ᐊᑕᓃᑦ ᐂᑉᐸᖏᑦ 13:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑍᒤᒻᒪᑦ ᐊᑕᓂᐅᑉ ᐃᓴᕆᐊᓕᒥᐅᑦ ᓴᐳᑦᔨᔨᒃᓴᖓᓂᒃ ᑎᓕᓯᕕᒋᓚᐅᕐᐰᑦ, ᓯᕆᐊᒥᐅᓄᑦ ᑎᒍᒥᐊᕐᑕᐅᔪᓐᓃᖁᓪᓗᒋᑦ; ᑕᕝᕙ ᐃᓴᕆᐊᓕᒥᐅᑦ ᐅᑎᕈᓐᓇᕐᓯᓚᐅᕐᐳᑦ ᓄᓇᒋᕙᓚᐅᕐᑕᒥᖕᓄᑦ ᐊᖏᕐᕋᕐᓯᒪᔪᓐᓇᓕᕆᓪᓗᑎᒃ.

ᐊᑕᓃᑦ ᐂᑉᐸᖏᑦ 13:5 Iomraidhean Croise

ᐊᑕᓃᑦ ᐂᑉᐸᖏᑦ 13:25

ᔨᕼᐅᐊᓯ ᔨᕼᐅᕼᐊᔨᐅᑉ ᐃᕐᓂᖓᑕ ᐱᓐ-ᕼᐊᑖᑎᐅᑉ ᕼᐊᔧᐆᑉ ᐃᕐᓂᖓᑕ ᓄᓁᑦ ᑎᒍᓯᒪᔭᕕᓂᖏᑦ ᓵᓚᒋᓪᓗᒍ ᐅᑎᕐᑎᓕᓚᐅᕆᕔᑦ ᐊᑖᑕᖓ ᔨᕼᐅᐊᕼᐊᔨ ᐊᖓᔪᖅᑳᕐᔪᐊᖑᑎᓪᓗᒍ ᐋᑕᐅᑦᔪᑎᒋᓚᐅᕐᑕᕕᓂᖏᑦ ᐅᓇᑕᕐᓗᑎᒃ ᓵᓚᐅᒐᒥ. ᔪᐊᓯᐅᑉ ᐱᖓᓱᐊᕐᑎᕐᓗᓂ ᓵᓚᒋᖃᑦᑕᓚᐅᕐᒪᒍ ᓄᓇᖁᑎᒃᒋᔭᓂ ᑎᒍᔭᐅᓯᒪᓚᐅᕐᑐᑦ ᐅᑎᕐᑎᐅᖅᑲᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 14:25

ᐃᓴᕆᐊᓕᒥᐅᑦ ᓄᓇᖁᑎᒋᓚᐅᕐᑕᓕᒫᖓ ᐅᑎᕐᑎᓚᐅᕐᐹ, ᕼᐊᒫᑎᒥᑦ ᑕᓯᖅ ᑐᖁᖓᔪᖅ ᑎᑭᓪᓗᒍ. ᑕᒪᓐᓇᓗ ᑍᒤᑦᓱᒫᕐᓂᖓ ᐊᑕᓂᕐᒧᑦ ᐅᖃᐅᓯᐅᓯᒪᓚᐅᕐᒪᑦ ᐅᖃᕐᑎᒥᒍᑦ ᔫᓇᒃᑯᑦ ᐅᖃᐅᓯᐅᑎᓯᒪᖕᒪᒍ ᐊᒥᑍᑉ ᐃᕐᓂᖓᒍᑦ, ᒑᑎ-ᕼᐃᐱᕆᒥᐅᑕᒃᑯᑦ.

ᐊᑕᓃᑦ ᐂᑉᐸᖏᑦ 14:27

ᐊᑕᓂᐅᑉ ᐃᓴᕆᐊᓕᒥᐅᑦ ᕿᓚᐅᑉ ᐊᑖᓂ ᓄᖑᑦᓱᒪᓪᓗᒋᑦ ᐅᖃᕐᓯᒪᓚᐅᖏᒻᒪᑦ, ᐱᐅᓕᓚᐅᕐᐰᓪᓕ ᔨᕈᐳᐊᒻᑯᑦ ᔪᐊᓯᐅᑉ ᐃᕐᓂᖓᒍᑦ.

ᑯᕉᓂᑲ ᓯᕗᓪᓖᑦ 11:2

ᑍᑦᓱᒪᓂ, ᓴᐅᓕ ᐊᖓᔪᖅᑳᕐᔪᐊᖑᑎᓪᓗᒍ, ᐃᓴᕆᐊᓕᐅᑉ ᐃᓄᖏᑦ ᐅᓇᑕᕐᓂᒃᑯᑦ ᑕᓯᐅᓚᐅᕐᐸᑎᑦ, ᐊᑕᓂᐅᓪᓗ ᒎᑎᕕᑦ ᐅᖃᐅᑎᓚᐅᕐᐹᑎᑦ, ‘ᐃᓄᖁᑎᓐᓄᑦ ᐃᓴᕆᐊᓕᓄᑦ ᐰᕐᓯᔨᐅᔪᒫᕐᐳᑎᑦ, ᐊᖓᔪᖅᑳᖑᔪᒫᕐᐳᑎᓪᓗ ᐃᓄᖁᑎᓐᓄᑦ ᐃᓴᕆᐊᓕᓄᑦ.’”

ᓂᕼᐃᒤᐊᐅᑉ ᐊᒡᓚᖏᑦ 9:27

ᑍᒤᒻᒪᑦ ᐊᑭᕋᕐᑐᕐᑎᖏᓐᓄᑦ ᓵᓚᐅᑎᓚᐅᕐᐸᑎᑦ ᐊᐅᓚᑕᐅᓕᕐᑎᓪᓗᒋᓪᓗ, ᑖᒃᑯᓄᖓ ᐊᒃᓱᕈᕐᑎᑕᐅᓕᕋᒥᒃ, ᐃᓕᖕᓄᑦ ᐃᑲᔪᕐᑕᐅᔪᒪᓕᓚᐅᕐᐳᖅ, ᐃᕝᕕᓪᓗ ᑭᐅᓚᐅᕐᐸᑎᑦ ᕿᓚᖕᒥᑦ; ᓈᒃᑭᒍᓱᖕᓂᕐᔪᐊᕐᓄᑦ ᑎᓕᓯᓚᐅᕐᐳᑎᑦ ᑕᓯᐅᕐᓯᓂᐊᕐᑐᓂᒃ ᓴᐳᑦᔭᐅᖁᓪᓗᒋᑦ ᐅᖁᒤᒃᓴᕐᑎᑕᐅᓂᖏᓐᓂᑦ ᐊᑭᕋᒥᖕᓄᑦ.

ᐃᔅᑕᐅᑉ ᐊᒡᓚᖏᑦ 4:14

ᒫᓐᓇᐅᔪᕐᓕ ᓂᓪᓕᐊᓂᐊᖏᒃᑯᕕᑦ, ᑕᕝᕙ ᔫᑎᑦ ᐊᓯᖕᓂᑦ ᐃᑲᔪᕐᑕᐅᓂᐊᕐᐳᑦ, ᐃᕝᕕᓪᓕ ᐊᑖᑕᒃᑯᑎᓪᓗ ᑐᖁᑕᐅᓛᕐᐳᓯ. ᖃᐅᔨᒪᓇᓐᖏᓚᖅ; ᐃᒻᒪᖄᓕ ᑕᒪᓐᓇ ᐱᓂᐊᕐᓂᐅᓕᕐᑐᖅ ᐱᑦᔪᑎᒋᓪᓗᒍ ᐊᖓᔪᖅᑳᕐᔪᐊᖃᕐᕕᖕᒦᓚᕿᕗᑎᑦ.”

ᒨᓯᓯ ᐂᑉᐸᖏᑦ 4:10

ᒨᓯᓯᓕ ᐅᖃᕐᐳᖅ ᐊᑕᓂᕐᒧᑦ, “ᑕᑯᒋᑦ ᐊᑕᓃᖅ, ᐅᖃᓪᓚᑦᓯᐊᕈᓐᓇᖏᑦᑐᖓ, ᐊᒡᓛᓪᓗ ᐃᓕᖕᓄᑦ ᐅᖃᓪᓚᒡᕕᐅᓂᕐᒪ ᑭᖑᓂᖓᓂ ᓱᓕ ᐅᖃᓪᓚᒍᓐᓇᑦᓯᐊᓐᖏᓚᖓ, ᐅᖃᕈᓐᓁᓪᓕᖅᑲᑦᑕᓲᖑᒐᒪ ᐅᖃᕋᓗ ᐃᖃᓕᕐᐸᒃᓗᓂ.”

ᐂᓮᐊᓯᐅᑉ ᐊᒡᓚᖏᑦ 19:20

ᓇᓗᓁᒃᑯᑕᐅᔪᒫᐳᕐᓗ ᖃᐅᔨᑎᑦᓯᑦᔪᑕᐅᓗᓂ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓄᑦ ᐄᑦᔨᑉᑎᒥᐅᑦ ᓄᓇᖓᓂ; ᐃᓄᖏᑦ ᐃᑲᔪᕐᑕᐅᔪᒪᓗᑎᒃ ᐊᑕᓂᕐᒧᑦ ᓂᓪᓕᐊᓕᕌᖓᑕ ᐊᑭᕋᑎᒃ ᐱᓪᓗᒋᑦ ᓴᐳᑦᔨᔨᒃᓴᖓᓐᓂᒃ ᑎᓕᓯᕕᒋᖃᑦᑕᕈᒫᕐᐰᑦ, ᓴᐳᑎᓗᒋᑦ ᐱᐅᓕᓗᒋᓪᓗ ᐊᑭᕋᖏᓐᓂᑦ.

ᐅᐸᑍᐊᑉ ᐊᒡᓚᖏᑦ 1:21

ᓴᐳᑦᔨᔨᒃᓴᑦ ᒪᔪᐊᕈᒫᕐᐳᑦ ᓮᐅᓂᐅᑉ ᖃᖅᑲᖓᓄᑦ ᐄᓴᐅᑉ ᖃᖅᑲᖓᓃᑦᑐᑦ ᐊᐅᓚᓐᓂᐊᕐᓗᒋᑦ, ᐊᑕᓂᐅᕕᒡᓗ ᑖᓐᓇ ᐊᑕᓂᐅᑉ ᐱᒋᔪᒫᕐᐹ.”

ᓘᑲᓯᐅᑉ ᐊᒡᓚᖏᑦ 2:11

ᐅᓪᓗᒥ ᑕᕝᕙ ᐱᐅᓕᔨ ᐊᑕᓂᖅ ᙭ᔅᑑᓯ ᐃᕐᓂᐊᖑᖕᒪᑦ ᑍᕕᑎᐅᑉ ᐃᒡᓗᒐᓴᖏᓐᓂ.

ᒨᓯᓯ ᑕᓪᓕᒪᖏᑦ 19:4

ᐃᓄᒡᓕ ᐃᓅᖃᑎᒥᓂᒃ ᐱᔭᕆᐊᖃᕐᐳᖅ, ᑖᒃᑯᓄᖓ ᓇᓪᓕᐊᓐᓄᑦ ᕿᒫᒃᐸᑦ ᐃᒻᒥᓂᒃ ᓴᐳᑎᔪᓐᓇᕐᐳᖅ. ᐃᓅᖃᑎᒥᓂᒃ ᐱᔮᕆᖏᓪᓗᓂ ᑐᖁᑦᓯᒃᐸᑦ ᓯᕗᓂᖓᓂ ᐊᑭᕋᕆᓯᒪᖏᓪᓗᒍ.

ᓴᒧᐃᓕ ᓯᕗᓪᓖᑦ 12:11

ᐊᑕᓂᐅᓪᓗ ᑎᓕᓯᕕᒋᓚᐅᕐᐰᑦ ᔨᕈᐸᐅᓕᒥᒃ, ᐹᕋᒃᒥᒡᓗ, ᔨᑉᑕᒥᒡᓗ, ᓴᒧᐃᓕᒥᒡᓗ, ᑖᒃᑯᑎᒎᓇᖅ ᓴᐳᑎᓚᐅᕐᐹᓯ ᐊᑭᕋᓕᒫᑦᓯᓐᓂᑦ; ᐃᓅᓕᕐᓗᓯᓗ ᑲᑉᐱᐊᓇᖏᑦᑐᒥ.

ᓴᒧᐃᓕ ᓯᕗᓪᓖᑦ 19:7

ᔫᓇᑕᓂᐅᓪᓗ ᑍᕕᑎ ᕾᖁᕚ, ᐅᖃᐅᑎᓪᓗᒍᓗ ᑕᒪᒃᑯᓂᖓᓕᒫᖅ ᐱᓂᐊᕐᓂᐅᓯᒪᔪᓂᒃ. ᔫᓇᑕᓂᐅᓪᓗ ᑍᕕᑎ ᓴᐅᓕᒧᐊᕈᑎᕚ, ᑍᕕᑎᓗ ᐱᔨᑦᓯᓕᕐᐳᖅ ᐊᖓᔪᖅᑳᕐᔪᐊᕐᒥᒃ ᑍᒤᓚᐅᕋᒥᑐᑦ ᓯᕗᓂᐊᖓᒍᑦ.