ᐊᑕᓃᑦ ᐂᑉᐸᖏᑦ 11:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᕐᕌᒍᐃᑦ 7ᖓᓐᓂ ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖏᑦ 100ᓄᑦ ᑳᕆᑎᔅᓂᒃ ᑍᔭᐅᔪᑦ ᖃᐅᔨᓴᕐᑎᖁᑎᖏᓪᓗ ᕾᖁᕔᑦ ᐊᑕᓂᐅᑉ ᐃᒡᓗᖓᓄᑦ; ᐅᖃᕕᒡᓗᑎᒡᓗ ᐊᖏᖃᑎᒋᕔᑦ ᐊᑕᓂᐅᑉ ᐃᒡᓗᖓᓂ, ᑕᑯᑎᓕᕐᓗᒋᓪᓗ ᐊᖓᔪᖅᑳᕐᔪᐊᑉ ᐃᕐᓂᖓᓂᒃ ᔪᐊᓯᒥᒃ.

ᐊᑕᓃᑦ ᐂᑉᐸᖏᑦ 11:4 Iomraidhean Croise

ᒨᓯᓯ ᓯᕗᓪᓖᑦ 50:25

ᑕᕝᕙ ᔫᓯᐱ ᐅᖃᕕᖁᔨᕗᖅ ᐃᓴᕆᐊᓕᐅᑉ ᑭᖑᕚᖏᓐᓂᒃ, ᐅᖃᕐᓗᓂ, “ᒎᑎᐅᑉ ᑎᑭᕝᕕᒋᔪᒫᕐᒪᓯ, ᑕᕝᕙ ᓴᐅᓂᒃᑲ ᓇᒃᓴᕆᐊᖃᕈᒫᕐᐸᓯ ᑕᒫᓐᖓᑦ ᐊᐅᓪᓚᓕᕈᑦᓯ.”

ᓴᒧᐃᓕ ᐂᑉᐸᖏᑦ 20:23

ᔪᐊᐱ ᐊᖓᔪᖅᑳᖑᓚᐅᕐᐳᖅ ᐃᓴᕆᐊᓕᒥᐅᑦ ᐅᓇᑕᕐᑐᒃᓴᖁᑎᓕᒫᖏᓐᓄᑦ; ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ ᐊᖓᔪᖅᑳᖑᓚᐅᕐᐳᖅ ᑍᕕᑎᐅᑉ ᓴᐳᓐᓂᐊᕐᑎᖏᓐᓄᑦ ᓯᕆᑍᑎᓄᑦ ᐱᓕᑍᑎᓄᓪᓗ;

ᓴᒧᐃᓕ ᐂᑉᐸᖏᑦ 8:18

ᐱᓁᐊᓗ ᔨᕼᐅᐃᐊᑕᐅᑉ ᐃᕐᓂᖓ ᑲᒪᔨᐅᓚᐅᕐᐳᖅ ᓴᐳᓐᓂᐊᕐᑎᓂᒃ ᓯᕆᑍᑎᓂᒃ ᐱᓕᑍᑎᓂᒡᓗ; ᑍᕕᑎᐅᓪᓗ ᐃᕐᓂᖏᑦ ᐊᖓᔪᖅᑳᖑᓚᐅᕐᐳᑦ.

ᐊᑕᓃᑦ ᓯᕗᓪᓖᑦ 14:27

ᐊᖓᔪᖅᑳᕐᔪᐊᑉ ᕆᕼᐅᐳᐊᒻ ᓴᓇᔭᐅᑎᑦᓯᓪᓗᓂ ᑭᖑᕝᕕᓚᐅᕐᐰᑦ ᑲᓐᓄᔭᓂᒃ ᓴᐴᓗᑕᕐᓂᒃ, ᓴᐳᓐᓂᐊᕐᑏᓪᓗ ᐊᖓᔪᖅᑳᖏᓐᓄᑦ ᑐᓂᓪᓗᒋᑦ, ᐊᖓᔪᖅᑳᕐᔪᐊᑉ ᐃᒡᓗᖓᑕ ᐃᑎᕐᑕᕐᕕᖓᓂᒃ ᑲᒪᔨᐅᔪᓄᑦ.

ᐊᑕᓃᑦ ᓯᕗᓪᓖᑦ 18:10

ᐊᑕᓂᖅ ᒎᑏᑦ ᐃᓅᖕᒪᑦ, ᓱᓕᓪᓗᖓ ᐅᖃᕐᐳᖓ ᐊᖓᔪᖅᑳᕋ ᑎᓕᓯᖃᑦᑕᓚᐅᕐᐳᖅ ᐃᓅᖃᑎᒌᒡᔪᐊᓄᑦ ᐊᑕᓂᐅᕕᖕᓄᓪᓗ ᕿᓂᖁᔨᓪᓗᓂ ᐃᓕᖕᓂᒃ; ᐅᖃᕐᐸᑕ, ‘ᑕᒫᓃᖏᑦᑐᖅ.’ ᐊᑕᓂᐅᕖᑦ ᓄᓇᖅᑲᑎᒌᓪᓗ ᑕᕝᕙ ᐊᖏᒻᒪᕆᒃᑎᖃᑦᑕᓚᐅᕐᐰᑦ ᓱᓕᓪᓗᑎᒃ ᐃᓕᖕᓂᒃ ᓇᓂᓯᖏᓪᓚᕆᖕᓂᖏᓐᓂᒃ.

ᐊᑕᓃᑦ ᐂᑉᐸᖏᑦ 11:17

ᔨᕼᐅᐃᐊᑕ ᐊᖏᖃᑎᓕᐅᕈᑎᒥᒃ ᐋᖅᑮᕗᖅ ᐊᑕᓂᕐᒧᑦ ᐊᖓᔪᖅᑳᕐᔪᐊᕐᒧᓪᓗ ᐃᓄᖕᓄᓪᓗ ᐊᑕᓂᖕᒧᑦ ᐃᓄᖁᑕᐅᖏᓐᓇᖁᓪᓗᒋᑦ. ᐊᖏᖃᑎᓕᐅᕈᑎᓕᐅᕆᓪᓗᓂᓗ ᐊᖓᔪᖅᑳᕐᔪᐊᕐᒧᑦ ᐊᑕᓂᕐᒧᓪᓗ ᐃᓄᖁᑕᐅᖏᓐᓇᖁᓪᓗᒋᑦ. ᐊᖏᖃᑎᓕᐅᕈᑎᓕᐅᕆᓪᓗᓂᓗ ᐊᖓᔪᖅᑳᕐᔪᐊᑉ ᐃᓄᖁᑎᖏᑕᓗ ᐊᖏᓯᒪᖃᑎᒌᒍᑎᒋᓂᐊᕐᑕᖓᓐᓂᒃ.

ᐊᑕᓃᑦ ᐂᑉᐸᖏᑦ 11:19

ᑖᒃᑯᐊ ᕾᖁᕔᑦ ᐊᖓᔪᖅᑳᖑᔪᑦ ᐅᓇᑕᕐᑎᓄᑦ ᑳᕆᑎᔅᓄᑦ 100ᐅᓈᕐᑎᕐᑐᓄᑦ, ᖃᐅᔨᓴᕐᑎᐅᓂᐊᕐᑐᓪᓗ ᐊᖓᔪᖅᑳᕐᔪᐊᕐᒧᑦ ᐃᓄᓕᒫᓄᓪᓗ. ᔪᐊᓯ ᐊᖓᔪᖅᑳᕐᔪᐊᖑᓕᕐᑐᖅ ᑐᒃᓯᐊᕐᕕᒡᔪᐊᒥᑦ ᐊᓂᖃᑎᒋᕚᑦ, ᖃᐅᔨᓴᕐᕕᐅᑉ ᐃᑎᕐᕕᖓᒍᑦ ᐊᖓᔪᖅᑳᕐᔪᐊᑉ ᐃᒡᓗᖃᕐᕕᖓᓄᐊᕈᑎᕚᑦ. ᑕᕝᕙᓂᓗ ᐃᒃᓯᕙᐅᑕᕐᔪᐊᒥᓄᑦ ᐃᖏᑉᐳᖅ.

ᐊᑕᓃᑦ ᐂᑉᐸᖏᑦ 11:3

ᔪᐊᓯ ᐰᕆᔨᖓᓗ ᐃᔨᕐᑕᐅᓯᒤᓐᓇᓚᐅᕐᐴᒃ ᐊᕐᕌᒍᓂᒃ 6ᓂᒃ ᐊᑕᓂᐅᑉ ᐃᒡᓗᖓᓂᑦ ᐊᑕᓔᐊᐅᑉ ᐊᐅᓚᑦᓯᔨᐅᓂᖓᓂ.

ᐊᑕᓃᑦ ᐂᑉᐸᖏᑦ 11:9

ᑕᕝᕙ ᐅᓇᑕᕐᑎᓄᑦ ᐊᖓᔪᖅᑳᑦ ᑐᓂᕐᕈᓯᕐᑎᑦᓯᔨᐅᑉ ᔨᕼᐅᐃᐊᑕᐅᑉ ᐊᑐᕐᑕᐅᖁᔭᖏᑦ ᒪᓕᑦᓯᐊᕐᓗᒋᑦ ᐱᓇᓱᐊᓚᐅᕐᐳᑦ. ᐅᓇᑕᕐᑎᖁᑎᑎᒃ ᐊᑐᓂᑦ ᐱᔭᒃᓴᖏᓐᓂᒃ ᓇᓗᓁᕐᓯᕕᒋᕔᑦ ᓴᐸᑎᐅᓕᕐᐸᑦ ᐱᓇᓱᐊᕐᓂᐊᕐᑐᑦ ᓄᖅᑲᖓᓂᐊᕐᑐᓪᓗ ᓇᓗᓁᕆᐊᕐᑐᖃᑦᑕᕐᐳᑦ ᔨᕼᐅᐃᐊᑕᒧᑦ.

ᐊᑕᓃᑦ ᐂᑉᐸᖏᑦ 12:7

ᑕᒪᓐᓇ ᐱᓪᓗᒍ ᐊᖓᔪᖅᑳᕐᔪᐊᑉ ᔨᕼᐅᐊᓯᐅᑉ ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨ ᑐᓂᕐᕈᓯᕐᑎᑦᓯᔨᐅᖃᑎᖏᓪᓗ ᐊᐱᕐᓱᕐᐰᑦ ᐅᖃᕐᓗᓂ, “ᖃᓄᐃᒻᒪᑦ ᐊᑕᓂᐅᑉ ᐃᒡᓗᖓ ᓯᖁᑦᑎᕐᓯᒪᓂᖏᑦ ᓱᓕ ᓴᓇᔭᐅᕙᓪᓕᐊᓐᖏᓛᑦ? ᑮᓇᐅᔭᓂᒃ ᐃᓕᐅᖅᑬᕕᖁᑎᑦᓯᓐᓂᑦ ᐱᖃᑦᑕᕐᓂᐊᕈᓐᓃᕐᐳᓯ ᐊᑕᓂᐅᑉ ᐃᒡᓗᖓ ᓴᓇᔭᐅᒃᑲᓐᓂᕈᑎᒃᓴᖏᓐᓄᑦ ᐊᑐᕐᑕᐅᖔᖃᑦᑕᕐᓂᐊᕐᒪᑕ.”

ᐊᑕᓃᑦ ᐂᑉᐸᖏᑦ 23:3

ᐊᖓᔪᖅᑳᕐᔪᐊᕐᓗ ᓱᑲᕐᔪᐊᑉ ᓴᓂᐊᓂ ᓇᖏᕐᓗᓂ ᐊᑕᓂᐅᑉ ᓵᖓᓂ, ᐊᖏᖃᑎᒌᖕᓂᖅ ᓄᑕᐅᓯᓕᕐᐹ ᐊᑕᓂᖅ ᒪᓕᒡᑕᐅᖁᓪᓗᒍ ᐱᓂᐊᕐᑕᐅᖁᔭᖏᑦ ᐱᖁᔭᖏᓐᓂᒡᓗ ᓈᓚᑦᓯᐊᕐᑕᐅᖁᓪᓗᒋᑦ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒃᓯᒪᓂᐅᓪᓗ ᐱᐅᓯᐅᖁᔭᖏᑦ, ᐱᓂᐊᕈᑎᒋᓗᒋᑦ ᐃᓅᓯᖃᕈᒪᓪᓗᓂ ᐊᒡᓚᖕᓂ ᑎᑎᕋᕐᑕᐅᓯᒪᔪᑦ, ᒪᓕᒡᓗᒋᑦ; ᐃᓄᓕᒫᑦᑕᐅᒃ ᐊᖏᖃᑕᐅᕗᑦ ᑍᒪᒃ ᐱᓂᐊᖃᑕᐅᔪᒪᓪᓗᑎᒃ.

ᑯᕉᓂᑲ ᓯᕗᓪᓖᑦ 9:13

ᐃᓚᒋᔭᖏᓪᓗ, ᐊᑖᑕᖏᑕ ᐃᓚᖏᓐᓂ ᐊᖓᔪᖅᑳᖑᔪᑦ 1,760ᐅᕗᑦ, ᑖᒃᑯᐊ ᐊᖑᑏᑦ ᐱᔪᓐᓇᑦᓯᐊᕐᐳᑦ ᐱᓇᓱᐊᕈᓐᓇᑦᓯᐊᕐᓗᑎᒃ ᒎᑎᐅᑉ ᐃᒡᓗᖓᓂ.

ᑯᕉᓂᑲ ᐂᑉᐸᖏᑦ 15:12

ᐊᖏᖃᑎᒌᒃᐳᓪᓗ ᐊᑕᓂᕐᒥᒃ ᓯᕗᓕᖏᑕ ᒎᑎᖓᓂᒃ ᖃᐅᔨᓇᓱᖃᑦᑕᕈᒪᓪᓗᑎᒃ, ᐆᒻᒪᑎᒥᖕᓄᑦ ᑕᕐᓂᕐᒥᖕᓄᓪᓗ ᐃᓘᓐᓈᓄᑦ.

ᑯᕉᓂᑲ ᐂᑉᐸᖏᑦ 29:10

“ᐆᒻᒪᑎᒃᑯᑦ ᐊᖏᖃᑎᒌᒍᑎᓕᐅᕐᕕᒋᔪᒪᕙᕋ ᐊᑕᓂᖅ, ᐃᓴᕆᐊᓕᒥᐅᑦ ᒎᑎᖓᑦ, ᑖᑦᓱᒪ ᓂᓐᖓᐅᒪᓂᕐᔪᐊᖓ ᐅᕙᑦᑎᓐᓂᒃ ᐊᓔᖁᓪᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 10:29

ᐃᓚᖃᕐᓗᑎᒃ ᖃᑕᓐᖑᑎᒥᖕᓂᒃ, ᐱᓪᓚᕆᖁᑕᐅᔪᓂᒡᓗ, ᓴᖑᑎᓐᓂᐊᓐᖏᑕᒥᖕᓂᒃ ᐊᖏᒻᒪᕆᒍᑎᖃᓚᐅᕐᐳᑦ ᒎᑎᐅᑉ ᐱᖁᔭᖏᓐᓂᒃ ᒪᓕᒍᒪᓪᓗᑎᒃ ᒨᓯᓯᒃᑯᑦ ᑐᓂᔭᐅᓚᐅᕐᑐᓂᒃ ᒎᑎᐅᑉ ᐱᔨᖓᒍᑦ, ᓈᓚᒍᒪᓪᓗᑎᒃ ᒪᓕᒍᒪᓪᓗᑎᒡᓗ ᐊᑕᓂᐅᑉ ᐊᑕᓂᑦᑕ ᐱᖁᔭᖏᓐᓂᒃ, ᐃᓱᐊᕆᔭᖏᓐᓂᒡᓗ ᐃᓕᖅᑯᓯᐅᖁᔭᖏᓐᓂᒡᓗ.

ᓂᕼᐃᒤᐊᐅᑉ ᐊᒡᓚᖏᑦ 5:12

ᑕᕝᕙ ᓯᕗᓕᕐᑏᑦ ᑭᐅᕗᑦ, “ᐱᓇᓱᐊᕐᓂᐊᕐᐳᒍᑦ ᐅᖃᐅᓯᕆᔭᓕᒫᑎᑦ ᐊᑐᕐᓗᒋᑦ, ᐱᖁᑎᖏᓐᓂᒃ ᐅᑎᕐᑎᑦᓯᕕᒋᓂᐊᕐᐸᕗᑦ, ᐊᑭᓕᒃᓴᖏᓐᓂᒡᓗ ᐊᑭᓖᑎᑦᓯᓇᓱᐊᕐᓂᐊᓐᖏᓚᒍᑦ.” ᑕᕝᕙ ᑐᓂᕐᕈᓯᕐᑎᑦᓯᔩᑦ ᕾᖁᓚᐅᕐᐸᒃᑲ, ᓯᕗᓕᕐᑏᓪᓗ ᐊᖏᒻᒪᕆᒍᑎᖃᕐᑎᓚᐅᕐᐸᒃᑲ ᑖᒃᑯᐊ ᓵᖏᓐᓂ, ᐊᖏᕈᑎᒋᔭᒥᖕᓂᒃ ᑲᔪᓯᑦᓯᐊᖁᓪᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 9:38

ᑕᒪᒃᑯᐊ ᖃᓄᐃᓕᐅᕐᓂᐅᓚᐅᕐᑐᑦ ᐱᑦᔪᑎᒋᓪᓗᒋᑦ ᐊᖏᖃᑎᒌᖕᓂᖃᕐᑎᑦᓯᓚᐅᕐᐳᒍᑦ ᓴᖑᑎᑕᐅᓂᐊᖏᑦᑐᒥᒃ ᑎᑎᕋᕐᓗᒋᓪᓗ; ᐊᖓᔪᖅᑳᕗᑦ, ᓕᕔᑎᓪᓗ, ᑐᓂᕐᕈᓯᕐᑎᑦᓯᔨᖁᑎᕗᓪᓗ ᑖᒃᑯᐊ ᓇᕿᑦᔪᓯᕐᓯᓚᐅᕐᐳᑦ ᓇᓗᓁᒃᑯᑕᐅᓂᐊᕐᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:24

ᑐᒃᓯᐊᕐᕕᒡᔪᐊᑉ ᖃᐅᔨᓴᕐᑎᖏᑕ ᐊᖓᔪᖅᑳᖓᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ ᑕᒪᑐᒥᖓ ᑐᓴᕋᒥᒃ, ᐊᖏᔪᒥᒃ ᖁᐊᕐᓵᖓᓕᕐᐳᑦ ᖃᓄᖅ ᐱᔪᐊᓘᖕᒪᖔᑕ ᐃᓱᒪᓕᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 5:26

ᖃᐅᔨᓴᕐᑎᐅᑉ ᐊᖓᔪᖅᑳᖓᑦ ᐅᓇᑕᕐᑐᒃᓴᓂᒃ ᐃᓚᖃᕐᓗᓂ ᐊᓂᕗᑦ ᐋᐴᓯᑕᓖᑦ ᐂᓪᓗᒋᑦ, ᓲᖑᓵᕐᕕᒋᓐᖏᓔᓪᓕᑦ, ᐃᓄᐃᑦ ᓯᕘᕋᒋᒐᒥᒋᑦ ᒥᓪᓗᕐᑕᐅᓂᐊᕋᓱᒋᓪᓗᑎᒃ.

ᔮᓱᐊᑉ ᐊᒡᓚᖏᑦ 24:25

ᑕᕝᕙ ᔮᓱᐊ ᐅᓪᓗᒥ ᑍᑦᓱᒪᓂ ᐊᖏᖃᑎᒌᒍᑎᓕᐅᕐᐳᖅ ᐃᓄᖕᓄᑦ, ᐊᑐᕆᐊᖃᕐᑕᖏᓐᓂᒃ ᒪᓕᒐᒃᓴᖏᓐᓂᒡᓗ ᑐᓂᓯᕕᒋᕔᑦ ᑕᕝᕙᓂ ᓯᑭᒻᒥ.

ᓴᒧᐃᓕ ᓯᕗᓪᓖᑦ 18:3

ᑕᕝᕙ ᔫᓇᑕᓂᒃᑯᒃ ᑍᕕᑎᒃᑯᒃ ᐊᖏᖃᑎᒌᒍᑎᓕᐅᕐᐴᒃ, ᓇᒡᓕᒋᓚᐅᕋᒥᐅᒃ ᓇᖕᒥᓂᖅ ᑕᕐᓂᕐᒥᑐᑦ.

ᓴᒧᐃᓕ ᓯᕗᓪᓖᑦ 23:18

ᑖᒃᑯᐊᒡᓗ ᐊᖏᖃᑎᒌᒃᐴᒃ ᐊᑕᓂᐅᑉ ᓵᖓᓂ; ᑍᕕᑎᓗ ᕼᐅᕆᔅᒦᖏᓐᓇᓚᐅᕐᐳᖅ, ᔫᓇᑕᓂ ᐊᖏᕐᕋᕐᑎᓪᓗᒍ.