ᐊᑕᓃᑦ ᐂᑉᐸᖏᑦ 1:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᑕᓂᐅᓪᓕ ᐂᖏᓕᖓ ᐃᓔᑦᔭᒧᑦ ᐅᖃᕐᐳᖅ ᑎᔅᐰᑎᒥᐅᑕᕐᒧᑦ, “ᒪᑭᓪᓗᑎᑦ, ᓴᒥᐊᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᓕᔭᖏᒃ ᐸᕐᕆᐊᕐᓗᒋᒃ ᐊᐱᕆᒃᑭᑦ, ‘ᐃᓴᕆᐊᓕᒥ ᒎᑎᑕᖃᕈᓐᓃᕐᒫᑦ ᐃᑯᕋᓐᒥᐅᑦ ᒎᑎᖓᓐᓂᒃ ᐱᐅᓪᓯᐹᐱᒥᒃ ᖃᐅᔨᓇᓱᐊᕆᐊᕐᑐᕐᐱᓰᒃ?’

ᐊᑕᓃᑦ ᐂᑉᐸᖏᑦ 1:3 Iomraidhean Croise

ᐊᑕᓃᑦ ᓯᕗᓪᓖᑦ 11:33

ᕿᒤᓯᒪᓕᕐᒪᑦ ᐅᕙᓐᓂᒃ ᑐᒃᓯᐊᖃᑦᑕᓕᕐᓗᓂᓗ ᒎᑎᓐᖑᐊᓄᑦ ᐋᔅᑕᕉᑎᒧᑦ ᓮᑐᓂᒥᐅᑦ ᒎᑎᖓᓐᓄᑦ, ᑭᒧᓯᒧᓪᓗ, ᒧᐊᐱᒥᐅᑦ ᒎᑎᖓᓐᓄᑦ, ᒥᐅᓪᑲᒻᒧᓪᓗ ᐊᒧᓁᑎᑦ ᒎᑎᖓᓐᓄᑦ, ᐊᑐᕐᑕᐅᖁᔭᒃᑲ ᐊᑐᕈᓐᓃᕐᒪᒋᑦ ᐱᐅᔪᓂᒃ ᐱᓇᓱᐊᕈᓐᓃᕐᒪᑦ, ᐊᑖᑕᖓᑕ ᑍᕕᑎᐅᑉ ᒪᓕᑦᓯᐊᓚᐅᕐᑕᖏᓐᓂᒃ.

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᐊᑕᓃᑦ ᓯᕗᓪᓖᑦ 18:1

ᑕᒪᑐᒪ ᑭᖑᕐᖓᒍᑦ ᐅᓪᓗᐃᑦ ᐅᓄᕐᑐᑦ ᐊᓂᒍᕐᑎᓪᓗᒋᑦ ᐊᑕᓂᐅᑉ ᐅᖃᐅᓯᖓ ᑎᑭᑉᐳᖅ ᐃᓔᑦᔭᒧᑦ, ᐊᕐᕌᒍᐃᑦ ᐱᖓᔪᐊᓐᓂ, ᐅᖃᕐᓗᓂ, “ᐂᓕᕆᑦ, ᐂᕼᐊᑉᒧᑦ ᐅᐸᒍᑎᓗᑎᑦ; ᓯᓚᓗᒃᑎᑦᓯᓂᐊᓕᕋᒪ ᓄᓇᒧᑦ.”

ᐊᑕᓃᑦ ᓯᕗᓪᓖᑦ 18:36

ᑕᕝᕙᓂᓗ ᐅᓐᓄᒃᑯᑦ ᑐᓂᕐᕈᓯᓐᓂᖅ ᓇᓪᓕᐅᑎᖕᒪᑦ, ᐃᓔᑦᔭ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᖃᒡᓕᒋᐊᕐᓗᓂ ᐅᖃᕐᐳᖅ, “ᐊᑕᓃᖅ, ᐂᑉᕋᕼᐋᒻ, ᐂᓴᑭᐅᓪᓗ, ᐃᓴᕆᐊᓕᐅᓪᓗ ᒎᑎᖓ, ᐅᓪᓗᒥ ᖃᐅᔨᔭᐅᓕᕆᑦ ᐊᑕᓂᐅᒐᕕᑦ ᐃᓴᕆᐊᓕᐅᑉ ᒎᑎᖓ, ᐅᕙᖓᓗ ᐱᔨᒋᒐᕕᖓ, ᑕᒪᒃᑯᐊᓗ ᐱᓇᓱᐊᕐᑕᒃᑲ ᐅᖃᐅᓯᕆᓯᒪᔭᒃᑯᑦ ᐱᓇᓱᐊᖃᑦᑕᕋᒃᑭᑦ.

ᐊᑕᓃᑦ ᓯᕗᓪᓖᑦ 19:5

ᑕᕝᕙᓂᓗ ᓇᓚᓪᓗᓂ ᓯᓂᓕᕐᐳᖅ ᓇᐹᕐᑑᑉ ᐳᕉᒻᒥᒃ ᐊᑎᓕᐅᑉ ᑕᕐᕋᓕᓂᖓᓂ; ᑕᑯᒋᓪᓗ, ᐂᖏᓕᐅᑉ ᐊᒃᑐᕐᐹ, ᐅᖃᐅᑎᓪᓗᒍᓗ, “ᒪᑭᓪᓗᑎᑦ ᓂᕆᓕᕆᑦ.”

ᐊᑕᓃᑦ ᓯᕗᓪᓖᑦ 19:7

ᐊᑕᓂᐅᓪᓗ ᐂᖏᓕᖓ ᐂᑉᐸᖓᓂᒃ ᕾᒃᑲᓐᓂᕆᕗᖅ, ᐊᒃᑐᕐᐹᓗ, ᐅᖃᐅᕐᓗᓂᓗ, “ᒪᑭᓪᓗᑎᑦ ᓂᕆᓕᕆᑦ, ᐃᖏᕐᕋᓂᕆᓂᐊᕐᑍᑦ ᐊᔪᓗᐊᑦᓴᕐᓂᐊᕋᕕᐅᒃ.”

ᐊᑕᓃᑦ ᓯᕗᓪᓖᑦ 21:17

ᑕᕝᕙ ᐊᑕᓂᐅᑉ ᐅᖃᐅᓯᖓ ᑎᑭᑉᐳᖅ ᐃᓔᑦᔭᒧᑦ ᑎᓯᐰᑎᒥᐅᑕᕐᒧᑦ, ᐅᖃᕐᓗᓂ,

ᐊᑕᓃᑦ ᐂᑉᐸᖏᑦ 1:2

ᐊᕼᐊᔧᐊᓕ ᓴᒥᐊᕆᐊᒥ ᐊᓃᕋᔮᕐᕕᖕᒥᓂ ᖁᑦᓯᒃᑐᒥᑦ ᐃᔪᒃᑲᕐᓗᓂ ᐋᓐᓂᕐᐳᖅ, ᐋᓐᓂᕋᒥ ᓇᓪᓚᖓᓕᕐᐳᖅ ᐋᓐᓂᐊᓪᓗᓂ; ᐅᖃᕆᐊᕐᑐᕐᑎᑦᓯᔨᒥᓂᒃ ᑎᓕᓯᕗᖅ ᐅᖃᖁᓪᓗᒋᑦ ᐃᒫᒃ, “ᐃᑯᕋᓐᒧᐊᕐᓗᓯᒃ ᒎᑎᖓᑦ ᐱᐅᓪᓯᐹᐱ ᑐᑭᓯᓂᐊᕐᕕᒋᔭᕐᑐᒃᓯᐅᒃ, ᖃᐅᔨᕕᒋᓇᓱᐊᕐᓗᒍ ᐋᖅᑭᖕᓂᐊᕐᒪᖔᕐᒪ ᑕᒪᑐᒪᓐᖓᑦ ᐋᓐᓂᐊᓂᓐᓂᑦ.”

ᐊᑕᓃᑦ ᐂᑉᐸᖏᑦ 1:6

ᑖᒃᑯᐊ ᑭᐅᕚᑦ, “ᐊᖑᒻᒧᑦ ᐸᕐᕆᐊᕐᑕᐅᖅᑲᐅᒐᓐᓄᒃ, ‘ᐅᖃᕐᓗᓂᓗ, ᐊᖓᔪᖅᑳᕐᔪᐊᕐᒧᑦ ᑎᓕᓯᓚᐅᕐᑐᒧᑦ ᐅᑎᕐᓗᓯ ᐃᒫᒃ ᐅᖃᐅᑎᓯᐅᒃ, ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥ ᒎᑎᑕᖃᕈᓐᓃᕐᒫᑦ ᐃᑯᕋᓐᒥᐅᑦ ᒎᑎᖓᓐᓂᒃ ᐱᐅᓪᓯᐹᐱᒥᒃ ᖃᐅᔨᓇᓱᐊᕐᕕᖃᕆᐊᕐᑐᕐᐱᓰ? ᑍᒤᒻᒪᑦ ᐃᒡᓕᖅ ᓇᓚᕕᒋᔧᑦ ᒪᑭᕝᕕᒋᒃᑲᓐᓂᑦᔮᔪᓐᓃᕐᐸᑦ, ᑐᖁᑐᐃᓐᓇᕐᓂᐊᓕᕋᕕᑦ ᑕᕝᕙᓂ.’ ”

ᐊᑕᓃᑦ ᐂᑉᐸᖏᑦ 1:8

ᑖᒃᑯᐊ ᑭᐅᕚᑦ, “ᐊᖑᑦ ᑍᓐᓇ ᐊᓐᓄᕌᕐᓯᒪᔪᖅ ᒥᖅᑯᓕᖕᓂᒃ, ᑕᑦᓯᖃᕐᑐᖅ ᐊᒥᕕᓂᕐᒥᒃ.” ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐃᓔᑦᔭᐅᕗᖅ ᑎᔅᐰᑎᒥᐅᑕᖅ.”

ᐊᑕᓃᑦ ᐂᑉᐸᖏᑦ 5:15

ᑕᕝᕙ ᓁᒪᓐ ᐃᓚᒋᔭᓕᒫᑦᓯᐊᓂ ᐃᓚᒋᓪᓗᒋᑦ ᒎᑎᐅᑉ ᐃᓄᖁᑎᖓᓄᑦ ᐅᑎᕆᕗᑦ, ᓵᖓᓄᐊᕐᓗᓂ ᐅᖃᐅᑎᕚ, “ᑕᑯᒋᑦ, ᖃᐅᔨᕗᖓ ᓯᓚᕐᔪᐊᓕᒫᒥ ᒎᑎᑕᖃᓐᖏᓚᖅ ᐃᓴᕆᐊᓕᒥᐅᓂ ᑭᓯᐊᓂ, ᑭᒡᒐᕕᑦ ᑐᓂᕐᕈᑎᖏᑦ ᐃᓕᖕᓄᑦ, ᐱᔭᐅᖁᔭᕋᓗᐊᑲ.”

ᐊᑕᓃᑦ ᐂᑉᐸᖏᑦ 5:8

ᐃᓔᓴ ᒎᑎᐅᑉ ᐃᓄᖁᑎᖓ ᑐᓴᕋᒥ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᐊᓐᓄᕌᒥᓂᒃ ᐊᓕᒃᓯᖕᒪᑦ, ᐅᖃᐅᑦᔭᐅᒃᑲᕐᐹ ᐃᒫᒃ, “ᖃᓄᐃᒻᒪᑦ ᐊᓐᓄᕌᑎᑦ ᐊᓕᒃᐱᒌᑦ? ᑍᓐᓇ ᐊᖑᑦ ᐅᕙᓐᓄᑦ ᕾᑎᑕᐅᓚᐅᕐᓕ ᖃᐅᔨᓂᐊᕐᒪᑦ ᒎᑎᒧᑦ ᐅᖃᕐᑎᑕᖃᕐᓂᖓᓂᒃ ᐃᓴᕆᐊᓕᒥᐅᓂ.”

ᐃᓐᖏᕈᑎᑦ 76:1

ᔫᑕᒥᐅᓂᑦ ᒎᑎ ᖃᐅᔨᒪᔭᐅᕗᖅ ᐊᑎᖓᓗ ᐊᖏᔪᕐᔪᐊᖑᕗᖅ ᐃᓴᕆᐊᓕᒥ.

ᐂᓮᐊᓯᐅᑉ ᐊᒡᓚᖏᑦ 8:19

ᐅᖃᐅᑦᔭᐅᒍᕕᓪᓗ, “ᐊᐱᕐᓱᓚᐅᕆᑦ ᓯᕗᓂᒃᓴᒥᒃ ᓇᓚᐅᑦᑍᓲᓂᒃ ᑐᖁᖓᔪᓂᒡᓗ ᐅᖄᑎᑦᑎᓲᓂᒃ, ᖁᐸᓄᐊᑎᑐᑦ ᓂᑦᔭᒃᐸᒃᑐᑦ, ᓂᐱᑭᓗᐊᒧᓪᓗ ᑐᑭᓯᔭᒃᓴᐅᕙᖏᑦᑐᑦ, ᐃᓄᐃᑦ ᒎᑎᒥᖕᓂᒃ ᐊᐱᕐᓱᕆᐊᖃᓐᖏᓛᑦ? ᑐᖁᖓᔪᓂᒃ ᐊᐱᕐᓱᕆᐊᖃᕐᐹᑦ ᐃᓅᔪᑦ ᐱᑦᔪᑎᒋᓗᒋᑦ?

ᔫᓇᐅᑉ ᐊᒡᓚᖏᑦ 2:8

ᓱᓇᒃᓴᐅᖏᑦᑐᓄᑦ ᒎᑎᓐᖑᐊᓄᑦ ᑐᒃᓯᐊᕐᐸᒃᑐᑦ ᓈᒃᑭᒋᔭᐅᓂᒃᓴᒥᖕᓂᑦ ᕿᒤᕗᑦ.

ᒫᑯᓯᐅᑉ ᐊᒡᓚᖏᑦ 3:22

ᐱᖁᔭᓂᒃ ᐃᓕᓮᔩᑦ ᐃᓚᖏᑦ ᔨᕉᓴᓕᒻᒥᓐᖔᕐᓯᒪᔪᑦ ᐃᒫᒃ ᐅᖃᕐᐳᑦ, “ᔩᓱᓯᐅᓇ ᐱᐅᓪᓯᐹᐱᒥᒃ ᐃᓗᒻᒥᕐᑕᐅᓯᒪᒐᒥ, ᐊᓂᕐᓂᕐᓗᐃᑦ ᐊᖓᔪᖅᑳᖓᓐᓂᒃ, ᑖᑦᓱᒪ ᐱᔪᓐᓇᓂᕐᑖᕐᑎᓯᒪᔭᖓ ᐊᓂᕐᓂᕐᓗᖕᓂᒃ ᐊᓂᑎᑦᓯᔪᓐᓇᕐᑎᓪᓗᓂᐅᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:26

ᐊᑕᓂᐅᑉ ᐂᖏᓕᖓ ᐱᓕᑉᐴᓯᒧᑦ ᐅᖃᕐᐳᖅ, “ᓯᕿᓂᐅᑉ ᒥᒃᓵᓄᑦ ᐊᐅᓪᓚᕆᑦ ᐊᖅᑯᒻᒧᑦ ᔨᕉᓴᓕᒻᒥᑦ ᒑᓴᒧᓐᖓᐅᔪᒧᑦ ᐂᓗᑎᑦ”, ᑕᒪᓐᓇ ᐊᖅᑯᑦ ᓱᓇᖃᔪᐃᑦᑐᒃᑰᖓᕗᖅ.

ᓴᒧᐃᓕ ᓯᕗᓪᓖᑦ 17:46

ᐅᓪᓗᒥ ᑕᕝᕙᓂ ᐊᑕᓂᐅᑉ ᑐᓂᓂᐊᕐᐹᑎᑦ ᐱᔪᓐᓇᕐᓂᓐᓄᑦ, ᐱᒋᐊᕐᓂᐊᕐᐸᒋᑦ, ᓂᐊᖁᐃᓪᓗ ᓇᑲᓐᓂᐊᕐᐸᕋ; ᐅᓪᓗᒥᓗ ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓂ ᑎᒥᕕᓃᑦ ᑐᓂᓂᐊᕐᐸᕋ ᑎᖕᒥᐊᓄᑦ ᖃᖓᑕᖃᑦᑕᕐᑐᓄᑦ ᐅᒫᔪᓄᓪᓗ ᓄᓇᒦᑦᑐᓄᑦ; ᓄᓇᕐᔪᐊᕐᒥᐅᓕᒫᑦ ᖃᐅᔨᖁᓪᓗᒋᑦ ᐃᓴᕆᐊᓕᒥ ᒎᑎᑕᖃᕐᒪᑦ.