ᑯᕆᓐᑎᐊᒥᐅᓄᑦ ᐂᑉᐸᖏᑦ 8:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐅᒃᐱᖃᑎᑦᑎᓐᓂᒃ ᐃᓚᖃᕐᑎᑉᐸᕗᑦ ᐅᒃᐱᕐᑑᖃᑎᒌᓕᒫᓂᑦ ᐅᐱᒋᔭᐅᑦᓯᐊᕐᑐᒥᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᓂᖓᒍᑦ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:18 Iomraidhean Croise

ᕉᒪᒥᐅᓄᑦ 16:4

ᑖᒃᑯᐊᒃ ᐃᓅᓯᕐᒥᖕᓂ ᑲᑉᐱᐊᓇᕐᑐᒃᑰᓚᐅᕐᒪᑎᒃ ᐅᕙᖓ ᐱᑦᔪᑎᒋᓪᓗᖓ, ᐅᕙᖓᑑᖏᑦᑐᖅ ᐅᒃᐱᕐᑑᖃᑎᒌᓪᓗᑦᑕᐅᖅ ᔫᑎᐅᖏᑦᑐᑦ ᑖᒃᑯᖕᓂᖓ ᖁᔭᓕᖃᑎᒌᒃᐳᒍᑦ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:3

ᑎᑭᒃᑯᒪᓗ, ᑎᑎᖅᑲᓂᒃ ᓇᓗᓁᕐᓯᓯᒪᔪᓂᒃ ᓇᒃᓴᕐᑎᑦᓯᔪᒫᕐᐳᖓ ᐊᖑᑎᓂᒃ ᓇᒃᓴᕐᑎᑕᐅᖁᔭᑦᓯᓐᓂᒃ, ᑐᓂᕐᕈᑎᑦᓯᓐᓂᒃ ᐋᑦᓯᓕᕐᐸᑕ ᔨᕉᓴᓕᒻᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:17

ᑍᒤᒻᒪᑦ ᑎᒧᑎ ᐃᓕᑦᓯᓐᓄᑦ ᑎᓕᕙᕋ, ᐃᕐᓂᕋ ᓇᒡᓕᒋᔭᕋ ᐊᑕᓂᕐᒥ ᓱᕐᕋᔪᐃᑦᑑᖕᒪᑦ, ᑖᑦᓱᒪ ᐃᖅᑬᑎᓐᓂᐊᕐᒪᓯ ᐃᓅᓯᕆᔭᓐᓂᒃ ᙭ᔅᑑᓯᒥ, ᑍᒫᒡᓗ ᐊᔪᕆᕐᑐᐃᕙᒃᑲᒪ ᓇᓂᑐᐃᓐᓇᖅ ᐅᒃᐱᕐᑑᖃᑎᒌᓕᒫᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:17

ᐃᓄᓕᒫᑦ ᐊᑐᓂᑦ ᐊᑕᓂᐅᑉ ᑐᓂᓯᒪᔭᖓᓂᒃ ᐃᓅᓯᖃᕐᓕᑦ, ᒎᑎᒧᓪᓗ ᕾᖁᔭᐅᓯᒪᕕᖕᒥᓃᓪᓗᑎᒃ. ᑕᒪᑦᔭ ᐊᑐᕐᑕᐅᖁᔭᕋ ᐃᓚᒌᒃᑐᓂ ᑕᒤᓐᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:18

ᑍᑑᓯ ᑎᓕᓚᐅᕐᐸᕋ ᐃᓕᑦᓯᓅᖁᓪᓗᒍ, ᐅᒃᐱᕐᑑᖃᑎᕗᓪᓗᑦᑕᐅᖅ ᐃᓚᐅᖁᓚᐅᕐᐸᕋ ᑖᑦᓱᒧᖓ. ᑕᕝᕙ ᑍᑑᓯ ᐃᓕᑦᓯᓐᓂᒃ ᓯᓔᕐᕆᒃᓯᓚᐅᕐᐹ? ᑍᑑᓯᓗ ᐊᑦᔨᒌᒥᒃ ᐊᓂᕐᓂᒃᑯᑦ ᐱᓇᓱᐊᕐᓂᖃᓚᐅᓐᖏᓚᒎᒃ? ᐊᑦᔨᒌᒥᒡᓗ ᐱᕙᓪᓕᐊᓂᖃᓚᐅᓐᖏᓚᒎᒃ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:12

ᑐᕈᐊᓯᒧᑦ ᑎᑭᓐᓇᒪ ᐊᔪᕆᕐᑐᐃᔭᕐᑐᕐᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᙭ᔅᑑᓯᒥᒃ, ᐱᓇᓱᐊᕐᕕᒃᓴᖅ ᐅᕙᓐᓄᑦ ᒪᑐᐃᕐᑕᐅᓚᐅᕐᐳᖅ ᐊᑕᓂᕐᒥ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:19

ᑕᒪᑐᒧᖓᑑᓐᖏᓚᕐᓗ, ᐅᒃᐱᕐᑑᖃᑎᒌᓂᓪᓕ ᓂᕈᐊᕐᑕᐅᓯᒪᒋᕗᖅ ᐅᕙᑦᑎᓐᓄᑦ ᐃᖏᕐᕋᖃᑕᐅᖁᓪᓗᒍ ᑐᓂᕐᕈᑎᓂᒃ ᓇᒃᓴᕐᓗᑕ ᐊᑕᓂᐅᑉ ᓂᕐᑐᕐᑕᐅᑦᔪᑎᒃᓴᖓᓄᑦ, ᐃᑲᔪᕈᒪᓂᑦᑎᓐᓂᒡᓗ ᓴᖅᑭᑎᑦᓯᑦᔪᑎᒋᔭᑦᑎᓐᓄᑦ.