ᑯᕆᓐᑎᐊᒥᐅᓄᑦ ᐂᑉᐸᖏᑦ 8:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᒎᑎ ᖁᔭᒋᔭᐅᓕ ᑍᑑᓯ ᐅᕙᑦᑎᑐᑦ ᐃᓗᖏᕐᓱᕐᓗᓂ ᐃᑲᔪᕈᒪᓂᕐᑖᕐᑎᓚᐅᕐᒪᒍ ᐃᓕᑦᓯᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:16 Iomraidhean Croise

ᑯᕉᓂᑲ ᐂᑉᐸᖏᑦ 31:8

ᕼᐃᓯᑬᐊᓕ ᐊᖓᔪᖅᑳᓪᓗ ᑕᕝᕗᓐᖓᕋᒥᒃ ᑕᑯᒐᒥᒡᓗ ᖃᓕᕇᒃᓯᓯᒪᔪᓂᒃ, ᐊᑕᓂᖅ ᓂᕐᑐᕐᐹᑦ ᐃᓄᖁᑎᖏᓪᓗ ᐃᓴᕆᐊᓕᒥᐅᑦ.

ᐄᓱᕋᐅᑉ ᐊᒡᓚᖏᑦ 7:27

ᐄᓱᕋ ᐅᖃᓚᐅᕐᐳᖅ, “ᐊᑕᓂᖅ ᓂᕐᑐᕐᑕᐅᓕ, ᓯᕗᓕᕕᓂᑦᑕ ᒎᑎᖓ ᐊᖓᔪᖅᑳᕐᔪᐊᖅ ᑍᒫᒃ ᐅᐱᒍᓱᒍᓐᓇᕐᑎᒻᒪᒍ ᐱᐅᓯᑎᑦᓯᓗᓂᓗ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᓂᒃ ᔨᕉᓴᓕᒦᑦᑐᒥᒃ.

ᓂᕼᐃᒤᐊᐅᑉ ᐊᒡᓚᖏᑦ 2:12

ᑕᕝᕙ ᐅᓐᓄᐊᖑᓕᕐᒪᑦ ᒪᑭᑉᐳᖓ, ᐊᖑᑎᓂᒃ ᖃᑦᓰᓐᓇᓂᒃ ᐃᓚᖃᕐᓗᖓ; ᓇᓪᓕᐊᓐᓂᒡᓘᓐᓃᑦ ᐅᖃᐅᑦᔨᓚᐅᓐᖏᓚᖓ ᒎᑎᒪ ᖃᓄᖅ ᐆᒻᒪᑎᒃᑯᑦ ᑐᓂᓯᕕᒋᓚᐅᕐᒪᖔᖓ ᔨᕉᓴᓕᒥ ᐱᓇᓱᐊᖁᓪᓗᖓ; ᐆᒪᔪᓂᒡᓘᓐᓃᑦ ᓇᒃᓴᓚᐅᓐᖏᓚᖓ ᐃᑭᒪᕕᒋᔭᒪ ᐊᓯᐊᓂᒃ.

ᔨᕆᒤᐊᐅᑉ ᐊᒡᓚᖏᑦ 31:31

ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ, ᓄᑖᒥᒃ ᐊᖏᖃᑎᒌᒍᑎᓕᐅᕈᒫᕐᓂᕋ ᐃᓴᕆᐊᓕᐅᑉ ᔫᑕᐅᓪᓗ ᐃᓅᖃᑎᒌᖏᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 32:40

ᐊᖏᖃᑎᒋᔪᒫᕐᐸᒃᑲ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᐱᐅᔪᒥᒡᓗ ᐱᓇᓱᐊᕐᕕᒌᓐᓇᕈᒫᕐᐸᒃᑲ, ᓯᕘᕋᓂᕐᒥᒡᓗ ᐆᒻᒪᑎᖏᓐᓄᑦ ᐃᓕᓯᔪᒫᕐᐳᖓ, ᕿᒤᓚᐅᕐᓯᒪᖁᓇᒋᑦ ᐅᕙᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:12

ᑎᑎᕋᕐᕕᒋᓚᐅᕋᓗᐊᕐᐸᑦᓯ, ᐊᔪᕐᑐᓕᔪᕐᓕ ᑎᑎᕋᕈᑎᒋᓚᐅᓐᖏᓚᕋ, ᐊᔪᕐᑐᓕᕕᐅᔪᕐᓘᓐᓃᑦ, ᓇᖕᒥᓂᕐᓕ ᓇᓗᓁᕐᓯᕕᐅᖁᓪᓗᓯ ᐅᕙᑦᑎᓐᓄᑦ ᑐᓂᓯᒪᑦᓯᐊᓪᓚᕆᖕᓂᑦᓯᓐᓂᒃ ᒎᑎᐅᑉ ᓵᖓᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:7

ᑎᑭᓐᓂᖓᓄᑐᐃᓐᓇᐅᖏᑦᑐᕐᓕ; ᑖᑦᓱᒪᓕ ᐅᓐᓂᕐᓯᐅᕐᓂᖓᒍᑦ ᐃᓕᑦᓯᓐᓄᑦ ᒪᓂᒍᕐᑕᐅᓚᐅᕐᓂᕐᒥᓂᒃ. ᐅᖃᐅᑎᓚᐅᕐᒪᑎᒍᑦ ᐅᕙᓐᓂᒃ ᑕᑯᔪᒪᓕᕐᓂᑦᓯᓐᓂᒃ, ᕿᒃᓵᕕᒡᔪᐊᕐᓂᑦᓯᓐᓂᒃ, ᐅᕙᓐᓂᒡᓗ ᓴᐳᓐᓂᐊᕈᒪᓂᑦᓯᓐᓂᒃ, ᑕᒪᑐᒧᖓ ᐊᖏᔪᒥᒃ ᖁᕕᐊᓱᒃᑎᑕᐅᒃᑲᓐᓂᓚᐅᕐᐳᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:23

ᑍᑑᓯᓕ ᐱᓇᓱᐊᖃᑎᒐ, ᐃᑲᔪᕐᑎᒋᕙᒃᑕᕋᓗ ᐱᑦᔪᑎᒋᓪᓗᓯ; ᐅᒃᐱᕐᑑᖃᑎᕗᓪᓗ ᐃᓚᒋᔭᖏᑦ, ᑖᒃᑯᐊ ᐅᒃᐱᕐᑑᖃᑎᒌᓂᑦ ᑎᓕᔭᐅᓯᒪᕗᑦ, ᙭ᔅᑑᓯ ᓂᕐᑐᕐᑕᐅᖁᓪᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:6

ᑍᒤᒻᒪᑦ ᑍᑑᓯ ᐃᓇᓚᐅᕐᐸᕗᑦ, ᑕᒪᑐᒥᖓ ᐱᒋᐊᕐᑎᑦᓯᓚᐅᕐᑐᖅ ᑲᔪᓯᑐᐃᓐᓇᖁᓪᓗᒍ, ᐃᓕᑦᓯᓐᓂᒃ ᐃᑲᔪᕐᓗᓂ ᐱᓇᓱᐊᑦᓯᐊᕐᓂᕐᒥᒃ ᐱᔭᕇᕐᓯᖁᓪᓗᒍ.

ᐱᓕᐱᒥᐅᓄᑦ 2:20

ᑖᓐᓇ ᐃᓱᒪᖃᑎᑐᐊᕆᒐᒃᑯ, ᐃᑲᔪᕐᑕᐅᔭᕆᐊᖃᕐᓂᑦᓯᓐᓂᒃ ᐃᒃᐱᒍᓱᓪᓚᕆᖕᒪᑦ ᐅᕙᑦᑐᑦ.

ᑯᓘᓯᐊᒥᐅᓄᑦ 3:17

ᓱᓇᑐᐃᓐᓇᕐᓂᒡᓗ ᐱᓇᓱᐊᕌᖓᑦᓯ, ᐅᖃᐅᓯᒃᑯᓪᓘᓐᓃᑦ ᐱᓂᐊᕐᓂᒃᑯᓪᓘᓐᓃᑦ, ᐱᓇᓱᐊᖃᑦᑕᕆᑦᓯ ᐊᑕᓂᐅᑉ ᔩᓱᓯᐅᑉ ᐊᑎᖓᓂ, ᖁᔭᓕᓗᓯ ᒎᑎᒧᑦ ᐊᑖᑕᒧᑦ ᑖᑦᓱᒨᓇ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:17

ᒎᑎᐅᑉ ᐃᓱᒪᖃᓕᕐᑎᑦᓱᒫᕐᒪᒋᑦ ᐱᓇᓱᐊᕈᒪᔭᒥᓂᒃ ᓈᒻᒪᒃᓯᑎᑦᓯᖁᓪᓗᒋᑦ ᐱᓇᓱᐊᖃᑎᒌᓂᕐᒥᒃᑎᒍᑦ ᐊᑕᐅᓯᕐᒥᒃ ᐃᓱᒪᖃᕐᓗᑎᒃ ᐊᖓᔪᖅᑳᕐᔪᐊᖑᓂᕐᒧᑦ ᐱᔪᓐᓇᕐᓂᕐᒥᖕᓂᒃ ᐃᑲᔪᕈᑎᖃᖁᓪᓗᒋᑦ ᐆᒪᔪᐊᓗᖕᒧᑦ ᐊᐅᓚᑦᓯᓂᕐᒥᒃᑎᒍᑦ, ᒎᑎᐅᑉ ᐅᖃᐅᓯᖏᑦ ᓇᓚᐅᑦᓯᔭᕇᓚᐅᕐᑎᓐᓇᒋᑦ.