ᐊᑕᓃᑦ ᐂᑉᐸᖏᑦ 12:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᔨᕼᐅᐊᓯᐅᑉ ᑐᓂᕐᕈᓯᕐᑎᑦᓯᔩᑦ ᐅᖃᐅᑎᕔᑦ, “ᑲᑎᑕᐅᓕᑦ ᑮᓇᐅᔧᑦ ᑐᓂᕐᕈᑕᐅᖃᑦᑕᕐᑐᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓄᑦ. ᑮᓇᐅᔧᑦ ᑐᓂᔭᐅᖃᑦᑕᕐᑐᑦ ᐃᓄᐃᑦ ᓈᓴᕐᑕᐅᓂᖏᓐᓂ ᐊᖏᕈᑎᓕᐅᕐᑐᓄᓪᓗ ᑐᓂᔭᐅᖃᑦᑕᕐᑐᑦ, ᑐᓂᓯᔪᒪᔪᓄᓪᓗ ᑐᓂᔭᐅᖃᑦᑕᕐᑐᑦ.

ᐊᑕᓃᑦ ᐂᑉᐸᖏᑦ 12:4 Iomraidhean Croise

ᐊᑕᓃᑦ ᓯᕗᓪᓖᑦ 3:2

ᐃᓄᐃᑦ ᓱᓕ ᑐᓂᕐᕈᓯᖃᑦᑕᓚᐅᕐᒪᑕ ᖃᖅᑲᓂ ᐳᕐᑐᔪᓂ, ᓱᓕ ᐅᓪᓗᓂ ᑖᒃᑯᓇᓂ ᐊᑕᓂᐅᑉ ᐃᒡᓗᖓ ᓴᓇᔭᐅᓯᒪᓚᐅᖏᒻᒪᑦ.

ᐊᑕᓃᑦ ᓯᕗᓪᓖᑦ 3:3

ᓲᓗᒨᓂ ᐊᑕᓂᕐᒥᒃ ᐱᓐᓈᕈᓱᒻᒪᕆᒃᑲᒥ, ᒪᓕᑦᓯᐊᕐᓗᓂᓗ ᐊᑖᑕᒥ ᑍᕕᑎᐅᑉ ᒪᓕᒃᑕᐅᖁᔭᖏᓐᓂᒃ, ᐃᒻᒥᓂᒡᓕ ᐆᒪᔪᓂᒃ ᑐᓂᕐᕈᑎᒃᓴᓂᒃ ᑐᓂᕐᕈᓯᕐᐸᓚᐅᕆᕗᖅ ᑐᓂᕐᕈᓯᕐᕕᖕᓄᑦ ᖃᖅᑲᒦᑦᑐᓄᑦ.

ᐊᑕᓃᑦ ᓯᕗᓪᓖᑦ 7:1

ᓲᓗᒨᓂ ᓇᖕᒥᓂᖅ ᐃᒡᓗᒃᓴᒥᓂᒃ ᓴᓇᓚᐅᕆᕗᖅ ᐊᕐᕌᒍᓂᒃ 13ᓂᒃ, ᐱᔭᕇᓚᐅᕐᐹᓗ ᐃᒡᓗᓕᒫᖅ ᐊᑕᖏᑦᓯᐊᕐᓗᒍ.

ᐊᑕᓃᑦ ᐂᑉᐸᖏᑦ 12:18

ᔨᕼᐅᐊᓯᐅᓪᓕ ᔫᑕᐅᑉ ᐊᖓᔪᖅᑳᕐᔪᐊᖓᑦᑕ ᓯᕗᓕᕕᓂᖏᑕ ᔨᕼᐆᓴᐸᑦᑯᑦ ᔨᕼᐅᕌᒥᐅᓪᓗ, ᐊᕼᐊᔧᐊᐅᓪᓗ ᐊᑕᓂᖅ ᐱᓪᓗᒍ ᑲᑎᕐᓱᕐᑕᕕᓂᖏᑦ ᐱᔪᒥᓇᕐᑐᑦ ᓇᖕᒥᓂᕐᓗ ᑲᑎᕐᓱᐊᕕᓂᓂ ᒎᓗᐃᓪᓗ ᐊᑕᓂᐅᑉ ᐃᒡᓗᖓᓃᑦᑐᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᑦ, ᑐᔫᑎᒋᕔᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᕼᐊᔧᐅᓪᒧᑦ, ᑖᒃᑯᓂᖓᓗ ᐱᑎᑕᐅᒐᒥ ᔨᕉᓴᓕᒥᐅᓂᒃ ᑲᒪᓇᓱᐊᕈᓐᓃᓚᐅᕐᐳᖅ.

ᐊᑕᓃᑦ ᐂᑉᐸᖏᑦ 12:5

ᑐᓂᕐᕈᓯᕐᑎᑦᓯᔩᑦ ᐊᑐᓂᑦ ᑎᒎᕐᓯᓕᑦ ᑮᓇᐅᔭᓂᒃ ᑮᓇᐅᔧᕐᕕᖃᑦᑕᕐᑐᓂᑦ ᐊᑐᕐᑕᐅᓗᑎᒡᓗ ᐊᑕᓂᐅᑉ ᐃᒡᓗᖓᑕ ᓯᖁᑦᑎᕐᓯᒪᓂᖏᑕ ᓴᓇᔭᐅᒃᑲᓐᓂᕈᑎᒃᓴᖏᓐᓄᑦ.”

ᐊᑕᓃᑦ ᐂᑉᐸᖏᑦ 14:4

ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᖏᒻᒪᒋᑦ, ᐃᓄᐃᑦ ᒎᑎᓐᖑᐊᓄᑦ ᑐᒃᓯᐊᕐᕕᖃᕐᐸᒃᑐᑦ ᑲᔪᓯᑐᐃᓐᓇᓚᐅᕐᒪᑕ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᖓᑦ ᐳᔫᕐᑎᑦᓯᖃᑦᑕᕐᓂᖏᓪᓗ.

ᐊᑕᓃᑦ ᐂᑉᐸᖏᑦ 15:4

ᑭᓯᐊᓂ ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᑦ ᐲᔭᓚᐅᓐᖏᓔᑦ; ᐃᓄᐃᓪᓗ ᑐᒃᓯᐊᕐᕕᖃᕐᓂᖓ ᑲᔪᓯᑐᐃᓐᓇᓚᐅᕐᐳᖅ ᑐᓂᕐᕈᓯᖃᑦᑕᕐᓂᖓᑦ ᒎᑎᓐᖑᐊᓄᑦ ᐴᔪᕐᑎᑦᓯᖃᑦᑕᕐᓂᖓᓪᓗ.

ᐊᑕᓃᑦ ᐂᑉᐸᖏᑦ 16:4

ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐳᕐᑐᔪᓃᑦᑐᑦ ᓇᐹᕐᑐᐃᓪᓗ ᑐᖑᔪᕐᑐᓕᒫᑦ ᐊᑖᓂ ᐂᕼᐊᓯ ᑐᒃᓯᐊᖃᑕᐅᓚᐅᕐᐳᖅ ᑐᓂᕐᕈᓯᖃᑕᐅᖃᑦᑕᕐᓗᓂᓗ.

ᐊᑕᓃᑦ ᐂᑉᐸᖏᑦ 17:11

ᑐᓂᕐᕈᓯᕐᕕᖕᓂ ᒎᑎᓐᖑᐊᓄᑦ ᐃᑯᐊᓚᑎᑦᓯᕗᑦ ᐴᔪᕐᑎᑦᓯᓪᓗᑎᒡᓗ, ᐃᓅᖃᑎᒌᒡᔪᐊᓄᑦ ᒎᑎᐅᑉ ᓯᖏᑕᐅᑎᓚᐅᕐᑕᖏᑕ ᐃᓴᕆᐊᓕᒥᐅᓄᑦ ᐃᓕᖅᑯᓯᕕᓂᖏᓐᓂᒃ ᐊᑐᕐᓗᑎᒃ. ᐊᑕᓂᐅᑉ ᓂᓐᖓᒍᑎᒃᓴᖏᓐᓂᒃ ᐱᓂᐊᕐᓂᖃᓚᐅᕐᐳᑦ ᓈᒻᒪᒋᓐᖏᑕᖏᓐᓂᒃ ᐱᓇᓱᐊᕐᓂᕐᒥᖕᓄᑦ.

ᐊᑕᓃᑦ ᐂᑉᐸᖏᑦ 22:4

“ᑐᓂᕐᕈᓯᕐᑎᑦᓯᔨᒧᐊᕐᓗᑎᑦ ᕼᐃᓪᑬᐊᒧᑦ ᖃᐅᔨᒋᐊᕐᕕᒋᒍᒃ ᐊᑕᓂᐅᑉ ᐃᒡᓗᖓᑕ ᐃᑎᕐᕕᖓᓂ ᑮᓇᐅᔧᔭᕐᑎᑦᓯᔩᑦ ᖃᑦᓯᓂᒃ ᑲᑎᕐᓱᐃᓯᒪᓕᕐᒪᖔᑕ ᐃᓄᖕᓂᑦ.

ᑯᕉᓂᑲ ᓯᕗᓪᓖᑦ 18:11

ᑕᒪᒃᑯᐊᑦᑕᐅᖅ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐊᑕᓂᕐᒧᑦ ᐂᑦᑑᑎᒋᓚᐅᕐᐰᑦ, ᓯᐅᓪᕕᕇᑦ ᒎᓗᐃᓪᓗ ᐃᓅᖃᑎᒌᒡᔪᐊᓂᑦ ᐱᓚᐅᕐᑕᓂ ᐅᑯᓇᓐᖓᑦ ᐄᑐᒥᒥᑦ, ᒧᐊᐱᒥᑦ, ᐊᒧᓁᑎᒥᓪᓗ ᐱᓕᔅᑍᓂᒥᐅᓂᑦ, ᐊᒪᓕᒃᑯᓐᓂᓪᓗ.

ᑯᕉᓂᑲ ᓯᕗᓪᓖᑦ 29:17

ᖃᐅᔨᒪᕗᖓ, ᒎᑎᒑ, ᐆᒻᒪᑏᑦ ᖃᐅᔨᓴᖃᑦᑕᕋᕕᒋᑦ, ᐃᓱᐊᕐᓂᕐᒦᑦᑐᓪᓗ ᖁᕕᐊᒋᒐᕕᒋᑦ; ᐅᕙᖓᓕ, ᐆᒻᒪᑎᒪ ᐃᓱᐊᕐᓂᖓᓄᑦ ᓇᖕᒥᓂᖅ ᐱᔪᒪᓂᕋ ᒪᓕᒡᓗᒍ ᑐᓂᓯᕗᖓ ᑕᒪᒃᑯᓂᖓᓕᒫᖅ, ᒫᓐᓇᓗ ᐃᓄᖁᑎᑎᑦ ᑕᑯᓯᒪᕙᒃᑲ, ᒫᓐᓇ ᐅᕙᓃᑦᑐᑦ, ᐱᔪᒪᑦᓯᐊᕐᓗᑎᒃ ᖁᕕᐊᓱᒡᓗᑎᒡᓗ ᑐᓂᓯᕗᑦ ᐃᓕᖕᓄᑦ.

ᑯᕉᓂᑲ ᐂᑉᐸᖏᑦ 15:18

ᒎᑎᐅᓪᓗ ᐃᒡᓗᖓᓄᑦ ᐃᑎᕐᑎᑦᓯᓚᐅᕐᐳᖅ ᐊᑖᑕᖓᑕ ᐊᐰᔭᐅᑉ ᐃᑦᔪᕐᓁᑎᓚᐅᕐᑕᖏᓐᓂᒃ ᐃᒻᒥᓂᒡᓗ ᐃᑦᔪᕐᓁᑎᓚᐅᕐᑕᒥᓂᒃ ᑐᓂᓪᓗᒋᓪᓗ ᒎᑎᒧᑦ, ᓯᐅᓪᕕᕇᑦ ᒎᓗᐃᓪᓗ, ᓂᕿᓕᕆᐅᑏᓪᓗ.

ᑯᕉᓂᑲ ᐂᑉᐸᖏᑦ 31:12

ᑲᔪᓯᑦᓯᐊᕐᓗᑎᒡᓗ ᑕᕝᕗᓐᖓᐅᑦᔨᖃᑦᑕᓕᓚᐅᕐᐳᑦ ᑐᓂᕐᕈᑎᓂᒃ, ᑕᓪᓕᒪᐅᔪᐃᕈᑕᐅᔪᓂᒃ ᐃᑦᔪᕐᓁᑎᑕᐅᓯᒪᔪᓂᒡᓗ. ᑖᒃᑯᓄᖓ ᐊᖓᔪᖅᑳᓐᖑᕐᑎᑕᐅᓚᐅᕐᐳᖅ ᑯᓇᓁᐊ ᓕᕔᑎᑯᓐᓂᑦ ᐱᓯᒪᔪᖅ, ᖃᑕᓐᖑᑎᖓᓗ ᓯᒥᐂ ᐃᑲᔪᕐᑎᒋᕚ ᑐᖓᓕᕆᓪᓗᓂᐅᒃ.

ᑯᕉᓂᑲ ᐂᑉᐸᖏᑦ 35:2

ᑐᓂᕐᕈᓯᕐᑎᑦᓯᔩᑦ ᑎᓕᕔᑦ ᐱᔭᒃᓴᒥᖕᓂᒃ ᐱᓇᓱᐊᖁᓪᓗᒋᑦ ᑲᔪᖏᕐᓴᕐᐰᓪᓗ ᐱᔨᑦᓯᖁᓪᓗᒋᑦ ᐊᑕᓂᐅᑉ ᐃᒡᓗᖓᓂ.

ᐄᓱᕋᐅᑉ ᐊᒡᓚᖏᑦ 1:6

ᓯᓚᖅᑲᑎᓕᒫᖏᓐᓄᑦ ᐃᑲᔪᕐᑕᐅᓚᐅᕐᐳᑦ ᑐᓂᔭᐅᓪᓗᑎᒃ ᐅᓄᕐᑐᓂᒃ: ᓂᕆᑦᔪᑎᓂᒃ ᓯᐅᓪᕕᕆᓂᒃ, ᒎᓗᓂᒃ, ᑕᖁᐊᒃᓴᓂᒡᓗ, ᐆᒪᔪᖁᑎᖏᓪᓗ ᐅᓯᓕᕐᑐᕐᓱᒋᑦ, ᐊᓯᖏᓐᓂᒡᓗ ᐱᔪᒥᓇᕐᑐᓂᒃ, ᑐᓂᕐᕈᑎᒃᓴᓂᒡᓗ ᑐᒃᓯᐊᕐᕕᖕᒧᑦ.

ᐄᓱᕋᐅᑉ ᐊᒡᓚᖏᑦ 2:69

ᑐᓂᓯᔪᓐᓇᕐᓂᓕᒫᒥᖕᓄᑦ ᑐᓂᓯᓚᐅᕐᐳᑦ ᐱᓇᓱᒍᑎᒃᓴᓄᑦ, ᑲᑎᓪᓗᒋᑦ ᑐᓂᔭᐅᔪᑦ ᒎᓗᐃᑦ ᐅᖁᒤᓐᓂᖃᓚᐅᕐᐳᑦ 1,030ᓂᒃ, ᓯᐅᓪᕕᕆᓂᒡᓗ ᐅᖁᒤᓐᓂᓕᖕᓂᒃ 5,740ᓂᒃ, ᑐᓂᕐᕈᓯᕐᑎᑦᓯᔩᓪᓗ ᐊᓐᓄᕌᖏᓐᓂᒃ 100ᓂᒃ.

ᐄᓱᕋᐅᑉ ᐊᒡᓚᖏᑦ 7:16

ᐊᒻᒪᓗ ᓇᒃᓴᕐᑕᒃᓴᕆᕙᓯ ᓯᐅᓪᕕᕇᑦ ᒎᓗᐃᓪᓗ ᐱᓚᐅᕐᑕᓯ ᐹᐱᓘᓂᐅᑉ ᓄᓇᖁᑎᖓᓂᑦ ᑐᓂᕐᕈᑎᒋᔭᐅᔪᓪᓗ ᐃᓴᕆᐊᓕᐅᑉ ᐃᓄᖁᑎᖏᓐᓂᑦ ᑐᓂᕐᕈᓯᕐᑎᑦᓯᔨᖁᑎᖏᑦᑕᓗ ᐃᓱᒪᕐᓱᕐᓗᑎᒃ ᑐᓂᓚᐅᕐᑕᖏᑦ, ᑖᒃᑯᐊ ᐃᓱᒪᕐᓱᕐᓗᑎᒃ ᑐᓂᔭᐅᔪᒃᓴᐅᕗᑦ ᑐᒃᓯᐊᕐᕕᒡᔪᐊᒧᑦ ᒎᑎᒥᖕᓄᑦ ᔨᕉᓴᓕᒦᑦᑐᒧ.

ᒨᓯᓯ ᐂᑉᐸᖏᑦ 35:22

ᑍᒤᒻᒪᑦ ᐊᖑᑎᑦ ᐊᕐᓁᓪᓗ ᕾᓚᐅᕐᐳᑦ; ᐆᒻᒪᑎᒥᒍᑦ ᑲᑦᓱᖎᓕᔪᓕᒫᑦ ᑐᓂᕐᕈᓯᓚᐅᕐᐳᑦ ᐱᐅᓴᕐᓯᒪᔪᓂᒃ ᑲᒃᑯᑎᓂᒃ, ᓯᐅᑎᒥᐅᑕᕐᓂᒃ, ᓇᒡᒍᐊᕐᒥᖕᓂᒃ, ᐅᔭᒥᖕᓂᒃ ᖃᓄᐃᑦᑐᑐᐃᓐᓇᓂᒡᓗ ᐱᐅᓴᐅᑎᓂᒃ ᒎᓗᓂᒃ; ᑕᒪᒃᑯᐊᓗ ᒎᓗᐃᑦ ᑐᓂᕐᕈᑕᐅᓚᐅᕐᐳᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 35:29

ᐃᓴᕆᐊᓕᒥᐅᓪᓗ ᐃᓄᖏᑦ ᑕᒪᕐᒥᒃ ᐆᒻᒪᑎᒥᒍᑦ ᐃᒃᐱᒋᑎᑕᐅᔪᓕᒫᑦ ᑐᓂᕐᕈᓯᕆᐊᕐᑐᓚᐅᕐᐳᑦ ᓴᓇᔭᒃᓴᐅᒐᔭᕐᑐᓂᒃ ᐊᑕᓂᐅᑉ ᒨᓯᓯᒧᑦ ᓴᓇᔭᐅᖁᓚᐅᕐᑕᖏᑦ ᒪᓕᒡᓗᒋᑦ.

ᒨᓯᓯ ᐂᑉᐸᖏᑦ 35:5

ᐊᑕᓂᕐᒧᑦ ᑐᓂᕐᕈᓯᕐᑐᒃᓴᐅᕗᓯ, ᑭᓇᒃᑯᓕᒫᑦ ᑐᓂᓯᔪᒪᔪᑦ ᑐᓂᕐᕈᓯᕐᑐᒃᓴᐅᕗᑦ; ᒪᑯᐊ ᑕᕝᕙ ᑐᓂᔭᐅᔪᓐᓇᕐᐳᑦ ᒎᓗᐃᑦ, ᓯᐅᓪᕕᕇᑦ, ᐅᕝᕙᓗ ᑲᓐᓄᔧᑦ,

ᒨᓯᓯ ᐂᑉᐸᖏᑦ 36:3

ᒨᓯᓯᐅᑉ ᑐᓂᓯᕕᒋᓚᐅᕐᐰᑦ ᐃᓴᕆᐊᓕᒥᐅᑦ ᑐᓂᕐᕈᑎᒋᓯᒪᔭᓕᒫᖏᓐᓂᒃ ᑐᐱᓕᐅᕈᑎᒃᓴᓂᒃ ᐃᑦᔪᕐᓁᑦᑐᒥᒃ. ᐃᓴᕆᐊᓕᒥᐅᓪᓕ ᓱᓕ ᐃᓄᖏᑦ ᐅᓪᓛᑕᒫᑦ ᑐᓂᕐᕈᓯᖃᑦᑍᓐᓇᓚᐅᕐᐳᑦ.

ᒨᓯᓯ ᐱᖓᔪᖏᑦ 27:31

ᐃᓄᒃ ᑕᓪᓕᒪᐅᔪᐃᕈᑎᒥᓂᒃ ᐅᑎᕐᑎᑦᓯᔪᒪᒃᐸᑦ ᐊᑭᒋᖁᔭᐅᓯᒪᔪᖅ ᒪᓕᒡᓗᒍ ᐊᑭᖃᕆᐊᖃᕐᐳᑦ ᐃᓚᒃᑲᓐᓂᕐᓗᒍᓗ 20ᐳᓴᓐᖓᓂᒃ.

ᓘᑲᓯᐅᑉ ᐊᒡᓚᖏᑦ 21:4

ᐊᓯᖏᑦ ᑐᓂᓯᖕᒪᑕ ᐊᑐᕐᓂᐊᖏᑕᒥᖕᓂᒃ; ᐅᓇᓕ ᐊᕐᓇᖅ ᐊᔪᕐᓴᕐᑑᒐᓗᐊᕐᓗᓂ ᐱᑦᔪᑎᒃᓴᑐᐊᒥᓂᒃ ᑕᒤᓐᓂᒃ ᑐᓂᓯᕗᖅ.”