ᑯᕆᓐᑎᐊᒥᐅᓄᑦ ᐂᑉᐸᖏᑦ 6:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᕿᒃᓵᒃᑎᑕᐅᕙᒃᐳᒍᑦ, ᖁᕕᐊᓱᑦᓮᓐᓇᕐᐳᒍᓪᓕ; ᐊᔪᕐᓴᕋᓗᐊᕐᐳᒍᑦ, ᐊᓯᕗᓪᓕ ᐊᒥᓱᑦ ᐊᔪᕐᓴᕈᓐᓃᑎᑉᐸᕗᑦ; ᐱᖃᖏᑦᑑᔮᕐᐳᒍᑦ, ᑕᒤᓐᓂᒡᓕ ᐱᖃᕋᓗᐊᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:10 Iomraidhean Croise

ᐃᓐᖏᕈᑎᑦ 84:11

ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:7

ᐃᓚᖏᑦ ᐊᒃᓗᐃᑦᑑᓐᖑᐊᕐᐸᒃᐳᑦ, ᓱᓇᖃᖏᓪᓗᑎᒃ; ᐊᓯᐊᓕ ᐊᔪᕐᓴᕐᑑᓐᖑᐊᕐᐳᖅ, ᐊᒃᓱᐃᑦᑐᐊᓘᓪᓗᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:16

ᓯᓚᑐᓂᕐᑖᕐᓂᑦ ᐱᐅᓂᕐᓴᐅᕗᖅ ᒎᓗᒥᒃ ᐱᑖᕐᓂᕐᒥᑦ, ᑐᑭᓯᔪᓐᓇᕐᓯᓂᖅ ᓂᕈᐊᕆᔭᒃᓴᐅᓂᕐᓴᐅᕗᖅ ᓯᐅᓪᕕᕆᒥᑦ.

ᒫᑎᐅᓯᐅᑉ ᐊᒡᓚᖏᑦ 5:12

ᖁᕕᐊᓱᒋᑦᓯ ᓯᕆᓗᓯᓗ, ᐊᖏᔪᒥᒃ ᐊᑭᓕᕐᑕᐅᔪᒫᕋᑦᓯ ᕿᓚᖕᒥ, ᓇᓚᐅᑦᑍᔪᑦᑕᐅᖅ ᑍᒤᓕᐅᕐᑕᐅᓚᐅᕐᒪᑕ ᓯᕗᓂᑦᓯᓐᓂ.”

ᒫᑎᐅᓯᐅᑉ ᐊᒡᓚᖏᑦ 5:4

ᓮᒪᓇᕐᑐᒦᑉᐳᑦ ᕿᒃᓵᓂᕐᒧᑦ ᖁᕝᕕᐅᕐᑐᑦ; ᒎᑎᐅᑉ ᓮᒻᒪᕐᑎᑦᓱᒫᕐᒪᒋᑦ.

ᓘᑲᓯᐅᑉ ᐊᒡᓚᖏᑦ 6:21

ᓮᒪᕐᑎᑕᐅᓇᕐᑐᒦᑉᐳᓯ ᒫᓐᓇ ᑳᒃᑐᓯ, ᓈᒻᒪᒃᓯᓗᓯ ᓂᕆᑎᑕᐅᔪᒫᕋᑦᓯ. ᓮᒪᕐᑎᑕᐅᓇᕐᑐᒦᑉᐳᓯ ᒫᓐᓇ ᕿᐊᔪᓯ; ᐃᒡᓚᕈᒫᕋᑦᓯ.

ᔪᐊᓇᓯᐅᑉ ᐊᒡᓚᖏᑦ 16:22

ᑍᒤᓐᓂᕗᓯᑦᑕᐅᖅ ᒫᓐᓇ ᕿᒃᓵᒃᐳᓯ, ᑕᑯᓛᕆᕙᑦᓯᓕ ᐆᒻᒪᑎᑦᓯᒍᑦ ᖁᕕᐊᓱᒻᒪᕆᓕᓛᕐᐳᓯ, ᖁᕕᐊᓱᖕᓂᕆᔭᓯᓗ ᑭᓇᒧᓪᓘᓐᓃᑦ ᐲᕐᑕᐅᓂᐊᓐᖏᓚᖅ ᐃᓕᑦᓯᓐᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:25

ᐅᓐᓄᐊᖅ ᕿᑎᕋᓕᕐᑎᓪᓗᒍ ᐸᐅᓗᓯᒃᑯᒃ ᓮᓚᓯᒃᑯᒃ ᑐᒃᓯᐊᕐᐴᒃ ᐃᓐᖏᕐᓗᑎᒡᓗ ᐱᓯᕐᓂᒃ ᒎᑎᒧᑦ, ᑎᒍᔭᐅᓯᒪᕕᖕᒦᖃᑎᖏᑕ ᑐᓴᕚᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 3:6

ᐲᑦᑐᕉᓯᐅᑉ ᐅᖃᐅᑎᕚ, “ᑮᓇᐅᔭᖃᓐᖏᓚᖓ, ᐱᒋᔭᓐᓂᒡᓕ ᑐᓂᓯᕝᕕᒋᕙᒋᑦ; ᔩᓱᓯ ᙭ᔅᑑᓯᐅᑉ ᓈᓴᕇᑎᒥᐅᑉ ᐊᑎᖓᓂ ᐅᖃᐅᑎᕙᒋᑦ, ᐱᓱᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:41

ᐋᐴᓯᑕᓖᑦ ᑲᑎᒪᔨᕐᔪᐊᓂᑦ ᐊᓂᒐᒥᒃ ᖁᕕᐊᓱᒻᒪᕆᒃᐳᑦ ᖃᐅᔨᒐᒥᒃ ᐋᓐᓂᐊᑎᑕᐅᔪᓐᓇᕐᓂᑎᒃ ᓈᒻᒪᒋᔭᐅᖕᒪᑦ ᒎᑎᒧᑦ, ᔩᓱᓯ ᐱᑦᔪᑎᒋᓪᓗᒍ.

ᕉᒪᒥᐅᓄᑦ 11:12

ᔫᑎᑦ ᐊᔪᕐᑐᓕᓂᖏᑦ ᓯᓚᕐᔪᐊᕐᒥᐅᓂᒃ ᐊᖏᔪᒥᒃ ᓮᒻᒪᕐᑎᑦᓯᑦᔪᑕᐅᒃᐸᑕ, ᐊᓂᕐᓂᒃᑯᓪᓗ ᐱᔭᒃᓴᒥᖕᓂᒃ ᐊᓯᐅᔨᓂᖓᑦ ᔫᑎᐅᖏᑦᑐᓄᑦ ᐊᖏᔪᒥᒃ ᓮᒻᒪᕐᑎᑦᓯᑦᔪᑕᐅᒃᐸᑦ, ᑕᕝᕙᓕ ᐊᑕᖏᕐᑐᒥᒃ ᐱᖃᑕᐅᓕᑐᐊᕈᑎᒃ ᐊᖏᓂᕐᓴᒥᒃ ᓮᒻᒪᕐᑎᑕᐅᔪᒫᕐᐳᑦ!

ᕉᒪᒥᐅᓄᑦ 12:15

ᖁᕕᐊᓱᒃᑐᑦ ᖁᕕᐊᓱᖃᑎᒋᓯᒋᒃ, ᕿᐊᔪᓪᓗ ᕿᐊᖃᑎᒋᓗᒋᑦ.

ᕉᒪᒥᐅᓄᑦ 15:13

ᒎᑎᐅᓪᓕ ᓂᕆᐅᖕᓂᕐᑖᕐᑎᑦᓯᔫᑉ ᐃᓗᒻᒥᕐᑎᓪᓕᓯ ᖁᕕᐊᓱᖕᓂᕐᒥᒃ ᐃᓱᒫᓘᑎᖃᖏᑦᓯᐊᕐᓂᕐᒥᒡᓗ ᑖᑦᓱᒧᖓ ᐅᒃᐱᕐᓂᑦᓯᓐᓄᑦ, ᓂᕆᐅᖕᓂᓯ ᐊᖏᒡᓕᕙᓪᓕᐊᖏᓐᓇᖁᓪᓗᒍ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᒍᑦ.

ᕉᒪᒥᐅᓄᑦ 8:32

ᑖᑦᓱᒪ ᓇᖕᒥᓂᖅ ᐃᕐᓂᓂ ᐊᓐᓂᕆᓇᒍ ᐅᕙᑦᑎᓐᓄᓕᒫᖅ ᑐᓂᓚᐅᕐᒪᒍ, ᑕᕝᕙᓖ ᑐᓂᓯᓂᐊᓐᖏᓛᑎᒍᑦ ᓱᓇᓕᒫᓂᒃ ᑖᑦᓱᒨᓇ?

ᕉᒪᒥᐅᓄᑦ 9:2

ᕿᒃᓵᖕᓂᕐᔪᐊᖃᕋᒪ ᐃᓗᒃᑯᓪᓗ ᐋᓐᓂᐊᕈᑎᒋᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:5

ᑖᑦᓱᒨᓇ ᐊᔪᕐᓴᓐᖏᑎᑕᐅᒐᑦᓯ ᖃᓄᓕᒫᖅ ᐅᖃᓪᓚᖕᓂᑦᓯᒍᑦ ᖃᐅᔨᒪᓂᑦᓯᒍᓪᓗ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:4

ᑎᑎᕋᕐᕕᒋᓚᐅᕋᑦᓯ ᐃᓗᒃᑯᑦ ᐊᖏᔪᒥᒃ ᕿᒃᓵᒡᓗᖓ ᐃᓱᒪᔮᕐᓗᖓᓗ ᖁᕝᕕᐅᖃᑦᑕᕐᓗᖓᓗ, ᖁᕕᐊᓱᒍᓐᓃᕐᑎᑦᓱᒪᓇᓯ ᖃᐅᔨᑎᑦᓱᒪᓪᓗᓯᓕ ᐃᓕᑦᓯᓐᓄᑦ ᐃᑎᔪᒥᒃ ᓇᒡᓕᖕᓂᖃᕐᓂᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:15

ᑕᒪᓐᓇ ᑍᒤᑉᐳᖅ ᐱᑦᔪᑎᒋᓪᓗᓯ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓄᖕᓄᑦ ᐅᓄᕐᑐᓄᑦ ᑎᑭᐸᓪᓕᐊᖏᓐᓇᖁᓪᓗᒍ, ᖁᔭᓕᕙᓪᓕᐊᖏᓐᓇᖁᓪᓗᒋᑦ, ᒎᑎᐅᑉ ᓂᕐᑐᕐᓇᐅᑎᒃᓴᖓᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:7

ᐅᕙᒍᓪᓕ ᐊᓂᕐᓂᒃᑯᑦ ᐱᒃᑯᒥᓇᕐᑐᒥᒃ ᑕᒪᑐᒥᖓ ᐱᖃᕐᑐᒍᑦ ᐃᒥᖃᐅᑎᑎᑐᑦ ᒪᕐᕋᕐᑎᑐᑦ ᑍᒤᑉᐳᒍᑦ, ᓴᖅᑭᑎᑦᓯᖁᓪᓗᑕ ᐱᔪᓐᓇᕐᓂᕐᔪᐊᖅ ᑕᒪᓐᓇ ᒎᑎᒥᑦ ᐱᓯᒪᓂᖓᓂᒃ ᐅᕙᑦᑎᓐᓂᐅᖏᑦᑐᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᐃᐱᓯᒥᐅᓄᑦ 3:16

ᑖᑦᓱᒧᖓ ᑐᓂᓯᕕᐅᖁᓪᓗᓯ ᐱᔪᓐᓇᕐᓂᕐᒥᒃ, ᐱᓐᓇᕐᓇᕐᓂᕐᔪᐊᖓᑕ ᐊᒥᒐᖏᓐᓂᖓᓄᑦ ᓴᓐᖏᔫᑎᑕᐅᖁᓪᓗᓯ ᐊᓂᕐᓂᖓᒍᑦ ᐃᓗᑦᓯᒍᑦ,

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᐱᓕᐱᒥᐅᓄᑦ 2:17

ᐊᐅᒐᓕ ᑯᕕᓂᐊᕐᐸᓪᓘᓐᓃᑦ ᑐᓂᕐᕈᓯᕐᕕᖕᒥ ᑐᓂᕐᕈᑕᐅᔪᑎᑐᑦ ᐅᒃᐱᕐᓂᑦᓯᓐᓄᑦ, ᖁᕕᐊᓱᒃᑲᔭᕐᐳᖓ ᐃᓘᓐᓇᓯᓗ ᖁᕕᐊᓱᖃᑎᒋᓗᓯ.

ᐱᓕᐱᒥᐅᓄᑦ 4:4

ᖁᕕᐊᓱᑦᓮᓐᓇᕆᑦᓯ ᐊᑕᓂᕐᒥ; ᐅᖃᒃᑲᓐᓂᕐᐳᖓ ᖁᕕᐊᓱᒋᑦᓯ.

ᑯᓘᓯᐊᒥᐅᓄᑦ 1:24

ᒫᓐᓇ ᖁᕕᐊᓲᑎᒋᕙᕋ ᐅᖁᒤᒃᓴᕐᓇᕐᑐᑰᕐᑎᑕᐅᓂᒃᑲ ᐃᓕᑦᓯ ᐱᑦᔪᑎᒋᓪᓗᓯ, ᑎᒥᒃᑯᑦ ᐋᓐᓂᐊᓇᑐᑰᑎᑕᐅᓂᒃᑲ ᐱᔭᕇᓯᖃᑕᐅᑦᔪᑎᒋᒐᒃᑭᑦ ᙭ᔅᑑᓯᐅᑉ ᑎᒥᖁᑎᒥᓂ ᐋᓐᓂᐊᕈᑎᒋᒐᔭᕐᑕᖏᓐᓂ, ᐅᒃᐱᕐᑑᖃᑎᒌᑦ ᐱᓪᓗᒋᑦ.

ᑯᓘᓯᐊᒥᐅᓄᑦ 3:16

᙭ᔅᑑᓯᐅᑉ ᐅᖃᐅᓯᖏᑦ ᐃᓗᑦᓯᓐᓂ ᐃᓂᖃᑦᓯᐊᕐᓕᑦ, ᐊᔪᕆᕐᑐᖃᑦᑕᐅᑎᓗᓯ ᐃᕾᑎᑦᓯᔨᒌᒃᓗᓯᓗ ᐃᓕᑦᓯᓐᓄᑦ ᑕᒤᑎᒍᑦ ᓯᓚᑐᓂᖃᕐᓗᓯ, ᐃᓐᖏᕐᓗᓯᓗ ᑍᕕᑎᐅᑉ ᐃᓐᖏᕈᑎᖏᓐᓄᑦ ᐱᓯᕐᓄᓪᓗ ᐊᓂᕐᓂᒃᑯᓪᓗ ᐃᓐᖏᕐᓗᓯ ᒎᑎᒧᑦ ᖁᔭᓕᓗᓯ ᐆᒻᒪᑎᑦᓯᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:6

ᐅᕙᑦᑎᓐᓂᒃ ᒪᓕᒃᑎᐅᓕᓚᐅᕐᐳᓯ ᐊᑕᓂᕐᒥᒡᓗ; ᐊᖏᔪᒥᒃ ᐅᖁᒤᒃᓴᕐᑎᑕᐅᒐᓗᐊᕐᑎᓪᓗᓯ, ᐅᖃᐅᓰᑦ ᐃᓚᓕᐅᓚᐅᕋᑦᓯᐅᒃ ᖁᕕᐊᓱᒃᑎᑦᑕᐅᓪᓗᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:16

ᖁᕕᐊᓱᑦᓮᓐᓇᕆᑦᓯ,

ᑎᒧᑎᒧᑦ ᓯᕗᓪᓖᑦ 4:8

ᑎᒥᒃᑯᑦ ᐱᔭᕆᐅᕐᓴᕐᓂᖅ ᐊᑐᕐᓇᕐᓂᖃᕋᓗᐊᕐᐳᖅ, ᐅᒃᐱᕐᓂᒃᑯᓪᓕ ᐱᔭᕆᐅᕐᓴᕐᓂᖅ ᖃᓄᓕᒫᖅ ᐊᑐᕐᓇᕐᓂᖃᕐᐳᖅ, ᐊᖏᕈᑕᐅᓯᒪᖕᒪᑦ ᒫᓐᓇᒧᑦ ᐊᑐᕐᑐᒥᒃ ᓯᕗᓂᕐᒥᓗ ᐊᑐᕈᒫᕐᑐᒥᒃ.

ᑎᒧᑎᒧᑦ ᓯᕗᓪᓖᑦ 6:18

ᐱᐅᔪᒥᒃ ᐱᓇᓱᐊᖁᒃᑭᑦ, ᐱᓇᓱᐊᑦᓯᐊᕐᓂᒃᑯᑦ ᐊᔪᕐᓴᓐᖏᑦᑑᖁᓪᓗᒋᑦ, ᐊᓐᓂᕈᓱᖁᓇᒋᑦ ᐱᒋᔭᒥᖕᓂᒃ ᐃᑲᔪᖁᓪᓗᒋᓪᓗ ᐃᓅᖃᑎᒥᖕᓄᑦ.

ᐄᑉᕈᐃᓄᑦ 10:34

ᐃᓚᑦᓱᒍᓱᓚᐅᕐᐳᓯᓗ ᑎᒍᔭᐅᓯᒪᕕᖕᒦᑦᑐᓂᒃ, ᐱᖁᑎᑦᓯᓐᓂᒡᓗ ᐊᕐᓵᕐᑕᐅᒐᓗᐊᕋᑦᓯ ᖁᕕᐊᓱᒡᓗᓯ ᐊᑐᕈᓐᓇᓚᐅᕐᐸᓯ, ᖃᐅᔨᒪᒐᑦᓯ ᓇᖕᒥᓂᖅ ᐱᖁᑎᖃᕋᑦᓯ ᐱᐅᓂᕐᓴᒥᒃ ᓄᖑᓐᓂᐊᖏᑦᑐᒥᒡᓗ.

ᔧᒥᓯᐅᑉ ᐊᒡᓚᖏᑦ 2:5

ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?

ᐲᑦᑐᕉᓯ ᓯᕗᓪᓖᑦ 4:13

ᖁᕕᐊᓲᑎᒋᓯᐅᒡᓕ ᙭ᔅᑑᓯᐅᑉ ᓯᕐᓕᕿᑎᑕᐅᓂᕆᓚᐅᕐᑕᖓᓂᒃ ᐃᓚᖏᐅᑎᑎᑕᐅᒐᑦᓯ ᑕᒪᑐᒧᖓ, ᖁᕕᐊᓲᑎᖃᒻᒪᕆᒍᓐᓇᖁᓪᓗᓯ ᓯᕆᓗᓯᓗ ᑖᑦᓱᒪ ᓂᕐᑐᕐᓇᕐᓂᕐᔪᐊᖓ ᓴᖅᑭᑎᑕᐅᒃᐸᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:9

ᐊᒃᓱᕈᕐᓇᕐᑐᒦᓐᓂᕆᔭᓯ ᖃᐅᔨᒪᕙᒃᑲ ᐊᔪᕐᓴᕐᓂᕆᔭᓯᓗ ᑭᓯᐊᓂᓕ ᐊᔪᕐᓴᓐᖏᑲᓗᐊᕐᐳᓯ ᐅᖃᐅᓯᐅᓂᕐᓗᖃᑦᑕᕐᓂᓯᓗ ᖃᐅᔨᒪᕙᒃᑲ ᔫᑎᐅᓂᕋᕐᑐᓄᑦ ᔫᑎᐅᓇᑎᒡᓗ, ᓵᑖᓇᓯᒥᒡᓕ ᐱᔨᑦᓯᕐᑎᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:7

ᓇᓪᓕᐊᑦ ᓵᓚᖃᕐᑐᖅ ᑍᒤᑦᑐᒥᒃ ᑭᖑᕐᖑᑦᔨᓂᐊᕐᐳᖅ, ᑖᑦᓱᒪᓗ ᒎᑎᒋᓂᐊᕐᐹᖓ ᐅᕙᖓᓗ ᐃᕐᓂᕆᓂᐊᕐᐸᕋ.