ᑯᕆᓐᑎᐊᒥᐅᓄᑦ ᐂᑉᐸᖏᑦ 6:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐊᒡᕕᐊᕈᑎᒃᓴᒥᒃ ᐃᓕᓯᔪᒪᖏᓐᓇᑦᑕ ᐊᖅᑯᑎᒋᔭᐅᓂᐊᕐᑐᒧᑦ, ᐱᓇᓱᐊᕐᓂᕗᑦ ᐸᓯᔭᐅᑦᔪᑎᒃᓴᖃᖁᓇᒍ ᓱᓇᑐᐃᓐᓇᒧᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:3 Iomraidhean Croise

ᒫᑎᐅᓯᐅᑉ ᐊᒡᓚᖏᑦ 17:27

ᑖᒃᑯᐊᓕ ᐊᒡᕕᐊᕈᑎᒃᓴᓕᐅᕐᓂᐊᖏᓐᓇᑦᑎᒍ; ᑍᒤᒻᒪᑦ, ᑕᓯᕐᒧᑦ ᐃᖃᓪᓕᐊᓚᐅᕆᑦ; ᓯᕗᓪᓕᕐᐹᕐᓗ ᐃᖃᓗᒃᑍᑦ, ᖃᓂᖓ ᐂᑦᑕᕐᑎᓐᓂᐊᕐᐸᑦ, ᖃᓂᖓᓂᓪᓗ ᑮᓇᐅᔭᓂᒃ ᓇᓂᓯᓂᐊᕐᐳᑎᑦ ᐊᑭᓕᐅᑎᓪᓗᐊᕐᑕᑦᑎᓐᓂᒃ ᑐᒃᓯᐊᕐᕕᒡᔪᐊᕐᒧᑦ; ᑖᒃᑯᐊ ᑮᓇᐅᔭᑦ ᐱᓗᒋᑦ ᐊᑭᓕᐅᑎᒋᓂᐊᕐᐸᑎᑦ ᐊᑭᓕᐅᑎᒋᔭᕆᐊᖃᕐᑕᑦᑎᓐᓄᑦ ᑖᒃᓯᓄᑦ.”

ᒫᑎᐅᓯᐅᑉ ᐊᒡᓚᖏᑦ 18:6

“ᓇᓪᓕᐊᑦ ᑍᒤᑦᑐᑯᓗᖕᓂᒃ ᐅᒃᐱᕐᓂᖓᓂᒃ ᐅᕙᓐᓄᑦ ᐊᒡᕕᐊᕐᓯᒃᐸᑦ ᐊᔪᕐᑐᓕᑎᑦᓯᓗᓂ, ᑖᓐᓇ ᐊᑲᐅᓂᕐᓴᐅᒐᔭᕐᐳᖅ ᓂᐊᖂᔭᒃᓴᓂᒃ ᓯᖃᓪᓕᓯᑦᔪᑎᐅᑉ ᐅᔭᕌᓗᖓᓂᒃ ᖁᖓᓯᖓᒍᑦ ᕿᓚᒃᓯᕕᐅᓗᓂ ᐃᒪᕕᖕᒧᑦ ᐃᑎᔪᒧᑦ ᑭᕕᑎᑕᐅᒍᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 19:27

ᑍᒪᓕ ᓇᖏᐊᕐᓇᕐᑐᒦᓕᕐᐳᒍᑦ, ᐱᓇᓱᐊᒐᕗᑦ ᐱᓪᓗᒋᑐᐃᓐᓇᐅᖏᑦᑐᖅ, ᒎᑎᑦᑎᓐᓄᑦ ᐋᕐᑎᒥᓯᒧᑦ ᑐᒃᓯᐊᕐᕕᕗᑦ ᓱᓇᐅᔪᓐᓃᕐᑎᑕᐅᓂᐊᓕᕐᐳᖅ, ᐋᕐᑎᒥᓯᓗ ᐊᓯᕈᕐᑕᐅᒐᔭᕆᐊᖓᓂᒃ, ᑖᓐᓇ ᑐᒃᓯᐊᕐᕕᒋᔭᐅᕙᖕᒪᑦ ᐂᓯᐊᒥ ᓇᓂᑐᐃᓐᓇᕐᓗ ᓄᓇᖃᕐᑐᓂ.”

ᕉᒪᒥᐅᓄᑦ 14:13

ᑍᒤᒻᒪᑦ ᐃᖅᑲᕐᑐᖃᑦᑕᐅᑎᔪᓐᓃᕐᑕ ᐅᕙᑦᑎᓐᓄᑦ, ᐃᓱᒪᑖᓕᕆᑦᓯ ᐅᒃᐱᕐᑑᖃᑎᑦᑎᓐᓄᑦ ᐹᓪᓚᒡᕕᒃᓴᒥᒃ ᐊᐳᕐᕕᒡᓴᒥᒡᓘᓐᓃᑦ ᐊᖅᑯᑖᓄᑦ ᐃᓕᓯᓚᐅᕐᓯᒪᔪᒪᖏᓪᓗᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:12

ᐊᓯᕗᑦ ᐃᓕᑦᓯᓐᓂᑦ ᐃᑲᔪᕐᑕᐅᔪᓐᓇᕐᐸᑕ, ᐅᕙᒍᓪᓕ ᐃᑲᔪᕐᑕᐅᔭᕆᐊᖃᕐᓂᕐᓴᐅᓐᖏᓚᒎᑦ? ᑍᒤᓕᐅᕋᓱᐊᕐᐸᖏᑦᑐᒍᑦ, ᐅᖁᒤᓐᓇᕐᑐᒦᑉᐸᒃᑲᓗᐊᕐᓗᑕ ᐊᒡᕕᐊᕈᑕᐅᔪᒪᓇᑕ ᙭ᔅᑑᓯᐅᑉ ᐅᖃᐅᓯᖏᓐᓄᑦ ᑐᓴᕈᒥᓇᕐᑐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:22

ᓴᓐᖐᑦᑐᓂ ᓴᓐᖐᑦᑐᑎᑐᑦ ᑍᒤᑉᐳᖓ, ᓴᓐᖐᑦᑐᑦ ᐱᐅᓕᔭᐅᖁᓪᓗᒋᑦ. ᐃᓄᐃᑦ ᐃᓕᖅᑯᓯᖏᓐᓄᑦ ᑕᒤᓐᓄᑦ ᐃᓅᖃᑕᐅᔪᓐᓇᕋᓱᐊᕐᐳᖓ, ᐊᔪᕐᓇᖏᑉᐸᑦ ᐃᓚᖏᑦ ᐱᐅᓕᔭᐅᔪᓐᓇᕐᓯᖁᓪᓗᒋᑦ ᐱᓇᓱᐊᕐᓂᒃᑯᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 1:12

ᐅᕙᑦᑎᓐᓂᒃ ᑕᕝᕙ ᖁᕕᐊᓲᑎᒋᔭᕗᑦ, ᐃᒃᐱᒋᔭᑦᑎᒍᑦ ᓄᓇᒥ ᐃᓅᑎᓪᓗᑕ ᐃᓕᑦᓯᓐᓂᒃ ᐃᓚᖃᕐᓂᕗᑦ, ᐊᐅᓚᑕᐅᓯᒪᖕᒪᑦ ᒎᑎᐅᑉ ᐃᑦᔪᕐᓁᑎᑦᓯᓂᖓᓄᑦ ᓇᓛᒎᕐᓂᖓᒍᓪᓗ, ᓯᓚᕐᔪᐊᕐᒥᐅᑦ ᓯᓚᑐᓂᖓᓅᖏᑦᑐᖅ ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:20

ᐃᒃᐱᒍᓱᑦᓯᐊᕋᓱᐊᕐᐳᒍᑦ ᑖᒃᑯᐊ ᑐᓂᕐᕈᑏᑦ ᐊᒥᓱᑦ ᖃᓄᖅ ᐊᐅᓚᒻᒪᖔᑦᑎᒍᑦ; ᓇᓪᓕᐊᓐᓄᓪᓘᓐᓃᑦ ᐸᓯᔭᒃᓴᐅᓕᕈᒪᓇᑕ.