ᐊᑕᓃᑦ ᐂᑉᐸᖏᑦ 13:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᔨᕼᐅᐊᕼᐊᔨᐅᑉ ᐅᓇᑕᕐᑎᖁᑎᖏᑦ ᐊᒥᐊᒃᑯᑐᐊᖃᓚᐅᕐᐳᑦ 50ᓂᒃ ᕿᒥᕐᔪᐊᓕᖕᓂᒃ, 10ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓃᑦᑐᓂᒃ 10,000ᓂᒡᓗ ᐅᓇᑕᕐᑎᓂᒃ ᐱᓱᒃᑎᓂᒃ; ᓯᕆᐊᒥᐅᑦ ᓄᖑᕋᓚᐅᕐᒪᒋᑦ ᓯᖃᓕᓯᔨᓄᑦ ᓯᖃᓪᓕᔭᐅᔪᑎᑐᑦ ᓱᓇᐅᒋᔭᐅᒐᑎᒃ.

ᐊᑕᓃᑦ ᐂᑉᐸᖏᑦ 13:7 Iomraidhean Croise

ᓴᒧᐃᓕ ᐂᑉᐸᖏᑦ 22:43

ᓯᖃᓪᓕᒐᒃᑭᑦ, ᐳᔪᕋᑐᐃᓐᓇᓐᖑᕐᐳᑦ, ᑐᓪᓕᕋᕐᐸᒃᑲ ᒪᕐᕋᕐᑎᑐᑦ ᐊᖅᑯᑎᒦᑦᑐᑎᑐᑦ.

ᐊᑕᓃᑦ ᓯᕗᓪᓖᑦ 20:15

ᑕᕝᕙ ᐃᓅᓱᒃᑐᑦ ᐅᓇᑕᕐᑏᑦ ᓄᓇᓕᖕᓂᑦ ᐊᐅᓚᑦᓯᔩᑦ ᐱᔨᖏᑦ ᑲᑎᑎᑉᐰᑦ, ᑲᑎᓪᓗᒋᑦ 232ᖑᕗᑦ, ᑖᒃᑯᐊ ᑭᖑᓂᖓᓐᓂ ᐃᓴᕆᐊᓕᒃᑯᑦ ᐅᓇᑕᕐᑎᖏᑦ ᑲᑎᓪᓗᒋᑦ, ᐅᓄᕐᓂᖃᕐᑐᑦ 7,000ᓂᒃ.

ᐊᑕᓃᑦ ᓯᕗᓪᓖᑦ 20:27

ᐃᓴᕆᐊᓕᒥᐅᑉ ᐃᓄᖏᑦ ᑲᑎᕐᓱᕆᕗᑦ ᐃᓂᒃᓴᒥᓅᖅᑲᕐᓗᑎᒡᓗ, ᐅᓇᑕᕆᐊᓕᕐᓗᑎᒃ ᑖᒃᑯᓂᖓ; ᐃᓴᕆᐊᓕᒥᐅᑦ ᐃᓄᖏᑦ ᑕᖕᒫᕋᒥᒃ ᒎᑦᓯᑎᑐᑦ ᒪᕐᕈᐃᓕᖅᑲᖔᔪᒃᑎᑐᑦ ᑲᑎᓐᖓᔪᑎᑐᑦ ᑍᒤᓚᐅᕐᐳᑦ, ᓯᕆᐊᒥᐅᓪᓕ ᓄᓇᓕᒫᒥᒃ ᓈᔨᓯᒪᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 10:32

ᑍᑦᓱᒪᓂ ᐊᑕᓂᐅᑉ ᐃᓴᕆᐊᓕᒥᐅᑦ ᓄᖑᐸᓪᓕᐊᑎᓚᐅᕐᐰᑦ, ᕼᐊᔧᐅᓕ ᐃᓴᕆᐊᓕᒥᐅᓂᒃ ᓵᓚᖃᓚᐅᕐᒪᑦ ᓄᓇᓕᖁᑎᖏᓐᓂᒃ ᐊᕕᒃᑐᕐᓯᒪᐅᕐᑐᓂᒃ.

ᐊᑕᓃᑦ ᐂᑉᐸᖏᑦ 13:8

ᔨᕼᐅᐊᕼᐊᔨᐅᑉ ᐱᓂᐊᕐᓂᕆᓯᒪᔭᖏᑦ ᑎᑎᕋᕐᑕᐅᓯᒪᕗᑦ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖏᑕ ᐱᓂᐊᕐᓂᕆᖃᑦᑕᕐᓯᒪᔭᖏᑕ ᑎᑎᕋᕐᑕᐅᓯᒪᕕᖏᓐᓂ.

ᐊᑕᓃᑦ ᐂᑉᐸᖏᑦ 8:12

ᕼᐊᔧᐅᓪᓗ ᐊᐱᕆᓕᕐᐹ, “ᓱᖕᒪᑦ ᐊᑕᓂᕋ ᖁᕝᕕᐅᕐᐹ?” ᐃᓔᓴᐅᑉ ᑭᐅᕚ, “ᖃᐅᔨᒪᒐᒪ ᐃᓴᕆᐊᓕᒥᐅᓂᒃ ᐱᑦᓯᐊᖏᑦᓱᒫᕋᕕᑦ, ᐃᑯᐊᓪᓔᔪᒫᕐᐳᑎᑦ ᐃᒡᓗᒐᓴᖁᑎᖏᓐᓂᒃ ᐱᔭᐅᑦᔧᕐᓯᒪᔪᓂᒃ, ᐅᕕᒐᕐᑐᖁᑎᖏᓪᓗ ᑐᖁᕋᕈᒫᕐᐸᑎᑦ ᓴᕕᒡᔪᐊᕐᒧᑦ, ᓄᑕᕋᖏᓪᓗ ᐃᖅᑲᑦᑖᕆᓗᒋᑦ ᑐᖁᑦᓱᒫᕐᐸᑎᑦ, ᐊᕐᓇᖏᓪᓗ ᓄᑕᕋᒃᓴᓖᑦ ᓈᖏᑦ ᓰᒡᓗᒋᑦ ᐊᕐᒪᕐᑎᕈᒫᕐᐸᑎᑦ.”

ᐃᓐᖏᕈᑎᑦ 18:42

ᐊᓇᐅᓕᓚᕐᐸᒃᑲ ᐳᔪᕐᓗᒃᑐᑦ ᒥᑭᔫᑕᐅᓕᕐᓗᑎᖅ ᑎᒃᑕᐅᕗᓪᓗ ᐊᓄᕆᒧᑦ; ᐃᒋᓚᐅᕐᐸᒃᑲᓗ ᓴᓂᕐᑎᑐᑦ ᐊᖅᑯᒻᒧᑦ ᐃᒋᑕᐅᔪᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 36:8

ᐊᑏ ᐊᖏᖃᑎᒋᓚᐅᕈᒃ ᐊᖓᔪᖅᑳᕋ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ; ᕿᒻᒥᕐᔪᐊᓂᒃ 2,000ᓂᒃ ᑐᓂᓯᕕᒋᓂᐊᕐᐸᒋᑦ ᑍᒫᒃ ᐅᓄᕐᑎᒋᔪᓂᒃ ᐊᖑᑎᓂᒃ ᑖᒃᑯᓇᓂ ᐃᑭᒪᔪᒃᓴᓂᒃ ᓇᓂᓯᔪᓐᓇᕈᕕᑦ.

ᐂᓮᐊᓯᐅᑉ ᐊᒡᓚᖏᑦ 41:2

ᑭᐊ ᑎᑭᑎᓚᐅᕐᐸᐅᒃ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᖅ ᓵᓚᖃᕆᐊᕐᑐᕐᑐᖅ, ᓇᒧᑐᐃᓐᓇᕐᓗ ᐂᕕᒋᔭᓂ ᓵᓚᒌᓐᓇᕈᓐᓇᓚᐅᕐᐰᑦ? ᑖᑦᓱᒪ ᓵᓚᒃᓴᕐᑎᖃᑦᑕᓚᐅᕐᐹ ᐃᓅᖃᑎᒌᒡᔪᐊᓂᒃ, ᐊᖓᔪᖅᑳᕐᔪᐊᓪᓗ ᓵᓚᒋᓪᓗᒋᑦ ᐊᐅᓚᑦᓯᖃᑦᑕᓚᐅᕐᐳᖅ, ᓴᕕᒡᔪᐊᖓᑕ ᐱᒋᐊᕐᑕᕐᓂᖓᓄᑦ ᓱᓇᐅᑎᓚᐅᓐᖏᓔᑦ ᐳᔪᕋᕐᑎᑐᑦ, ᖃᕐᔪᖏᓪᓗ ᓯᐊᒻᒪᒃᑎᑎᕆᓚᐅᕐᐳᑦ ᐃᕕᒐᕐᑎᑐᑦ ᐊᓄᕆᒧᑦ ᑎᒃᑕᐅᕋᕐᑐᑎᑐᑦ.

ᔪᐃᓕᐅᑉ ᐊᒡᓚᖏᑦ 3:14

ᐃᓄᒋᐊᒡᑐᕐᔪᐊᕌᓗᐃᑦ ᓇᕐᓴᒦᑉᐳᑦ ᐃᖅᑲᕐᑐᕐᑕᐅᕕᖕᒥ. ᑍᑲᓂ ᐊᑕᓂᐅᑉ ᐅᓪᓗᖓ ᖃᒡᓕᖕᒪᑦ ᓇᕐᓴᒥ ᐃᖅᑲᕐᑐᕐᑕᐅᕕᖕᒥ.

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᐂᒨᓯᐅᑉ ᐊᒡᓚᖏᑦ 1:3

ᐊᑕᓂᖅ ᐃᒫᒃ ᐅᖃᕐᐳᖅ: “ᐱᖓᓱᑦ ᑕᒫᓯᑰᓯᐅᑉ ᐊᔪᕐᑐᓕᓂᖏᑦ ᐱᓪᓗᒋᑦ, ᓯᑕᒪᖓᓪᓕ ᓱᒋᐊᕐᑕᐅᓂᒃᓴᖓ ᐲᕐᓂᐊᓐᖏᓚᕋ, ᒋᓕᐊᑎᒥᐅᓂᒃ ᑐᓪᓕᕋᕐᓯᒪᓂᖏᑦ ᐱᓪᓗᒋᑦ, ᑐᓪᓕᕅᑦᔪᑎᓄᑦ ᓴᕕᕋᔭᓕᖕᓄᑦ.

ᐂᒨᓯᐅᑉ ᐊᒡᓚᖏᑦ 4:10

“ᖃᓄᐃᓐᓇᕐᑐᓂᒃ ᐱᑎᑦᓯᓚᐅᕐᐳᖓ ᐊᑯᓐᓇᑦᓯᓐᓄᑦ ᐄᑦᔨᑉᑎᒥᐅᑎᑐᑦ, ᐃᓅᓱᒃᑐᖁᑎᓯᓗ ᑐᖁᓚᐅᕐᐸᒃᑲ ᓴᕕᒡᔪᐊᒧᑦ, ᕿᒻᒥᕐᔪᐊᓯᓗ ᑎᒍᔭᕕᓂᓯ ᑐᖁᓚᐅᕐᐸᒃᑲ; ᑕᖕᒫᕐᓯᒪᕕᑦᓯᓗ ᒪᒤᑦᑐᓐᖑᕐᑎᓚᐅᕐᐸᒃᑲ ᑕᒪᑐᒥᖓ ᓁᒪᑎᓚᐅᕐᐸᑦᓯ; ᓱᓕᓕ ᐅᕙᓐᓄᑦ ᐅᑎᓚᐅᓐᖏᓚᓯ,” ᐊᑕᓂᖅ ᐅᖃᕐᐳᖅ.

ᓴᒧᐃᓕ ᓯᕗᓪᓖᑦ 13:15

ᓴᒧᐃᓕᓗ ᒪᑭᓪᓗᓂ, ᑲᔪᓯᓪᓗᓂ ᒪᔪᐊᕐᐳᖅ ᒋᐅᓪᒐᐅᓪᒥᑦ ᒋᐱᐊᒧᑦ ᐱᓐᔭᒥᓂᐅᑉ ᓄᓇᖓᓄᑦ. ᓴᐅᓕᐅᓪᓗ ᐃᓄᐃᑦ ᓇᔪᕐᑎᓂ ᖃᐅᔨᓴᕋᒥᒋᑦ, ᐊᖑᑏᑦ 600ᐅᕗᑦ.