ᑯᕆᓐᑎᐊᒥᐅᓄᑦ ᐂᑉᐸᖏᑦ 8:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᖃᐅᔨᒪᖁᕙᑦᓯᓕ ᙭ᔅᑐᓯᒥᐅᑕᐅᖃᑎᒃᑲ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐅᒃᐱᕐᑑᖃᑎᒌᓄᑦ ᓴᖅᑭᑎᑕᐅᓯᒪᔪᒥᒃ ᒫᓯᑑᓂᐊᒦᑦᑐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:1 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 25:22

ᑕᕝᕙ ᐱᔨ ᑮᓇᐅᔭᓂᒃ 2,000ᓂᒃ ᑐᓂᓯᕕᐅᓯᒪᔪᖅ ᕾᒋᕗᖅ ᐅᖃᕐᓗᓂ, ‘ᐊᖓᔪᖅᑳ, ᑮᓇᐅᔭᓂᒃ 2,000ᓂᒃ ᑐᓂᓯᕕᒋᓚᐅᕋᕕᖓ; ᑕᑯᒋᑦ 2,000ᑲᓐᓂᕐᓂᒃ ᐃᓚᒃᑲᓐᓂᓚᐅᕐᐸᒃᑲ.’

ᐋᐴᓯᑕᓖᑦ ᐱᓂᐊᕐᓂᖏᑦ 11:23

ᑍᑯᖓ ᑎᑭᓐᓇᒥ ᑕᑯᕗᖅ ᒎᑎᐅᑉ ᓮᒻᒪᕐᑎᑦᓯᓂᖓᓂᒃ ᐃᓄᖕᓂᒃ, ᖁᕕᐊᓱᒃᐳᑦ; ᑲᔪᖏᕐᓴᕐᐰᑦ ᑕᒪᕐᒥᒃ ᑲᔪᓯᑦᓯᐊᖁᓪᓗᒋᑦ ᐊᑕᓂᕐᒥᒃ ᐊᑕᕕᖃᑦᓮᓐᓇᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:9

ᐅᓐᓄᐊᖑᓕᕐᑎᓪᓗᒍ ᐸᐅᓗᓯ ᑕᑯᑎᑕᐅᕗᖅ; ᐊᖑᒻᒥᒃ ᒫᓯᑑᓂᐊᒥᐅᑕᕐᒥᒃ ᓴᓂᒥᓂ ᓇᖏᕐᑐᒥᒃ ᕿᓄᕕᒋᓪᓗᒍ ᐅᖃᕐᑐᒥᒃ, “ᒫᓯᑑᓂᐊᒧᑦ ᕾᒋᑦᓯ ᐃᑲᔪᕆᐊᕐᓗᑕ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:17

“ᐊᕐᕌᒍᓂᒃ ᐊᒥᓱᓂᒃ ᐊᐅᓪᓚᕐᓯᒪᓚᐅᕐᓗᖓ ᔨᕉᓴᓕᒻᒧᑦ ᐅᑎᓚᐅᕐᐳᖓ, ᐃᓅᖃᑎᒃᑲ ᐊᔪᕐᓴᕐᑐᑦ ᑮᓇᐅᔭᓂᒃ ᑐᓂᓯᕕᒋᔭᕐᑐᕐᓗᒋᑦ, ᑐᓂᕐᕈᓯᕆᐊᑐᕐᓗᖓᓗ ᑐᒃᓯᐊᕐᕕᒡᔪᐊᒥ.

ᕉᒪᒥᐅᓄᑦ 15:26

ᒫᓯᑑᓂᐊᒥᐅᑦ ᐊᑬᐊᒥᐅᓪᓗ ᖁᕕᐊᓱᒡᓗᑎᒃ ᑐᓂᓯᔪᒪᓚᐅᕐᒪᑕ ᐊᔪᕐᓴᕐᑐᓄᑦ ᒎᑎᐅᑉ ᐃᓄᖁᑎᖏᓐᓄᑦ ᔨᕉᓴᓕᒻᒦᑦᑐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:10

ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:9

ᐃᓕᑦᓯᓐᓃᑎᓪᓗᖓᓗ ᑮᓇᐅᔭᒥᒃ ᐱᔭᕆᐊᖃᓕᕌᖓᒪ, ᐃᓕᑦᓯᓐᓄᑦ ᓇᓕᑦᓯᓐᓄᑦ ᐃᑲᔪᕐᑕᐅᔪᒪᓗᖓ ᐅᖃᓚᐅᓐᖏᓚᖓ, ᐅᒃᐱᕐᑑᖃᑎᒌᓪᓕ ᒫᓯᑑᓂᐊᒥᑦ ᐱᓯᒪᔪᑦ ᐱᔭᕆᐊᖃᕐᑕᓐᓂᒃ ᐅᕙᓐᓄᑦ ᑐᓂᓯᓚᐅᕐᐳᑦ. ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᔪᒪᖏᓐᓇᒪ ᑕᒤᑎᒍᑦ; ᓱᓕᓗ ᑕᒪᑐᒪ ᑭᖑᓂᖓᒍᑦ ᐅᖁᒤᑦᔪᑕᐅᔪᒪᖏᓐᓂᕗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:12

ᐃᑲᔪᕐᓂᑦᓯᓐᓄᑦ ᑕᒪᑐᒧᖓ ᐃᑦᔪᕐᓁᑦᑐᑦ ᐱᔭᕆᐊᖃᕐᓂᖏᓐᓂᒃ ᐃᑲᔪᑐᐃᓐᓇᓐᖏᓚᓯ ᐊᒥᓱᓄᓪᓕ ᐊᖏᔪᒥᒃ ᖁᔭᓕᑦᔪᑕᐅᕗᓯ ᒎᑎᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:2

ᖃᐅᔨᒪᒐᒪ ᐅᐸᓗᖕᒊᕐᓯᒪᓂᑦᓯᓐᓂᒃ, ᐅᐱᒍᓱᖕᓂᕋᓚᐅᕋᒪ ᐃᓕᑦᓯᓐᓂᒃ ᒫᓯᑑᓂᐊᒥᐅᓄᑦ ᐅᓐᓂᕐᓯᐅᑎᒋᓪᓗᓯ, ᐅᖃᐅᑎᓚᐅᕐᐸᒃᑲ ᐊᕐᕌᓂᓂᑦ ᐊᑬᐊᒥᐅᖑᔪᓯ ᑐᓂᓯᔪᒪᓂᕋᕐᓗᓯ; ᑕᒪᓐᓇ ᒫᓯᑑᓂᐊᒥᐅᓂᒃ ᐊᐅᓚᑦᔧᓯᒪᕗᖅ ᑲᔪᖏᕐᓴᕐᑕᐅᓪᓗᑎᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:4

ᑕᕝᕙᓕ ᒫᓯᑑᓂᐊᒥᐅᒥᒃ ᐃᓚᖃᕐᓗᖓ ᐃᓕᑦᓯᓐᓄᑦ ᑎᑭᒃᑯᒪ ᐅᐸᓗᖕᒊᕐᓯᒪᖏᑦᑐᓯ ᖃᐅᔨᔭᐅᒍᑦᓯ, ᑲᓐᖑᓱᒃᑎᑕᐅᒐᔭᕐᐳᒍᑦ ᐃᓕᑦᓯᓐᓂᒃ ᖁᓚᖏᑦᔪᑎᖃᓗᐊᓚᐅᕐᓂᑦᑎᓐᓄᑦ.

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᑯᓘᓯᐊᒥᐅᓄᑦ 1:29

ᑕᒪᓐᓇ ᐱᔭᕇᕈᒪᓪᓗᒍ ᐊᒃᓱᕉᑎᒋᕙᕋ ᐃᓗᖏᕐᑐᕐᓗᖓ, ᐱᔪᓐᓇᕐᓂᕐᒥᒃ ᐊᖏᔪᒥᒃ ᐊᑐᕐᑎᑕᐅᓪᓗᖓ ᑖᑦᓱᒪ ᐅᕙᓐᓄᑦ ᕾᓯᒪᔭᖓᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:10

ᐅᒃᐱᕐᑑᖃᑎᓕᒫᕗᓪᓗ ᒫᓯᑑᓂᐊᒦᑦᑐᑦ ᑍᒫᒃ ᐱᓂᐊᕐᕕᒋᑦᓯᐊᓚᐅᕐᐸᓯ, ᓱᓕᓕ ᙭ᔅᑑᓯᒥ ᐅᒃᐱᕐᑑᖃᑎᕗᑦ, ᐃᓇᑦᓯᒃᑲᓐᓂᕐᐳᒍᑦ ᑍᒤᓕᐅᑲᓐᓂᖁᓪᓗᓯ ᓱᓕ.