ᐊᑕᓃᑦ ᐂᑉᐸᖏᑦ 11:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓔᐊ ᐊᕼᐊᔧᐊᐅᑉ ᐊᓈᓇᖓ ᖃᐅᔨᓕᕋᒥ ᐃᕐᓂᖓᑕ ᐃᓅᔪᓐᓃᕐᓂᖓᓂᒃ, ᐊᖓᔪᖅᑳᕐᔪᐊᑉ ᕿᑐᕐᖔᓕᒫᖏᑦ ᑐᖁᕋᕐᑕᐅᑎᓕᕐᐰᑦ.

ᐊᑕᓃᑦ ᐂᑉᐸᖏᑦ 11:1 Iomraidhean Croise

ᒨᓯᓯ ᓯᕗᓪᓖᑦ 9:5

ᐊᐅᒃ ᐃᓅᑦᔪᑎᓯ ᑯᕕᔭᐅᒃᐸᑦ ᐊᑭᓕᒐᒃᓴᐅᖁᕙᕋ; ᐆᒪᔪᐃᓪᓗ ᐊᐅᖓ ᐊᑭᓕᒐᒃᓴᐅᖁᕙᕋ; ᐃᓅᓪᓗ ᐊᐅᖓ; ᐃᓄᒃ ᐃᓅᖃᑎᖓᑕ ᐊᐅᖓᓂᒃ ᑯᕕᓯᒃᐸᑦ ᐃᓅᑉ ᐃᓅᓯᖓᓂᒃ ᐊᑭᖃᖁᕙᕋ.

ᒨᓯᓯ ᓯᕗᓪᓖᑦ 9:6

ᐃᓄᒃ ᓇᓪᓕᐊᑦ ᐃᓅᖃᑎᖓᑕ ᐊᐅᖓᓂᒃ ᑯᕕᓯᒃᐸᑦ, ᐃᓄᖕᒧᑦᑕᐅᖅ ᐊᐅᖓ ᑯᕕᔭᐅᔪᒃᓴᐅᕗᖅ; ᒎᑎ ᓴᓇᓚᐅᕐᒪᑦ ᐃᓄᖕᒥᒃ ᐃᒻᒥᓂᒃ ᐊᑦᔨᖃᕐᑎᓪᓗᒍ.

ᐊᑕᓃᑦ ᓯᕗᓪᓖᑦ 1:12

ᑍᒤᒻᒪᓪᓕ ᒫᓐᓇ ᕾᒋᑦ ᐅᖃᐅᑎᓚᐅᕐᓚᒋᑦ, ᐃᓄᓰᑦ ᓇᖕᒥᓂᖅ ᓴᐳᑎᓂᐊᕋᕕᐅᒃ ᐃᕐᓂᕐᐱᓪᓗ ᓲᓗᒨᓂᐅᑉ ᐃᓅᓯᖓ.

ᐊᑕᓃᑦ ᓯᕗᓪᓖᑦ 2:44

ᐊᖓᔪᖅᑳᕐᔪᐊᕐᓗ ᐅᖃᕆᕗᖅ ᓯᒥᐂᒧᑦ, “ᐆᒻᒪᑎᖕᓂ ᖃᐅᔨᒪᑦᓯᐊᕐᐳᑎᑦ ᐱᐅᖏᑦᑐᐊᓗᖕᒥᒃ ᐱᓂᐊᕐᓂᖃᓚᐅᕐᓯᒪᓂᕐᓂᒃ ᐊᑖᑕᓐᓄᑦ ᑍᕕᑎᒧᑦ; ᐊᑕᓂᐅᑉ ᓱᒋᐊᕐᓂᐊᕐᐹᑎᑦ ᑕᒪᓐᓇ ᐱᓪᓗᒍ.

ᐊᑕᓃᑦ ᐂᑉᐸᖏᑦ 10:36

ᔨᕼᐆ ᓴᒥᐊᕆᐊᕐᒥᐅᓄᑦ ᐊᖓᔪᖅᑳᕐᔪᐊᕆᔭᐅᓚᐅᕐᐳᖅ ᐊᕐᕌᒍᓂᒃ 28ᓂᒃ.

ᐊᑕᓃᑦ ᐂᑉᐸᖏᑦ 10:7

ᔨᕼᐆᑉ ᑎᑎᕋᖏᓐᓄᑦ ᑎᑭᑕᐅᒐᒥᒃ ᑖᒃᑯᐊ ᐊᖓᔪᖅᑳᕐᔪᐊᑉ ᐃᕐᓂᖏᑦ 70 ᐃᓘᓐᓇᑎᒃ ᑐᖁᑕᐅᑎᑉᐰᑦ ᓂᐊᖁᖏᓪᓗ ᐴᖅᑲᕐᓗᒋᑦ ᐃᕕᒐᕐᓄᑦ, ᔨᕼᐆᒧᑦ ᑐᔫᑎᒋᕔᑦ ᔨᔭᕆᐅᓪᒦᑦᑐᒧᑦ.

ᐊᑕᓃᑦ ᐂᑉᐸᖏᑦ 12:1

ᔨᕼᐅᐊᓯᐅᑉ ᐊᖓᔪᖅᑳᕐᔪᐊᖑᓂᖓᑕ 7ᖓᓐᓂ. ᔪᐊᓯ ᐊᖓᔪᖅᑳᕐᔪᐊᓐᖑᕐᐳᖅ, ᐊᐅᓚᑦᓯᓚᐅᕐᐳᕐᓗ ᐊᕐᕌᒍᓂᒃ 40ᓂᒃ ᔨᕉᓴᓕᒻᒥ. ᐊᓈᓇᖓ ᐊᑎᖃᕐᐳᖅ ᔨᐰᔭᒥᒃ ᐱᐊᕐᓯᐸᒥᐅᑕᖅ.

ᐊᑕᓃᑦ ᐂᑉᐸᖏᑦ 25:25

ᑕᖅᑮᑦ 7ᖓᓐᓂ ᐊᕐᕌᒍᒥ ᑕᕝᕙᓂ, ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ, ᐃᓔᓴᒪᐅᑉ ᐃᕐᖑᑕᖓ, ᐊᖓᔪᖅᑳᕐᔪᐊᓂᒃ ᓇᖕᒥᓂᖅ ᐃᓚᖃᕐᑐᖅ, ᒥᔅᐸᒧᐊᕐᐳᖅ ᐊᖑᑎᓂᒃ ᖁᓕᓂᒃ ᐃᓚᖃᕐᓗᓂ ᒋᑕᓔᐊ ᑲᑐᑎᓪᓗᒍ ᑐᖁᑉᐹᑦ, ᐃᓴᕆᐊᓕᒥᐅᑦ ᑲᐅᓪᑎᐊᒥᐅᓪᓗ ᑕᕝᕙᓃᖃᑎᒋᔭᖏᑦ ᑐᖁᕋᕐᑕᐅᑎᒃᑭᕔᑦ.

ᐊᑕᓃᑦ ᐂᑉᐸᖏᑦ 8:26

ᐊᕼᐊᔧᐊ 22ᓂᒃ ᐊᕐᕌᒍᖃᕐᓗᓂ ᐊᖓᔪᖅᑳᕐᔪᐊᓐᖑᕐᐳᖅ. ᐊᖓᔪᖅᑳᕐᔪᐊᖑᕗᕐᓗ ᔨᕉᓴᓕᒥ ᐊᕐᕌᒍᒥᒃ ᐊᑕᐅᓯᕐᒥᒃ. ᐊᓈᓇᖓ ᐊᑎᖃᕐᐳᖅ ᐊᑕᓔᐊᒥᒃ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᒻᕆᐅᑉ ᐃᕐᖑᑕᖓᓂᒃ.

ᐊᑕᓃᑦ ᐂᑉᐸᖏᑦ 9:27

ᐊᕼᐊᔧᐊ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᑕᑯᒐᒥ ᔪᕌᒥᐅᑉ ᖃᓄᐃᓕᐅᕐᑕᐅᓂᖓᓂᒃ ᕿᒪᒃᓯᕗᖅ ᐊᖅᑯᑎᒃᑯᑦ ᐱᐊᔅ ᕼᐃᒐᓐ-ᒧᐊᕐᑐᒃᑯᑦ. ᔨᕼᐆᑉ ᒪᓕᒃᐹ, ᕾᒐᓛᕐᓗᓂᓗ, “ᑐᖁᑕᐅᓕ ᕿᒧᒃᓯᐅᑎᒥᓂ ᐊᒃᓴᓗᐊᓕᖕᒥ ᐃᑭᒪᑎᓪᓗᒍ!” ᐃᑭᓕᕐᑕᐅᕗᖅ ᒎᕐᒧᑦ ᑎᑭᐅᑎᓕᕋᓗᐊᕐᑎᓪᓗᒍ ᐃᑉᓖᒻ ᖃᓂᒋᔭᖓᓂ, ᐱᔭᐅᓐᖏᓚᕐᓕ ᓄᓇᒧᑦ ᒥᒌᑐᒧᐊᕐᓗᓂ, ᑕᕝᕙᓂ ᑐᖁᕗᖅ.

ᑯᕉᓂᑲ ᐂᑉᐸᖏᑦ 24:7

ᐊᑕᓔᐊᐅᑉ ᐃᕐᓂᖏᑦ, ᑖᑦᓱᒪ ᐱᐅᖏᑦᑐᓕᔫᑉ, ᒎᑎᐅᑉ ᐃᒡᓗᖓᓄᑦ ᐃᑎᓚᐅᕐᒪᑕ ᐃᓵᕐᓗᑎᒃ; ᐃᑦᔪᕐᓁᑦᑑᑎᑕᐅᔪᓪᓗ ᐅᓄᕐᑐᑦ ᐊᑕᓂᐅᑉ ᐃᒡᓗᖓᓃᑦᑐᑦ ᐊᑐᓕᓚᐅᕐᐰᑦ ᑐᒃᓯᐊᓕᕌᖓᒥᒃ ᐰᓕᒧᑦ.

ᔨᕆᒤᐊᐅᑉ ᐊᒡᓚᖏᑦ 41:1

ᑍᑦᓱᒪᓂᓕ ᐊᕐᕌᒎᑉ ᑕᖅᑭᖏᑕ 7ᖓᓐᓂ, ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ ᐃᓔᓴᒪᐅᑉ ᐃᕐᖑᑕᖓ ᐊᖓᔪᖅᑳᕐᔪᐊᕐᒧᑦ ᐃᓚᒋᔭᐅᔪᖅ ᐊᖓᔪᖅᑳᒻᒪᕆᐅᖃᑕᐅᓪᓗᓂᓗ, ᐊᖑᑎᓂᒃ ᖁᓕᓂᒃ ᐃᓚᖃᕐᓗᓂ ᒥᔅᐸᒧᐊᕐᐳᖅ ᒋᑕᓔᐊᒥᒃ ᐊᕼᐂᑲᐅᑉ ᐃᕐᓂᖓᓂᒃ ᑕᑯᔭᕐᑐᕐᓗᓂ, ᓂᕆᖃᑎᒌᒃᑎᓪᓗᒋᑦ ᓂᕆᕕᖕᒥᖕᓂ ᒥᔅᐸᒥ.

ᒫᑎᐅᓯᐅᑉ ᐊᒡᓚᖏᑦ 2:13

ᐊᐅᓪᓚᕐᒪᑕ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᔫᓯᐱ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᐃᕉᑕᓯ ᓄᑕᕋᑯᓗᖕᒥᒃ ᕿᓂᕐᓂᐊᓕᕐᒪᑦ ᑐᖁᑦᓯᔪᒪᓗᓂ. ᑍᒤᒻᒪᑦ ᒪᑭᓕᕆᑦ, ᓄᑕᕋᑯᓗᒃ ᐊᓈᓇᖓᓗ ᓇᒃᓴᕐᓗᒋᒃ ᕿᒫᓕᕆᑦ ᐄᑦᔨᑉᑎᒧᑦ, ᑍᑲᓃᓐᓂᐊᕐᐳᑎᑦ ᐅᕙᓐᓄᑦ ᓅᖁᔭᐅᓕᓚᐅᖏᓐᓂᕐᓂ.”

ᒫᑎᐅᓯᐅᑉ ᐊᒡᓚᖏᑦ 2:16

ᐃᕉᑕᓯ ᖃᐅᔨᓕᕋᒥ ᐅᓪᓗᕆᐊᓂᒃ ᐃᓕᓯᒪᔪᓄᑦ ᓴᒡᓗᕿᑕᐅᓂᕐᒥᓂᒃ, ᓂᓐᖓᕕᒃᔪᐊᕐᐳᖅ, ᐱᖁᔨᓕᕐᐳᖅ ᓄᑕᕅᑦ ᓄᑲᑉᐱᐊᖑᒃᐸᑕ ᐱᑦᓕᐊᒦᑦᑐᑦ ᖃᓂᒋᔮᓃᑦᑐᓪᓗ ᑕᒪᕐᒥᒃ ᑐᖁᕋᕐᑕᐅᖁᓪᓗᒋᑦ, ᒪᕐᕉᖕᓂᒃ ᐊᕐᕌᒍᓖᑦ ᓄᑲᕐᖠᓪᓗ, ᑍᒤᓕᐅᓚᐅᕐᐳᖅ ᑖᒃᑯᐊ ᐅᓪᓗᕆᐊᖓᓂᒃ ᑕᑯᓚᐅᕐᑐᑦ ᑐᑭᓯᕕᒋᑦᓯᐊᓚᐅᕋᒥᒋᑦ ᖃᖓᐅᑎᓪᓗᒍ ᓴᖅᑭᓚᐅᕐᒪᖔᑦ.

ᐃᓗᐊᕐᓮᔩᑦ ᐊᒡᓚᖏᑦ 9:5

ᐊᑖᑕᒥᑕᓗ ᐃᒡᓗᖓᓄᐊᕐᐳᖅ ᐅᐸᕋᒦᑦᑐᒧᑦ, ᐅᔭᕋᒥ ᐊᑕᐅᓯᕐᒥ ᐊᑎᓕᖕᒥ ᖃᑕᓐᖑᑎᓂ 70 ᑐᖁᑉᐰᑦ ᔨᕈᐸᐅᓕᐅᑉ ᐃᕐᓂᖏᑦ, ᓄᑲᕐᓯᕐᐹᖅ ᔨᕈᐸᐅᓕᐅᑉ ᐃᕐᓂᖓ ᔫᑕᒻ, ᐃᔨᕋᒥ ᑐᖁᑕᐅᓚᐅᓐᖏᓚᖅ.