ᑯᕆᓐᑎᐊᒥᐅᓄᑦ ᐂᑉᐸᖏᑦ 9:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᒎᑎᐅᓪᓗ ᑐᓂᓯᕕᒋᔪᓐᓇᕐᐹᓯ ᓮᒻᒪᕐᑎᑕᐅᓂᕐᓂᒃ ᐊᒥᒐᖏᑦᑐᓂᒃ, ᑕᒤᓐᓂᒃ ᓈᒻᒪᒃᑐᓂᒃ ᓱᓇᑐᐃᓐᓇᕐᓂᒃ ᐱᑕᕾᓐᓇᖁᓪᓗᓯ ᑐᓂᓯᔪᓐᓇᖁᓪᓗᓯᓗ ᓈᒻᒪᒃᑐᓂᒃ ᐱᐅᔪᒧᑦ ᐱᓇᓱᐊᕈᑎᒃᓴᐅᔪᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:8 Iomraidhean Croise

ᑯᕉᓂᑲ ᐂᑉᐸᖏᑦ 25:9

ᐊᒪᔧᐊᓗ ᐅᖃᕐᐳᖅ ᒎᑎᐅᑉ ᐃᓄᖁᑎᖓᓄᑦ, “ᖃᓄᐃᓕᐅᕐᑐᒃᓴᐅᓕᕐᐱᑕᓕ ᐊᑭᓕᐅᑎᒋᓚᐅᕐᑕᒃᑲ 100 ᑖᓚᓐᑏᑦ ᐅᓇᑕᕐᑐᒃᓴᓄᑦ ᐃᓴᕆᐊᓕᒥᐅᓅᑦ ᐱᑦᔪᑎᒋᓗᒋᑦ?” ᒎᑎᐅᑉ ᐃᓄᖁᑎᖓ ᑭᐅᕗᖅ, “ᐊᑕᓂᐅᑉ ᑖᒃᑯᓇᓐᖓᑦ ᐅᓄᕐᓂᕐᓴᓂᒃ ᑐᓂᓯᕕᒋᔪᓐᓇᕐᐹᑎᑦ.”

ᐃᓐᖏᕈᑎᑦ 84:11

ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:22

ᐊᑕᓂᐅᑉ ᓮᒻᒪᕐᑎᑦᓯᓂᖓ ᐊᒃᓗᐃᑎᑦᓯᕗᑦ, ᕿᒃᓵᖕᓇᕐᑐᓂᒡᓗ ᐃᓚᓯᒪᓇᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:24

ᑐᓂᐅᖅᑬᖃᑦᑕᕐᑐᖅ ᐊᓐᓂᕈᓱᒐᓂ ᐊᔪᕐᓴᕈᓐᓃᕐᐸᓪᓕᐊᕗᖅ, ᐊᓯᐊᓕ ᐱᓯᒪᓇᓱᐊᕐᑐᖅ ᑐᓂᔭᕆᐊᖃᕐᑕᒥᓂᒃ, ᐊᔪᕐᓴᓕᕈᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:27

ᓇᓪᓕᐊᑦ ᐊᔪᕐᓴᕐᑐᒧᑦ ᑐᓂᓯᔪᖅ ᐊᒥᒐᕐᓯᓕᕐᓂᐊᓐᖏᓚᖅ, ᓇᓪᓕᐊᓪᓕ ᐃᔨᒥᓂᒃ ᒪᑐᓯᔪᖅ ᐅᓄᕐᑐᓂᒃ ᐃᓱᒪᓂᕐᓗᒡᕕᐅᔪᒫᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:9

ᐊᑕᓂᖅ ᐅᐱᒋᒍᒃ ᑐᓂᕐᕈᓯᕐᓂᒃᑯᑦ ᐃᓕᖕᓂᑦ ᐱᔪᓄᑦ ᓱᓇᓕᒫᑎᒍᑦ ᐱᕈᕐᑎᑕᕕᑦ ᓯᕗᓪᓕᕐᐹᖏᓐᓂᑦ.

ᕼᐊᒊᑉ ᐊᒡᓚᖏᑦ 2:8

‘ᓯᐅᓪᕕᕇᑦ ᐱᒋᕙᒃᑲ, ᒎᓗᐃᓪᓗ ᐱᒋᒋᕙᒃᑲ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 3:10

ᑕᓪᓕᒪᐅᔪᐃᕈᑎᓯ ᐊᑕᖏᕐᓗᒋᑦ ᑐᓂᕐᕈᑎᒃᑯᕕᖕᒧᐊᓚᐅᕐᓯᒋᒃ, ᓂᕿᒃᓴᖃᓕᖁᓪᓗᒍ ᐃᒡᓗᓐᓂ; ᑕᒪᑐᒧᖓ ᐆᒃᑐᕋᓚᐅᕐᓯᓐᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᕿᓚᐅᑉ ᐃᒐᓛᖏᑦ ᐃᓕᑦᓯᓐᓄᑦ ᒪᑐᐃᕐᓂᐊᖏᒻᒪᖔᒃᑭᑦ ᑯᕕᓯᓂᐊᖏᒻᒪᖔᕐᒪᓗ ᓮᒻᒪᕐᑎᑦᓯᓂᓐᓂᒃ ᐊᒥᒐᓐᖏᓗᐊᕐᑐᒥᒃ ᐃᓕᑦᓯᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:36

ᔮᐸᒥ ᐃᓕᓐᓂᐊᕐᑎᑕᖃᓚᐅᕐᐳᖅ ᑕᐱᓴᒥᒃ ᐊᑎᓕᖕᒥᒃ, ᒍᕇᑭᑎᑐᑦ ᑍᔭᐅᔪᒥᒃ ᑑᑲᓯᒥᒃ, ᑖᓐᓇ ᐱᓂᐊᕐᓂᖃᑦᓯᐊᓚᐅᕐᐳᖅ ᐃᑲᔪᑦᓯᐊᕐᐸᒡᓗᓂᓗ ᐊᔪᕐᓴᕐᑐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:58

ᑍᒤᒻᒪᑦ ᐃᓚᒃᑳ, ᓱᕐᕋᔪᐃᑦᑑᓗᓯ ᓇᖏᕆᑦᓯ, ᓱᓇᑐᐃᓐᓇᕐᒧᑦ ᐊᐅᓚᑕᐅᓕᕐᑍᓕᓗᓯ, ᐃᓕᑦᓯᓐᓂᒃ ᑍᒪᓐᖓᑦ ᑐᓂᓯᒪᓗᓯ ᐊᑕᓂᐅᑉ ᐱᓇᓱᐊᕐᓂᖓᓄᑦ, ᖃᐅᔨᒪᒐᑦᓯ ᐱᓇᓱᐊᕐᓂᓯ ᐊᑕᓂᕐᒥ ᑕᒪᐅᖓᑐᐃᓐᓈᕐᑐᖃᕐᓂᐊᖏᒻᒪᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:3

ᖃᐅᔨᑎᑕᐅᔪᒪᒐᑦᓯᓕ ᙭ᔅᑑᓯ ᐅᕙᒃᑯᑦ ᐅᖃᓪᓚᖕᒪᖔᑦ. ᑖᓐᓇ ᓵᓐᖐᑦᑐᓐᖏᓚᖅ ᐃᓕᑦᓯᓐᓄᑦ ᐱᓇᓱᐊᓕᕈᓂ; ᐱᔪᓐᓇᕐᓂᕐᒥᓂᒡᓕ ᑕᑯᑎᓐᓂᐊᕐᐹᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:19

ᑕᒪᑐᒧᖓᑑᓐᖏᓚᕐᓗ, ᐅᒃᐱᕐᑑᖃᑎᒌᓂᓪᓕ ᓂᕈᐊᕐᑕᐅᓯᒪᒋᕗᖅ ᐅᕙᑦᑎᓐᓄᑦ ᐃᖏᕐᕋᖃᑕᐅᖁᓪᓗᒍ ᑐᓂᕐᕈᑎᓂᒃ ᓇᒃᓴᕐᓗᑕ ᐊᑕᓂᐅᑉ ᓂᕐᑐᕐᑕᐅᑦᔪᑎᒃᓴᖓᓄᑦ, ᐃᑲᔪᕈᒪᓂᑦᑎᓐᓂᒡᓗ ᓴᖅᑭᑎᑦᓯᑦᔪᑎᒋᔭᑦᑎᓐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:2

ᐅᖁᒤᑦᑐᓄᑦ ᐊᖏᔪᒥᒃ ᐆᒃᑐᕐᑕᐅᒐᓗᐊᕋᒥᒃ; ᖁᕕᐊᓱᖕᓂᕐᔪᐊᖃᕐᐳᑦ, ᐊᔪᕐᓴᕐᑐᒻᒪᕆᐅᒐᓗᐊᕐᓗᑎᒡᓗ ᐊᓐᓂᕈᓱᖏᑦᓯᐊᕐᓗᑎᒃ ᑐᓂᓯᑦᓯᐊᓚᐅᕐᐳᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:7

ᑕᒤᓐᓂᒡᓕ ᐊᔪᕐᓴᓐᖏᓚᓯ, ᐅᒃᐱᕐᓂᒃᑯᑦ, ᐅᖃᓪᓚᖕᓂᕐᒥᒃ, ᖃᐅᔨᑎᑕᐅᓂᕐᒥᒃ, ᐃᑲᔪᕈᒪᑦᓯᐊᕐᓂᕐᒥᒃ, ᐅᕙᑦᑎᓐᓂᒡᓗ ᓇᒡᓕᒍᓱᖕᓂᕐᒥᒃ; ᑍᒫᒃᑕᐅᖅ ᑕᒪᓐᓇ ᐱᓇᓱᐊᑦᓯᐊᕐᓂᖅ ᐃᓕᑦᓯᓐᓄᑦ ᑲᔪᓯᑎᑕᐅᖁᕙᕋ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:11

ᐊᔪᕐᓴᕐᑎᑕᐅᓂᐊᓐᖏᓚᓯ ᑕᒤᑎᒍᑦ ᐊᓐᓂᕈᓱᒐᓯ ᑐᓂᓯᔪᓐᓇᖁᓪᓗᓯ, ᐅᕙᑦᑎᒍᓪᓗ ᒎᑎᒧᑦ ᖁᔭᓕᑦᔪᑕᐅᓂᐊᕐᐳᓯ ᐊᓐᓂᕈᓱᒐᓯ ᑐᓂᓯᓂᑦᓯᓐᓄᑦ;

ᐃᐱᓯᒥᐅᓄᑦ 2:10

ᒎᑎᐅᑉ ᓴᓇᓯᒪᕚᑎᒍᑦ, ᙭ᔅᑑᓯ ᔩᓱᓯᒃᑯᑦ ᐱᓐᖑᕐᑎᓚᐅᕐᐹᑎᒍᑦ ᐱᓇᓱᐊᑦᓯᐊᖁᓪᓗᑕ, ᒎᑎᐅᑉ ᑕᒪᓐᓇ ᓯᕗᓂᖓᒍᑦ ᐅᐸᓗᖕᒊᔭᕇᕐᓯᒪᓚᐅᕐᐹ, ᑍᒤᓕᐅᖁᓪᓗᑕ.

ᐃᐱᓯᒥᐅᓄᑦ 3:20

ᑖᑦᓱᒪᓕ ᐱᔪᓐᓇᕐᓂᕐᒥᒍᑦ ᐅᕙᑦᑎᓐᓂ ᐱᓇᓱᐊᕐᑑᑉ ᐱᓇᓱᐊᕐᕕᒋᔪᓐᓇᕐᐹᑎᒍᑦ ᐱᔪᒪᔪᓐᓇᕐᑕᑦᑕ ᐃᓱᒪᒋᔪᓐᓇᕐᑕᑦᑕᓗ ᐅᖓᑖᓃᑦᑐᓂᒃ,

ᐱᓕᐱᒥᐅᓄᑦ 4:11

ᑕᒪᑐᒥᖓ ᐅᖃᓐᖏᓚᖓ ᖁᔭᓈᕐᑕᐅᓇᓱᒋᓂᕐᒧᑦ; ᑐᑭᓯᓯᒪᒐᒪ ᖃᖓᓕᒫᖅ ᖃᓄᐃᑦᑐᒦᒃᑲᓗᐊᕈᒪ ᐱᒋᔭᓐᓂᒃ ᓈᒻᒪᒃᓴᕆᐊᖃᕐᓂᓐᓂᒃ.

ᑯᓘᓯᐊᒥᐅᓄᑦ 1:10

ᐃᓅᓯᖃᕈᓐᓇᖁᓪᓗᓯ ᐊᑕᓂᐅᑉ ᓈᒻᒪᒋᔭᖓᒍᑦ, ᖁᕕᐊᒋᔭᐅᓗᓯᓗ ᑖᑦᓱᒧᖓ, ᐃᓅᓯᑦᓯᒍᓪᓗ ᐱᐅᔪᓂᒃ ᐱᕈᕐᑎᑦᓯᖁᓪᓗᓯ ᐊᑦᔨᒌᖏᑦᑐᓂᒃ ᖃᐅᔨᕙᓪᓕᐊᓗᓯᓗ ᒎᑎᒥᒃ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:17

ᑖᑦᓱᒪ ᓮᒻᒪᕐᑎᓪᓕᓯ ᐆᒻᒪᑎᑦᓯᒍᑦ ᐱᐅᔪᒥᒡᓗ ᐱᓂᐊᕐᓂᖃᕈᓐᓇᕐᓯᑎᓪᓕᓯ ᐅᖃᕈᓐᓇᕐᓯᑎᓪᓗᓯᓗ.

ᑎᒧᑎᒧᑦ ᐂᑉᐸᖏᑦ 2:21

ᐱᐅᖏᓐᓇᕐᑐᓂᒃ ᐊᑐᕐᑍᓕᔪᖃᕈᓐᓇᕐᐸᑦ ᑖᓐᓇ ᐊᑐᒐᒃᓴᓐᖑᕐᑎᑕᐅᓂᐊᕐᐳᖅ ᓇᓪᓕᐅᓐᓂᕐᓯᐅᕐᑐᓂ, ᓴᓂᕐᕙᒃᑕᐅᓯᒪᓂᐊᕐᐳᕐᓗ ᐊᖓᔪᖅᑳᒥᓄᑦ ᐱᓪᓚᕆᖕᒧᑦ ᐊᑐᒐᒃᓴᐅᖁᓪᓗᒍ, ᐊᑐᐃᓐᓇᐅᓗᓂ ᓱᓇᑐᐃᓐᓇᕐᓄᑦ ᐱᐅᔪᓄᑦ ᐊᑐᕐᑐᒃᓴᐅᓗᓂ.

ᑎᒧᑎᒧᑦ ᐂᑉᐸᖏᑦ 3:17

ᒎᑎᐅᑉ ᐃᓄᖁᑎᖓ ᓈᒻᒪᒃᓯᑦᓯᐊᖁᓪᓗᒍ, ᐱᓇᓱᐊᕈᓐᓇᕐᓯᖁᓪᓗᒍᓗ ᐱᐅᔪᓂᒃ ᐱᓇᓱᐊᕐᓂᓕᒫᓂᒃ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᑍᑑᓯᒧᑦ 3:14

ᐃᓅᖃᑎᕗᑦ ᐱᓂᐊᑦᓯᐊᕈᓐᓇᕐᓂᕐᒥᒃ ᐃᓕᓐᓂᐊᕈᓐᓇᖁᓪᓗᒋᑦ, ᐃᑲᔪᕐᑕᐅᔭᕆᐊᖃᓪᓚᕆᒃᑐᓂᒃ ᐃᑲᔪᕈᓐᓇᕐᓯᖁᓪᓗᒋᑦ, ᐊᑑᑎᖃᖏᑦᑐᒥᒡᓗ ᐃᓅᓯᖃᖁᓇᒋᑦ.

ᑍᑑᓯᒧᑦ 3:8

ᑕᒪᑦᔭ ᐅᖃᐅᓯᖅ ᓱᓕᔪᖅ. ᑕᒪᒃᑯᓂᖓ ᐃᒃᐱᒍᓱᑦᓯᐊᕐᓗᑎᑦ ᐊᔪᕆᕐᑐᐃᖁᕙᒋᑦ, ᒎᑎᒧᑦ ᐅᒃᐱᕐᑐᑦ ᐱᓇᓱᐊᑦᓯᐊᕈᒪᓂᕐᒥᒃ ᑲᔪᖏᓕᖁᓪᓗᒋᑦ ᐱᕕᖃᕐᓂᓕᒫᒥᒍᑦ; ᑍᒤᓕᐅᕐᓃᑦ ᑕᒪᒃᑯᐊ ᐱᐅᖕᒪᑕ ᐊᑐᕐᓇᕐᑑᓪᓗᑎᒡᓗ ᐃᓄᓕᒫᓄᑦ.

ᐲᑦᑐᕉᓯ ᓯᕗᓪᓖᑦ 4:10

ᐊᑐᓂᑦ ᑐᓂᕐᕈᓯᐊᕐᓯᒪᒐᑦᓯ, ᑕᒪᒃᑯᐊ ᐃᓅᖃᑎᑦᓯᓐᓄᑦ ᐱᔨᑦᓯᕈᑎᒋᓯᐅᒃ, ᐊᑐᑦᓯᐊᖁᓪᓗᓯ ᒎᑎᒥᑦ ᑐᓂᕐᕈᓯᐊᑦᓯᓐᓂᒃ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓᒍᑦ: