ᐊᑕᓃᑦ ᐂᑉᐸᖏᑦ 13:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᓂᐅᑉ ᓵᖓᓂ ᐱᓂᐊᕐᓂᖃᓚᐅᕐᐳᖅ ᐱᐅᖏᑦᑐᒥᒃ, ᔨᕈᐳᐊᒻ ᐊᔪᕐᑐᓕᓂᖓ ᒪᓕᒡᓗᒍ ᓂᐹᑎᐅᑉ ᐃᕐᓂᖓᑕ, ᑖᑦᓱᒪ ᐃᓴᕆᐊᓕᒥᐅᑦ ᐊᔪᕐᑐᓕᑎᓚᐅᕐᒪᒋᑦ; ᐊᔪᕐᑐᓕᓂᕐᒥᒡᓗ ᕿᒤᓚᐅᕋᓂ.

ᐊᑕᓃᑦ ᐂᑉᐸᖏᑦ 13:2 Iomraidhean Croise

ᐊᑕᓃᑦ ᓯᕗᓪᓖᑦ 14:16

ᐊᑕᓂᐅᑉ ᐃᓴᕆᐊᓕᒥᐅᑉ ᕿᒪᒍᒫᕐᐰᑦ ᔨᕈᐳᐊᒻ ᐊᔪᕐᑐᓕᓚᐅᕐᓂᖓᓄᑦ, ᐃᓴᕆᐊᓕᒥᐅᓂᒡᓗ ᐊᔪᕐᑐᓕᑎᑦᓯᓚᐅᕐᓂᖓᓄᑦ.”

ᐊᑕᓃᑦ ᐂᑉᐸᖏᑦ 10:29

ᔨᕼᐆᓕ ᔨᕈᐳᐊᒻ ᓂᐹᑦ ᐃᕐᓂᖓᑕ ᐊᔪᕐᑐᓕᑦᔪᑎᒋᕙᓚᐅᕐᑕᖏᓐᓂᒃ ᕿᒤᓚᐅᓐᖏᓚᖅ, ᐃᓴᕆᐊᓕᒥᐅᓪᓗ ᐊᔪᕐᑐᓕᑎᓚᐅᕐᐰᑦ ᑐᒃᓯᐊᕐᓂᖃᕐᑎᓚᐅᕐᒪᒋᑦ ᐃᒻᒧᒃᓯᐅᒐᓐᖑᐊᕐᒧᑦ ᒎᓗᒧᑦ. ᑕᒪᓐᓇ ᓄᖅᑲᕐᑎᓚᐅᖏᒻᒪᒍ ᐱᑎᓕᒥ ᑖᓐᒥᓗ.

ᐊᑕᓃᑦ ᐂᑉᐸᖏᑦ 13:1

ᔪᐊᓯᐅᑉ ᐊᖓᔪᖅᑳᕐᔪᐊᖑᓂᖓᑕ 23ᒋᓕᕐᑕᖓᓂ ᐊᕼᐊᔧᐊᐅᑉ ᐃᕐᓂᖓᑕ ᔫᑕᒥ ᐊᖓᔪᖅᑳᕐᔪᐊᖑᔫᑉ, ᔨᕼᐅᐊᕼᐊᔾ ᔨᕼᐆᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᐃᓴᕆᐊᓕᒥ ᓴᒥᐊᕆᐊᒦᑦᑐᒥ, ᐊᖓᔪᖅᑳᖑᓚᐅᕐᐳᕐᓗ ᐊᕐᕌᒍᓂᒃ 17ᓂᒃ.

ᐊᑕᓃᑦ ᐂᑉᐸᖏᑦ 13:11

ᐊᑕᓂᐅᑉ ᓵᖓᓂ ᓈᒻᒪᖏᑦᑐᓕᓚᐅᕐᐳᖅ ᔨᕈᐳᐊᒻᓗ ᓂᐹᑎᐅᑉ ᐃᕐᓂᖓᑕ ᐊᔪᕐᑐᓕᓂᕆᓚᐅᕐᑕᖏᑕ ᐱᐅᓯᕆᔭᖏᓐᓂᒃ ᒪᓕᑐᐃᓐᓇᓚᐅᕆᕗᖅ ᐃᓴᕆᐊᓕᒥᐅᓂᒃ ᐊᔪᕐᑐᓕᓂᕐᒥ ᐃᓅᑎᑦᓯᓂᕆᓚᐅᕐᑕᖓᑐᑦ, ᕿᒤᓯᒪᓚᐅᖏᓐᓇᒥ.

ᐊᑕᓃᑦ ᐂᑉᐸᖏᑦ 13:6

ᔨᕈᐳᐊᒻᓕ ᐃᓚᖏᑕᓗ ᐊᔪᕐᑐᓕᑦᔪᑎᒋᓚᐅᕐᑕᖏᓐᓂᒃ ᓴᑯᑦᓯᓚᐅᓐᖏᓚᑦ, ᐃᓴᕆᐊᓕᒥᐅᓂᒃ ᐊᔪᕐᑐᓕᓂᕐᒥ ᐃᓅᑎᑦᓯᑦᔪᑎᒋᓚᐅᕐᑕᖏᓐᓂᒃ, ᐃᓴᕆᐊᓕᒥᐅᑦ ᑲᔪᓯᑐᐃᓐᓇᓚᐅᕐᐳᑦ ᑕᒪᑐᒧᖓ, ᓇᐸᔪᐊᓗᒡᓗ ᒎᑎᓐᖑᐊᑉ ᓇᓗᓁᒃᑯᑕᖓ ᐊᓯᕋᒥᒃ ᑍᔭᐅᔪᖅ ᓴᒥᐊᕆᐊᒥ ᓇᐸᑎᑕᐅᖏᓐᓇᓚᐅᕐᐳᖅ.

ᐊᑕᓃᑦ ᐂᑉᐸᖏᑦ 3:3

ᑭᓯᐊᓂᓕ ᔨᕈᐳᐊᒻ ᓂᐹᑎᐅᑉ ᐃᕐᓂᖓᑕ ᐊᔪᕐᑐᓕᑦᔪᑎᒋᓚᐅᕐᒥᔭᖏᑕ ᐊᑦᔨᖏᓐᓂᒃ ᐊᑐᓕᓚᐅᕆᕗᖅ ᐃᓴᕆᐊᓕᒥᐅᓄᑦ ᑕᒻᒪᕐᓯᒪᑦᔪᑕᐅᓚᐅᕐᑐᓂᒃ; ᑕᒪᑐᒥᖓ ᕿᒤᓚᐅᖏᓐᓇᒥ.

ᕼᐆᓯᐊᑉ ᐊᒡᓚᖏᑦ 5:11

ᐃᕗᕅᒥ ᐊᒃᓱᕈᕐᓇᕐᑐᒃᑰᓕᕐᐳᖅ; ᓄᓇᖁᑎᒋᓚᐅᕐᑕᒥᓂᒃ ᐊᓯᐅᔨᖕᒪᑦ, ᐱᓇᓱᐊᕋᓱᓚᐅᕐᒪᑕ ᐊᑑᑎᖃᖏᑦᑐᓄᑦ.