ᑯᕆᓐᑎᐊᒥᐅᓄᑦ ᐂᑉᐸᖏᑦ 7:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᕿᒃᓵᒃᑎᑕᐅᓂᖅ ᒎᑎᒥᑦ ᐱᔪᖅ ᖃᕿᐊᓕᕐᓂᖃᕐᑎᑦᓯᖕᒪᑦ ᐱᐅᓕᔭᐅᓂᕐᒧᑦ ᑭᖑᓂᖓᒍᓪᓗ ᐅᒡᒍᐊᕐᓇᕐᓂᖃᕋᓂ, ᕿᒃᓵᒃᑎᑕᐅᓂᕐᓕ ᓯᓚᕐᔪᐊᕐᒥᑦ ᐱᔪᖅ ᑐᖁᑎᑦᓯᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:10 Iomraidhean Croise

ᒨᓯᓯ ᓯᕗᓪᓖᑦ 30:1

ᕅᒋᓕᓕ ᕿᑐᕐᖓᕐᑖᕐᓚᐅᓐᒋᓚᖅ ᔧᑯᒥᑦ, ᑭᖑᓂᖓᒍᓪᓗ ᐊᖓᔪᓂ ᓯᒡᒐᑎᓕᕐᐹ ᔧᑯᒧᓪᓗ ᐅᖃᕐᓗᓂ, “ᕿᑐᕐᖓᕐᑖᕐᑎᓚᐅᓐᖓ, ᕿᑐᕐᖓᕐᑖᖏᒃᑯᒪ ᑐᖁᑐᐃᓐᓇᖔᕈᒪᓕᕐᐳᖓ.”

ᓴᒧᐃᓕ ᐂᑉᐸᖏᑦ 12:13

ᑍᕕᑎ ᐅᖃᕐᐳᖅ ᓁᑕᓂᒧᑦ, “ᐊᔪᕐᑐᓕᓚᐅᕐᐳᖓ ᐊᑕᓂᕐᒧᑦ.” ᓁᑕᓂᓗ ᑭᐅᕗᖅ, “ᐊᑕᓂᐅᑉ ᐃᓱᒪᒋᔪᓐᓁᕐᕕᒋᓯᒪᕚᑎᑦ; ᑐᖁᓂᐊᓐᖏᓚᑎᑦ.

ᓴᒧᐃᓕ ᐂᑉᐸᖏᑦ 13:4

ᔫᓇᑖᑉ ᐅᖃᕐᐳᖅ ᐋᒻᓇᓐᒧᑦ, “ᐊᖓᔪᖅᑳᕐᔪᐊᕐᒧᑦ ᐃᕐᓂᕆᔭᐅᓪᓗᑎᑦ, ᓱᖕᒪᑦ ᖃᐅᑕᒫᑦ ᖁᕕᐊᓱᖃᑦᑕᓐᖏᓚᑎᑦ; ᖃᓄᐃᒃᑲᕖᑦ?” ᐋᒻᓇᓐ ᑭᐅᕗᖅ, “ᐱᐅᒃᓴᕐᑐᐊᓘᒐᒪ ᑕᒫᕆᒥᒃ ᐊᑖᑕᖃᑎᒪ ᐊᖓᔪᒪ ᐋᑉᓴᓚᒻ ᓇᔭᖓᓂᒃ.”

ᓴᒧᐃᓕ ᐂᑉᐸᖏᑦ 17:23

ᐊᕼᐃᑐᐱᓕ ᖃᐅᔨᒐᒥ ᐃᓱᒻᒥᕐᑐᐃᒍᑎᒋᔭᖓ ᒪᓕᒃᑕᐅᖏᓐᓂᖓᓂᒃ, ᓯᐅᑎᖅᑯᕐᑐᔪᖁᑎᒥᓄᑦ ᐃᑭᕗᖅ ᐅᑎᕐᓗᓂᓗ ᓄᓇᒧᑦ ᐱᕈᕐᕕᒋᓯᒪᔭᒥᓄᑦ. ᐱᓇᓱᐊᕆᐊᓕᖕᒥᓂᒡᓕ ᐊᖏᕐᕋᒥᓂ ᐱᔭᕇᕋᒥ, ᐃᒻᒥᓂᒃ ᕿᒥᑉᐳᖅ; ᑐᖁᓪᓗᓂᓗ, ᐃᓗᕕᕐᑕᐅᓚᐅᕐᐳᕐᓗ ᐃᓚᒌᑦ ᐃᓗᕕᖃᕐᕕᖓᓄᑦ.

ᐊᑕᓃᑦ ᓯᕗᓪᓖᑦ 21:4

ᐂᕼᐊᑉᓗ ᐃᓱᒪᔮᕐᓗᓂ ᕿᒃᓵᒡᓗᓂᓗ ᐊᖏᕐᕋᕐᐳᖅ ᓁᐹᑦ ᔨᔭᕆᐅᓪᒥᐅᑕᐅᑉ ᐅᖃᐅᓯᖏᑦ ᐱᓪᓗᒋᑦ, ᐅᖃᓚᐅᕐᒪᑦ, “ᑐᓂᓂᐊᓐᖏᓚᒋᑦ ᓯᕗᓕᕕᓂᓐᓂᑦ ᐱᑖᕆᓚᐅᕐᑕᓐᓂᒃ.” ᐃᒡᓕᕐᒥᓄᑦ ᓇᓪᓚᕋᒥ ᑐᓄᑉᐳᖅ, ᓂᕆᔪᒪᔪᓐᓃᕐᓗᓂᓗ.

ᐃᓐᖏᕈᑎᑦ 38:18

ᐊᔪᕐᑐᓕᓂᒃᑲ ᐅᖃᐅᓯᕆᒍᒃᑭᑦ; ᐱᐅᖏᑦᑐᓕᓂᒃᑲᓗ ᐋᓐᓂᐊᕈᑎᒋᓂᐊᕐᐸᒃᑲ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:13

ᐆᒻᒪᑎᖃᕐᑐᖅ ᖁᕕᐊᓱᒃᑐᒥᒃ ᖁᕕᐊᓱᖕᓂᖓ ᑕᑯᒃᓴᐅᕗᖅ ᑮᓇᕐᒥᒍᑦ, ᕿᒃᓵᒃᑐᕐᓕ ᐆᒻᒪᑎᒥᒍᑦ, ᐊᓂᕐᓂᖓ ᓯᖁᒥᓯᒪᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:15

ᐊᒃᓱᕈᕐᓇᕐᑐᓄᑦ ᐅᖁᒤᒃᓴᕐᓇᕐᑐᒦᑦᑐᑦ ᐅᓪᓗᖏᑦ ᐱᐅᖏᑦᑐᐃᓐᓇᐅᔮᕐᐳᑦ, ᖁᕕᐊᓱᒃᑐᒥᒡᓕ ᐆᒻᒪᑎᓕᐅᑉ ᐅᓪᓗᖏᑦ ᓂᕆᕕᒃᔪᐊᕐᓃᓐᓇᐅᔮᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:22

ᖁᕕᐊᓱᖕᓂᖅ ᐆᒻᒪᑎᒃᑯᑦ ᐃᓅᓕᓴᐅᑎᑦᓯᐊᖑᕗᖅ, ᐊᓂᕐᓂᒥᒍᓪᓕ ᕿᒃᓵᒃᑐᖅ ᓴᐅᓂᖏᑦ ᓴᓗᐊᕐᑎᑕᐅᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:14

ᐃᓅᑉ ᐊᓂᕐᓂᖓᑕ ᖃᓂᒪᑎᓪᓗᒍ ᐱᔪᓐᓇᕐᑎᑉᐹ; ᐊᓂᕐᓂᑯᓪᓕ ᓯᖁᒥᓯᒪᔪᖅ ᐃᒻᒥᓂᒃ ᐱᓯᒪᔪᓐᓇᓐᖏᓚᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:3

ᕿᒃᓵᖕᓂᖅ ᐱᐅᓂᕐᓴᐅᕗᖅ ᐃᒡᓚᕐᓂᕐᒥᑦ, ᑮᓇᕐᒧᑦ ᑲᑕᓗᖓᔪᒧᑦ ᐆᒻᒪᑎ ᐋᖅᑭᒃᑕᐅᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 31:9

ᕿᐊᓗᑎᒃ ᕾᔪᒫᕐᐳᑦ, ᑐᒃᓯᐊᕐᓗᑎᒡᓗ ᐱᔪᒫᕐᐳᑦ ᐅᑎᕐᑎᓕᕈᒃᑭᑦ, ᑕᓯᐅᕈᒫᕐᐸᒃᑲ ᑰᖕᒧᑦ ᐃᒥᖃᕐᑐᒧᑦ, ᒪᓂᕋᑦᑐᒃᑯᑦ ᐱᓱᕕᒃᓴᖃᕈᒫᕐᐳᑦ ᐹᓪᓚᒡᕕᒃᓴᖃᖁᓇᒋᑦ ᐃᓴᕆᐊᓕᒥᐅᓄᑦ ᐊᑖᑕᐅᒐᒪ, ᐃᕗᕅᑎᓗ ᐊᖓᔪᒃᓯᕐᐹᖁᑎᒋᕙᕋ.”

ᐃᓯᑭᐊᓕᐅᑉ ᐊᒡᓚᖏᑦ 7:16

ᕿᒫᓗᑎᒡᓕ ᐊᓐᓇᑦᑐᑦ, ᖃᖅᑲᓃᓕᕈᒫᕐᐳᑦ, ᑑᕕᑎᑐᑦ ᓇᕐᓴᐅᑉ ᐃᓗᐊᓂᑦ ᕿᒫᔪᑎᑐᑦ, ᐃᓘᓐᓇᑎᒡᓗ ᐅᒡᒍᐊᕈᑎᖃᕐᓗᑎᒃ ᐊᔪᕐᑐᓕᓯᒪᓂᕐᒥᖕᓂᒃ.

ᔫᓇᐅᑉ ᐊᒡᓚᖏᑦ 3:10

ᒎᑎᓗ ᓂᓂᕕᒥᐅᑦ ᑍᒤᓕᐅᕐᓂᖏᓐᓂᒃ ᑕᑯᕗᖅ, ᓴᖑᓂᖏᓐᓂᒃ ᐊᖅᑯᑎᒋᔭᒥᖕᓂᑦ ᐃᓗᐊᖏᑦᑐᓂᑦ; ᒎᑎᐅᓪᓗ ᐃᓱᒪᒋᔭᓂ ᐊᓯᑦᔨᕐᐹ ᐊᓯᕈᕐᑕᐅᓂᖅ ᑍᓐᓇ ᐅᖃᐅᑎᒋᓚᐅᕐᑕᓂ ᐱᓂᐊᕈᑎᒋᓂᐊᕐᓂᕋᓚᐅᕐᑕᓂᓗ ᑖᒃᑯᓄᖓ.

ᔫᓇᐅᑉ ᐊᒡᓚᖏᑦ 3:8

ᐃᓄᓕᒫᓪᓕ ᓂᕐᔪᑏᓪᓗ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ ᐊᑐᕐᑐᒃᓴᐅᕗᑦ. ᐃᓗᖏᕐᑐᕐᓗᑎᒃ ᑐᒃᓯᐊᕐᑐᒃᓴᐅᕗᑦ ᒎᑎᒧᑦ ᖃᕿᐊᓕᕐᓗᑎᒡᓗ ᐊᖅᑯᑎᒋᔭᒥᖕᓂᑦ ᐃᓱᐊᖏᑦᑐᓂᑦ ᐊᒡᒐᖕᒥᓗ ᐊᑲᐅᖏᑦᑐᓕᓂᖏᓐᓂᑦ.

ᔫᓇᐅᑉ ᐊᒡᓚᖏᑦ 4:9

ᒎᑎᐅᓪᓕ ᔫᓇ ᐅᖃᐅᑎᕚ, “ᓂᓐᖓᒡᓗᑎᑦ ᓈᒻᒪᓈᕋᓗᐊᕐᐲᑦ? ᑖᑦᓱᒧᖓ ᐱᕈᕐᑐᒧᑦ?” ᔫᓇᓗ ᐅᖃᕐᐳᖅ: “ᓂᓐᖓᖕᓂᕋ ᓈᒻᒪᓈᕐᐳᖅ, ᓂᓐᖓᖕᓂᕐᒧᑦ ᐊᒡᓛᑦ ᑐᖁᒐᓗᐊᕈᒪ ᖃᓄᐃᒃᓴᓐᖏᓚᖓ!”

ᒫᑎᐅᓯᐅᑉ ᐊᒡᓚᖏᑦ 26:75

ᐲᑦᑐᕉᓯ ᐃᖅᑬᓕᕐᐳᖅ ᔩᓱᓯᐅᑉ ᐅᖃᐅᑎᓚᐅᕐᒪᒍ, “ᐊᖑᑎᕕᐊᖅ ᓂᓪᓕᖅᑳᕐᑎᓐᓇᒍ, ᐱᖓᓱᐃᕐᑐᕐᓗᑎᑦ ᖃᐅᔨᒪᖏᓐᓂᕋᓛᕐᐸᕐᒪ.” ᐲᑦᑐᕉᓯ ᑕᕝᕙᓐᖓᑦ ᐊᓂᓪᓗᓂ, ᕿᐊᕕᒡᔪᐊᓕᕐᐳᖅ ᐅᒡᒍᐊᕐᓂᕐᒧᑦ.

ᓘᑲᓯᐅᑉ ᐊᒡᓚᖏᑦ 15:10

ᑍᒫᒃᑕᐅᖅ ᐅᖃᐅᑎᕙᑦᓯ, ᒎᑎᐅᑉ ᐂᖏᓖᖁᑎᖏᑦ ᐊᖏᔪᒥᒃ ᖁᕕᐊᓱᒃᑎᑕᐅᕗᑦ ᐊᔪᕐᑐᓕᔪᖅ ᐊᑕᐅᓯᖅ ᓵᒋᐊᕐᐸᑦ.”

ᓘᑲᓯᐅᑉ ᐊᒡᓚᖏᑦ 18:13

ᕉᒪᒥᐅᓪᓕ ᑮᓇᐅᔧᕐᑎᑦᓯᔨᖓ, ᖃᓂᖏᑦᑐᒥ ᓇᖏᕐᐳᖅ, ᖁᒻᒧᓪᓘᓐᓃᑦ ᐋᕐᓗᕈᒪᖏᑦᑐᖅ, ᓴᒡᕕᓂᓗ ᐸᑎᒃᑕᕐᓗᒍ ᐅᖃᕐᐳᖅ, ‘ᒎᑎ ᓂᑲᒋᓚᐅᓐᖓ ᐊᔪᕐᑐᓕᔨᐊᓘᒐᒪ!’

ᐋᐴᓯᑕᓖᑦ ᐱᓂᐊᕐᓂᖏᑦ 11:18

ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 3:19

ᑍᒤᒻᒪᑦ ᖃᕿᐊᓕᕆᑦᓯ, ᒎᑎᒧᓪᓗ ᓵᒋᐊᕐᓗᓯ, ᐱᐅᖏᑐᓕᓂᓯ ᑕᕝᕙ ᐲᔭᕐᓂᐊᕐᐰᑦ, ᓄᑖᒥᒡᓗ ᐱᔪᓐᓇᕐᓂᕐᑖᕐᑎᑕᐅᖃᑦᑕᕐᓂᐊᕐᐳᓯ ᐊᑕᓂᐅᑉ ᓇᔫᑎᓂᖓᓄᑦ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:21

ᓯᕘᕋᕗᖓ ᐃᓕᑦᓯᓐᓄᑦ ᑎᑭᒍᒪ ᒎᑎᒧᑦ ᒥᑭᒡᓕᑎᕐᑕᐅᓂᐊᕋᓱᒋᓪᓗᖓ ᐃᓕᑦᓯ ᓵᖓᓐᓂ, ᕿᒃᓵᒍᑎᖃᕐᓂᐊᕋᓱᒋᓪᓗᖓᓗ ᐅᓄᕐᑐᓄᑦ ᐊᔪᕐᑐᓕᓚᐅᕐᑐᓄᑦ ᖃᕿᐊᓕᓚᐅᖏᑦᑐᓄᑦ ᐱᐅᖏᑦᑐᓕᐊᕆᓚᐅᕐᑕᒥᖕᓂᑦ, ᓄᓕᐊᕐᓂᒃᑯᑦ, ᐱᔪᒪᓂᕐᔪᐊᒃᑯᓪᓗ ᐱᓕᕆᓂᕆᓚᐅᕐᑕᒥᖕᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:9

ᒫᓐᓇᓕ ᖁᕕᐊᓱᓕᕐᐳᖓ, ᕿᒃᓵᒃᑎᑕᐅᓚᐅᕐᓂᓯ ᐱᓇᒍ, ᕿᒃᓵᓂᑦᓯᒍᓪᓕ ᖃᕿᐊᓕᓚᐅᕋᑦᓯ. ᕿᒃᓵᖕᓂᓯ ᒎᑎᐅᑉ ᐊᑐᓚᐅᕐᒪᒍ, ᐊᓯᕈᕐᑕᐅᓚᐅᓐᖏᓐᓇᑦᓯᓗ ᑍᒤᑎᑦᓯᓂᑦᑎᓐᓄᑦ.

ᐄᑉᕈᐃᓄᑦ 12:17

ᑭᖑᓂᖓᒍᑦ ᖃᐅᔨᒪᒐᑦᓯ, ᑭᖑᕐᖑᑎᔭᒃᓴᒥᒃ ᐱᔪᒪᓪᓗᓂ ᓮᒻᒪᕐᑎᑕᐅᔪᒪᓚᐅᕋᓗᐊᕐᒪᑦ ᐊᑖᑕᒥᓄᑦ, ᐊᔪᓕᕐᑎᑕᐅᓚᐅᕐᐳᕐᓕ, ᐱᓂᐊᕐᓂᕆᔭᖓ ᐊᓯᑦᔨᕐᑕᐅᔪᓐᓁᓪᓕᓚᐅᕐᒪᑦ, ᐊᒡᓛᑦ ᕿᐊᓪᓗᓂ ᐱᔪᒪᓇᓱᐊᓕᕋᓗᐊᕐᒪᑦ.

ᓴᒧᐃᓕ ᓯᕗᓪᓖᑦ 30:6

ᑍᕕᑎ ᐅᖁᒤᒃᓴᒻᒪᕆᓕᓚᐅᕐᐳᖅ; ᐃᓚᖏᑦ ᐊᒡᓛᑦ ᐅᖃᓕᓚᐅᕐᐳᑦ ᒥᓪᓗᐊᕆᔪᒪᓪᓗᒍ, ᐃᓄᓕᐊᒪᑦ ᓂᓐᖓᐅᒪᓂᖃᒻᒪᕆᓕᓚᐅᕐᒪᑕ ᐊᓯᐅᔨᓂᑎᒃ ᕿᑐᕐᖓᒥᖕᓂᒃ ᐱᑦᔪᑎᖃᕐᓗᑎᒃ. ᑍᕕᑎᓕ ᒎᑎᖓᑕ ᐊᑕᓂᐅᑉ ᓴᐱᖏᓐᓂᕐᒥᒃ ᑐᓂᓚᐅᕐᐹ.