ᐊᑕᓃᑦ ᐂᑉᐸᖏᑦ 1:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᖓᔪᖅᑳᕐᔪᐊᕐᓗ ᐅᖃᐅᑎᕚ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᑎᓕᓯᓚᐅᕋᕕᑦ ᖃᐅᔨᓇᓱᐊᖁᓪᓗᒋᑦ ᐃᑯᕋᓐᒥᐅᑦ ᒎᑎᖓᓐᓄᑦ ᐱᐅᓪᓯᐹᐱᒧᑦ, ᒎᑎᑕᖃᕈᓐᓃᕐᒫᑦ ᐃᓴᕆᐊᓕᒥ ᖃᐅᔨᓇᓱᐊᕐᕕᒃᓴᒥᒃ? ᑍᒤᒻᒪᑦ ᐃᒡᓕᖅ ᓇᓚᕕᒋᔧᑦ ᓇᔪᐃᓐᓇᕐᓗᒍ ᑐᖁᔪᒫᓕᕐᐳᑎᑦ.’ ”

ᐊᑕᓃᑦ ᐂᑉᐸᖏᑦ 1:16 Iomraidhean Croise

ᐊᑕᓃᑦ ᓯᕗᓪᓖᑦ 22:28

ᒤᑬᐊᓕ ᐅᖃᕐᐳᖅ, “ᐅᑎᕋᔭᕈᕕᑦ ᖃᓄᐃᖏᑦᓯᐊᕐᓗᑎᑦ, ᐊᑕᓂᖅ ᑕᕝᕙ ᐅᕙᒃᑯᑦ ᐅᖃᓪᓚᒃᑐᕕᓂᐅᒐᔭᓐᖏᓚᖅ.” ᐅᖃᕐᐳᕐᓗ, “ᑐᓴᑦᓯᐊᕆᑦᓯ, ᑕᒪᑦᓯ ᐅᖃᐅᓯᓐᓂᒃ.”

ᐊᑕᓃᑦ ᐂᑉᐸᖏᑦ 1:6

ᑖᒃᑯᐊ ᑭᐅᕚᑦ, “ᐊᖑᒻᒧᑦ ᐸᕐᕆᐊᕐᑕᐅᖅᑲᐅᒐᓐᓄᒃ, ‘ᐅᖃᕐᓗᓂᓗ, ᐊᖓᔪᖅᑳᕐᔪᐊᕐᒧᑦ ᑎᓕᓯᓚᐅᕐᑐᒧᑦ ᐅᑎᕐᓗᓯ ᐃᒫᒃ ᐅᖃᐅᑎᓯᐅᒃ, ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥ ᒎᑎᑕᖃᕈᓐᓃᕐᒫᑦ ᐃᑯᕋᓐᒥᐅᑦ ᒎᑎᖓᓐᓂᒃ ᐱᐅᓪᓯᐹᐱᒥᒃ ᖃᐅᔨᓇᓱᐊᕐᕕᖃᕆᐊᕐᑐᕐᐱᓰ? ᑍᒤᒻᒪᑦ ᐃᒡᓕᖅ ᓇᓚᕕᒋᔧᑦ ᒪᑭᕝᕕᒋᒃᑲᓐᓂᑦᔮᔪᓐᓃᕐᐸᑦ, ᑐᖁᑐᐃᓐᓇᕐᓂᐊᓕᕋᕕᑦ ᑕᕝᕙᓂ.’ ”

ᐊᑕᓃᑦ ᐂᑉᐸᖏᑦ 20:1

ᐅᓪᓗᓂ ᑍᒃᑯᓇᓂ ᐊᖓᔪᖅᑳᕐᔪᐊᖅ ᕼᐃᓯᑬᐊ ᖃᓂᒻᒪᒃᐳᖅ ᑐᖁᓂᐅᓴᓕᕐᓗᓂ. ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᔭᕐᑐᕋᒥᐅᒃ ᐅᖃᐅᑎᕚ, “ᐃᒫᒃ ᐊᑕᓂᐅᑉ ᐅᖃᐅᑎᔭᐅᖁᕚᑎᑦ ᐅᐸᓗᖎᔭᕐᓯᒪᑦᓯᐊᕐᑐᒃᓴᐅᕗᑎᑦ; ᑐᖁᓂᐊᓕᕋᕕᑦ ᐋᖅᑭᑦᔮᔪᓐᓃᕐᓗᑎᑦ.”

ᐊᑕᓃᑦ ᐂᑉᐸᖏᑦ 5:21

ᒋᕼᐋᓯ ᑕᕝᕙ ᑐᐊᕕᕐᓗᓂ ᓁᒪᓐᑯᓐᓂᒃ ᐊᓐᖑᑎᓵᕋᓱᐊᓕᕐᐳᖅ. ᓁᒪᐅᑉ ᑕᑯᒐᒥᐅᒃ ᒥᒃᓯᒧᑦ ᐅᓪᓚᒃᑐᖅ ᕿᒧᒃᓯᐅᑎᒥᓂᑦ ᐊᒃᓴᓗᐊᓕᖕᒥᑦ ᓂᐅᓪᓗᓂ ᐸᕆᐊᕐᑐᕐᐹ, ᐊᐱᕆᓪᓗᒍᓗ, “ᖃᓄᐃᑦᑐᖃᖏᒃᑲᓗᐊᕐᐹ?”

ᐊᑕᓃᑦ ᐂᑉᐸᖏᑦ 8:10

ᐃᓔᓴᐅᑉ ᑭᐅᕚ, “ᐂᓕᕆᑦ, ᐅᖃᐅᑎᓗᒍᓗ ᐋᖅᑭᖕᓂᐊᕐᐳᑎᑦ; ᐊᑕᓂᐅᓪᓕ ᑕᑯᑎᓚᐅᕐᐹᖓ ᐃᓅᑦᔮᖏᓐᓂᖓᓂᒃ.”

ᐊᑕᓃᑦ ᐂᑉᐸᖏᑦ 8:8

ᐃᑲᔪᕐᑎᒥ ᐃᓚᖓᑦ ᕼᐊᔧᐅᓪ ᐅᖃᐅᑎᕚ, “ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᑐᓂᕐᕈᑎᒃᓴᒡᒋᕐᓗᑎᑦ ᐂᓚᐅᕆᑦ ᖃᐅᔨᓇᓱᐊᕐᕕᒋᓂᐊᕋᕕᐅᒃ ᐋᖅᑭᓛᕐᒪᖔᕐᒪ ᐋᖅᑭᓛᖏᒻᒪᖔᕐᒪᓘᓐᓃᑦ.”

ᐃᓐᖏᕈᑎᑦ 132:3

“ᐊᖏᕐᕋᓐᓄᑦ ᐃᑎᕐᓂᐊᓐᖏᓚᖓ, ᐃᒡᓕᓐᓄᓪᓘᓐᓃᑦ ᓇᓪᓚᕆᐊᕐᑐᕐᓂᐊᓐᖏᓚᖓ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:19

ᐃᓱᐊᕐᑐᒥᒃ ᑲᔪᓯᔪᖅ ᐃᓅᔪᒫᕐᐳᖅ, ᐱᐅᖏᑦᑐᒥᒡᓕ ᐱᓇᓱᐊᕐᑐᖅ ᑐᖁᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 14:4

“ᑍᒤᒻᒪᑦ ᐅᖃᐅᑎᒃᑭᑦ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᐅᑉ ᑭᖑᕚᖏᓐᓂ ᒎᑎᓐᖑᐊᖃᕐᓂᕐᒧᑦ ᐅᒃᐱᕆᔭᖃᓪᓚᕆᓕᕐᑐᖃᕐᐸᑦ ᐊᔪᕐᑐᓕᓂᕐᒥᖕᓂᒡᓗ ᐊᒡᕕᐊᕈᑎᖃᕐᓗᓂ, ᐱᔪᖃᓛᕐᑐᒥᒡᓗ ᐅᖃᕐᑎᓐᓄᑦ ᐅᐸᒍᑎᒃᐸᑦ, ᐅᕙᖓ ᐊᑕᓂᖅ ᓇᖕᒥᓂᖅ ᑭᐅᒐᔭᕐᐸᕋ ᒎᑎᓐᖑᐊᖃᕐᓂᖓᓄᑦ ᐅᓄᓗᐊᕐᑐᓂᒃ.