ᐊᑕᓃᑦ ᐂᑉᐸᖏᑦ 12:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᑦ ᐲᔭᕐᑕᐅᓚᐅᓐᖏᓚᑦ ᓱᓕ. ᐃᓄᐃᓪᓗ ᒪᓕᒃᑐ ᑕᒪᒃᑯᓂᖓ ᑐᓂᕐᕈᓯᕆᐊᕐᑐᖃᑦᑍᓐᓇᓚᐅᕐᐳᑦ ᐳᔫᕐᑎᑦᓯᔭᕐᑐᕐᐸᒡᓗᑎᒡᓗ.

ᐊᑕᓃᑦ ᐂᑉᐸᖏᑦ 12:3 Iomraidhean Croise

ᐊᑕᓃᑦ ᓯᕗᓪᓖᑦ 15:11

ᐋᓴ ᐃᓱᐊᕐᑐᒥᒃ ᐃᓅᓚᐅᕐᐳᖅ ᐊᑕᓂᐅᑉ ᓵᖓᓂ, ᓯᕗᓕᕐᒥᑐᑦ ᑍᕕᑎᑐᑦ.

ᐊᑕᓃᑦ ᓯᕗᓪᓖᑦ 15:14

ᑭᓯᐊᓂᓕ ᒎᑎᓐᖑᐊᓄᑦ ᑐᒃᓯᐊᕐᕖᑦ ᑐᒃᓯᐊᕐᕕᐅᖃᑦᑕᕐᓂᕐᐹᑦ ᐲᔭᓚᐅᓐᖏᓔᑦ. ᑍᒤᒃᑲᓗᐊᕐᑎᓪᓗᒍᓕ ᐋᓴ ᐊᑕᓂᕐᒧᑦ ᑲᔪᓯᑦᓯᐊᕐᑐᒥᒃ ᐃᓅᓯᖃᓚᐅᕐᐳᖅ ᐃᓅᓯᓕᒫᒥᓂ.

ᐊᑕᓃᑦ ᓯᕗᓪᓖᑦ 22:43

ᐊᑖᑕᒥᓂᒃ ᐂᓴᐅᑉ ᐱᓂᐊᕐᓂᖏᓐᓂᒃ ᒪᓕᓚᐅᕐᐳᖅ; ᓴᖑᓚᐅᕋᓂ ᓇᓪᓕᐊᓐᓄᓪᓘᓐᓃᑦ, ᐱᓂᐊᕐᓂᖃᓚᐅᕐᐳᖅ ᓈᒻᒪᒃᑐᒥᒃ ᐊᑕᓂᐅᑉ ᑕᑯᓐᓇᕐᑕᖓᒍᑦ; ᑭᓯᐊᓂᓕ ᖁᑦᓯᒃᑐᒥ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᓐᖏᓔᑦ, ᐃᓄᐃᑦ ᓱᓕ ᑐᓂᕐᕈᓯᖃᑦᑕᓚᐅᕐᐳᑦ ᑎᐱᑦᓯᐊᕆᒃᑐᓂᒡᓗ ᐃᑯᐊᓪᓔᕙᒃᓗᑎᒃ ᖁᑦᓯᒃᑐᒥ ᑐᒃᓯᐊᕐᕕᐅᕙᒃᑐᓂ.

ᐊᑕᓃᑦ ᐂᑉᐸᖏᑦ 12:2

ᔨᕼᐅᐊᓯ ᐱᓂᐊᕐᓂᖃᓚᐅᕐᐳᖅ ᒎᑎᐅᑉ ᓵᖓᓂ ᓈᒻᒪᒋᔭᐅᔪᒥᒃ ᐊᔪᕆᕐᑐᐊᖑᓚᐅᕋᒥ ᔨᕼᐅᐃᐊᑕᒧᑦ ᑐᓂᕐᕈᓯᕐᑎᑦᓯᔨᒧᑦ.

ᐊᑕᓃᑦ ᐂᑉᐸᖏᑦ 14:4

ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᖏᒻᒪᒋᑦ, ᐃᓄᐃᑦ ᒎᑎᓐᖑᐊᓄᑦ ᑐᒃᓯᐊᕐᕕᖃᕐᐸᒃᑐᑦ ᑲᔪᓯᑐᐃᓐᓇᓚᐅᕐᒪᑕ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᖓᑦ ᐳᔫᕐᑎᑦᓯᖃᑦᑕᕐᓂᖏᓪᓗ.

ᐊᑕᓃᑦ ᐂᑉᐸᖏᑦ 15:3

ᐊᑖᑕᒥ ᐊᒪᔧᐊᐅᑉ ᐃᓕᖅᑯᓯᖓ ᒪᓕᒃᑲᒥᐅᒃ ᐊᑕᓂᐅᑉ ᓈᒻᒪᒋᔭᖓᓂᒃ ᐱᓇᓱᐊᓚᐅᕐᐳᖅ.

ᐊᑕᓃᑦ ᐂᑉᐸᖏᑦ 15:35

ᑭᓯᐊᓂ ᒎᑎᓐᖑᐊᓄᑦ ᑐᒃᓯᐊᕐᕕᐅᕙᒃᑐᑦ ᐲᔭᓚᐅᓐᖏᓔᑦ; ᐃᓄᐃᓪᓗ ᒎᑎᓐᖑᐊᓄᑦ ᑐᓂᕐᕈᓯᖃᑦᑕᓚᐅᕐᐳᑦ ᐴᔫᕐᑎᑦᓯᕙᒡᓗᑎᒡᓗ. ᔫᑕᒥᐅᓪᓕ ᐊᑕᓂᐅᑉ ᐃᒡᓗᖓᑕ ᐅᓐᓄᐊᓪᓗᐊᖓᑕ ᓇᓛᓃᑦᑐᖅ ᐃᑎᕐᑕᕐᕕᒃ ᓴᓇᔭᐅᑎᓚᐅᕐᐹ.

ᐊᑕᓃᑦ ᐂᑉᐸᖏᑦ 15:4

ᑭᓯᐊᓂ ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᑦ ᐲᔭᓚᐅᓐᖏᓔᑦ; ᐃᓄᐃᓪᓗ ᑐᒃᓯᐊᕐᕕᖃᕐᓂᖓ ᑲᔪᓯᑐᐃᓐᓇᓚᐅᕐᐳᖅ ᑐᓂᕐᕈᓯᖃᑦᑕᕐᓂᖓᑦ ᒎᑎᓐᖑᐊᓄᑦ ᐴᔪᕐᑎᑦᓯᖃᑦᑕᕐᓂᖓᓪᓗ.

ᐊᑕᓃᑦ ᐂᑉᐸᖏᑦ 18:3

ᐊᑕᓂᐅᑉ ᓵᖓᓂ ᓈᒻᒪᒋᔭᐅᔪᒥᒃ ᐱᐅᓯᖃᓚᐅᕐᐳᖅ, ᓯᕗᓕᕕᓂᕐᒥ ᐊᖓᔪᖅᑳᕐᔪᐊᑉ ᑍᕕᑎᐅᑉ ᐃᓕᖅᑯᓯᕆᓚᐅᕐᑕᖓᓂᒃ ᒪᓕᒃᑲᒥ.

ᐊᑕᓃᑦ ᐂᑉᐸᖏᑦ 18:4

ᒎᑎᓐᖑᐊᓄᑦ ᑐᒃᓯᐊᕐᕕᐅᖃᑦᑕᕐᑐᓕᒫᑦ ᐲᔭᓚᐅᕐᐰᑦ, ᒎᑎᓐᖑᐊᓕᐊᕆᔭᐅᓯᒪᔪᓪᓗ ᐅᔭᕅᑦ ᐅᕐᕉᕋᕐᑎᓚᐅᕐᐰᑦ, ᒎᑎᓐᖑᐊᕆᔭᐅᕐᓗ ᐊᓯᕋᒥᒃ ᑍᔭᐅᔪᖅ ᓯᖁᒥᑉᐹ. ᒨᓯᓯᐅᓪᓗ ᖁᒡᓗᒋᐊᓐᖑᐊᖅ ᑲᓐᓄᔭᖅ ᓇᑉᐸᐅᑎᓚᐅᕐᓯᒪᔭᖓ ᓯᖁᑦᑎᕐᑕᐅᑎᓪᓗᒍ, ᐊᑎᖃᕐᑎᑕᐅᓚᐅᕐᑐᖅ ᓂᕼᐅᓯᑕᓐᒥᒃ; ᑍᑦᓱᒪᓂᐅᑎᓪᓗᒍ ᐃᑯᐊᓪᓚᑦᓯᓪᓗᑎᒃ ᐳᔫᕐᑎᑦᓯᓂᒃᑯᑦ ᑐᒃᓯᐊᕐᕕᐅᖃᑦᑕᓕᓚᐅᕐᒪᑦ ᐅᐱᒍᓲᑎᐅᓪᓗᓂ.

ᐊᑕᓃᑦ ᐂᑉᐸᖏᑦ 22:2

ᔫᓮᐊ ᐊᑕᓂᐅᑉ ᓵᖓᓂ ᐱᐅᔪᒥᒃ ᐱᓇᓱᐊᓚᐅᕐᐳᖅ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᐱᓂᐊᕐᓂᖃᓚᐅᕐᐳᕐᓗ ᓯᕗᓕᖓᑕ ᑍᕕᑎᐅᑉ ᐊᖓᔪᖅᑳᕐᔪᐊᑉ ᐱᓂᐊᕐᓂᕆᓚᐅᕐᑕᖏᑎᑐᑦ, ᓴᖑᓚᐅᖏᓚᕐᓗ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ.

ᑯᕉᓂᑲ ᐂᑉᐸᖏᑦ 31:4

ᑎᓕᓯᒋᕗᕐᓗ ᔨᕉᓴᓕᒥ ᓄᓇᖃᕐᑐᑦ ᐃᑲᔪᖃᑦᑕᖁᓪᓗᒋᑦ ᑐᓂᕐᕈᓯᕐᓗᑎᒃ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ ᐱᔭᐅᔪᒃᓴᓂᒃ, ᑖᒃᑯᐊ ᐃᒻᒥᖕᓂᒃ ᑐᓂᓯᒪᔪᓐᓇᖁᓪᓗᒋᑦ ᐊᑕᓂᐅᑉ ᐱᖁᔭᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 2:20

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑍᑦᓱᒪᓂᐊᓘᓕᕐᐳᖅ ᓇᖕᒪᐅᑍᑦ ᓱᕋᓚᐅᕋᕕᐅᒃ, ᕿᓚᕈᑏᓪᓗ ᕿᒃᑐᕋᕐᓗᒍ ᐅᖃᕐᓗᑎᓪᓗ, ‘ᐱᔨᑦᓯᕐᓂᐊᕈᓐᓃᕐᐸᒋᑦ.’ ᑍᒤᓚᐅᕐᐳᕐᓗ ᑕᒪᓐᓇ ᐱᖑᐃᑦ ᖄᖏᓐᓂ, ᓇᐹᕐᑐᐃᓪᓗ ᐊᑖᓂ ᐊᓯᓐᓂᐊᖃᑦᑕᓚᐅᕐᐸᕐᒪ ᐊᖑᓐᓂᐊᕐᑎᑎᑐᑦ.