ᐊᑕᓃᑦ ᐂᑉᐸᖏᑦ 1:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᓔᑦᔭᐅᓪᓕ ᐅᓇᑕᕐᑐᒃᓴᑦ ᐊᖓᔪᖅᑳᖓᑦ ᑭᐅᕚ, “ᒎᑎᒧᑦ ᐃᓄᖁᑎᒋᔭᐅᒍᒪ, ᐃᑯᒪᒥᒃ ᕿᓚᖕᒥᑦ ᑲᑕᒃᑐᖃᓕᕐᓕ ᐃᓕᖕᓂᒃ ᐅᓇᑕᕐᑐᒃᓴᖁᑎᖕᓂᒡᓗ 50ᓂᒃ ᐃᑯᐊᓪᓔᓂᐊᕐᑐᒥᒃ.” ᑕᕝᕙ ᐃᑯᒪ ᕿᓚᖕᒥᑦ ᑲᑕᒃᐳᖅ ᐅᓇᑕᕐᑐᒃᓮᑦ 50 ᐊᖓᔪᖅᑳᖓᓪᓗ ᐃᑯᒪᒧᑦ ᑐᖁᑕᐅᕗᑦ.

ᐊᑕᓃᑦ ᐂᑉᐸᖏᑦ 1:10 Iomraidhean Croise

ᐊᑕᓃᑦ ᓯᕗᓪᓖᑦ 22:28

ᒤᑬᐊᓕ ᐅᖃᕐᐳᖅ, “ᐅᑎᕋᔭᕈᕕᑦ ᖃᓄᐃᖏᑦᓯᐊᕐᓗᑎᑦ, ᐊᑕᓂᖅ ᑕᕝᕙ ᐅᕙᒃᑯᑦ ᐅᖃᓪᓚᒃᑐᕕᓂᐅᒐᔭᓐᖏᓚᖅ.” ᐅᖃᕐᐳᕐᓗ, “ᑐᓴᑦᓯᐊᕆᑦᓯ, ᑕᒪᑦᓯ ᐅᖃᐅᓯᓐᓂᒃ.”

ᐊᑕᓃᑦ ᐂᑉᐸᖏᑦ 1:11

ᑕᕝᕙ ᐊᖓᔪᖅᑳᕐᔪᐊᖅ ᑎᓕᓯᒃᑲᓐᓂᕆᕗᖅ ᐃᓔᑦᔭᒧᑦ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓂᒃ ᐅᓇᑕᕐᑐᒃᓴᖁᑎᖏᑦ 50 ᐃᓚᒋᓪᓗᒋᑦ, ᐅᓇᑕᕐᑐᒃᓮᓪᓗ ᐊᖓᔪᖅᑳᖓᑦ ᐅᖃᕐᐳᖅ, “ᒎᑎᐅᑉ ᐃᓄᖁᑎᖓ, ᐊᖓᔪᖅᑳᕐᔪᐊᖅ ᐱᖁᔨᖕᒪᑦ ᑐᐊᕕᕐᓗᑎᑦ ᕾᓚᐅᕆᑦ!”

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᔫᐱᐅᑉ ᐊᒡᓚᖏᑦ 1:16

ᓱᓕ ᑖᓐᓇ ᐅᖃᓪᓚᒃᑎᓪᓗᒍ, ᐱᔨᖓᑦᑕ ᐃᓚᖓᑦ ᕾᒋᕗᖅ ᐅᖃᕐᓗᓂᓗ, “ᑲᓪᓕᐅᑉ ᖃᐅᒻᒪᓪᓚᖕᓂᖓᓄᑦ ᓰᐱᓕᒫᑦ ᑐᖁᑕᐅᕗᑦ ᓰᐱᓕᕆᔨᓕᒫᓪᓗ, ᐅᕙᖓᓕ ᐊᒥᐊᒃᑯᑑᕗᖓ ᕿᒫᖅᑲᐅᒐᒪ ᐅᖃᐅᑎᔪᒪᓪᓗᑎᑦ.”

ᐃᓐᖏᕈᑎᑦ 105:15

ᐅᖃᕐᓗᓂ, “ᐅᕐᓱᕐᑎᕐᓯᒪᔭᒃᑲ ᐊᒃᑐᕐᓂᐊᕋᓯᒋᒃ, ᐅᖃᕐᑎᒃᑲᓗ ᐋᓐᓂᕐᑕᐅᑦᑍᓕᓕᑦ!”

ᐃᓐᖏᕈᑎᑦ 106:18

ᐃᑯᒪᑦᑕᐅᖅ ᐃᑯᐊᓪᓔᓚᐅᕐᐳᖅ ᐃᓚᒋᔭᖏᓐᓂᒃ; ᐃᑯᒪᐅᑉ ᐆᓚᐅᕐᐰᑦ ᐱᐅᖏᑦᑐᑦ.

ᑖᓂᐊᓕᐅᑉ ᐊᒡᓚᖏᑦ 3:22

ᐊᖓᔪᖅᑳᕐᔪᐊᑉ ᑕᕝᕙᑲᐅᑎᒋ ᐱᖁᔨᓪᓚᕆᖕᓂᖓᓄᑦ ᐃᒐᐅᓪᓗ ᐆᓇᓗᐊᓕᕐᓂᖓᓄᑦ, ᐅᓇᑕᕐᑐᒃᓮᑦ ᑕᕝᕗᖓᐅᑦᔨᔪᑦ ᓵᑐᕌᑭᒥᒃ ᒥᓵᑭᒥᒡᓗ ᐊᐱᓐᑎᒎᒥᒡᓗ, ᐃᑯᒪᐅᑉ ᐊᓂᓪᓚᖃᑦᑕᕐᓂᖓᓄᑦ ᐆᓪᓗᑎᒃ ᑐᖁᕗᑦ.

ᑖᓂᐊᓕᐅᑉ ᐊᒡᓚᖏᑦ 3:25

ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᑕᑯᒋᑦ! ᑕᑯᕗᖓ ᐊᖑᑎᓂᒃ ᓯᑕᒪᓂᒃ, ᐃᑯᒪᐅᑉ ᐃᓗᐊᓂ ᐱᓱᑲᑕᒃᑐᓂᒃ ᖃᓄᐃᖏᑦᑐᓂᒃ; ᓯᑕᒪᖓᓪᓗ ᒎᑎᑦ ᐃᕐᓂᖓᑐᑦ ᑕᐅᑦᑐᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 6:24

ᐊᖓᔪᖅᑳᕐᔪᐊᑉ ᐱᖁᔨᓂᖓᓄᑦ, ᐊᖑᑎᑦ ᑖᓂᐊᓕᒥᒃ ᓱᓕᖏᑦᑐᒥᒃ ᐸᓯᒃᓯᕋᓱᓚᐅᕐᑐᑦ, ᕾᑎᑕᐅᕗᑦ ᐃᒋᑕᐅᓪᓗᑎᒃᓗ ᓛᔧᑦ ᓯᑎᖓᓄᑦ, ᓄᓕᐊᖏᑦ ᕿᑐᕐᖓᖏᓪᓗ ᐃᓚᒋᓪᓗᒋᑦ; ᓛᔭᒃᑯᕕᐅᑉ ᓇᑎᖓᓄᑦ ᓱᓕ ᑐᓚᐅᕐᑎᓐᓇᒋᑦ ᓛᔭᓂᑦ ᐊᑯᕐᑕᐅᓪᓗᑎᒃ ᓴᐅᓂᖏᑦ ᓯᖁᓪᓗᕐᑕᐅᕗᑦ.

ᒨᓯᓯ ᐱᖓᔪᖏᑦ 10:2

ᐃᑯᒪᓗ ᐊᓂᕗᖅ ᐊᑕᓂᐅᑉ ᓇᔪᒐᖓᓂᑦ ᐃᓅᒃ ᑖᒃᑯᐊᒃ ᓄᖑᓪᓗᒋᒃ, ᑖᒃᑯᐊᒃ ᑐᖁᕘᒃ ᐊᑕᓂᐅᑉ ᓵᖓᓂ.

ᒨᓯᓯ ᓯᑕᒪᖏᑦ 11:1

ᐃᓄᒋᐊᒃᑐᕐᔪᐊᓪᓕ ᐅᖁᒤᒃᓴᕐᓂᕐᒥᒃ ᓈᒻᒪᒃᓴᕋᑎᒃ ᓂᓪᓕᐊᓕᕐᒪᑕ, ᐊᑕᓂᖅ ᖁᕕᐊᓱᓚᐅᓐᖏᓚᖅ; ᐊᑕᓂᐅᑉ ᑐᓵᓚᐅᕐᒪᒋᑦ ᓂᓐᖓᐅᒪᓂᖓᓗ ᐊᐅᓚᑦᔭᒃᑕᐅᓚᐅᕐᐳᖅ. ᑍᒤᒻᒪᑦ ᐊᑕᓂᐅᑉ ᐃᑯᒪᖓ ᐃᑯᐊᓚᓚᐅᕐᐳᖅ ᐊᑯᓐᓂᖓᓐᓂ, ᑕᖕᒫᕐᓯᒪᕕᐅᓪᓗ ᓯᓚᑖᓂ ᐃᑯᐊᓪᓚᓚᐅᕐᐳᖅ.

ᒨᓯᓯ ᓯᑕᒪᖏᑦ 16:35

ᐃᑯᒪᓗ ᐊᖅᑲᕐᐳᖅ ᐊᑕᓂᕐᒥᑦ ᓄᖑᓪᓗᒋᓪᓗ 250 ᐊᖑᑎᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᑐᓂᕐᕈᓯᕐᑐᑦ.

ᒫᑎᐅᓯᐅᑉ ᐊᒡᓚᖏᑦ 21:41

ᑖᒃᑯᐊ ᐅᖃᕐᐳᑦ, “ᓂᑲᒋᖏᑦᓯᐊᕐᓗᒋᑦ ᐱᐅᖏᑦᑐᓕᔪᑦ ᑐᖁᒃᑲᔭᕐᐰᑦ, ᐱᕈᕐᓰᕕᒃ ᑲᒪᔨᓄᑦ ᐊᓯᖏᓐᓄᑦ ᑲᒪᒋᔭᐅᑎᓕᕋᔭᕐᐹ ᐱᕈᕐᑐᖏᓐᓂᒃ ᐱᖃᑕᐅᑎᑦᓯᖃᑦᑕᕋᔭᕐᑐᓄᑦ ᑲᑎᕐᓱᐃᕕᒃ ᓇᓪᓕᐅᑎᔭᕌᖓᑦ.”

ᓘᑲᓯᐅᑉ ᐊᒡᓚᖏᑦ 9:54

ᐃᓕᓐᓂᐊᕐᑎᖏᑕ ᔧᒥᓯᐅᑉ ᔪᐊᓇᓯᐅᓪᓗ ᑕᒪᓐᓇ ᑐᓴᕋᒥᒃᑯᒃ, ᔩᓱᓯᒧᑦ ᐅᖃᕐᐴᒃ, “ᐊᑕᓃᖅ, ᕿᓚᖕᒥᑦ ᐃᑯᒪᒥᒃ ᑲᑕᒃᑐᖃᖁᓪᓗᒍ ᑐᒃᓯᐊᖁᕕᑎᒃᑰᒃ ᐃᓚᓕᐅᕐᓯᔪᒪᖏᑦᑐᑦ ᓄᖑᑕᐅᖁᓪᓗᒋᑦ?”

ᐋᐴᓯᑕᓖᑦ ᐱᓂᐊᕐᓂᖏᑦ 12:19

ᐃᕉᑕᓯᐅᓪᓕ ᕿᓂᕐᑕᐅᑎᓕᕐᐹ ᓇᓂᔭᐅᔪᓐᓇᖏᒻᒪᓪᓕ, ᐅᓇᑕᕐᑐᒃᓮᑦ ᑲᒪᔨᐅᔪᑦ ᐊᐱᕐᓱᕐᑕᐅᑎᓕᕐᐰᑦ ᐊᐱᕐᓱᕐᑕᐅᔭᕇᕐᒪᑕ ᑐᖁᑕᐅᔭᕐᑐᖁᓕᕐᐰᑦ. ᑕᒪᑐᒪᓗ ᑭᖑᓂᖓᒍᑦ ᐃᕉᑕᓯ ᔫᑎᐊᒥᑦ ᓯᓴᕆᐊᒧᐊᕐᐳᖅ ᑍᑲᓃᓕᕐᓗᓂ.

ᐄᑉᕈᐃᓄᑦ 12:29

ᒎᑎᕗᑦ ᐃᑯᒪᐅᖕᒪᑦ ᓄᖒᑦᓯᔪᕐᔪᐊᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:5

ᑖᒃᑯᐊᒡᓕ ᓇᓪᓕᐊᓐᓄᑦ ᐊᓯᕈᕐᑕᐅᓇᓱᐊᕐᐸᑎᒃ, ᐃᑯᒪᒥᒃ ᐋᓐᓂᑎᑦᓯᔪᓐᓇᕐᐴᒃ ᖃᓂᕐᒥᖕᓂᑦ ᐊᑭᕋᕐᑐᕐᑎᑎᒃ ᓄᖑᓪᓗᒋᑦ; ᓇᓪᓕᐊᑦ ᑖᒃᑯᖕᓂᖓ ᐊᓯᕈᐃᓇᓱᐊᕐᑐᖅ ᑍᒫᒃ ᑐᖁᑕᐅᔪᒃᓴᐅᕗᖅ.