ᑯᕆᓐᑎᐊᒥᐅᓄᑦ ᐂᑉᐸᖏᑦ 5:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑍᒤᒻᒪᑦ ᑎᓕᔭᐅᓯᒪᕗᒍᑦ ᙭ᔅᑑᓯ ᐃᓇᖏᕐᓗᒍ, ᒎᑎ ᐅᕙᑦᑎᒍᑦ ᐃᓄᖕᓂᒃ ᐃᓇᑦᓯᕗᖅ. ᑍᒤᒻᒪᑦ ᐃᓇᑉᐸᑦᓯ ᙭ᔅᑑᓯᒃᑯᑦ, ᒎᑎᒥᒃ ᐃᓚᓐᓇᕆᔭᕐᑖᓕᕆᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:20 Iomraidhean Croise

ᐊᑕᓃᑦ ᐂᑉᐸᖏᑦ 17:13

ᐊᑕᓂᐅᑉ ᐅᖃᕐᑎᓂ ᑎᓕᕙᓚᐅᕋᓗᐊᕐᐰ ᐃᖅᑬᑎᑦᓯᔭᕐᑐᕐᑎᓪᓗᓂᒋᑦ ᐃᓴᕆᐊᓕᒥᐅᓂᒃ ᔫᑕᒥᐅᓂᒡᓗ, ᐅᖃᕐᓗᓂ, ᐃᓕᖅᑯᓯᕆᔭᓯ ᓈᒻᒪᖏᑦᑐᑦ ᕿᒪᒡᓗᒋᑦ ᐱᖁᔭᒃᑲ ᒪᓕᒐᒃᓴᕆᕙᓯ ᓯᕗᓕᕕᓂᑦᓯᓐᓄᑦ ᑐᓂᔭᐅᑎᓚᐅᕐᑕᒃᑲ ᒪᓕᒃᑕᐅᖁᓪᓗᒋᑦ ᐃᓕᑦᓯᓐᓄᑦᑕᐅᖅ ᐅᖃᐅᓯᕆᔭᐅᑎᓯᒪᔭᒃᑲ ᒪᓕᒃᑕᐅᖁᓪᓗᒋᑦ ᐱᔨᒋᔭᒃᑲ ᐅᖃᕐᑎᖁᑎᒃᑲᓗ ᐊᖅᑯᑎᒋᓪᓗᒋᑦ.

ᑯᕉᓂᑲ ᐂᑉᐸᖏᑦ 36:15

ᑖᑦᓱᒪ ᐊᑕᓂᐅᑉ, ᓯᕗᓕᖏᑕ ᒎᑎᖓᑕ ᑎᓕᓯᕕᒋᓪᓗᒋᑦ ᐃᓂᕐᑎᖃᑦᑕᓚᐅᕐᐰᑦ ᐅᖃᕐᑎᒥᒍᑦ, ᐃᓄᖁᑎᓂ ᐃᓚᑦᓱᒋᒐᒥᒋᑦ ᐃᒡᓗᓗ ᐃᓂᒃᓴᕆᔭᓂ ᓴᐳᑎᔪᒪᓪᓗᒍ.

ᓂᕼᐃᒤᐊᐅᑉ ᐊᒡᓚᖏᑦ 9:29

ᐃᓂᕐᑎᓚᐅᕐᐸᑎᓪᓗ ᓈᓚᑦᓯᐊᖁᓪᓗᒋᑦ ᐃᓕᓐᓂᐊᕐᑎᑦᓯᒍᑎᖕᓂᒃ, ᑭᓯᐊᓂᓕ ᐱᐅᔪᕆᓂᕐᒥᖕᓄᑦ ᓈᓚᒍᒪᓚᐅᓐᖏᓚᑦ ᐱᖁᔭᕐᓂᒃ, ᐱᖁᔭᕐᓂᒃ ᒪᓕᖕᓂᒃ ᐃᓅᓯᐅᒐᓗᐊᕐᑎᓪᓗᒍ, ᑭᓯᐊᓂᓕ ᓯᑎᔫᓚᐅᕐᐳᑦ ᐊᐅᓚᑕᒃᓴᐅᓇᑎᒃ ᓈᓚᒍᒪᓇᑎᒡᓗ.

ᔫᐱᐅᑉ ᐊᒡᓚᖏᑦ 22:21

ᒎᑎᒥᒃ ᐊᑭᕋᕐᑐᕈᓐᓁᕐᓗᑎᑦ, ᓮᒻᒪᖃᑎᒋᓕᕈᒃ; ᑍᒤᓕᐅᕈᕕᑦ ᑕᕝᕙ ᐱᐅᔪᒥᒃ ᑎᑭᑕᐅᓂᐊᐳᑎᑦ.

ᔫᐱᐅᑉ ᐊᒡᓚᖏᑦ 33:23

ᐂᖏᓕᒧᑦ ᐅᐸᒃᑕᐅᓗᓂ ᐃᑲᔪᕐᑕᐅᔪᓐᓇᕐᓯᖁᓪᓗᒍ, ᒎᑎᐅᑉ ᐂᖏᓕᖁᑎᒐᓴᒡᔪᐊᖏᑕ ᐃᓚᖓᓐᓄᑦ, ᐃᓄᖕᒧᑦ ᓇᓗᓁᕐᓯᔪᒪᓪᓗᓂ ᓱᓇ ᐊᑲᐅᔫᖕᒪᖔᑦ ᑖᑦᓱᒧᖓ;

ᔫᐱᐅᑉ ᐊᒡᓚᖏᑦ 33:6

ᒎᑎᐅᑦᑕᐅᖅ ᓵᖓᓂ ᐃᓕᒃᑐᑦ ᑍᒤᒻᒥᒐᒪ; ᓄᓇᒥᑦᑕᐅᖅ ᓴᓇᔭᐅᓯᒪᖕᒥᒐᒪ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:17

ᐱᐅᖏᑦᑐᖅ ᐅᖃᕆᐊᕐᑐᕐᑎᑕᐅᒐᒥ ᐃᓄᖕᓂᒃ ᑲᑕᒃᑎᑦᓯᕗᖅ ᐃᓱᐊᖏᑦᑐᒧᑦ, ᓱᓕᑦᓯᐊᕐᑑᓪᓕ ᐅᖃᕆᐊᕐᑐᕐᑎᑕᐅᓂᖓ ᐋᖅᑭᒃᑕᐅᓇᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 27:5

ᐃᓄᖁᑎᒪ ᐊᑭᕋᖏᓐᓄᑦ ᓴᐳᑦᔨᔨᒋᔭᐅᔪᒪᒍᒪ, ᐅᕙᓐᓄᑦ ᐃᓚᓐᓂᕐᓴᖅᑳᓚᐅᕐᓕᑦ ᐄᓛᒃ ᐅᕙᓐᓄᑦ ᐃᓚᓐᓂᕐᓴᖅᑳᕆᐊᖃᕐᐳᑦ.”

ᔨᕆᒤᐊᐅᑉ ᐊᒡᓚᖏᑦ 38:20

ᔨᕆᒤᐊᐅᑉ ᐅᖃᐅᑎᕚ, “ᑍᒃᑯᓄᖓ ᑐᓂᑦᔪᑕᐅᓂᐊᓐᖏᓚᑎᑦ, ᐊᑕᓂᖅ ᓈᓚᒃᑯᕕᐅᒃ ᐅᖃᐅᓯᕆᔭᒃᑲ ᒪᓕᒡᓗᒋᑦ ᖃᓄᐃᑕᐅᑦᔮᓐᖏᓚᑎᑦ, ᑐᖁᑕᐅᑦᔮᓇᑎᓪᓗ.

ᔨᕆᒤᐊᐅᑉ ᐊᒡᓚᖏᑦ 44:4

ᐅᖃᕐᑎᓐᓂᒃ ᐱᓇᓱᐊᕐᕕᐅᔭᕐᑐᕐᑎᖃᑦᑕᓚᐅᕐᐸᑦᓯ, ᐅᖃᐅᑎᓪᓗᓯ, ‘ᐱᐅᖏᑦᑐᓂᒃ ᐆᒥᒋᔭᓐᓂᒃ ᐱᓇᓱᐊᓕᖁᓇᓯ.’

ᒪᓚᑬᑉ ᐊᒡᓚᖏᑦ 2:7

ᑐᓂᕐᕈᓯᕐᑎᑦᓯᔨᐅᑉ ᖃᓂᖓ ᓴᐳᒻᒥᔪᒃᓴᐅᖕᒪᑦ ᖃᐅᔨᒪᓂᕐᒥᒃ, ᐃᓄᐃᓪᓗ ᕿᓂᕐᑐᒃᓴᐅᕗᑦ ᐊᔪᕆᕐᑐᕐᑕᐅᓂᕐᒥᒃ ᑖᑦᓱᒪ ᖃᓂᖓᓂᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐅᖃᕐᑎᒋᒪᒍ.

ᓘᑲᓯᐅᑉ ᐊᒡᓚᖏᑦ 10:16

“ᐃᓕᑦᓯᓐᓂᒃ ᓈᓚᒃᑐᑦ, ᓈᓚᒃᑭᕚᖓ; ᐃᓕᑦᓯᓐᓂᒡᓗ ᓇᕐᕈᔫᑉ ᓇᕐᕈᒋᕚᖓ; ᐅᕙᓐᓂᒡᓕ ᓇᕐᕈᔫᑉ ᑎᓕᓯᓚᐅᕐᑐᖅ ᐅᕙᓐᓂᒃ ᓇᕐᕈᒋᕚ.”

ᓘᑲᓯᐅᑉ ᐊᒡᓚᖏᑦ 14:23

ᐊᖓᔪᖅᑳᖓ ᐅᖃᕐᐳᖅ ᐱᔨᒥᓄᑦ, ‘ᐃᒡᓗᒐᓮᑦ ᓯᓚᑖᓃᑦᑐᓄᑦ ᐊᖅᑯᑎᓄᑦ, ᓄᓇᓕᖕᓄᕆᐊᓄᓪᓗ ᐂᓕᕆᑦ, ᐃᓄᐃᑦ ᕾᖁᓗᒋᑦ ᐃᒡᓗᒐ ᑕᑕᑦᑕᐅᖁᓪᓗᒍ.

ᔪᐊᓇᓯᐅᑉ ᐊᒡᓚᖏᑦ 20:21

ᔩᓱᓯᐅᑉ ᐅᖃᐅᑎᒃᑲᓐᓂᕐᐰᑦ, “ᓮᒪᓂᐅᑉ ᐃᓚᒋᓕᓯ. ᓲᕐᓗ ᐊᑖᑕᐅᑉ ᑎᓕᓚᐅᕐᒪᖓ, ᑍᒫᒃᑕᐅᖅ ᑎᓕᒋᕙᑦᓯ.”

ᕉᒪᒥᐅᓄᑦ 5:10

ᒎᑎᒥᒃ ᐊᑭᕋᕐᑐᕐᑎᐅᓚᐅᕐᑐᒍᑦ ᒫᓐᓇ ᒎᑎᒥᒃ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᓕᕐᐳᒍᑦ ᐃᕐᓂᖓᑕ ᑐᖁᖓᒍᑦ, ᐊᖏᓂᕐᓴᒥᒡᓕ ᒫᓐᓇ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᔪᒍᑦ ᐱᐅᓕᔭᐅᔪᒫᓕᕐᐳᒍᑦ ᑖᑦᓱᒪ ᐃᓅᓯᖓᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:10

ᑍᒤᒻᒪᑦ ᙭ᔅᑑᓯ ᐱᓪᓗᒍ, ᑕᕝᕙ ᓈᒻᒪᒃᓴᕐᐳᖓ ᓴᓐᖐᓐᓂᓐᓂᒃ, ᐅᖃᕐᓂᕐᓘᑎᒋᔭᐅᓂᕐᓂᒃ, ᐅᖁᒤᒃᓴᕐᑎᑕᐅᓂᕐᓂᒃ, ᐊᑭᕋᕐᑐᕐᑕᐅᓂᕐᓂᒃ, ᐊᒃᓱᕈᓐᓇᕐᑐᓂᒡᓗ; ᓴᓐᖐᑦᑑᓕᕌᖓᒪᓕ, ᐱᔪᓐᓇᕐᓂᖃᕐᓂᕐᓴᐅᓕᕐᐸᒃᐳᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:6

ᑖᑦᓱᒪ ᐱᔪᓐᓇᕐᑎᒻᒪᑎᒍᑦ ᐱᔨᑦᓯᕐᑎᐅᖁᓪᓗᑕ ᐊᖏᖃᑎᒌᒍᑎᒥᒃ ᓄᑖᒥᒃ, ᐱᖁᔭᑎᒍᑦ ᑎᑎᕋᕐᓯᒪᔪᑎᒎᖏᑦᑐᖅ ᐊᓂᕐᓂᑯᓪᓕ; ᐱᖁᔧᑦ ᑐᖁᑎᑦᓯᖕᒪᑕ, ᐊᓂᕐᓂᕐᓕ ᐃᓅᓯᕐᒥᒃ ᑐᓂᓯᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:11

ᑍᒤᒻᒪᑦ ᐊᑕᓂᕐᒥᒃ ᓯᕘᕋᒋᔭᖃᕐᓂᕐᒥᒃ ᖃᐅᔨᒪᒐᑦᑕ, ᐃᓄᐃᑦ ᐃᓇᓐᓇᓱᐊᕐᐸᕗᑦ; ᒎᑎᐅᓪᓕ ᖃᐅᔨᒪᕚᑎᒍᑦ, ᐃᓕᑦᓯᓐᓄᓪᓕᑦᑕᐅᖅ ᖃᐅᔨᔭᐅᓂᐊᕐᑐᒃᓴᐅᒐᓗᐊᕐᐳᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:1

ᑖᑦᓱᒥᖓ ᐱᓇᓱᐊᖃᑎᖃᕋᑦᑕ, ᑍᒤᒻᒪᑦ, ᐃᓇᑉᐸᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓚᓕᐅᕐᓯᒪᔭᓯ ᑕᒪᐅᖓᑐᐃᓐᓈᕐᑎᑦᑍᓕᓯᐅᒃ.

ᐃᐱᓯᒥᐅᓄᑦ 6:20

ᑕᒪᑐᒧᖓ ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᑎᓕᔭᐅᓯᒪᒐᒪ ᐅᖃᕐᑎᐅᖁᓪᓗᖓ, ᒫᓐᓇ ᑎᒍᔭᐅᓯᒪᕕᖕᒦᒐᓗᐊᕐᑐᖓ; ᓯᕘᕋᓇᖓ ᐅᖃᕈᓐᓇᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓲᕐᓗ ᐅᖃᓪᓚᒃᑐᒃᓴᐅᒐᒪ.

ᑯᓘᓯᐊᒥᐅᓄᑦ 1:20

ᑖᑦᓱᒨᓇᓗ ᓱᓇᓕᒫᑦᓯᐊᑦ ᐃᒻᒥᓄᑦ ᐅᑎᕐᑎᓚᐅᕐᐰᑦ, ᓄᓇᒦᑦᑐᑦ ᕿᓚᖕᒦᑦᑐᓪᓗ, ᓮᒻᒪᕐᑎᓚᐅᕐᐰᑦ ᓴᓐᓂᖓᔪᓕᖕᒥ ᐊᐅᖓᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:8

ᑍᒤᒻᒪᑦ ᑕᒪᑐᒥᖓ ᐊᔪᕆᕐᑑᓯᕐᒥᒃ ᓇᕐᕈᔪᖅ, ᐃᓄᖕᒥᒃ ᓇᕐᕈᖏᓚᖅ ᒎᑎᒥᒡᓕ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓕᑦᓯᓐᓄᑦ ᑐᓂᓯᔪᒥᒃ.