ᑯᕆᓐᑎᐊᒥᐅᓄᑦ ᐂᑉᐸᖏᑦ 7:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᓕᑦᓯᓐᓂᒃ ᖁᓚᕈᑎᖃᖏᑦᓯᐊᕋᒪ; ᖁᕕᐊᒋᒻᒪᕆᒃᓗᓯᓗ. ᒪᓂᒍᕐᑕᐅᓂᕐᒥᒃ ᐃᓗᒻᒥᕐᑕᐅᕗᖓ; ᖁᕕᐊᓱᓗᐊᕐᓗᖓ ᐊᒡᓛᑦ, ᐅᖁᒤᑦᑐᑎᒎᕋᓗᐊᕐᑎᓪᓗᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:4 Iomraidhean Croise

ᐋᐴᓯᑕᓖᑦ ᐱᓂᐊᕐᓂᖏᑦ 5:41

ᐋᐴᓯᑕᓖᑦ ᑲᑎᒪᔨᕐᔪᐊᓂᑦ ᐊᓂᒐᒥᒃ ᖁᕕᐊᓱᒻᒪᕆᒃᐳᑦ ᖃᐅᔨᒐᒥᒃ ᐋᓐᓂᐊᑎᑕᐅᔪᓐᓇᕐᓂᑎᒃ ᓈᒻᒪᒋᔭᐅᖕᒪᑦ ᒎᑎᒧᑦ, ᔩᓱᓯ ᐱᑦᔪᑎᒋᓪᓗᒍ.

ᕉᒪᒥᐅᓄᑦ 5:3

ᑕᒪᑐᒥᖓᑐᐊᖑᖏᑦᑐᖅ, ᐊᒃᓱᕈᕐᑎᑕᐅᓂᑦᑎᓐᓂᒡᓕ ᖁᕕᐊᓲᑎᖃᕐᐳᒍᑦ, ᖃᐅᔨᒪᒐᑦᑕ ᐊᒃᓱᕈᕐᑎᑕᐅᓂᖅ ᕿᓄᐃᓵᕐᓂᕐᒥᒃ ᐱᑎᑦᓯᖕᒪᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:4

ᑍᒪᓐᖓᓕᒫᖅ ᒎᑎ ᖁᔭᒋᕙᒃᐸᕋ ᐱᑦᔪᑎᒋᓪᓗᓯ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓕᑦᓯᓐᓄᑦ ᑐᓂᔭᐅᓚᐅᕐᒪᑦ ᙭ᔅᑑᓯ ᔩᓱᓯᒃᑯᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:14

ᐃᓔᓐᓇᖓᓂᒃ ᐅᕙᑦᑎᓐᓂᒃ ᑐᑭᓯᓯᒪᒐᑦᓯ, ᑐᑭᓯᓂᑦᓯᒍᑦ ᐅᕙᑦᑎᓐᓂᒃ ᖁᕕᐊᓱᒍᑎᖃᖁᓪᓗᓯ, ᐅᕙᒍᑦᑕᐅᖅ ᐃᓕᑦᓯᓐᓂᒃ ᖁᕕᐊᓱᒍᑎᖃᕈᓐᓇᖁᓪᓗᑕ, ᐊᑕᓂᑦᑕ ᔩᓱᓯᐅᑉ ᐅᓪᓗᒃᓴᖓᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:4

ᑖᑦᓱᒪ ᐃᑲᔪᕐᒪᑎᒍᑦ ᐅᖁᒤᒃᓴᕈᑎᒋᔭᑦᑎᓐᓂᑦ, ᐅᕙᒍᑦᑕᐅᖅ ᐃᑲᔪᕈᓐᓇᖁᓪᓗᑕ ᐊᓯᑦᑎᓐᓂᒃ ᖃᓄᐃᑦᑐᑐᐃᓐᓇᕐᓄᑦ ᐅᖁᒤᒃᓴᕈᑎᖃᕐᑐᓄᑦ, ᓇᖕᒥᓂᖅ ᐃᑲᔪᕐᑕᐅᑦᔪᑎᒋᓯᒪᔭᑦᑎᓐᓄᑦ ᒎᑎᒥᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 10:8

ᑲᓐᖑᓱᓐᖏᓚᖓᓘᓐᓃᑦ ᐊᑕᓂᕐᒧᑦ ᐱᔪᓐᓇᕐᑎᑕᐅᓂᑦᑎᓐᓂᒃ ᓂᕐᑑᑎᑬᓐᓇᕋᓗᐊᕈᒪ, ᐊᑕᓂᐅᑉ ᐱᕈᕐᐸᓪᓕᐊᑎᒻᒪᓯ ᐊᓯᕈᕋᓱᐊᖏᒻᒪᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:21

ᑲᓐᖑᓱᒃᐳᖓᓘᓐᓃᑦ ᐅᖃᕆᐊᒃᓴᖅ, ᐃᓕᕋᓱᓚᐅᕐᐳᒍᓪᓕ ᐊᒡᓛᑦ ᑍᒤᓕᐅᕆᐊᒃᓴᖅ! ᓱᓇᒥᒃ ᓂᕐᑑᑎᑦᔪᑎᖃᕈᒪᔪᖃᕐᐸᑦ; ᓯᓔᑦᑐᑎᑐᑦ ᐅᖃᕐᐳᖓ; ᐅᕙᖓᑦᑕᐅᖅ ᑕᒪᒃᑯᓂᖓ ᓂᕐᑑᑎᔪᒪᕗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:14

ᒎᑎᓕ ᖁᔭᒋᔭᐅᓕ, ᙭ᔅᑑᓯᒃᑯᑦ ᓵᓚᖃᕐᓂᕐᒧᑦ ᑕᓯᐅᕐᐸᖕᒪᑎᒍᑦ, ᐅᕙᑦᑎᒍᓪᓗ ᖃᐅᔨᔭᐅᕙᓪᓕᐊᑎᑦᓯᖕᒪᑦ ᙭ᔅᑑᓯᒥᒃ ᑎᐱᑦᓯᐊᕆᒃᑐᒧᑦ ᒪᒪᕐᓮᔪᑎᑐᑦ ᓇᒧᑐᐃᓐᓇᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:12

ᑍᒤᑦᑐᒥᒃ ᑕᕝᕙ ᓂᕆᐅᖕᓂᖃᕋᑦᑕ, ᓱᓇᒥᒡᓘᓐᓃᑦ ᓯᕘᕋᓐᖏᓚᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:14

ᑖᑦᓱᒧᖓ ᐅᖃᐅᑎᒋᓚᐅᕋᑦᓯ ᐃᓕᑦᓯᓐᓂᒃ ᐅᐱᒍᓲᑎᖃᕐᓂᕋᕐᓗᖓ, ᑲᓐᖑᓱᒃᑎᓚᐅᓐᖏᓚᑦᓯᓐᖓ, ᐃᓕᑦᓯᓐᓄᑦ ᐅᖃᐅᓯᕆᓚᐅᕐᑕᕗᑦ ᑕᒪᕐᒥᒃ ᓱᓕᖕᒪᑕ, ᐃᓕᑦᓯᓐᓂᒃ ᐅᐱᒍᓲᑎᖃᓚᐅᕐᓂᕗᑦ ᑍᑑᓯᒧᑦ ᓴᖅᑭᑕᐅᕗᑦ ᓴᒡᓗᓯᒪᖏᓐᓇᑦᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:24

ᑍᒤᒻᒪᑦ, ᑖᒃᑯᐊ ᓇᒡᓕᖕᓂᑦᓯᓐᓂᒃ ᓴᖅᑭᑎᑦᓯᕕᒋᓯᐅᒃ, ᓇᒡᓕᖕᓂᓯ ᐅᒃᐱᕐᑑᖃᑎᒌᓄᑦ ᑕᒤᓐᓄᑦ ᖃᐅᔨᔭᐅᖁᓪᓗᒍ ᓱᓕᓪᓗᑕᓗ ᐃᓕᑦᓯᓐᓂᒃ ᐅᐱᒋᔭᖃᕐᓂᕗᑦ ᖃᐅᔨᔭᐅᖁᓪᓗᒍ.

ᐱᓕᐱᒥᐅᓄᑦ 1:14

ᑎᒍᔭᐅᓯᒪᕕᖕᒦᓐᓂᓐᓄᓪᓗ ᐅᒃᐱᕐᑑᖃᑎᕗᑦ ᖁᓚᕈᓐᓃᕐᑎᑕᐅᑲᓐᓂᕐᐳᑦ ᐊᑕᓂᕐᒥᒃ, ᒎᑎᐅᑉ ᐅᖃᐅᓯᕆᔭᐅᖁᔭᖓᓂᒃ ᐅᖃᓪᓚᖁᓪᓗᒋᑦ ᓯᕗᕋᖏᓪᓗᑎᒃ.

ᐱᓕᐱᒥᐅᓄᑦ 1:20

ᐱᔪᒪᓂᕐᐹᕆᔭᕋᓕ ᓂᕆᐅᒋᓪᓗᒍᓗ ᐱᔭᕆᐊᖃᕐᑕᓐᓂᒃ ᑲᔪᓯᔪᒪᓪᓗᖓ ᑲᓐᖑᓲᑎᒃᓴᖃᕈᒪᓇᖓ, ᓴᐱᖏᑦᓯᐊᕐᓂᖃᕈᒪᓪᓗᖓ ᒫᓐᓇᒥᑦ ᑍᒪᓐᖓᓕᒫᖅ ᐃᓅᓯᕋ ᙭ᔅᑑᓯᐅᑉ ᓂᕐᑐᕐᑕᐅᑦᔪᑎᒃᓴᖓᓄᑦ ᑐᕌᖓᖁᓪᓗᒍ, ᐃᓅᒐᓗᐊᕈᒪ ᑐᖁᒐᓗᐊᕈᒪᓘᓐᓃᑦ.

ᐱᓕᐱᒥᐅᓄᑦ 1:26

ᐃᓕᑦᓯᓐᓄᑦ ᐅᑎᕐᑎᑕᐅᖕᒥᒍᒪ, ᐅᕙᒃᑯᑦ ᓂᕐᑐᐃᒃᑲᓐᓂᖁᓪᓗᓯ ᔩᓱᓯ ᙭ᔅᑑᓯᒥᒃ.

ᐱᓕᐱᒥᐅᓄᑦ 2:17

ᐊᐅᒐᓕ ᑯᕕᓂᐊᕐᐸᓪᓘᓐᓃᑦ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᔪᑎᑐᑦ ᐅᒃᐱᕐᓂᑦᓯᓐᓄᑦ, ᖁᕕᐊᓱᒃᑲᔭᕐᐳᖓ ᐃᓘᓐᓇᓯᓗ ᖁᕕᐊᓱᖃᑎᒋᓗᓯ.

ᑯᓘᓯᐊᒥᐅᓄᑦ 1:24

ᒫᓐᓇ ᖁᕕᐊᓲᑎᒋᕙᕋ ᐅᖁᒤᒃᓴᕐᓇᕐᑐᑰᕐᑎᑕᐅᓂᒃᑲ ᐃᓕᑦᓯ ᐱᑦᔪᑎᒋᓪᓗᓯ, ᑎᒥᒃᑯᑦ ᐋᓐᓂᐊᓇᑐᑰᑎᑕᐅᓂᒃᑲ ᐱᔭᕇᓯᖃᑕᐅᑦᔪᑎᒋᒐᒃᑭᑦ ᙭ᔅᑑᓯᐅᑉ ᑎᒥᖁᑎᒥᓂ ᐋᓐᓂᐊᕈᑎᒋᒐᔭᕐᑕᖏᓐᓂ, ᐅᒃᐱᕐᑑᖃᑎᒌᑦ ᐱᓪᓗᒋᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:19

ᐃᓛᒃ ᐃᓕᑦᓯᐅᒐᑦᓯ ᐊᓯᑦᓯᓐᓂᒃ ᓂᕆᐅᒡᕕᒃᓴᖃᓐᖏᓚᒍᑦ ᐃᓗᑦᑎᒍᓪᓗ ᖁᕕᐊᓲᑎᒋᕙᑦᓯ ᐃᓕᑦᓯᓗ ᓂᕐᑐᕐᓇᐅᑎᒃᓴᒥᒃ ᐱᒃᓴᖃᐅᑎᒋᕙᑦᓯ, ᓵᓚᖃᕐᓂᑦᑎᓐᓂᒡᓗ ᐊᑕᓂᑦᑕ ᔩᓱᓯᐅᑉ ᑎᑭᕝᕕᒃᓴᖓᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:2

ᖃᐅᔨᒪᕗᓯ ᐃᓕᑦᓯᓐᓄᐊᓚᐅᕐᓇᑕ ᓱᓕ ᐱᑦᓯᐊᕐᑕᐅᖏᓐᓂᕆᓚᐅᕐᑕᑦᑎᓐᓂᒃ ᒥᑕᐅᑎᒋᔭᐅᓚᐅᕐᓂᑦᑎᓐᓂᒡᓗ ᐱᓕᐰᒥ, ᑍᒤᒃᑲᓗᐊᕐᑎᓪᓗᒍᓕ, ᐊᑭᕋᕐᑐᕐᑕᐅᒻᒪᕆᒃᑲᓗᐊᕐᓗᑕ ᒎᑎᐅᑉ ᐱᔪᓐᓇᕐᑎᓚᐅᕐᐹᑎᒍᑦ ᐃᓕᑦᓯᓐᓂᒃ ᑐᓴᕐᑎᑦᓯᖁᓪᓗᑕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑖᑦᓱᒪᖓᑦ ᐱᔪᓂᒃ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:4

ᑍᒤᒻᒪᑦ ᑕᕝᕙ ᐅᕙᒍᑦ ᓇᖕᒥᓂᖅ ᓂᕐᑑᑎᑦᔪᑎᖃᕐᐸᒃᐳᒍᑦ ᐃᓕᑦᓯᓐᓂᒃ ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᕿᓄᐃᓵᕐᓂᕐᒥᒃ ᐅᒃᐱᕐᓂᖃᑦᓯᐊᕐᓂᕐᒥᒡᓗ ᑲᔪᓯᑦᓯᐊᓚᐅᕋᑦᓯ ᐊᑭᕋᕐᑐᕐᑕᐅᒐᓗᐊᕐᑎᓪᓗᓯ ᐅᑯᒤᒃᓴᕐᑎᑕᐅᑎᓪᓗᓯᓗ.

ᐰᓕᒨᓂᒧᑦ 1:7

ᐅᒃᐱᕐᑑᖃᑎᒐ ᓇᒡᓕᖕᓇᕐᑐᑎᑦ, ᓇᒡᓕᖕᓂᕐᓄᑦ ᐊᖏᔪᐊᓗᖕᒥᒃ ᖁᕕᐊᓱᒃᑎᑕᐅᕗᖓ ᐱᕙᓪᓕᕐᑎᑕᐅᓪᓗᖓᓗ, ᐃᑦᔪᕐᓁᑎᑕᐅᓯᒪᔪᓕᒫᑦ ᐆᒻᒪᑎᒥᒍᑦ ᖁᕕᐊᓱᒃᑎᑕᐅᓯᒪᖕᒪᑕ ᐱᑦᔪᑎᒋᓪᓗᑎᑦ.

ᔧᒥᓯᐅᑉ ᐊᒡᓚᖏᑦ 1:2

ᐅᒃᐱᕐᑑᖃᑎᒃᑲ ᖁᕕᐊᓱᒪᕆᒋᑦᓯ, ᓱᓇᑐᐃᓐᓇᕐᓄᑦ ᐊᑦᔨᒌᖏᑦᑐᓄᑦ ᐆᖁᒤᑐᒦᑎᑕᐅᓕᕈᑦᓯ,