ᑯᕆᓐᑎᐊᒥᐅᓄᑦ ᐂᑉᐸᖏᑦ 6:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᒃᐱᖏᑦᑐᑦ ᐱᓂᐊᕐᓂᖏᑦ ᐃᓚᒋᓂᐊᕋᓯᒋᒃ, ᖃᓄᖅ ᐃᓗᐊᕐᑐᓕᓂᖅ ᐱᐅᖏᑦᑐᓕᓂᕐᓗ ᐃᓚᒌᒍᓐᓇᕐᐹᒃ? ᖃᓄᕐᓗ ᖃᐅᒪᔪᖅ ᑖᕐᑐᕐᓗ ᐃᓚᒌᒍᓐᓇᕐᐹᒃ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:14 Iomraidhean Croise

ᒨᓯᓯ ᓯᕗᓪᓖᑦ 24:3

ᐅᖃᕕᒃᑎᓐᓂᐊᕋᒃᑭᑦ ᐊᑕᓂᐅᑉ ᐊᑎᖓᓂ ᕿᓚᐅᑉ ᓄᓇᐅᓪᓗ ᒎᑎᖓᓄᑦ, ᐃᕐᓂᕐᒪ ᓄᓕᐊᒃᓴᖓᓂᒃ ᓂᕈᐊᖁᓇᒃ ᑬᓇᓂᒥᐅᑦ ᐸᓂᖓᓐᓂᒃ ᓄᓇᖅᑲᑎᖏᔭᓐᓂᒃ.

ᐊᑕᓃᑦ ᓯᕗᓪᓖᑦ 18:21

ᐃᓔᑦᔭᐅᓪᓗ ᐃᓄᓕᒫᑦ ᖃᒡᓕᒋᐊᕐᓗᒋᑦ, ᐅᖃᐅᑎᕔᑦ, “ᖃᓄᖅ ᐊᑯᓂᐅᑎᒋᔪᖅ ᓇᓕᐊᖕᓄᕿᑕᖕᓂᐊᕐᐱᓰ ᒪᕐᕉᓕᖅᑭᖓᔪᒥᒃ ᐃᓱᒪᖃᕐᓗᓯ? ᐊᑕᓂᖅ ᒎᑎᐅᒃᐸᑦ, ᑖᓐᓇ ᒪᓕᒃᓯᐅᒃ; ᐰᓕᓕ ᒎᑎᐅᒃᐸᑦ ᑖᓐᓇ ᒪᓕᖕᓂᐊᕐᐸᓯ.” ᐃᓄᐃᓪᓗ ᑭᐅᔪᖃᓚᐅᓐᖏᓚᑦ ᐊᑕᐅᓯᕐᒥᒡᓘᓐᓃᑦ.

ᑯᕉᓂᑲ ᐂᑉᐸᖏᑦ 19:2

ᔨᕼᐆ ᕼᐊᓇᓁᑉ ᐃᕐᓂᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᑖᑦᓱᒧᓐᖓᕐᐳᖅ ᐸᕐᕆᐊᕐᓗᓂᐅᒃ, ᐅᖃᐅᑎᕚᓗ ᐊᖓᔪᖅᑳᕐᔪᐊᖅ ᔨᕼᐆᓴᐸᑦ, “ᐃᑲᔪᕐᑐᒃᓴᐅᕖᑦ ᐱᐅᖏᑦᑐᓕᔪᓂᒃ ᓇᒡᓕᒋᔭᒃᓴᕆᕕᒋᓪᓗ ᐊᑕᓂᕐᒥᒃ ᐆᒥᓱᒃᑐᑦ? ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓᑕ ᖁᓚᖏᐊᓕᕐᐹᑎᑦ.

ᐄᓱᕋᐅᑉ ᐊᒡᓚᖏᑦ 10:19

ᑖᒃᑯᐊ ᐊᖏᓚᐅᕐᐳᑦ ᓄᓕᐊᒥᖕᓂᒃ ᐊᕕᑦᓯᔪᒪᓪᓗᑎᒃ; ᐸᓯᔭᒃᓴᐅᓂᕐᒥᖕᓄᑦ ᑐᓂᕐᕈᓯᓚᐅᕐᐳᑦ ᓰᐱᐅᑉ ᐊᖑᓴᓪᓗᖓᓂᒃ ᐊᔪᕐᑐᓕᓂᑎᒃ ᐃᓱᒪᒋᔪᓐᓁᕐᑕᐅᖁᓪᓗᒋᑦ.

ᐃᓐᖏᕈᑎᑦ 106:35

ᐃᓅᖃᑎᒌᒡᔪᐊᓄᓪᓕ ᐃᓚᓕᐅᑎᓚᐅᕐᐳᑦ ᐂᑉᐸᕐᑖᖃᑦᑕᓕᕐᓗᑎᒃ, ᐃᓕᓐᓂᐊᕐᕕᒋᓗᒋᓪᓗ ᐱᓇᓱᐊᕐᓂᖏᓐᓂᒃ.

ᐃᓐᖏᕈᑎᑦ 119:63

ᐃᓕᖕᓂᒃ ᓯᕘᕋᒋᔭᖃᕐᑐᓕᒫᑦ ᐃᓚᒋᕙᒃᑲ, ᐱᓂᐊᕐᑕᐅᖁᔭᕐᓂᒃ ᑖᒃᑯᐊ ᓈᓚᖕᒪᑕ.

ᐃᓐᖏᕈᑎᑦ 16:3

ᐃᑦᔪᕐᓁᑦᑐᓪᓕ ᓄᓇᒦᑦᑐᑦ, ᓈᒻᒪᒋᔭᐅᔪᓪᓗ, ᑖᒃᑯᐊ ᖁᕕᐊᒋᕙᒃᑲ.

ᒨᓯᓯ ᐂᑉᐸᖏᑦ 34:16

ᐃᕐᓂᓯᓗ ᑖᒃᑯᓇᓐᖓᑦ ᓄᓇᖃᑎᒃᓴᔭᕆᓐᖏᑕᑦᓯᓐᓂᑦ ᓄᓕᐊᓂᑐᐃᓐᓇᕆᐊᖃᕐᒪᑕ, ᓄᓕᐊᒥᓄᓪᓗ ᑕᓯᐅᕐᑕᐅᓕᕋᔭᕐᓗᑎᒃ ᐅᕙᓐᓂᒃ ᑲᒪᔪᓐᓃᕐᑎᑕᐅᓗᑎᒃ ᒎᑎᓐᖑᐊᖏᓐᓄᑦ ᑐᒃᓯᐊᕐᕕᖃᖔᓕᕐᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:24

ᐃᓚᓐᓈᕐᑖᕋᓱᐊᕐᑍᓕᒋᑦ ᓂᓐᖓᒃᓴᕅᑦᑐᒥᒃ, ᓂᓐᖓᒃᑳᓗᖕᒥᒡᓗ ᐃᓅᖃᑎᑖᕋᓱᐊᕐᓂᐊᕐᓇᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:27

ᐃᓱᐃᑦᑐᓕᔪᖅ ᐱᐅᒋᔭᐅᓐᖏᓚᖅ ᐃᓱᐊᕐᑐᒧᑦ, ᐃᓱᐊᕐᑐᕐᓗ ᐱᐅᒋᔭᐅᓐᖏᓚᖅ ᐃᓱᐃᑦᑐᒧᑦ.

ᒨᓯᓯ ᐱᖓᔪᖏᑦ 19:19

“ᒪᓕᒐᒃᓴᐅᖁᔭᒃᑲ ᐃᖅᑲᐅᒪᓯᒋᒃ ᓂᕐᔪᑎᓂᒃ ᐊᑦᔨᒌᖏᑦᑐᓂᒃ ᓄᓕᐊᕐᑎᑦᓯᔪᒃᓴᐅᓐᖏᓚᓯ. ᓄᓇᖁᑏᑦ ᐱᕈᕐᓰᕕᒋᔭᕆᐊᖃᓐᖏᓚᑦ ᐱᕈᕐᓯᐊᒃᓵᖕᓂᒃ ᒪᕐᕉᖕᓂᒃ ᐊᑦᔨᒌᖏᑦᑑᖕᓂᒃ ᑲᑎᓐᖓᓗᒋᑦ. ᐊᓐᓄᕌᕐᓯᒪᔭᕆᐊᖃᓐᖏᓚᑎᑦ ᖃᓪᓗᓈᕐᑕᓂᒃ ᐊᑦᔨᒌᖏᑦᑐᓂᒃ ᐊᑕᐅᑦᓯᒃᑯᑦ.

ᒪᓚᑬᑉ ᐊᒡᓚᖏᑦ 2:11

ᔫᑕ ᐱᓂᐊᕐᓂᕐᒥᒍᑦ ᑲᔪᓯᓯᒪᖏᒻᒪᑦ, ᓇᕐᕈᓇᕐᑐᓂᒡᓗ ᐱᓇᓱᐊᕐᓯᒪᕗᑦ ᐃᓴᕆᐊᓕᒥᐅᑦ ᔨᕉᓴᓕᒥᐅᓪᓗ; ᔫᑕ ᓇᕐᕈᓇᕐᓯᑎᑦᓯᓚᐅᕐᒪᑦ ᐊᑕᓂᐅᑉ ᐃᑦᔪᕐᓁᑦᑐᖁᑎᖏᓐᓂᒃ, ᐱᐅᒋᔭᖏᓐᓂᒡᓗ, ᓄᓕᐊᓂᒃᓯᒪᓪᓗᓂᓗ ᐅᖓᓯᒃᑐᒥᐅᑦ ᒎᑎᖏᑕ ᐸᓂᖓᓂᒃ.

ᒪᓚᑬᑉ ᐊᒡᓚᖏᑦ 2:15

ᒎᑎᐅᑉ ᓴᓇᓚᐅᓐᖏᓛᓰᒃ? ᐃᓅᓯᐅᓪᓗ ᐊᓂᕐᓂᖓᓂᒃ ᐱᑎᓪᓗᓯᒃ? ᖃᓄᕐᓗ ᐱᔪᒪᔭᖃᕐᐸ? ᑭᖑᕚᒃᓴᖃᖁᓪᓗᑎᑦ ᒎᑎᒥᒃ ᓈᓚᑦᓯᐊᕐᑐᓂᒃ. ᑍᒤᒻᒪᑦ ᓇᖕᒥᓂᖅ ᑲᒪᒋᑦᓯᐊᓕᕆᑦ, ᓇᓪᓕᐊᓪᓗ ᐊᑐᕐᓂᕐᓗᒃᑍᓕᓕ ᐃᓅᓱᖕᓂᕐᒥᓂᑦ ᓄᓕᐊᕆᔭᒥᓄᑦ.

ᔪᐊᓇᓯᐅᑉ ᐊᒡᓚᖏᑦ 7:7

ᓯᓚᕐᔪᐊᕐᒥᐅᑦ ᐆᒥᒋᔪᓐᓇᓐᖏᓛᓯ, ᐅᕙᖓᓕ ᐆᒥᒋᔭᐅᕗᖓ ᐱᐅᖏᑦᑐᒧᑦ ᐊᐅᓚᑕᐅᓂᖏᓐᓂᒃ ᓇᓗᓁᕐᓯᖃᑦᑕᕐᓂᕋ ᐱᑦᔪᑎᒋᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 4:23

ᐊᓂᑎᑕᐅᒐᒥᒃ ᐃᓚᓐᓇᕆᔭᒥᖕᓄᑦ ᐂᕘᒃ ᐅᓂᒃᑳᕐᓗᑎᒃ ᖃᓄᖅ ᐅᖃᐅᑦᔭᐅᖕᒪᖔᕐᒥᒃ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᑦ, ᔫᑎᓪᓗ ᐊᖓᔪᖅᑳᖏᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:21

ᐊᑕᓂᐅᑉ ᐃᒥᐅᑎᖓᓂᑦ ᐊᓂᕐᓂᕐᓗᐃᓪᓗ ᐃᒥᐅᑎᖓᓂᑦ ᐊᑕᐅᑦᓯᒃᑯᑦ ᐃᒥᕈᓐᓇᖏᓐᓇᑦᓯ; ᐊᑕᓂᐅᑉ ᓂᕆᕕᖓᓂᑦ ᐊᓂᕐᓂᕐᓗᐃᓪᓗ ᓂᕆᕕᖓᓂᑦ ᐊᑕᐅᑦᓯᒃᑯᑦ ᑕᒤᓐᓂᑦ ᐱᔪᓐᓇᓐᖏᓐᓂᕗᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:33

ᑕᒻᒪᕐᑎᑕᐅᓂᐊᕋᓯ: “ᐱᐅᖏᑦᑐᓕᔪᓂᒃ ᐃᓚᖃᖃᑦᑕᕐᓂᖅ ᐃᓕᖅᑯᓯᑦᓯᐊᕙᖕᒥᒃ ᐊᓯᕈᐃᕗᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:9

ᑎᑎᕋᕐᕕᒋᓚᐅᕆᕙᑦᓯ ᐃᓚᖃᖁᓇᓯ ᓄᓕᐊᕐᓂᕐᒥᒃ ᐊᑐᕐᓂᕐᓗᒃᐸᒃᑐᒥᒃ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:6

ᐅᒃᐱᕐᑑᖃᑎᒌᖑᔪᓯᓕ ᐅᒃᐱᖏᑦᑐᓄᑦ ᐃᖅᑲᕐᑐᐃᔨᓄᑦ ᐃᖅᑲᕐᑐᕐᑕᐅᑎᑦᓯᖔᖃᑦᑕᕐᐳᓯ ᐅᒃᐱᕐᑑᖃᑎᑦᓯᓐᓂᒃ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:39

ᐊᕐᓇᖅ ᐅᐃᓕᒃ ᐅᐃᒥᓄᑦ ᕿᓚᒃᓱᕐᓯᒪᕗᖅ ᐃᓅᓂᖓᓂ. ᐅᐃᖓᓕ ᑐᖁᒃᐸᑦ, ᓇᓪᓕᐊᓐᓂᑐᐃᓐᓇᖅ ᐅᐃᑖᕆᔪᒪᔭᒥᓂᒃ ᐅᐃᑖᕈᓐᓇᕐᓯᕗᖅ, ᑭᓯᐊᓂᓕ ᐊᑕᓂᕐᒥᐅᑕᐅᔪᒃᓴᐅᕗᖅ.

ᐱᓕᐱᒥᐅᓄᑦ 2:15

ᐸᓯᔭᒃᓴᐅᖁᓇᓯ ᓴᓗᒪᑦᓯᐊᖁᓪᓗᓯᓗ, ᒎᑎᐅᑉ ᕿᑐᕐᖓᖏᑎᑐᑦ ᑕᕝᕙᓂ ᓯᓚᕐᔪᐊᕐᒥ ᐃᓅᑎᓪᓗᓯ ᑭᒡᓗᕐᒨᕐᑐᓂ ᐊᔪᕐᑐᓕᔪᓂᓗ, ᑖᒃᑯᐊ ᐊᑯᕐᖓᓐᓂ ᖃᐅᒪᓂᐅᔪᒃᓴᐅᒐᑦᓯ ᓄᓇᒥ ᓇᓂᕈᐊᑎᑐᑦ,

ᔧᒥᓯᐅᑉ ᐊᒡᓚᖏᑦ 4:4

ᐊᓯᓐᓂᐊᕐᑎᐅᔪᓯ! ᖃᐅᔨᒪᓐᖏᓚᓰ ᓯᓚᕐᔪᐊᕐᒥᒃ ᐃᓚᓐᓈᖃᕐᓂᖅ ᒎᑎᒥᒃ ᐊᑭᕋᕐᑐᕐᓂᐅᖕᒪᑦ? ᑍᒤᒻᒪᑦ ᓇᓪᓕᐊᑦ ᓯᓚᕐᔪᐊᕐᒥᒃ ᐃᓚᓐᓈᖃᕈᒪᔪᖅ ᑖᓐᓇ ᒎᑎᒥᒃ ᐊᑭᕋᕐᑐᓕᕐᐳᖅ?