ᑯᕆᓐᑎᐊᒥᐅᓄᑦ ᐂᑉᐸᖏᑦ 7:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑕᕝᕙ ᖃᐅᔨᓕᕆᑦᓯ ᑕᒪᓐᓇ ᕿᒃᓵᒃᑎᑕᐅᓂᓯ ᖃᓄᖅ ᒎᑎᒧᑦ ᐊᑐᕐᑕᐅᓯᒪᓂᖓᓂᒃ; ᐱᒋᐊᒃᑲᓐᓂᕈᑎᒋᒐᑦᓯᐅᒃ ᐸᓯᔭᒃᓴᐅᔪᒪᖏᓐᓂᑦᓯᓐᓄᓪᓗ ᓇᓗᓁᕐᓯᑦᔪᑎᒋᓪᓗᒍ, ᓯᕘᕋᓂᖃᕐᑎᓚᐅᕐᒪᓯ ᓇᒡᓕᒍᓱᖕᓂᖃᕐᑎᒻᒪᓯᓗ ᐃᓱᒪᔮᕈᑎᖃᕐᑎᒻᒪᓯᓗ, ᐊᑲᐅᔪᒥᒃ ᐃᖅᑲᕐᑐᐃᓂᖅ ᓴᖅᑭᖁᓪᓗᒍ. ᑕᕝᕙ ᑕᒤᑎᒍᑦ ᓇᓗᓁᕐᐳᓯ ᐸᓯᔭᒃᓴᐅᖏᓐᓂᑦᓯᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:11 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 13:25

ᓱᐊᓚᐅᕐᐸᒃᑲᓕ ᐅᖃᕐᓂᕐᓗᒡᕕᒋᓪᓗᒋᓪᓗ, ᐃᓚᖏᓪᓗ ᐋᓐᓂᕐᓯᓚᐅᕐᐸᒃᑲ ᓄᔮᕐᑐᕐᓗᒋᓪᓗ; ᐊᖏᒻᒪᕆᒃᑎᓚᐅᕐᐸᒃᑲ ᒎᑎᐅᑉ ᐊᑎᖓᓂ, ᐅᖃᐅᑎᓪᓗᒋᓪᓗ, “ᐸᓂᓯ ᑐᓂᔭᒃᓴᕆᓐᖏᓚᓯ ᑍᒃᑯᐊ ᐃᕐᓂᖏᓐᓄᑦ, ᐅᕝᕙᓗ ᑍᒃᑯᐊ ᐸᓂᖏᓐᓂᒃ ᑎᒍᓯᔪᒃᓴᐅᓐᖏᓚᓯ ᐃᕐᓂᑦᓯᓐᓄᑦ, ᓇᖕᒥᓂᑦᓯᓐᓄᓪᓘᓐᓃᑦ.

ᔫᐱᐅᑉ ᐊᒡᓚᖏᑦ 42:6

ᑍᒤᒻᒪᑦ ᑲᓐᖑᓱᓕᕐᐳᖓ ᐸᓯᔭᒃᓴᐅᓕᕐᓗᖓᓗ, ᖃᕿᐊᓕᕐᓗᖓᓗ ᐳᔪᕋᒥᑎᕐᓂᐊᕐᐳᖓ ᐊᕐᔭᓕᓂᕐᑎᕐᓗᖓᓗ.”

ᐃᓐᖏᕈᑎᑦ 119:139

ᓂᓐᖓᖕᓂᕐᒧᑦ ᑎᑭᑕᐅᑲᓪᓚᒃᐳᖓ, ᐊᑭᕋᕐᑐᕐᑎᒪ ᐅᖃᐅᓯᕐᑎᑦ ᐳᐃᒍᕐᒪᒋᑦ.

ᐃᓐᖏᕈᑎᑦ 130:6

ᑕᕐᓂᕐᒪ ᐊᑕᓂᖅ ᐅᑕᖅᑭᕚ ᐅᓐᓄᐊᒃᑯᑦ ᖃᐅᔨᓴᕐᑎᐅᑉ ᐅᓪᓛᕈᕐᓂᐊᕐᓂᖓᓂᒃ ᐅᑕᖅᑭᔪᒥᑦ ᐊᑯᓂᐅᒃᓴᕐᓂᕐᓴᐅᓪᓗᖓ ᐊᒡᓛᑦ, ᐅᓐᓄᐊᒃᑯᑦ ᖃᐅᔨᓴᕐᑎᐅᑉ ᐅᓪᓛᕈᕐᓂᐊᕐᓂᖓᓂᒃ ᐅᑕᖅᑭᔪᒥᑦ ᐊᑯᓂᐅᒃᓴᕐᓂᕐᓴᐅᓪᓗᖓ.

ᐃᓐᖏᕈᑎᑦ 145:19

ᑖᑦᓱᒥᖓ ᓯᕘᕋᔪᑦ ᐱᔪᒪᓂᓕᒫᖏᑦ ᓈᒻᒪᒃᓯᑎᑉᐰᑦ, ᑐᒃᓯᐊᕐᓂᖏᓪᓗ ᑐᓴᕐᐰᑦ, ᐱᐅᓕᓪᓗᒋᓪᓗ.

ᐃᓐᖏᕈᑎᑦ 2:11

ᐊᑕᓂᖅ ᐱᔨᑦᓯᕐᓯᐅᒃ ᓯᕘᕋᓗᓯ, ᖁᕕᐊᓱᒋᑦᓯᓗ ᓴᔪᒡᓗᓯ.

ᐃᓐᖏᕈᑎᑦ 35:13

ᐅᕙᖓᓕ ᖃᓂᒪᓕᕌᖓᑕ ᐊᓐᓄᕌᒥᒃ ᓂᕈᒥᖏᑦᑐᒥᒃ ᐊᑎᕙᒃᐳᖓ, ᒥᑭᓕᑎᕐᓗᖓᓗ ᓂᕆᑦᑍᓕᓪᓗᖓ; ᑐᒃᓯᐊᕐᓂᕋᓕ ᐅᑎᓚᐅᕐᐳᖅ ᐅᕙᓐᓄᑦ.

ᐃᓐᖏᕈᑎᑦ 38:9

ᐊᑕᓃᖅ, ᐱᔪᒪᔭᓕᒫᒃᑲ ᓵᖕᓃᑉᐳᑦ; ᐊᓂᕐᓴᐅᒥᓂᒃᑲᓘᓐᓃᑦ ᐃᓕᖕᓄᑦ ᐃᔨᕐᓯᒪᓐᖏᓚᑦ.

ᐃᓐᖏᕈᑎᑦ 42:1

ᓲᕐᓗ ᑐᒃᑐ ᓂᓪᓕᐊᖕᒪᑦ ᑰᒐᓛᒥᑦ ᐃᒥᕈᒃᓗᓂ, ᑍᒫᒃᑕᐅᖅ ᑕᕐᓂᕋ ᓂᓪᓕᐊᒋᕗᖅ ᐃᓕᖕᓄᑦ, ᒎᑏ.

ᐃᓐᖏᕈᑎᑦ 69:9

ᐃᒡᓗᖕᓂᒃ ᑲᔪᖏᕈᑎᖃᕐᓂᕐᒧᑦ ᑕᖃᑎᑕᐅᕗᖓ, ᐃᓕᖕᓂᒃ ᐅᖃᕐᓂᕐᓘᑎᖃᕐᑐᑦ ᐅᖃᕐᓂᕐᓗᖕᓂᖏᑕ ᑐᕝᕕᒋᕚᖓ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:16

ᓯᓚᑐᔪᖅ ᓯᕘᕋᒐᒥ ᐱᐅᖏᑦᑐᒥᒃ ᐊᑐᕐᑍᓕᕗᖅ, ᓯᓔᑦᑐᕐᓕ ᐃᓱᒤᓐᓇᕐᕆᓪᓗᓂ ᐊᑐᕆᐊᖃᓐᖏᑕᓂ ᑲᒪᒋᑦᓯᐊᓐᖏᓛ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:14

ᖁᕕᐊᓱᑦᓮᓐᓇᕐᐳᖅ ᐊᖑᑦ ᐊᑕᓂᕐᒥᒃ ᓯᕘᕋᔪᖅ, ᑖᓐᓇᓕ ᐆᒻᒪᑎᒥᓂᒃ ᓯᑎᑎᑦᓯᔪᖅ ᑲᑕᒍᒫᕐᐳᖅ ᐱᕐᕈᓗᐊᕿᓂᕐᒧᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 8:6

ᐆᒻᒪᑎᖕᓄᑦ ᓇᕿᑦᔪᑎᑐᑦ ᐅᒃᑯᐃᕐᑕᐅᑦᔧᒃᑯᑎᑐᑦ ᑍᒤᓚᐅᓐᖓ, ᑕᓕᕐᓄᓪᓗ ᐊᓯᓐᓂᒃ ᐃᕿᑦᓯᑦᑍᓕᑦᔪᑎᑐᑦ; ᓇᒡᓕᖕᓂᖅ ᑐᖁᒧᑦ ᐃᓕᖓᔫᔮᕐᒪᑦ, ᓯᖕᓇᓂᕐᑐᓪᓗ ᐃᓗᕕᐅᑉ ᑲᑉᐱᐊᓇᕐᓂᖓᑐᑦ ᑍᒤᑦᑐᑐᑦ; ᐃᑯᒪᖓ ᐃᑯᐊᓚᕗᖅ ᐃᑯᒪᕐᔪᐊᑐᑦ.

ᐂᓮᐊᓯᐅᑉ ᐊᒡᓚᖏᑦ 26:8

ᓱᓕᔪᒃᑯᑦ ᐃᖅᑲᕐᑐᐃᓂᕐᐱᑦ ᐊᖅᑯᑎᖓᒍᑦ, ᐊᑕᓃᖅ ᐅᑕᖅᑭᕙᑦᑎᒋᑦ; ᐊᑎᕐᓂᒡᓗ ᐃᖅᑲᐅᒪᓂᖅ ᑕᕐᓂᑦᑕ ᐱᔪᒪᔭᑐᐊᕆᕚ.

ᐂᓮᐊᓯᐅᑉ ᐊᒡᓚᖏᑦ 66:2

ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.

ᑖᓂᐊᓕᐅᑉ ᐊᒡᓚᖏᑦ 6:14

ᐊᖓᔪᖅᑳᕐᔪᐊᕐᓕ ᑕᒪᑐᒥᖓ ᑐᓴᕋᒥ ᐃᓱᒪᔮᒻᒪᕆᓕᕐᐳᖅ, ᖃᓄᑐᐃᓐᓇᕐᓗ ᕿᓂᓕᕐᐳᖅ ᑖᓂᐊᓕ ᓴᐳᑎᔪᒪᓪᓗᒍ ᓯᕿᓂᐅᑉ ᓂᐱᓂᖓ ᑎᑭᓪᓗᒍ.

ᒫᑯᓯᐅᑉ ᐊᒡᓚᖏᑦ 3:5

ᐊᕙᑎᒥᓃᑦᑐᑦ ᑕᑯᓴᕐᐰᑦ ᐊᑲᐅᒃᓴᕈᓐᓃᕐᓗᓂ, ᕿᒃᓵᒍᑎᒋᓪᓗᒋᑦ ᐆᒻᒪᑎᖏᑦ ᓯᑎᔪᐊᓘᖕᒪᑕ, ᐊᖑᒻᒧᑦ ᐅᖃᕐᐳᖅ, “ᐊᒡᒐᑎᑦ ᐃᓵᓚᐅᒃᑭᑦ.” ᑕᕝᕙ ᐃᓵᒃᐰᑦ, ᐋᖅᑭᑦᓯᐊᕐᓗᑎᒃ ᖃᓄᐃᖏᑦᔪᓯᕕᓂᕐᒥᒃᑐᑦ.

ᔪᐊᓇᓯᐅᑉ ᐊᒡᓚᖏᑦ 2:17

ᑕᕝᕙ ᐃᓕᓐᓂᐊᕐᑎᖏᑦ ᐃᖅᑬᕗᑦ ᑎᑎᕋᕐᓯᒪᔪᖃᕐᒪᑦ, “ᐃᒡᓗᖕᓄᑦ ᐃᓗᖏᕐᓲᑎᖃᕐᓂᕐᒪ ᐊᒃᓱᕈᕐᑎᓕᕐᐹᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 17:16

ᐸᐅᓗᓯ ᐋᑎᓐᓯᒥ ᐅᑕᖅᑭᓕᕐᐳᖅ ᓮᓚᓯᒥᒃ ᑎᒧᑎᒥᒡᓗ, ᐊᖏᔪᒥᒃ ᐅᖁᒤᒃᓴᕈᑎᖃᓕᕐᐳᖅ ᓄᓇᓖᑦ ᐅᓄᕐᑐᐊᓗᖕᓂᒃ ᒎᑎᓐᖑᐊᖃᕐᓂᖏᓐᓄᑦ.

ᕉᒪᒥᐅᓄᑦ 11:20

ᑕᒪᓐᓇ ᓱᓕᕗᖅ. ᑍᒃᑯᐊᓕ ᓇᑲᑕᐅᓚᐅᕐᐳᑦ ᐅᒃᐱᖏᓐᓂᖏᓐᓄᑦ, ᐃᕝᕕᓪᓕ ᓇᖏᕐᐳᑎᑦ ᐅᒃᐱᕐᓂᒃᑯᑦ ᑭᓯᐊᓂ. ᑍᒤᒻᒪᑦ ᐱᐅᔪᕆᓕᕐᓂᐊᕐᓇᒃ, ᓯᕘᕋᓗᑎᓪᓕ ᓂᑯᕕᖓᒋᑦ.

ᕉᒪᒥᐅᓄᑦ 14:18

ᑍᒫᒃ ᙭ᔅᑑᓯᒥᒃ ᐱᔨᑦᓯᕐᑐᖃᕐᐸᑦ, ᑖᓐᓇ ᒎᑎᒧᑦ ᖁᕕᐊᒋᔭᐅᕗᖅ ᐃᓄᖕᓂᓪᓗ ᓈᒻᒪᒋᔭᐅᓪᓗᓂ.

ᕉᒪᒥᐅᓄᑦ 3:5

ᐊᔪᕐᑐᓕᓂᕗᓪᓕ ᓴᖅᑭᑎᑦᓯᒃᑲᓐᓂᕐᐸᑕ ᒎᑎᐅᑉ ᓈᒻᒪᒃᑐᑑᓂᖓᓂᒃ, ᖃᓄᖅ ᐅᖃᕐᑐᒃᓴᐅᕕᑕ? ᒎᑎᒧᑦ ᓈᒻᒪᓈᖏᑦᑐᒥᒃ ᓂᓐᖓᒡᕕᐅᓂᕋᕈᓐᓇᕐᐱᑖ? (ᐃᓄᐃᑦ ᐃᓱᒪᑦᔪᓯᖓᒍᑦ ᒫᓐᓇ ᐅᖃᕐᐳᖓ.)

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:25

ᑎᒥᐅᑉ ᑭᓱᑯᑦᓯᖏᑦ ᐊᑐᓃᖓᓕᖁᓇᒋᑦ, ᐃᒻᒥᖕᓄᓪᓕ ᐃᑲᔪᕐᑎᒌᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:13

ᐊᒡᓔᑦ ᐅᖃᕐᒪᑕ, “ᐃᓄᒃ ᐊᔪᕐᑐᓕᔪᖅ ᐃᓚᒌᖕᓂᑦᓯᓐᓂᑦ ᐊᓂᑎᓯᐅᒃ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:2

ᐱᐅᔪᕆᕗᓯ! ᕿᒃᓵᒍᑎᒋᔭᕆᐊᖃᒃᖏᓚᓯᐅᒃ? ᑍᓐᓇ ᑍᒤᓕᐅᕐᑐᖅ ᐃᓚᒋᔪᓐᓃᕐᓯᐅᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:7

ᒫᓐᓇᓗ ᑐᒃᓯᐊᕐᐳᒍᑦ ᒎᑎᒧᑦ ᑕᒻᒪᖁᓇᓯ ᓱᓇᑐᐃᓐᓇᕐᒥᒃ; ᐃᓄᖕᓄᑦ ᖃᐅᔨᔭᐅᔪᒪᑐᐃᓐᓇᕐᓂᕐᒧᑦ ᓇᔪᕐᑕᐅᓂᑦᑎᓐᓂᒃ ᐱᓇᑕ, ᓈᒻᒪᓈᕐᑐᒥᒡᓕ ᐱᖁᓪᓗᓯ, ᐅᕙᒍᑦ ᑲᔪᓯᖏᑦᑑᔮᕋᓗᐊᕐᑎᓪᓗᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:6

ᑍᒤᑎᑎᔪᖅ ᐊᒥᓲᓂᕐᓴᓄᑦ ᓱᒋᐊᕐᑕᐅᖁᔭᐅᓯᒪᓐᓂᕐᐸᑦ ᓱᒋᐊᕐᑕᐅᑲᓐᓂᖏᒃᑲᓗᐊᕈᓂ ᓈᒻᒪᒃᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:4

ᖃᓄᓕᒫᕐᓕ ᒎᑎᒧᑦ ᐱᔨᐅᓂᑦᑎᓐᓂᒃ ᓴᖅᑭᔮᕐᑎᑦᓯᕗᒍᑦ: ᕿᓄᐃᓵᒻᒪᕆᒃᓗᑕ ᑲᑉᐱᐊᓇᕐᑐᒃᑰᓕᕌᖓᑦᑕ, ᐊᒃᓱᕈᕐᓇᕐᑐᒃᑰᓕᕌᖓᑦᑕ, ᕿᒃᓵᓕᕌᖓᑦᑕᓗ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:7

ᑎᑭᓐᓂᖓᓄᑐᐃᓐᓇᐅᖏᑦᑐᕐᓕ; ᑖᑦᓱᒪᓕ ᐅᓐᓂᕐᓯᐅᕐᓂᖓᒍᑦ ᐃᓕᑦᓯᓐᓄᑦ ᒪᓂᒍᕐᑕᐅᓚᐅᕐᓂᕐᒥᓂᒃ. ᐅᖃᐅᑎᓚᐅᕐᒪᑎᒍᑦ ᐅᕙᓐᓂᒃ ᑕᑯᔪᒪᓕᕐᓂᑦᓯᓐᓂᒃ, ᕿᒃᓵᕕᒡᔪᐊᕐᓂᑦᓯᓐᓂᒃ, ᐅᕙᓐᓂᒡᓗ ᓴᐳᓐᓂᐊᕈᒪᓂᑦᓯᓐᓂᒃ, ᑕᒪᑐᒧᖓ ᐊᖏᔪᒥᒃ ᖁᕕᐊᓱᒃᑎᑕᐅᒃᑲᓐᓂᓚᐅᕐᐳᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:9

ᒫᓐᓇᓕ ᖁᕕᐊᓱᓕᕐᐳᖓ, ᕿᒃᓵᒃᑎᑕᐅᓚᐅᕐᓂᓯ ᐱᓇᒍ, ᕿᒃᓵᓂᑦᓯᒍᓪᓕ ᖃᕿᐊᓕᓚᐅᕋᑦᓯ. ᕿᒃᓵᖕᓂᓯ ᒎᑎᐅᑉ ᐊᑐᓚᐅᕐᒪᒍ, ᐊᓯᕈᕐᑕᐅᓚᐅᓐᖏᓐᓇᑦᓯᓗ ᑍᒤᑎᑦᓯᓂᑦᑎᓐᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:2

ᖃᐅᔨᒪᒐᒪ ᐅᐸᓗᖕᒊᕐᓯᒪᓂᑦᓯᓐᓂᒃ, ᐅᐱᒍᓱᖕᓂᕋᓚᐅᕋᒪ ᐃᓕᑦᓯᓐᓂᒃ ᒫᓯᑑᓂᐊᒥᐅᓄᑦ ᐅᓐᓂᕐᓯᐅᑎᒋᓪᓗᓯ, ᐅᖃᐅᑎᓚᐅᕐᐸᒃᑲ ᐊᕐᕌᓂᓂᑦ ᐊᑬᐊᒥᐅᖑᔪᓯ ᑐᓂᓯᔪᒪᓂᕋᕐᓗᓯ; ᑕᒪᓐᓇ ᒫᓯᑑᓂᐊᒥᐅᓂᒃ ᐊᐅᓚᑦᔧᓯᒪᕗᖅ ᑲᔪᖏᕐᓴᕐᑕᐅᓪᓗᑎᒃ.

ᐃᐱᓯᒥᐅᓄᑦ 4:26

ᓂᓐᖓᒃᑯᑦᓯ ᓂᓐᖓᖕᓂᑦᓯᓐᓄᑦ ᐊᔪᕐᑐᓕᑎᑕᐅᓂᐊᕋᓯ; ᓯᕿᓂᖅ ᓂᐱᑦᓯᐊᕆᓗᒍ ᓂᓐᖓᐅᒪᓂᐊᕋᓯ.

ᐃᐱᓯᒥᐅᓄᑦ 5:11

ᑖᕐᑑᑉ ᐱᓂᐊᕐᓂᖏᑦ ᐊᑐᖏᑦᑐᑦ ᐃᓚᐅᖃᑕᐅᕕᒋᓂᐊᕋᓯᒋᒃ, ᖃᐅᒪᔪᒧᓪᓕ ᓴᖅᑭᑎᖔᕐᓯᒋᒃ.

ᐱᓕᐱᒥᐅᓄᑦ 2:12

ᑍᒤᒻᒪᑦ ᓇᒡᓕᒋᔭᒃᑲ, ᑍᒪᓐᖓᑦ ᓈᓚᑦᓯᐊᖃᑦᑕᓚᐅᕋᑦᓯᓐᖓ, ᐃᓕᑦᓯᓐᓄᑦ ᓇᔫᑎᑎᓪᓗᖓᑐᐃᓐᓇᐅᖏᑦᑐᖅ, ᐱᓗᐊᕐᑐᒥᒃᓕ ᐃᓕᑦᓯᓐᓃᖏᑎᓪᓗᖓ, ᐱᐅᓕᔭᐅᓂᒃᓴᓯ ᑍᒪᓐᓇ ᐱᓇᓱᐊᕐᓯᐅᒃ ᐃᓕᕋᓱᒡᓗᓯ ᓴᔪᒃᓗᓯᓗ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:6

ᑍᒤᒻᒪᑦ ᐃᓄᒃ ᐅᒃᐱᕐᑑᖃᑎᒥᓂᒃ ᙭ᔅᑑᓯᒥ ᐅᖁᒤᑎᑦᓯᑦᑍᓕᓕ ᓄᓕᐊᕐᓂᕐᒧᑦ ᐅᐃᕕᕐᕆᓇᒍᓗ ᓱᓇᑐᐃᓐᓇᕐᒧᑦ, ᑕᒪᑐᒥᖓ ᐅᖃᐅᑎᓚᐅᕐᐸᑦᓯ, ᐅᓗᕆᐊᓇᕐᓂᖓᓂᒃ ᐊᑕᓂᖅ ᓱᒋᐊᕐᓯᕙᖕᒪᑦ ᑍᒤᓕᐅᕐᑐᓕᒫᓂᒃ.

ᑎᒧᑎᒧᑦ ᓯᕗᓪᓖᑦ 5:20

ᐊᔪᕐᑐᓕᓐᓇᕐᑐᑦ ᐃᓂᕐᑎᒃᑭᑦ, ᐃᓄᓕᒫᑦ ᓵᖏᓐᓂ, ᐊᓯᖏᑦ ᐊᔪᕐᑐᓕᓂᕐᒥᒃ ᓯᕘᕋᓕᖁᓪᓗᒋᑦ.

ᑎᒧᑎᒧᑦ ᐂᑉᐸᖏᑦ 2:15

ᒎᑎᒧᓪᓕ ᐃᒻᒥᓂᒃ ᑐᓂᓕᕆᑦ ᓈᒻᒪᒋᔭᐅᔪᑎᑐᑦ, ᐱᓇᓱᐊᕐᑎ ᐱᓇᓱᐊᒐᕐᒥᓂᒃ ᑲᓐᖑᓲᑎᖃᕆᐊᖃᖏᒻᒪᑦ, ᓱᓕᔪᑦ ᐅᖃᐅᓰᑦ ᐊᑐᑦᓯᐊᕐᓗᒋᑦ.

ᑍᑑᓯᒧᑦ 3:8

ᑕᒪᑦᔭ ᐅᖃᐅᓯᖅ ᓱᓕᔪᖅ. ᑕᒪᒃᑯᓂᖓ ᐃᒃᐱᒍᓱᑦᓯᐊᕐᓗᑎᑦ ᐊᔪᕆᕐᑐᐃᖁᕙᒋᑦ, ᒎᑎᒧᑦ ᐅᒃᐱᕐᑐᑦ ᐱᓇᓱᐊᑦᓯᐊᕈᒪᓂᕐᒥᒃ ᑲᔪᖏᓕᖁᓪᓗᒋᑦ ᐱᕕᖃᕐᓂᓕᒫᒥᒍᑦ; ᑍᒤᓕᐅᕐᓃᑦ ᑕᒪᒃᑯᐊ ᐱᐅᖕᒪᑕ ᐊᑐᕐᓇᕐᑑᓪᓗᑎᒡᓗ ᐃᓄᓕᒫᓄᑦ.

ᐄᑉᕈᐃᓄᑦ 4:1

ᑍᒤᒻᒪᑦ, ᒎᑎᐅᑉ ᐊᖏᕐᕕᒋᓯᒪᕚᑎᒍᑦ ᑕᕾᕐᓯᕐᕕᒃᓴᖃᖁᓪᓗᑕ, ᐊᑏ ᑲᒪᑦᓯᐊᓕᕐᑕ ᐊᖏᕈᑕᐅᓯᒪᔪᒧᑦ ᓇᓪᓕᑦᓯᓐᓂᒃ ᐃᑎᕐᑎᑕᐅᔪᓐᓁᓪᓕᔪᖃᖁᓇᒍ.

ᔧᒥᓯᐅᑉ ᐊᒡᓚᖏᑦ 3:17

ᓯᓚᑐᓂᕐᓕ ᕿᓚᖕᒥᑦ ᐱᔪᖅ ᓯᕗᓪᓕᐅᑦᔨᕗᖅ ᓴᓗᒪᑦᓯᐊᕐᓂᕐᒥᒃ, ᐊᒻᒪ ᓮᓕᓂᕐᒥᒃ, ᐅᐃᒪᔮᖏᓐᓂᕐᒥᒃ, ᐱᖃᓐᓂᕐᓗᓂᓗ; ᐱᑦᔪᑎᒃᓴᑦᓯᐅᑦᓯᐊᕐᐳᖅ, ᓂᑲᒍᓱᒃᐳᖅ ᐱᐅᔪᓂᒡᓗ ᐱᕈᕐᑎᑦᓯᓪᓗᓂ, ᐊᑦᔨᒌᒃᑎᑦᓯᕗᖅ ᓱᓕᑦᓯᐊᕐᓗᓂᓗ.

ᐲᑦᑐᕉᓯ ᓯᕗᓪᓖᑦ 1:17

ᒎᑎ ᐊᑖᑕᒋᓂᕋᕐᓗᒍ ᐅᖃᕐᕕᒋᕙᒃᑯᑦᓯᐅᒃ ᐊᑦᔨᒌᒥᒃ ᐃᓄᖕᓂᒃ ᐃᖅᑲᕐᑐᐃᓲᖅ ᐊᑐᓂᑦ ᐱᓂᐊᕐᓂᕆᔭᖏᑦ ᒪᓕᒡᓗᒋᑦ; ᑍᒤᒻᒪᑦ ᑕᒫᓂ ᐃᓅᓂᑦᓯᓐᓂ ᑖᓐᓇ ᐅᐱᒋᑦᓯᐊᕐᓗᒍ ᐃᓅᒋᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ.

ᐲᑦᑐᕉᓯ ᓯᕗᓪᓖᑦ 2:2

ᐃᓅᕋᑖᕐᑐᑎᑐᓪᓕ ᑍᒤᓕᕆᑦᓯ, ᐃᒥᕈᒃᑐᑎᑐᑦ ᐃᓚᐅᕐᓯᒪᓐᖏᑦᑐᒥᒃ ᐃᒻᒧᖕᒥᒃ ᐊᓂᕐᓂᕐᒥᑦ ᐱᔪᒥᒃ, ᑍᒤᑦᑐᒥᒃ ᐃᒥᖃᑦᑕᕐᓂᑦᓯᒍᑦ ᐱᕈᕐᐸᓪᓕᐊᖁᓪᓗᓯ ᐱᐅᓕᔭᐅᓂᕐᒥ,

ᔫᑎᐅᑉ ᐊᒡᓚᖏᑦ 1:23

ᐃᓚᖏᑦ ᓄᓱᒃᓯᒋᒃ ᓴᐳᑎᓗᒋᓪᓗ ᐃᑯᒪᕐᔪᐊᒥᑦ; ᐃᓚᖏᑦ ᓂᑲᒋᓗᒋᑦ ᓯᕘᕋᓂᕐᒥᑦ, ᐊᓐᓄᕌᖏᑦ ᐆᒥᒋᓗᒋᑦ ᑎᒥᐅᑉ ᐃᒃᖠᒎᕐᓂᖓᓄᑦ ᐃᑦᓴᒃᑕᐅᓯᒪᔪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:19

ᓇᒡᓕᒋᔭᒃᑲ ᐃᓂᕐᑎᕐᓗᒋᑦ ᓱᒋᐊᖃᑦᑕᕐᐸᒃᑲ; ᑍᒤᒻᒪᑦ ᑲᑦᓱᖕᒊᓪᓗᑎᑦ ᖃᕿᐊᓕᕆᑦ.