ᑯᕆᓐᑎᐊᒥᐅᓄᑦ ᐂᑉᐸᖏᑦ 5:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑕᕝᕙ, ᒎᑎ ᙭ᔅᑑᓯᒃᑯᑦ ᓯᓚᕐᔪᐊᕐᒥᐅᓂᒃ ᐃᓚᓐᓇᕆᔭᕐᑖᕐᓯᒪᖕᒪᑦ, ᐊᔪᕐᑐᓕᓂᖏᓐᓂᒃ ᐃᓱᒪᒋᔪᓐᓁᕐᕕᒋᓪᓗᒋᑦ, ᐃᓄᖕᓄᓪᓗ ᐅᖃᓪᓚᖁᕚᑎᒍᑦ ᐃᓚᓐᓇᕆᔭᐅᓕᕈᓐᓇᕐᓂᖏᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:19 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 43:25

ᐅᕙᖓ, ᓇᖕᒥᓂᖅ ᐅᕙᖓᐅᕗᖅ ᐊᔪᕐᑐᓕᓂᓯ ᐲᔭᓚᐅᕐᐸᒃᑲ ᐅᕙᖓ ᓇᖕᒥᓂᖅ ᐱᑦᔪᑎᒋᓪᓗᖓ, ᐃᖅᑲᐅᒪᓂᐊᕈᓐᓃᕐᐸᒃᑲᓗ ᐊᔪᕐᓂᓯ.

ᐂᓮᐊᓯᐅᑉ ᐊᒡᓚᖏᑦ 44:22

ᐱᐅᖏᑦᑐᓕᓂᓯ ᐊᖑᐊᓚᐅᕐᐸᒃᑲ ᓄᕗᔭᕐᓗᒃᑎᑐᑦ, ᐊᔪᕐᑐᓕᓂᓯᓗ ᓄᕗᔭᑎᑐᑦ ᐊᖑᐊᕐᓗᒋᑦ, ᐅᕙᓐᓄᑦ ᐅᑎᕆᑦᓯ, ᓴᑐᕐᑕᐅᕕᒃᓴᓕᐅᕐᓯᒪᓕᕋᑦᓯ.”

ᒨᓯᓯ ᓯᑕᒪᖏᑦ 9:16

ᑍᒤᖏᓐᓇᓚᐅᕐᐳᖅ: ᐅᓪᓗᒃᑯᑦ ᓄᕗᔭᐅᑉ ᐅᓕᒃᓯᒪᓚᐅᕐᐹ, ᐃᑯᒪᑐᓪᓗ ᑕᐅᑦᑐᖃᓚᐅᕐᐳᖅ ᐅᓐᓄᐊᒃᑯᑦ.

ᒫᑎᐅᓯᐅᑉ ᐊᒡᓚᖏᑦ 1:23

“ᑕᑯᒋᑦ, ᐅᐃᒡᒐᓱᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᖅ ᓄᑕᕋᒃᓴᕐᑖᕈᒫᕐᐳᖅ, ᐃᕐᓂᕐᒥᒃ ᐃᕐᓂᔪᒫᕐᓗᓂ, ᑖᓐᓇ ᐃᒫᓄᐃᓕᒥᒃ ᐊᑎᖃᕐᑎᑦᓱᒫᕐᐹᑦ.” ᐊᑎᖓᑕ ᑐᑭᖓ ᐃᒤᓕᕗᖅ, “ᒎᑎᐅᑉ ᓇᔪᕐᐹᑎᒍᑦ”.

ᔪᐊᓇᓯᐅᑉ ᐊᒡᓚᖏᑦ 14:20

ᐅᓪᓗᖅ ᑖᓐᓇ ᓇᓪᓕᐅᑎᒃᐸᑦ ᖃᐅᔨᔪᒫᕐᐳᓯ ᐊᑖᑕᓐᓃᓐᓇᒪ, ᐃᓕᑦᓯᓗ ᐅᕙᓐᓃᓐᓇᑦᓯ, ᐅᕙᖓᓗ ᐃᓗᑦᓯᓐᓃᓐᓇᒪ.

ᔪᐊᓇᓯᐅᑉ ᐊᒡᓚᖏᑦ 17:23

ᑖᒃᑯᓇᓃᓪᓗᖓ ᐃᕝᕕᓪᓗ ᐅᕙᓐᓃᓪᓗᑎᑦ, ᐊᑕᐅᓯᓪᓚᕆᐅᓕᖁᓪᓗᒋᑦ, ᓯᓚᕐᔪᐊᕐᒥᐅᑦ ᖃᐅᔨᓕᖁᓪᓗᒋᑦ ᑎᓕᓚᐅᕋᕕᖓ ᓇᒡᓕᒋᒐᕕᒋᓪᓗ ᐅᕙᓐᓂᒃ ᓇᒡᓕᒍᓱᖕᓂᕐᑐᑦ.

ᕉᒪᒥᐅᓄᑦ 11:15

ᓇᕐᕈᓂᖏᓐᓄᑦ ᓯᓚᕐᔪᐊᕐᒥᐅᑦ ᒎᑎᒥᒃ ᐃᓚᓐᓈᖃᓕᕐᑎᑕᐅᒃᐸᑕ, ᖃᓄᐃᓕᕋᔭᕐᐸᓪᓖ ᐃᓚᓕᐅᕆᓕᕐᐸᑕ? ᐃᓅᓯᕐᑖᕐᑎᑦᓯᒐᔭᕐᐳᑦ ᑐᖁᒥᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 13:5

ᓇᒡᓕᖕᓂᖅ ᐃᓕᖅᑯᓯᕐᓗᖕᒥᒃ ᓴᖅᑭᑎᑦᓯᓐᖏᓚᖅ, ᓇᖕᒥᓂᕐᓯᐅᕐᓂᕐᒥᒃ ᓴᖅᑭᑎᑦᓯᓐᖏᓚᖅ, ᓂᓐᖓᒃᓴᕅᓐᓇᓂᓗ, ᑕᒻᒪᕐᓂᕐᓂᒃ ᐳᐃᒍᑦᔧᕐᓯᓇᓱᐊᓐᖏᓚᖅ.

ᑯᓘᓯᐊᒥᐅᓄᑦ 2:9

ᒎᑎᐅᑉ ᐃᓕᖅᑯᓯᖓ ᑕᒪᒃᑭᑦᓯᐊᕐᓗᓂ ᙭ᔅᑑᓯᒦᒻᒪᑦ ᑎᒥᖃᕐᓗᓂ.

ᑎᒧᑎᒧᑦ ᓯᕗᓪᓖᑦ 3:16

ᑕᒪᓐᓇ ᒥᓯᐊᕈᑕᐅᔪᒃᓇᓐᖏᓚᖅ ᐅᒃᐱᕐᓂᑦᑕ ᓇᓗᓇᕐᑐᕐᔪᐊᖑᓂᖓ: ᑖᓐᓇ ᓴᖅᑭᓚᐅᕐᐳᖅ ᐃᓅᑉ ᑎᒥᖓᓂᒃ ᑕᑯᒃᓴᐅᓂᖃᕐᓗᓂ, ᐊᓂᕐᓂᕐᒧᑦ ᓱᓕᓂᖓ ᓴᖅᑭᑎᑕᐅᓚᐅᕐᐳᖅ, ᐂᖏᓕᓄᑦ ᑕᑯᔭᐅᓚᐅᕐᐳᖅ. ᓯᓚᕐᔪᐊᕐᒥᐅᓄᑦ ᐊᔪᕆᕐᑑᐃᑦᔪᑎᒋᔭᐅᓚᐅᕐᑐᖅ, ᐅᒃᐱᕆᔭᐅᓕᓚᐅᕐᑐᖅ ᓯᓚᕐᔪᐊᕐᒥᐅᓄᑦ, ᖁᒻᒧᐊᒃᑎᑕᐅᓪᓗᓂ ᐱᓐᓇᕐᓇᕐᑐᕐᔪᐊᖑᓪᓗᓂ.

ᔪᐊᓇᓯ ᓯᕗᓪᓖᑦ 4:10

ᑕᒪᓐᓇ ᑕᕝᕙ ᓇᒡᓕᖕᓂᖅ, ᒎᑎ ᓇᒡᓕᒋᓯᒪᒐᑦᑎᒎᖏᑦᑐᖅ ᑖᑦᓱᒪᓕ ᓇᒡᓕᒋᖄᓚᐅᕐᒪᑎᒍᑦ ᐃᕐᓂᓂᓗ ᑎᓕᓚᐅᕐᒪᒍ ᐊᔪᕐᓂᕗᑦ ᑖᑦᓱᒨᓇ ᐃᓱᒪᒋᔪᓐᓁᕐᑕᐅᖁᓪᓗᒋᑦ.