ᐊᑕᓃᑦ ᐂᑉᐸᖏᑦ 13:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᑕᓂᐅᓪᓗ ᐃᓴᕆᐊᓕᒥᐅᑦ ᓂᓐᖓᐅᒪᕝᕕᒋᓕᓚᐅᕐᐰᑦ, ᐊᑯᓂᓗ ᕼᐊᔧᐅᓪᒧᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᕐᓂᖓᓄᓪᓗ ᐱᓐ-ᕼᐊᑖᑦᒧᑦ ᓵᓚᒋᔭᐅᓯᒪᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 13:3 Iomraidhean Croise

ᐊᑕᓃᑦ ᓯᕗᓪᓖᑦ 19:17

ᐃᒤᑦᓱᒫᕐᐳᖅ ᕼᐊᔧᐅᓪ ᓴᕕᒡᔪᐊᒧᑦ ᑐᖁᓐᖏᑕᖏᑦ, ᔨᕼᐆᑉ ᑐᖁᑦᓱᒫᕐᐰᑦ, ᔨᕼᐆᓪᓗ ᓴᕕᒡᔪᐊᒧᑦ ᑐᖁᓐᖏᑕᖏᑦ, ᐃᓔᓴᐅᑉ ᑐᖁᑦᓱᒫᕐᐰᑦ.

ᐊᑕᓃᑦ ᐂᑉᐸᖏᑦ 12:17

ᑍᑦᓱᒪᓂᐅᑎᓪᓗᒍ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᕼᐊᔧᐅᓪ ᐅᓇᑕᕆᐊᕐᑐᓚᐅᕐᐳᖅ ᒑᑎᒥᐅᓂᒃ ᓵᓚᒋᓪᓗᒋᓪᓗ ᑎᒍᕔᑦ, ᑖᒃᑯᓂᖓᓗ ᑎᒍᓯᒐᒥ ᔨᕉᓴᓕᒥᐅᓂᒃᑕᐅᖅ ᐱᓇᓱᐊᕈᒪᓕᓚᐅᕆᕗᖅ.

ᐊᑕᓃᑦ ᐂᑉᐸᖏᑦ 13:22

ᕼᐊᔧᐅᓕ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᓴᕆᐊᓕᒥᐅᑉ ᓵᓚᒋᓯᒤᓐᓇᓚᐅᕐᐰᑦ ᔨᕼᐅᐊᕼᐊᔨ ᐊᖓᔪᖅᑳᕐᔪᐊᖑᓂᓕᒫᖓᓂ ᐃᓴᕆᐊᓕᒥᐅᓄᑦ.

ᐊᑕᓃᑦ ᐂᑉᐸᖏᑦ 17:20

ᐊᑕᓂᐅᑉ ᐃᓴᕆᐊᓕᐅᑉ ᑭᖑᕚᓕᒫᖏᑦ ᖁᔭᓈᓚᐅᕐᐰᑦ, ᐅᖁᒤᒃᓴᕐᓇᕐᑐᓂᒃ ᐊᑑᑎᑎᓚᐅᕐᐰᑦ ᐊᑭᕋᕐᑐᕐᑎᖏᓐᓄᑦ ᓇᒡᓕᓂᖃᖏᑦᑐᓄᑦ ᐱᓇᓱᐊᕐᕕᐅᑎᓪᓗᓂᒋᑦ ᐃᓚᒋᔪᒪᔪᓐᓃᓚᐅᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 49:27

ᑕᒫᓯᑰᓯᐅᑉ ᐊᕙᓗᕐᔪᐊᖓ ᐃᑯᐊᓪᓚᒃᑎᑦᓱᒫᕐᐸᕋ, ᐱᓐ-ᕼᐊᑖᓪᓗ ᐃᒡᓗᕐᔪᐊᖓ ᐃᑯᐊᓚᔪᒧᑦ ᓄᖑᑕᐅᔪᒫᕐᐳᖅ.”

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᐂᒨᓯᐅᑉ ᐊᒡᓚᖏᑦ 4:10

“ᖃᓄᐃᓐᓇᕐᑐᓂᒃ ᐱᑎᑦᓯᓚᐅᕐᐳᖓ ᐊᑯᓐᓇᑦᓯᓐᓄᑦ ᐄᑦᔨᑉᑎᒥᐅᑎᑐᑦ, ᐃᓅᓱᒃᑐᖁᑎᓯᓗ ᑐᖁᓚᐅᕐᐸᒃᑲ ᓴᕕᒡᔪᐊᒧᑦ, ᕿᒻᒥᕐᔪᐊᓯᓗ ᑎᒍᔭᕕᓂᓯ ᑐᖁᓚᐅᕐᐸᒃᑲ; ᑕᖕᒫᕐᓯᒪᕕᑦᓯᓗ ᒪᒤᑦᑐᓐᖑᕐᑎᓚᐅᕐᐸᒃᑲ ᑕᒪᑐᒥᖓ ᓁᒪᑎᓚᐅᕐᐸᑦᓯ; ᓱᓕᓕ ᐅᕙᓐᓄᑦ ᐅᑎᓚᐅᓐᖏᓚᓯ,” ᐊᑕᓂᖅ ᐅᖃᕐᐳᖅ.

ᒨᓯᓯ ᑕᓪᓕᒪᖏᑦ 28:25

“ᐊᑕᓂᐅᑉ ᓵᓚᐅᑎᑦᓱᒫᕐᐹᓯ ᐊᑭᕋᑦᓯᓐᓄᑦ; ᐊᑕᐅᓯᕐᒥᓐᖔᕐᓗᓯ ᐅᓇᑕᕆᐊᕈᒫᕐᐸᓯ, ᕿᒫᔪᒫᕐᐳᓯᓕ ᓵᓐᖓᔭᑐᐃᓐᓇᑦᓯᓐᓄᑦ ᕿᒫᓕᕐᓗᓯ, ᓄᓇᕐᔪᐊᕐᒥᐅᓪᓗ ᐊᖓᔪᖅᑲᐅᕕᖃᕐᑐᓕᒫᑦ ᑯᐊᕐᓵᕐᓯᒪᔪᒫᕐᐳᑦ ᖃᓄᐃᓕᕐᓂᑦᓯᓐᓂᒃ ᑕᑯᒍᑎᒃ.

ᐄᑉᕈᐃᓄᑦ 12:29

ᒎᑎᕗᑦ ᐃᑯᒪᐅᖕᒪᑦ ᓄᖒᑦᓯᔪᕐᔪᐊᖅ.

ᐃᓗᐊᕐᓮᔩᑦ ᐊᒡᓚᖏᑦ 2:14

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ, ᑎᒡᓕᒃᑎᓄᑦ ᐱᓕᕆᐊᖑᑎᓚᐅᕐᐰᑦ ᑎᒡᓕᒐᕐᕕᐅᑎᓪᓗᒋᓪᓗ; ᐊᑭᕋᖏᓐᓄᓪᓗ ᐊᕙᑎᖏᓐᓃᑦᑐᓄᑦ ᓵᓚᒋᔭᐅᑎᓚᐅᕐᐰᑦ, ᑍᒤᒻᒪᑦ ᐊᑭᕋᒥᖕᓂᒃ ᓵᓚᖃᕈᓐᓁᓪᓕᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 3:8

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ ᐊᖓᔪᖅᑳᕐᔪᐊᒧᓪᓗ ᑯᓵᓐ-ᕆᓴᑍᒻ ᒥᓱᐳᑍᒥᐊᒥᐅᑕᕐᒧᑦ ᓵᓚᒋᔭᐅᑎᑉᐰᑦ, ᑯᓵᓐ-ᕆᓵᑍᒻᒥᒃ ᐱᔨᑦᓯᓚᐅᕐᐳᑦ ᐊᕐᕌᒍᓂᒃ 8ᓂᒃ.