ᑯᕆᓐᑎᐊᒥᐅᓄᑦ ᐂᑉᐸᖏᑦ 8:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᒃᓱᕈᒻᒪᕆᒃᑲᑦᑕ ᐅᐱᓐᓇᕐᑐᒥᒃ ᐱᓇᓱᐊᕈᒪᓪᓗᑕ ᐊᑕᓂᐅᑉ ᓵᖓᓂᑐᐃᓐᓇᐅᖏᑦᑐᖅ ᐃᓄᐃᓪᓗᑦᑕᐅᖅ ᓵᖏᓐᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:21 Iomraidhean Croise

ᐊᑕᓃᑦ ᓯᕗᓪᓖᑦ 18:34

ᐅᖃᒃᑲᓐᓂᕐᐳᕐᓗ, “ᐊᑏᓗ ᑯᕝᕕᕆᓯᐅᒃ ᐂᑉᐸᖓᓂ,” ᑕᕝᕙ ᑯᕝᕕᕆᕔᑦ ᐂᑉᐸᖓᓂ. ᐅᖃᐅᑎᒃᑲᓐᓂᕐᐰᓪᓗ, “ᐊᑏᓗ ᑯᕝᕕᕆᓯᐅᒃ ᐱᖓᔪᐊᖓᓐᓂᒃ,” ᑯᕝᕕᕆᕔᓪᓗ ᐱᖓᔪᐊᖓᓐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:4

ᑍᒤᓕᐅᕈᕕᑦ ᖁᕕᐊᒋᔭᐅᓂᐊᕐᐳᑎᑦ ᐅᖃᐅᓯᐅᑦᓯᐊᕐᐸᒡᓗᑎᓪᓗ ᒎᑎᐅᑉ ᓵᖓᓂ ᐃᓄᖕᓄᓪᓗ.

ᒫᑎᐅᓯᐅᑉ ᐊᒡᓚᖏᑦ 23:5

ᓱᓇᑐᐃᓐᓇᕐᓂᒃ ᐱᓇᓱᐊᖃᑦᑕᕐᐳᑦ ᐃᓄᖕᓄᑦ ᑕᑯᔭᐅᔪᒪᑐᐃᓐᓇᕐᓗᑎᒃ; ᒎᑎᐅᑉ ᐅᖃᐅᓯᖏᓐᓂᒃ ᑎᑎᕋᕐᕕᒋᓯᒪᔪᑦ ᖃᐅᕈᑎᖏᑦ ᑕᓕᕐᒥᐅᑕᖏᓪᓗ, ᑕᑯᓚᐅᕐᓯᐅᒃ ᐊᖏᔫᑎᐊᓗᐃᑦ! ᐅᓕᒡᔪᐊᖏᑕᓗ ᓂᒡᔭᖏᑦ ᑕᑭᔫᑎᐊᓗᐃᑦ!

ᒫᑎᐅᓯᐅᑉ ᐊᒡᓚᖏᑦ 5:16

ᑍᒫᒃᑕᐅᖅ ᖃᐅᒻᒪᖁᑎᓯ ᐃᓄᖕᓄᑦ ᖃᐅᒪᑎᓯᐅᒃ, ᐱᓂᐊᑦᓯᐊᕐᓂᑦᓯᓐᓂᒃ ᑕᑯᖁᓪᓗᒋᑦ, ᐊᑖᑕᓯ ᕿᓚᖕᒦᑦᑐᖅ ᓂᕐᑐᕐᑕᐅᖁᓪᓗᒍ.”

ᒫᑎᐅᓯᐅᑉ ᐊᒡᓚᖏᑦ 6:1

“ᑲᒪᑦᓯᐊᕆᑦᓯ ᐅᒃᐱᕐᓂᕐᒥᒃ ᐱᓇᓱᐊᕐᓂᓯ ᐊᓯᑦᓯᓐᓄᑦ, ᐃᓄᖕᓄᑦ ᑕᑯᒃᓴᐅᓇᓱᑐᐃᓐᓇᕐᓗᓯ ᐱᖁᓇᓯ; ᐃᓄᖕᓄᑦ ᑕᑯᒃᓴᐅᓇᓱᑐᐃᓐᓇᕈᑦᓯ, ᐊᑭᓕᕐᑕᐅᓂᒃᓴᖃᖏᓐᓇᑦᓯ ᐊᑖᑕᑦᓯᓐᓂᑦ ᕿᓚᖕᒦᑦᑐᒥᑦ.

ᒫᑎᐅᓯᐅᑉ ᐊᒡᓚᖏᑦ 6:4

ᑐᓂᕐᕈᓯᕐᓃᑦ ᖃᐅᔨᔭᐅᓂᐊᖏᒻᒪᑦ; ᐊᑖᑕᕕᓪᓗ ᑕᒤᓐᓂᒃ ᑕᑯᓐᓇᕐᑑᑉ ᐊᑭᓕᕈᒫᕐᐹᑎᑦ.”

ᕉᒪᒥᐅᓄᑦ 12:17

ᐱᑦᓯᐊᕐᑕᐅᖏᒃᑯᕕᑦ, ᐊᑭᓇᓱᐊᕐᑍᓕᒋᑦ ᐱᑦᓯᐊᖏᓐᓂᕐᒧᑦ. ᑲᒪᑦᓯᐊᕐᓗᓯ ᐱᐅᒋᔭᐅᔪᒥᒃ ᐃᓅᓯᖃᕆᑦᓯ ᐃᓄᓕᒫᓄᑦ.

ᕉᒪᒥᐅᓄᑦ 14:18

ᑍᒫᒃ ᙭ᔅᑑᓯᒥᒃ ᐱᔨᑦᓯᕐᑐᖃᕐᐸᑦ, ᑖᓐᓇ ᒎᑎᒧᑦ ᖁᕕᐊᒋᔭᐅᕗᖅ ᐃᓄᖕᓂᓪᓗ ᓈᒻᒪᒋᔭᐅᓪᓗᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:17

ᐊᓯᕗᑦ ᐊᒥᓱᑦ ᐱᓇᓱᐊᕐᑐᑦ ᐊᑦᔨᒋᖏᓐᓇᑦᑎᒍ, ᒎᑎᐅᑉ ᐅᖃᐅᓯᖏᓐᓂᒃ ᑮᓇᐅᔭᓕᐅᕈᑎᖃᕋᓱᐊᕐᑐᑦ; ᓱᓕᑦᓯᐊᕐᑐᒥᒡᓕ ᐅᖃᐅᓯᖃᕐᐳᒍᑦ ᑖᑦᓱᒪ ᓵᖓᓂ, ᒎᑎᒧᓪᓗ ᑎᓕᔭᐅᓯᒪᓪᓗᑕ, ᙭ᔅᑑᓯᒥᒃ ᐅᖃᐅᓯᖃᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:20

ᐃᒃᐱᒍᓱᑦᓯᐊᕋᓱᐊᕐᐳᒍᑦ ᑖᒃᑯᐊ ᑐᓂᕐᕈᑏᑦ ᐊᒥᓱᑦ ᖃᓄᖅ ᐊᐅᓚᒻᒪᖔᑦᑎᒍᑦ; ᓇᓪᓕᐊᓐᓄᓪᓘᓐᓃᑦ ᐸᓯᔭᒃᓴᐅᓕᕈᒪᓇᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:22

ᑍᒤᒻᒪᑦ ᐅᒃᐱᕐᑑᖃᑎᕗᑦ ᑎᓕᖃᓯᐅᑎᕙᕗᑦ ᖃᐅᔨᓴᖃᑦᑕᕐᓯᒪᒐᑦᑎᒍ ᓴᖅᑭᑎᑦᓯᖃᑦᑕᕐᓯᒪᖕᒪᑦ ᐅᓄᕐᑐᐃᕐᓱᕐᓗᓂ ᐃᑲᔪᕈᒪᑦᓯᐊᕐᓂᕐᒥᓂᒃ, ᒫᓐᓇᓗ ᐃᑲᔪᕈᒪᒋᐊᓪᓚᓕᕆᕗᖅ ᐃᓕᑦᓯᓐᓂᒃ ᖁᓚᕈᑎᖃᖏᑦᓯᐊᓕᕋᒥ.

ᐱᓕᐱᒥᐅᓄᑦ 4:8

ᑭᖑᓪᓕᕐᐹᒥᓪᓕ ᐅᒃᐱᕐᑑᖃᑎᒃᑲ, ᓱᓇᑐᐃᓐᓇᖅ ᓱᓕᔫᒃᐸᑦ, ᐅᐱᓐᓇᕐᐸᑦ, ᓈᒻᒪᓈᑦᓯᐊᕐᓂᐅᒃᐸᑦ, ᐃᑦᔪᕐᓁᑉᐸᑦ, ᓇᒡᓕᖕᓇᕐᐸᑦ, ᐱᑦᓯᐊᕐᓂᐅᒃᐸᑦ, ᓈᒻᒪᓈᕐᓯᒪᑦᓯᐊᕐᓂᖃᕐᐸᓪᓗ, ᓂᕐᑐᕐᓇᕐᑐᖃᕐᐸᓪᓗ, ᑕᒪᒃᑯᐊ ᐃᓱᒪᒃᓴᕐᓯᐅᕈᑎᒋᓯᒋᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:22

ᐱᐅᖏᑦᑐᐊᓗᐃᑦ ᖃᓄᐃᑦᑐᑐᐃᓐᓁᑦ ᐊᑐᕐᑍᓕᒪᓯᒋᑦ.

ᑎᒧᑎᒧᑦ ᓯᕗᓪᓖᑦ 3:7

ᐱᓪᓚᕆᒃᑐᖁᑎᒋᔭᐅᔪᕐᓴᐅᕗᖅ ᐅᒃᐱᕐᑑᖃᑎᒌᑦ ᓯᓚᑖᓃᑦᑐᓄᑦ, ᑲᓐᖑᓲᑎᒃᓴᐅᒐᔭᕐᑐᒧᑦ ᑲᑕᖁᓇᒍ ᓵᑖᓇᓯᐅᑉ ᓂᒐᕐᑎᑦᓯᓂᖓᓄᑦ.

ᑎᒧᑎᒧᑦ ᓯᕗᓪᓖᑦ 5:14

ᑍᒤᒻᒪᑦ ᐅᐃᒡᒐᕐᓃᑦ ᐃᓅᓱᖕᓂᕐᓮᑦ ᐅᐃᓂᖁᒐᔭᕐᐸᒃᑲ, ᕿᑐᕐᖏᐅᕐᓗᑎᒃ, ᐊᖏᕐᕋᒥᖕᓂᒃ ᑲᒪᖁᓪᓗᒋᑦ, ᐊᑭᕋᕐᑐᕐᑎᕗᑦ ᐱᐅᖏᑦᑐᒥᒃ ᐅᖃᐅᓯᒃᓴᖃᖁᓇᒋᑦ.

ᐲᑦᑐᕉᓯ ᓯᕗᓪᓖᑦ 2:12

ᐅᒃᐱᖏᑦᑐᓂᒃ ᐃᓚᖃᕐᑎᓪᓗᓯ ᐱᐅᔪᒥᒃ ᐱᓂᐊᕐᓂᖃᕆᐊᖃᕐᐳᓯ, ᐃᓕᑦᓯᓐᓂᒃ ᐱᐅᖏᑦᑐᓕᓂᕅᓇᓱᓕᕈᑎᒃ, ᖃᐅᔨᖁᓪᓗᒋᑦ ᐱᓂᐊᑦᓯᐊᕐᓂᑦᓯᓐᓂᒃ ᒎᑎᒥᒡᓗ ᓂᕐᑐᐃᔪᒫᖁᓪᓗᒋᑦ ᐅᓪᓗᕐᔪᐊᒥ ᑎᑭᑦᓱᒫᕐᑐᒥ.

ᕉᑎᐅᑉ ᐅᓂᒃᑲᐅᓯᓂᖓ 3:14

ᕉᑎᓕ ᐳᐊᓯᐅᑉ ᑭᓗᐊᓂ ᓯᓂᓚᐅᕐᐳᖅ ᐅᓪᓛᓐᖑᓚᐅᖏᓐᓂᖓᓂ, ᒪᑭᓪᓗᓂᓗ ᓱᓕ ᖃᐅᒻᒪᓚᐅᕐᑎᓐᓇᒍ ᐳᐊᓯᐅᑉ ᖃᐅᔨᔭᐅᖁᓚᐅᖏᒻᒪᒍ ᐃᕖᔧᕕᖕᒥ ᐊᕐᓇᒥᒃ ᓯᓂᒃᑐᖃᓚᐅᕐᒪᖔᑦ.