ᑯᕆᓐᑎᐊᒥᐅᓄᑦ ᐂᑉᐸᖏᑦ 8:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐃᓱᒪᒋᔭᕋᓕ ᓴᖅᑭᑉᐸᕋ ᑕᒪᑐᒧᖓ: ᐊᕐᕌᓂ ᐱᒋᐊᓚᐅᕐᑕᓯ ᒫᓐᓇ ᐱᔭᕇᕈᑦᓯᐅᒃ ᐊᑲᐅᓂᕐᓴᐅᕗᖅ ᐱᒋᐊᑐᐃᓐᓇᓚᐅᓐᖏᓚᓯ ᑐᓂᓯᔪᒪᓂᖃᖅᑳᓚᐅᕐᐳᓯᓕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:10 Iomraidhean Croise

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:17

ᐊᒃᓗᔪᓂᒃ ᐱᑦᓯᐊᕐᕕᖃᕐᑐᖅ ᐊᑕᓂᕐᒥᒃ ᐊᑐᕐᑎᑦᓯᔪᑎᑐᑦ ᑍᒤᑉᐳᖅ, ᐱᓂᐊᕐᓂᖏᓪᓗ ᐱᓪᓗᒋᑦ ᐅᑎᕐᑎᑦᓯᕕᐅᓂᐊᕆᕗᖅ.

ᒫᑎᐅᓯᐅᑉ ᐊᒡᓚᖏᑦ 10:42

ᓇᓪᓕᐊᑦ ᐃᒥᕐᒥᒃ ᓂᒡᓕᓇᕐᑐᒥᒃ ᐃᒥᕐᑎᑦᓯᔪᖅ ᒪᓕᒡᑎᓐᓂᑦ ᒥᑭᓐᓂᕐᐸᐅᔪᒥᒃ, ᐃᒥᕐᑎᑕᐅᔫᑉ ᐅᕙᓐᓄᑦ ᒪᓕᒡᑎᐅᓂᖓ ᐱᑦᔪᑎᒋᓗᒍ, ᑖᓐᓇ ᓱᓕᒻᒪᕆᒡᓗᖓ ᐅᖃᐅᑎᕙᑦᓯ ᐊᑭᓕᕐᑕᐅᑦᓯᐊᕈᒫᕐᐳᖅ.”

ᔪᐊᓇᓯᐅᑉ ᐊᒡᓚᖏᑦ 11:50

ᑐᑭᓯᓐᖏᓐᓇᑦᓯ ᐃᓕᑦᓯᓐᓄᑦ ᐱᐅᓂᕐᓴᐅᒐᔭᕐᒪᑦ ᐃᓄᒃ ᐊᑕᐅᓯᖅ ᑐᖁᒃᐸᑦ ᐃᓅᖃᑎᒌᑦ ᐱᑦᔪᑎᒋᓗᒋᑦ, ᐃᓅᖃᑎᒌᑦ ᐊᓯᕈᕐᑕᐅᒐᔭᕐᓂᖏᓐᓃᑦ?”

ᔪᐊᓇᓯᐅᑉ ᐊᒡᓚᖏᑦ 16:7

ᓱᓕᔪᒥᒃ ᐅᖃᐅᑎᕙᑦᓯ: ᐃᓕᑦᓯᓐᓄᑦ ᐱᕙᓪᓕᕐᓇᕐᓂᕐᓴᐅᕗᖅ ᐊᐅᓪᓚᕈᒪ, ᐊᐅᓪᓚᖏᒃᑯᒪ, ᐃᑲᔪᕐᑎᐅᑉ ᑎᑭᓐᓂᐊᖏᒻᒪᓯ; ᐊᐅᓪᓚᕈᒪᓕ, ᐃᓕᑦᓯᓐᓄᑦ ᑎᓕᓛᕐᐸᕋ.

ᔪᐊᓇᓯᐅᑉ ᐊᒡᓚᖏᑦ 18:14

ᑬᐊᐹᓯ ᑖᓐᓇᐅᕗᖅ ᔫᑎᑦ ᐊᖓᔪᖅᑳᖏᓐᓂᒃ ᐃᓱᒪᑖᕐᑎᑦᓯᓚᐅᕐᑐᖅ ᐃᓄᒃ ᐊᑕᐅᓯᖅ ᑐᖁᑕᐅᒃᐸᑦ ᐱᐅᓂᕐᓴᐅᒐᔭᕐᓂᕋᕐᓗᓂᐅᒃ ᐃᓅᖃᑎᒌᓕᒫᑦ ᐱᑦᔪᑎᒋᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:23

ᐅᖃᕐᑐᖃᕐᐸᒃᐳᖅ, “ᓱᓇᑐᐃᓐᓇᕐᓂᒃ ᐱᔪᓐᓇᕐᑎᑕᐅᕗᒍᑦ,” ᑭᓯᐊᓂᓕ ᓱᓇᑐᐃᓐᓁᑦ ᑕᒪᕐᒥᒃ ᐱᕙᓪᓕᕐᓇᕐᑑᓐᖏᓚᑦ. “ᓱᓇᑐᐃᓐᓇᕐᓂᒃ ᐱᔪᓐᓇᕐᑎᑕᐅᕗᒍᑦ,” ᓱᓇᑐᐃᓐᓁᑦᓕ ᑕᒪᕐᒥᒃ ᐃᑲᔪᕐᑕᐅᓐᓇᓐᖏᓚᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:2

ᐱᓇᓱᐊᕈᓯᐅᑉ ᐅᓪᓗᖏᑕ ᓯᕗᓪᓕᕐᐹᖓᓂ ᑕᒫᑦ, ᐊᑐᓂᑦ ᑮᓇᐅᔭᓂᒃ ᓴᓂᕐᕔᖃᑦᑕᕐᑐᒃᓴᐅᕗᓯ ᑮᓇᐅᔭᕐᑖᕆᓯᒪᔭᓯ ᒪᓕᒡᓗᒋᑦ ᑐᓂᔭᐅᔪᒃᓴᓂᒃ, ᐱᕙᓪᓕᐊᔪᓐᓇᖁᓪᓗᓯ, ᑎᑭᒃᑯᒪ ᑲᑎᕐᓱᐃᓇᓱᐊᕈᒪᖏᓐᓇᒪ ᑐᓂᕐᕈᑎᓂᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:12

“ᑕᒤᓐᓂᒃ ᐱᔪᓐᓇᕐᑎᑕᐅᕗᖓ,” ᑕᒪᕐᒥᒡᓕ ᐱᔪᓐᓇᕐᑕᑎᑦ ᐃᑲᔪᕐᑐᐃᓐᓇᐅᓐᖏᓚᑦ. ᑕᒤᓐᓂᒃ ᐱᔪᓐᓇᕐᑎᑕᐅᓂᕋᕐᓗᖓ ᐅᖃᕈᓐᓇᕆᕗᖓ, ᐅᕙᓐᓂᒃᓕ ᐊᐅᓚᑦᓯᓕᕐᓂᐊᕐᑐᒧᑦ ᕿᓚᒃᓱᕐᑕᐅᔪᒪᓐᖏᓚᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:25

ᐅᐃᖃᖏᑦᑐᓪᓕ ᐱᑦᔪᑎᒋᓪᓗᒋᑦ, ᐊᑕᓂᕐᒥᑦ ᐱᔪᒥᒃ ᐱᖁᔭᒥᒃ ᐅᖃᐅᓯᒃᓴᖃᓐᖏᓚᖓ ᑖᒃᑯᓄᖓ, ᑭᓯᐊᓂᓕ ᐃᓱᒪᒋᔭᓐᓂᒃ ᐅᖃᕐᐳᖓ ᐊᑕᓂᐅᑉ ᓂᑲᒍᓱᖕᓂᕐᒥᓄᑦ ᐅᒃᐱᕆᔭᒃᓴᐅᔪᓐᓇᕐᑎᒻᒪᖓ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:40

ᐃᓱᒪᒋᕙᕋᓕ, ᖁᕕᐊᓱᖕᓂᕐᓴᐅᒐᔭᕐᐳᖅ ᐅᐃᑖᖏᒃᑯᓂ ᑍᒫᒡᓗ ᐃᓱᒪᖃᕐᑎᓪᓗᖓ ᒎᑎᐅᑉ ᐊᓂᕐᓂᖓᓂᒃ ᐱᖃᕋᓱᒋᕗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:1

ᓱᓕ ᓂᕐᑑᑎᔭᕆᐊᖃᕋᒪ; ᑕᒪᓐᓇ ᐱᕙᓪᓕᕈᑎᒃᓴᐅᖏᒃᑲᓗᐊᕐᑎᓪᓗᒍ, ᐅᖃᐅᓯᖃᕈᒪᕗᖓᓕ ᐊᑕᓂᕐᒥᑦ ᑕᑯᑎᑕᐅᓂᕐᒥᒃ, ᖃᐅᔨᑎᑕᐅᓂᕐᒥᒡᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:6

ᑍᒤᒻᒪᑦ ᑍᑑᓯ ᐃᓇᓚᐅᕐᐸᕗᑦ, ᑕᒪᑐᒥᖓ ᐱᒋᐊᕐᑎᑦᓯᓚᐅᕐᑐᖅ ᑲᔪᓯᑐᐃᓐᓇᖁᓪᓗᒍ, ᐃᓕᑦᓯᓐᓂᒃ ᐃᑲᔪᕐᓗᓂ ᐱᓇᓱᐊᑦᓯᐊᕐᓂᕐᒥᒃ ᐱᔭᕇᕐᓯᖁᓪᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:8

ᑕᒪᑐᒥᖓ ᐃᓕᑦᓯᓐᓄᑦ ᐱᖁᔭᓕᐅᕋᓱᐊᓐᖏᓚᖓ, ᐊᓯᓯᓕ ᑲᔪᖏᑦᓯᐊᕐᓗᑎᒃ ᐱᓇᓱᐊᑦᓯᐊᕐᒪᑕ ᓇᒡᓕᖕᓂᓯ ᓱᓕᑦᓯᐊᕐᒪᖔᑦ ᐆᒃᑐᑐᐃᓐᓇᕐᐸᕋ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:2

ᖃᐅᔨᒪᒐᒪ ᐅᐸᓗᖕᒊᕐᓯᒪᓂᑦᓯᓐᓂᒃ, ᐅᐱᒍᓱᖕᓂᕋᓚᐅᕋᒪ ᐃᓕᑦᓯᓐᓂᒃ ᒫᓯᑑᓂᐊᒥᐅᓄᑦ ᐅᓐᓂᕐᓯᐅᑎᒋᓪᓗᓯ, ᐅᖃᐅᑎᓚᐅᕐᐸᒃᑲ ᐊᕐᕌᓂᓂᑦ ᐊᑬᐊᒥᐅᖑᔪᓯ ᑐᓂᓯᔪᒪᓂᕋᕐᓗᓯ; ᑕᒪᓐᓇ ᒫᓯᑑᓂᐊᒥᐅᓂᒃ ᐊᐅᓚᑦᔧᓯᒪᕗᖅ ᑲᔪᖏᕐᓴᕐᑕᐅᓪᓗᑎᒃ.

ᐱᓕᐱᒥᐅᓄᑦ 4:17

ᑐᓂᓯᕕᐅᔪᒪᓗᖓ ᐱᓐᖏᓚᖓ; ᐊᑭᓕᕐᑕᐅᓂᒃᓴᓯᓕ ᐱᓂᐊᕐᓂᕕᓂᑦᓯᓐᓄᑦ ᑕᒪᓐᓇ ᐱᔪᒪᕙᕋ.

ᐄᑉᕈᐃᓄᑦ 13:16

ᓄᖅᑲᐅᑦᔨᓂᐊᕋᓯ ᐱᑦᓯᐊᕐᓂᕐᒥᒃ ᐱᖁᑎᑦᓯᓐᓂᒡᓗ ᑲᑐᑦᔨᖃᑎᖃᕐᓂᕐᒥᒃ, ᑕᒪᒃᑯᐊ ᑐᓂᕐᕈᑏᑦ ᒎᑎᐅᑉ ᖁᕕᐊᒋᖕᒪᒋᑦ.