᑲᔪᓯᑎᖃᑦᑕᕐᐸᓯ ᓇᐹᕐᑐᐃᑦ ᓯᑕᒃᑍᑦ ᐊᑯᓐᓂᖏᓐᓂ, ᓇᐹᕐᑐᓕᒫᓪᓗ ᐊᑖᓂ; ᕿᑐᕐᖓᓯ ᑐᖁᑉᐸᒃᐸᓯ ᓇᕐᓴᓂ, ᕾᕈᓱᐃᓪᓗ ᖁᖕᓈᖏᑕ ᐃᓗᖏᓐᓂ.

ᔨᕆᒤᐊᐅᑉ ᐊᒡᓚᖏᑦ 32:35

ᒎᑎᓐᖑᐊᓪᓗ ᐰᓕᐅᑉ ᐃᓂᒃᓴᖏᓐᓂᒃ ᐳᕐᑐᔪᓂᒃ ᓴᓇᓯᒪᕗᑦ ᐱᓐ ᕼᐃᓇᐅᑉ ᓇᕐᓴᖓᓂ, ᑐᓂᕐᕈᓯᕈᒪᓪᓗᑎᒃ ᐃᕐᓂᕐᒥᖕᓂᒃ ᐸᓂᖕᒥᖕᓂᒡᓗ ᒎᑎᓐᖑᐊᒧᑦ ᒧᓕᑭᒧᑦ, ᑎᓕᓚᐅᕐᓯᒪᖏᒃᑲᓗᐊᕐᐸᒃᑲ, ᐃᓱᒪᒋᓚᐅᕐᓯᒪᓇᒍᓘᓐᓃᑦ, ᑍᒫᒃ ᐱᐅᖏᑦᑐᐊᓗᖕᒥᒃ ᐊᑐᕐᓗᑎᒃ, ᔫᑕᐅᑉ ᐃᓄᖏᑦ ᐊᔪᕐᑐᓕᑎᑉᐰᑦ.”

ᐃᓯᑭᐊᓕᐅᑉ ᐊᒡᓚᖏᑦ 16:21

ᕿᑐᕐᖓᒃᑲ ᑐᖁᖃᑦᑕᓚᐅᕐᐸᑎᑦ ᑐᓂᕐᕈᑎᒋᓪᓗᒋᓪᓗ ᑖᒃᑯᓄᖓ ᐃᑯᐊᓚᑦᓯᓂᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 16:47

ᓈᒻᒪᒃᓯᓚᐅᓐᖏᓚᑎᑦ ᐊᑐᓚᐅᕐᑕᖓᓂᒃ ᐊᑐᕋᓗᐊᕋᕕᑦ, ᓇᕐᕈᓇᕐᑐᓂᒡᓗ ᐱᓇᓱᐊᓚᐅᕐᑕᖏᑕ ᐊᑦᔨᖏᓐᓂᒃ ᐊᑐᕐᓗᑎᑦ; ᐊᑯᓂᐅᖏᑦᑐᖅ ᑍᒃᑯᓇᓐᖓᑦ ᐱᐅᖏᓐᓂᕐᓵᓗᖕᓂᒃ ᐊᑐᓕᓚᐅᕐᐳᑎᑦ ᐃᓕᖅᑯᓯᕆᔭᓕᒫᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 20:26

ᓴᓗᒤᓕᑎᓚᐅᕐᐸᒃᑲ ᑐᓂᕐᕈᓯᖃᑦᑕᕐᓂᖏᑎᒍᑦ ᕿᑐᕐᖓᕐᑖᕆᐅᕈᑎᒥᖕᓂᒃ ᐃᑯᐊᓚᑎᑦᓯᓂᒃᑯᑦ, ᑲᑉᐱᐊᓱᒃᑎᑦᓱᒪᓪᓗᒋᑦ; ᑍᒤᑎᓚᐅᕐᐸᒃᑲ ᖃᐅᔨᓕᖁᓪᓗᒋᑦ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 20:31

ᑐᓂᕐᕈᓯᕌᖓᑦᓯ ᑐᓂᕐᕈᑎᒃᓴᓂᒃ ᐃᕐᓂᑦᓯᓐᓂᒡᓗ ᐃᑯᐊᓪᓔᓪᓗᓯ ᑐᓂᕐᕈᓯᕌᖓᑦᓯ, ᑕᕝᕙ ᐃᓕᑦᓯᓐᓂᒃ ᓴᓗᒤᓕᑎᑉᐳᓯ ᒎᑎᓐᖑᐊᓕᒫᓯᓗ ᐅᓪᓗᒥᒧᑦ ᑎᑭᓪᓗᒍ. ᐊᐱᕐᓱᕐᑕᐅᔭᕆᐊᖃᕐᐳᖔ ᐃᓕᑦᓯᓐᓄᑦ, ᐃᓴᕆᐊᓕᒧᑦ ᑭᖑᕚᖑᔪᓯ? ᐃᓅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᐃᓕᑦᓯᓐᓄᑦ ᐊᐱᕐᓱᕐᑕᐅᔪᒪᓐᖏᓚᖓ.

ᒨᓯᓯ ᐱᖓᔪᖏᑦ 18:21

ᕿᑐᕐᖓᕐᓂᒃ ᑐᓂᕐᕈᑎᖃᕆᐊᖃᓐᖏᓚᑎᑦ ᒎᑎᓐᖑᐊᒧᑦ ᒧᓕᑭᒧᑦ, ᒎᑎᕕᑦ ᐊᑎᖓᓂᒃ ᓇᕐᕈᓇᕐᓯᑎᑦᓯᖁᓇᒃ, ᐅᕙᖓ ᐊᑕᓂᐅᒐᒪ.

ᒨᓯᓯ ᐱᖓᔪᖏᑦ 20:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᓪᓘᓐᓃᑦ ᐃᓴᕆᐊᓕᒥ ᓄᓇᖃᕐᑐᑦ ᕿᑐᕐᖓᒥᖕᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ ᑐᖁᑕᐅᔭᕆᐊᖃᕐᐳᑦ. ᓄᓇᖅᑲᑎᒌᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ.

ᒤᑲᐅᑉ ᐊᒡᓚᖏᑦ 6:7

ᐊᑕᓂᖅ ᖁᕕᐊᓱᖕᓂᐊᕐᐹ ᑐᓂᒍᒃᑯ ᑕᐅᓴᑏᑦ ᐅᖓᑖᓂ ᓰᐲᑦ ᐊᖑᓴᓪᓗᖏᓐᓂᒃ? 10,000ᓂᒡᓘᓐᓃᑦ ᐸᐅᕐᖎᑦ ᐅᕐᓱᖏᓐᓂᒃ? ᕿᑐᕐᖓᕐᑖᕆᐅᕈᑎᒐᓘᓐᓃᑦ ᑐᓂᕐᕈᑎᒋᒍᒃᑰ ᐊᔪᕐᓂᒃᑲ ᐱᓪᓗᒋᑦ, ᓇᖕᒥᓂᖅ ᑎᒥᓐᓂᑦ ᐱᔪᖅ ᑕᕐᓂᕐᒪ ᐊᔪᕐᑐᓕᓂᖏᓐᓄᑦ?

ᒨᓯᓯ ᑕᓪᓕᒪᖏᑦ 12:31

ᐊᑕᓂᖅ ᒎᑎᓯ ᑐᒃᓯᐊᕐᕕᒋᔭᒃᓴᕆᓐᖏᓚᓯ ᑍᒃᑯᐊ ᒎᑎᓐᖑᐊᒥᖕᓄᑦ ᑐᒃᓯᐊᕈᓯᖏᑎᑐᑦ, ᒎᑎᒥᖕᓄᑦ ᑐᒃᓯᐊᓕᕌᖓᒥᒃ ᓈᒻᒪᖏᑦᑐᐊᓗᖕᓂᒃ ᐱᓂᐊᕐᓂᖃᓲᖑᖕᒪᑕ ᐊᑕᓂᐅᑉ ᐆᒥᒋᔭᖏᓐᓂᒃ. ᕿᑐᕐᖓᒥᖕᓂᒃ ᐊᒡᓛᑦ ᑐᓂᕐᕈᓯᓲᖑᖕᒪᑕ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 18:10

ᑐᓂᕐᕈᓯᕐᕕᖕᒥ ᐃᑯᐊᓚᑦᓯᓂᒃᑯᑦ ᑐᓂᓯᓕᕐᑎᓪᓗᓯ ᕿᑐᕐᖓᑦᓯᓐᓂᒃ ᑐᓂᕐᕈᓯᕐᑐᒃᓴᐅᓐᖏᓚᓯ; ᐃᓄᖁᑎᓯ ᓇᓚᐅᑦᑍᓇᓱᐊᖃᑦᑕᕐᑐᒃᓴᐅᓐᖏᓚᑦ ᐅᕝᕙᓗ ᓯᕗᓂᕐᒧᑦ ᓇᓚᐅᑦᑍᑦᔪᑎᖃᕋᓱᒃᑐᒃᓴᐅᓐᖏᓚᑦ ᐅᕝᕙᓗ ᐃᓕᓰᕐᓯᓇᓱᒃᑐᒃᓴᐅᓇᑎᒃ ᓱᓇᑐᐃᓐᓇᕐᒥᒃ ᐊᑐᕐᓗᑎᒃ;