ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 53:2

ᐱᕈᕐᓴᓚᐅᕐᐳᖅ ᑖᑦᓱᒪ ᓵᖓᓂ ᐱᕈᕐᓯᐊᑎᑐᑦ ᐱᕈᕐᐸᓪᓕᐊᓕᓵᕐᑐᑎᑐᑦ, ᐊᒫᑐᓪᓗ ᓴᖅᑭᑉᐸᓪᓕᐊᓪᓗᓂ ᓄᓇᒥ ᐸᓂᕐᑐᒥ; ᑕᐅᑦᑐᖓ ᐃᒃᐱᖕᓇᖏᒻᒪᑦ ᐱᔪᒥᓇᕐᑐᑎᑐᓪᓗ ᑕᐅᑦᑐᖃᖏᒻᒪᑦ ᑕᑯᔪᒪᓚᐅᓐᖏᓚᕗᑦ; ᑕᑯᒥᓇᕐᓂᖃᖏᒻᒪᑦ ᐱᔪᒪᓚᐅᓐᖏᓚᕗᑦ.

ᐂᓮᐊᓯᐅᑉ ᐊᒡᓚᖏᑦ 62:1

ᓮᐅᓂ ᐱᓪᓗᒍ ᓂᐰᑦᑑᔪᒪᔪᓐᓃᕐᐳᖓ, ᔨᕉᓴᓕᒻᓗ ᐱᓪᓗᒍ ᓄᖅᑲᖓᓂᐊᓐᖏᓚᖓ, ᓴᐳᑦᔭᐅᓂᖓ ᐱᒋᐊᓚᐅᕐᑎᓐᓇᒍ ᖃᐅᒻᒪᒃᐸᓪᓕᐊᔪᑐᑦ ᐅᓪᓛᒥ, ᐱᐅᓕᔭᐅᓂᖓᓗ ᐃᑯᒪᓕᓚᐅᕐᑎᓐᓇᒍ ᓇᓂᕈᐊᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 65:8

ᐃᒫᒃ ᐊᑕᓂᖅ ᐅᖃᕐᐳᖅ, “ᕔᓂ ᓴᖅᑭᒻᒪᑦ ᐸᐅᕐᖓᓂ ᑲᑎᓐᖓᔪᑦ ᖃᒐᕐᑕᐅᕕᖕᓂᑦ, ᐃᓄᐃᓪᓗ ᐅᖃᕐᐸᖕᒪᑕ, ‘ᐊᒥᐊᒃᑯᖏᑦ ᖃᕐᑕᐅᑦᑍᓕᓕᑦ, ᓮᒻᒪᕐᑎᑕᐅᓇᕐᑐᖃᕐᒪᑕ.’ ᑍᒫᒃᑕᐅᖅ ᐱᔨᒃᑲ ᐱᓪᓗᒋᑦ ᓄᖑᑦᓱᒫᓐᖏᓚᒃᑲ.

ᒫᑎᐅᓯᐅᑉ ᐊᒡᓚᖏᑦ 17:27

ᑖᒃᑯᐊᓕ ᐊᒡᕕᐊᕈᑎᒃᓴᓕᐅᕐᓂᐊᖏᓐᓇᑦᑎᒍ; ᑍᒤᒻᒪᑦ, ᑕᓯᕐᒧᑦ ᐃᖃᓪᓕᐊᓚᐅᕆᑦ; ᓯᕗᓪᓕᕐᐹᕐᓗ ᐃᖃᓗᒃᑍᑦ, ᖃᓂᖓ ᐂᑦᑕᕐᑎᓐᓂᐊᕐᐸᑦ, ᖃᓂᖓᓂᓪᓗ ᑮᓇᐅᔭᓂᒃ ᓇᓂᓯᓂᐊᕐᐳᑎᑦ ᐊᑭᓕᐅᑎᓪᓗᐊᕐᑕᑦᑎᓐᓂᒃ ᑐᒃᓯᐊᕐᕕᒡᔪᐊᕐᒧᑦ; ᑖᒃᑯᐊ ᑮᓇᐅᔭᑦ ᐱᓗᒋᑦ ᐊᑭᓕᐅᑎᒋᓂᐊᕐᐸᑎᑦ ᐊᑭᓕᐅᑎᒋᔭᕆᐊᖃᕐᑕᑦᑎᓐᓄᑦ ᑖᒃᓯᓄᑦ.”

ᒫᑎᐅᓯᐅᑉ ᐊᒡᓚᖏᑦ 20:28

ᐃᓅᑉ ᐃᕐᓂᖓ ᑎᑭᓚᐅᓐᖏᓚᖅ ᐱᔨᑦᓯᕐᑕᐅᔭᕐᑐᕐᓗᓂ ᐱᔨᑦᓯᕆᐊᕐᑐᕐᓗᓂᓕ, ᐃᓅᓯᕐᒥᓂᒡᓗ ᑐᓂᓯᓗᓂ ᐃᓄᐃᑦ ᐊᒥᓱᑦ ᐊᑭᓖᑦᔪᑎᓪᓗᓂᒋᑦ ᐅᑎᕐᑎᑕᐅᑦᔪᑎᒃᓴᖏᓐᓄᑦ.”

ᒫᑎᐅᓯᐅᑉ ᐊᒡᓚᖏᑦ 8:20

ᔩᓱᓯᐅᑉ ᑭᐅᕚ, “ᑎᕆᒐᓂᐊᑦ ᓯᑎᖃᕐᐳᑦ, ᑎᖕᒥᐊᓪᓗ ᐅᓪᓗᖃᕐᐳᑦ, ᐃᓅᓪᓕ ᐃᕐᓂᖓ ᓇᓪᓚᖓᕕᒃᓴᖃᓐᖏᓚᕐᓘᓐᓃᑦ ᑕᕾᕐᓯᕐᕕᒃᓴᒥᒃ.”

ᒫᑯᓯᐅᑉ ᐊᒡᓚᖏᑦ 6:3

ᕿᔪᓕᕆᔨᐅᓐᖏᓛᖅ ᒥᐊᕆᐅᑉ ᐃᕐᓂᖓ ᖃᑕᓐᖑᑎᖏᓪᓗ ᔧᒥᓯ, ᔫᓯᓗ, ᔫᑕᓯᓗ, ᓮᒨᓂᓗ ᓇᔭᖏᓪᓗ ᓇᔪᕐᑎᒋᓐᖏᓚᕘᑦ?” ᑍᒤᒻᒪᑦ ᑲᒪᒋᔪᒪᔪᓐᓃᕐᐹᑦ.

ᓘᑲᓯᐅᑉ ᐊᒡᓚᖏᑦ 16:11

ᑲᒪᑦᓯᐊᕐᓯᒪᖏᒃᑯᕕᑦ ᓯᓚᕐᔪᐊᕐᒥᐅᑦ ᐊᔪᕐᓴᖏᑦᔪᑎᖏᓐᓂᒃ, ᖃᓄᕐᓕ ᑍᒪ ᐅᒃᐱᕆᔭᐅᔪᓐᓇᕋᔭᕐᐲᑦ ᐱᓪᓚᕆᐅᓂᕐᓴᓂᒃ ᐱᓕᕆᔪᓐᓇᕐᒪᖔᕐᐱᑦ?

ᓘᑲᓯᐅᑉ ᐊᒡᓚᖏᑦ 2:7

ᑕᕝᕙᓂ ᓄᑕᕋᕐᑖᕆᐅᕈᑎᒥᓂᒃ ᐃᕐᓂᕐᑖᕐᐳᖅ, ᐊᓐᓄᕌᓂᒃ ᐃᒻᒧᓯᕐᐹ, ᐆᒪᔪᐃᑦ ᓂᕆᕕᖓᓄᑦ ᐃᓕᓪᓗᒍ, ᓯᓂᒃᑕᕐᕕᖕᒥ ᐃᓂᒃᓴᖃᖏᓐᓇᒥᒃ.

ᓘᑲᓯᐅᑉ ᐊᒡᓚᖏᑦ 8:3

ᔪᐊᓇᓗ ᑦᓲᓴᐅᑉ ᓄᓕᐊᖓ, ᐃᕉᑕᓯᐅᑉ ᐃᒡᓗᒥᓂ ᐊᖓᔪᖅᑳᖁᑎᖓᑕ; ᓲᓵᓇᓗ, ᐊᕐᓁᓪᓗ ᐊᓯᖏᑦ ᐊᒥᓱᑦ, ᖃᓄᑐᐃᓐᓇᖅ ᐃᑲᔪᕐᐸᒃᑐᑦ ᐃᑲᔫᑎᒋᔪᓐᓇᕐᑕᒥᒃᑎᒍᑦ ᔩᓱᓯᒥᒃ ᐃᓕᓐᓂᐊᕐᑎᖏᓐᓂᒡᓗ.

ᓘᑲᓯᐅᑉ ᐊᒡᓚᖏᑦ 9:58

ᔩᓱᓯᐅᑉ ᑭᐅᕚ, “ᑎᕆᒐᓂᐊᑦ ᓯᑎᖃᕐᐳᑦ, ᑎᖕᒥᐊᓪᓗ ᐅᓪᓗᖃᕐᖢᑎᒃ; ᐃᓅᓪᓕ ᐃᕐᓂᖓ ᓇᓂᑐᐃᓐᓇ ᓯᓂᒡᕕᒃᓴᖃᓐᖏᓚᕐᓘᓐᓃᑦ.”

ᔪᐊᓇᓯᐅᑉ ᐊᒡᓚᖏᑦ 1:10

ᖃᐅᒪᔪᖅ ᓯᓚᕐᔪᐊᕐᒦᓚᐅᕐᐳᖅ, ᓯᓚᕐᔪᐊᕐᓗ ᑖᑦᓱᒨᓇ ᐱᓐᖑᕐᑎᑕᐅᓯᒪᕗᖅ, ᓯᓚᕐᔪᐊᕐᒥᐅᓪᓕ ᖃᐅᔨᒪᓐᖏᓛᑦ.

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᔪᐊᓇᓯᐅᑉ ᐊᒡᓚᖏᑦ 1:17

ᐱᖁᔭᑦ ᒨᓯᓯᒃᑯᑦ ᑐᓂᔭᐅᓚᐅᕐᐳᑦ; ᐱᑦᓯᐊᕐᕕᐅᓂᕐᓕ ᓱᓕᑦᓯᐊᕐᓂᕐᓗ ᔩᓱᓯ ᙭ᔅᑑᓯᑯᑦ ᐱᕘᒃ.

ᔪᐊᓇᓯᐅᑉ ᐊᒡᓚᖏᑦ 12:30

ᔩᓱᓯᐅᑉ ᑭᐅᕔᑦ, “ᓂᐱ ᑐᓴᕐᑕᓯ ᑐᓴᕐᓴᐅᕗᖅ ᐃᓕᑦᓯ ᐱᑦᔪᑎᒋᓪᓗᓯ, ᐅᕙᖓ ᐱᑦᔪᑎᒋᓇᖓ.

ᔪᐊᓇᓯᐅᑉ ᐊᒡᓚᖏᑦ 16:15

ᐊᑖᑕᒪ ᐱᖏᑦ ᐱᒋᕙᒃᑲ; ᑍᒤᒻᒪᑦ ᐅᖃᕐᐳᖓ ᑖᓐᓇ ᐅᖃᐅᓯᓐᓂᒃ ᐅᖃᐅᓯᖃᕈᒫᕐᐳᖅ ᐃᓕᑦᓯᓐᓄᑦ.”

ᔪᐊᓇᓯᐅᑉ ᐊᒡᓚᖏᑦ 17:19

ᑖᒃᑯᐊ ᐱᑦᔪᑎᒋᓪᓗᒋᑦ ᐃᓕᖕᓄᑦ ᑐᓂᕗᖓ, ᑖᒃᑯᐊᑦᑕᐅᖅ ᓱᓕᔪᒥᒃ ᑐᓂᖁᓪᓗᒋᑦ ᐃᓕᖕᓄᑦ.

ᕉᒪᒥᐅᓄᑦ 11:12

ᔫᑎᑦ ᐊᔪᕐᑐᓕᓂᖏᑦ ᓯᓚᕐᔪᐊᕐᒥᐅᓂᒃ ᐊᖏᔪᒥᒃ ᓮᒻᒪᕐᑎᑦᓯᑦᔪᑕᐅᒃᐸᑕ, ᐊᓂᕐᓂᒃᑯᓪᓗ ᐱᔭᒃᓴᒥᖕᓂᒃ ᐊᓯᐅᔨᓂᖓᑦ ᔫᑎᐅᖏᑦᑐᓄᑦ ᐊᖏᔪᒥᒃ ᓮᒻᒪᕐᑎᑦᓯᑦᔪᑕᐅᒃᐸᑦ, ᑕᕝᕙᓕ ᐊᑕᖏᕐᑐᒥᒃ ᐱᖃᑕᐅᓕᑐᐊᕈᑎᒃ ᐊᖏᓂᕐᓴᒥᒃ ᓮᒻᒪᕐᑎᑕᐅᔪᒫᕐᐳᑦ!

ᕉᒪᒥᐅᓄᑦ 15:3

᙭ᔅᑑᓯᑦᑕᐅᖅ ᓇᖕᒥᓂᖅ ᓈᒻᒪᒋᔭᑐᐃᓐᓇᕐᒥᓂᒃ ᐊᑐᓚᐅᖏᒻᒪᑦ, ᐊᒡᓚᓂ ᑎᑎᕋᕐᓯᒪᖕᒪᑦ, “ᐃᓕᖕᓂᒃ ᐅᖃᕐᓂᕐᓘᑎᓖᑦ ᐅᖃᕐᓂᕐᓗᖕᓂᖏᑕ ᑐᕝᕕᒋᕚᖓ.”

ᕉᒪᒥᐅᓄᑦ 5:8

ᒎᑎᐅᓪᓕ ᓇᒡᓕᖕᓂᓂ ᐅᕙᑦᑎᓐᓄᑦ ᓴᖅᑭᑎᓚᐅᕐᐹ ᓱᓕ ᐊᔪᕐᑐᓕᔨᐅᑎᓪᓗᑕ ᙭ᔅᑑᓯᐅᑉ ᑐᖁᑦᔪᑎᒋᓚᐅᕐᐹᑎᒍᑦ.

ᕉᒪᒥᐅᓄᑦ 8:32

ᑖᑦᓱᒪ ᓇᖕᒥᓂᖅ ᐃᕐᓂᓂ ᐊᓐᓂᕆᓇᒍ ᐅᕙᑦᑎᓐᓄᓕᒫᖅ ᑐᓂᓚᐅᕐᒪᒍ, ᑕᕝᕙᓖ ᑐᓂᓯᓂᐊᓐᖏᓛᑎᒍᑦ ᓱᓇᓕᒫᓂᒃ ᑖᑦᓱᒨᓇ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:4

ᑍᒪᓐᖓᓕᒫᖅ ᒎᑎ ᖁᔭᒋᕙᒃᐸᕋ ᐱᑦᔪᑎᒋᓪᓗᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓕᑦᓯᓐᓄᑦ ᑐᓂᔭᐅᓚᐅᕐᒪᑦ ᙭ᔅᑑᓯ ᔩᓱᓯᒃᑯᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:47

ᐃᓄᒃ ᓯᕗᓪᓕᖅ ᓄᓇᕐᔪᐊᒥᑦ ᐱᓯᒪᕗᖅ, ᐃᑦᔪᒥᑦ ᐱᓪᓗᓂ; ᐃᓄᒡᓕ ᑭᖑᓪᓕᖅ ᕿᓚᖕᒥᑦ ᐱᓯᒪᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:14

ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᒎᑎᐅᓪᓗ ᓇᒡᓕᖕᓂᖓᑕ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᐃᓚᖃᕐᓂᖓᑕ ᐃᓚᒋᓕᓯ ᑕᒪᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:10

ᕿᒃᓵᒃᑎᑕᐅᕙᒃᐳᒍᑦ, ᖁᕕᐊᓱᑦᓮᓐᓇᕐᐳᒍᓪᓕ; ᐊᔪᕐᓴᕋᓗᐊᕐᐳᒍᑦ, ᐊᓯᕗᓪᓕ ᐊᒥᓱᑦ ᐊᔪᕐᓴᕈᓐᓃᑎᑉᐸᕗᑦ; ᐱᖃᖏᑦᑑᔮᕐᐳᒍᑦ, ᑕᒤᓐᓂᒡᓕ ᐱᖃᕋᓗᐊᕐᐳᒍᑦ.

ᐃᐱᓯᒥᐅᓄᑦ 2:7

ᑍᒤᓕᐅᓚᐅᕐᐳᕐᓕ ᓇᓪᓕᐅᑦᑐᒃᓴᒥ ᐱᔪᒫᕐᑐᒥ ᓴᖅᑭᑎᑦᓱᒪᓪᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᔪᐊᖓ ᓇᓕᖃᖏᑦᑑᑉ ᐊᒥᒐᖏᓐᓂᖓ ᓇᒡᓕᒍᓱᖕᓂᖓᑕᓗ ᓴᖅᑭᑎᑕᐅᓯᒪᓂᖓ ᙭ᔅᑑᓯ ᔩᓱᓯᒥ.

ᐃᐱᓯᒥᐅᓄᑦ 3:19

ᖃᐅᔨᖁᓪᓗᓯᓗ ᙭ᔅᑑᓯᐅᑉ ᓇᒡᓕᖕᓂᖓᓂᒃ ᖃᐅᔨᔭᐅᔪᓐᓇᕐᑐᑦ ᐅᖓᑖᓃᑦᑐᒥᒃ, ᐃᓗᒻᒥᕐᑕᐅᖁᓪᓗᓯᓗ ᒎᑎᐅᓂᖓᑕ ᐃᓕᖅᑯᓯᓕᒫᖓᓂᒃ.

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᑯᓘᓯᐊᒥᐅᓄᑦ 1:24

ᒫᓐᓇ ᖁᕕᐊᓲᑎᒋᕙᕋ ᐅᖁᒤᒃᓴᕐᓇᕐᑐᑰᕐᑎᑕᐅᓂᒃᑲ ᐃᓕᑦᓯ ᐱᑦᔪᑎᒋᓪᓗᓯ, ᑎᒥᒃᑯᑦ ᐋᓐᓂᐊᓇᑐᑰᑎᑕᐅᓂᒃᑲ ᐱᔭᕇᓯᖃᑕᐅᑦᔪᑎᒋᒐᒃᑭᑦ ᙭ᔅᑑᓯᐅᑉ ᑎᒥᖁᑎᒥᓂ ᐋᓐᓂᐊᕈᑎᒋᒐᔭᕐᑕᖏᓐᓂ, ᐅᒃᐱᕐᑑᖃᑎᒌᑦ ᐱᓪᓗᒋᑦ.

ᑎᒧᑎᒧᑦ ᓯᕗᓪᓖᑦ 6:18

ᐱᐅᔪᒥᒃ ᐱᓇᓱᐊᖁᒃᑭᑦ, ᐱᓇᓱᐊᑦᓯᐊᕐᓂᒃᑯᑦ ᐊᔪᕐᓴᓐᖏᑦᑑᖁᓪᓗᒋᑦ, ᐊᓐᓂᕈᓱᖁᓇᒋᑦ ᐱᒋᔭᒥᖕᓂᒃ ᐃᑲᔪᖁᓪᓗᒋᓪᓗ ᐃᓅᖃᑎᒥᖕᓄᑦ.

ᐄᑉᕈᐃᓄᑦ 1:2

ᐅᓪᓗᓂᓕ ᑭᖑᓪᓕᕐᓂ ᐅᖃᓪᓚᒡᕕᒋᓚᐅᕐᐹᑎᒍᑦ ᐃᕐᓂᕐᒥᒍᑦ, ᑖᓐᓇ ᓱᓇᓕᒫᑦᓯᐊᕐᓂᒃ ᑭᖑᕐᖑᑦᔨᔪᒃᓴᐅᖁᓪᓗᒍ ᓂᕈᐊᕐᓯᒪᕚ, ᑖᑦᓱᒨᓇᓗ ᓯᓚᕐᔪᐊᖅ ᐱᓐᖑᕐᑎᓚᐅᕐᐹ.

ᔧᒥᓯᐅᑉ ᐊᒡᓚᖏᑦ 2:5

ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:9

ᐊᒃᓱᕈᕐᓇᕐᑐᒦᓐᓂᕆᔭᓯ ᖃᐅᔨᒪᕙᒃᑲ ᐊᔪᕐᓴᕐᓂᕆᔭᓯᓗ ᑭᓯᐊᓂᓕ ᐊᔪᕐᓴᓐᖏᑲᓗᐊᕐᐳᓯ ᐅᖃᐅᓯᐅᓂᕐᓗᖃᑦᑕᕐᓂᓯᓗ ᖃᐅᔨᒪᕙᒃᑲ ᔫᑎᐅᓂᕋᕐᑐᓄᑦ ᔫᑎᐅᓇᑎᒡᓗ, ᓵᑖᓇᓯᒥᒡᓕ ᐱᔨᑦᓯᕐᑎᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:7

ᓇᓪᓕᐊᑦ ᓵᓚᖃᕐᑐᖅ ᑍᒤᑦᑐᒥᒃ ᑭᖑᕐᖑᑦᔨᓂᐊᕐᐳᖅ, ᑖᑦᓱᒪᓗ ᒎᑎᒋᓂᐊᕐᐹᖓ ᐅᕙᖓᓗ ᐃᕐᓂᕆᓂᐊᕐᐸᕋ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:18

ᑍᒤᒻᒪᑦ ᐅᖃᐅᑎᕙᒋᑦ, ᓂᐅᕕᖁᓪᓗᑎᑦ ᒎᓗᒥᒃ ᐅᕙᓐᓂᑦ ᒎᓗᓪᓚᕆᖕᒥᒃ ᐃᑯᒪᒧᑦ ᐱᐅᖏᓐᓃᔭᕐᑕᐅᓯᒪᔪᒥᒃ, ᐊᔪᕐᓴᕈᓐᓃᖁᓪᓗᑎᑦ, ᐊᓐᓄᕌᕐᓗᑎᓪᓗ ᖃᑯᕐᑕᒥᒃ ᐊᓐᓄᕌᖃᖏᓐᓂᕐᒧᑦ ᑲᓐᖑᓇᕐᓃᑦ ᓴᖅᑭᔮᕈᓐᓃᖁᓪᓗᒍ, ᐃᔨᓯᐅᒻᒧᓪᓗ ᐃᔩᒃᑭᒃ ᒥᖑᐊᕐᓗᒋᒃ, ᑕᐅᑐᓕᕐᓂᐊᕋᕕᑦ.