ᑯᕆᓐᑎᐊᒥᐅᓄᑦ ᐂᑉᐸᖏᑦ 5:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑕᒪᓐᓇᓕ ᑕᒪᕐᒥᒃ ᒎᑎᒥᑦ ᐱᕗᖅ, ᑖᑦᓱᒪ ᙭ᔅᑑᓯᒃᑯᑦ ᐊᓯᑦᔨᕐᐹᑎᒍᑦ ᐃᒻᒥᓄᑦ ᐃᓚᓐᓇᕆᔭᐅᓕᕐᑎᓪᓗᑕ, ᐱᔭᒃᓴᕐᑖᕐᑎᑉᐹᑎᒍᓪᓗ ᐃᓄᖕᓄᑦ ᑖᒃᑯᐊᑦᑕᐅᖅ ᒎᑎᒧᑦ ᐃᓚᓐᓇᕆᔭᐅᓕᖁᓪᓗᒋᑦ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:18 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 52:7

ᖁᕕᐊᓇᕐᐳᖅ ᖃᖅᑲᑎᒍᑦ ᐊᓚᒃᑲᕐᑐᖃᖃᑦᑕᓕᕌᖓᑦ ᐅᓪᓚᒃᑐᒥᒃ ᑐᓴᕈᒥᓇᕐᑐᒥᒃ ᐅᖃᕆᐊᕐᑐᕐᑐᒥᒃ, ᓮᒪᓇᕐᑐᒥᒃ ᑐᓴᕐᑎᑦᓯᔭᕐᑐᕐᑐᒥᒃ, ᐊᓕᐊᓁᑦᑐᓂᒃ ᐅᖃᕆᐊᕐᑐᕐᑐᒥᒃ ᐱᐅᔪᓂᒃ, ᐱᐅᓕᔭᐅᓛᕐᓂᕅᔪᓂᒃ, ᐅᖃᕐᓗᑎᒡᓗ ᓮᐅᓂᒧᑦ, “ᒎᑎᓯ ᐊᐅᓚᑦᓯᔨᐅᕗᖅ.”

ᐂᓮᐊᓯᐅᑉ ᐊᒡᓚᖏᑦ 57:19

ᓮᒪᓂᕐᑕᖃᕐᓕ, ᓮᒪᓂᕐᑕᖃᕐᓕ, ᖃᓂᑦᑐᒦᑦᑐᓄᑦ ᐅᖓᓯᒃᑐᒦᑦᑐᓄᓪᓗ, ᐊᑕᓂᖅ ᐅᖃᕐᐳᖅ; ᑕᕝᕙ ᐋᖅᑭᒍᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 45:15

ᓰᐱᒥᒃ ᐊᑕᐅᓯᕐᒥᒃ ᑐᓂᓯᔪᒃᓴᐅᕗᓯ ᐊᑐᓂᑦ 200ᐅᑦᔪᑎᖏᓐᓂᑦ, ᐃᓴᕆᐊᓕᒥᐅᑦ ᐃᓚᒌᖕᓂᖏᓐᓂᑦ. “ᐱᕈᕐᑐᕕᓂᕐᓂᑦ ᑐᓂᕐᕈᓯᕐᓃᑦ ᑍᒤᓕᖓᔪᒃᓴᐅᕗᑦ, ᐃᑯᐊᓚᑦᓯᓂᒃᑯᓪᓗ, ᐃᓅᖃᑎᖃᑦᓯᐊᕐᓂᕐᒧᓪᓗ ᑐᓂᕐᕈᓯᕐᓃᑦ, ᑐᓂᕐᕈᓯᕐᑐᒃᓴᐅᕗᓯ ᐊᔪᕐᓃᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᒨᓯᓯ ᐱᖓᔪᖏᑦ 6:30

ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐊᐅᖓ ᑐᐱᕐᒧᑦ ᑲᑎᒪᕕᖕᒧᑦ ᐱᑎᑕᐅᔪᖅ ᐃᓱᒪᒋᔪᓐᓁᕐᕕᐅᑦᔪᑕᐅᔪᖅ ᐃᑦᔪᕐᓁᑦᑐᕕᖕᒥ ᓂᕆᔭᐅᔭᕆᐊᖃᓐᖏᓚᖅ; ᐃᑯᐊᓪᓚᒃᑕᐅᔭᕆᐊᖃᕐᐳᕐᓕ.”

ᓘᑲᓯᐅᑉ ᐊᒡᓚᖏᑦ 10:5

ᐃᒡᓗᒧᑦ ᐃᑎᕅᒍᑦᓯ, ᓯᕗᓪᓕᕐᒥᒃ ᐅᖃᖃᑦᑕᕆᑦᓯ, ‘ᐃᒡᓗᒥ ᐅᕙᓂ ᓮᒪᓇᕐᑐᖃᕐᓕ!’

ᓘᑲᓯᐅᑉ ᐊᒡᓚᖏᑦ 24:47

᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 3:16

ᒎᑎᐅᑉ ᓯᓚᕐᔪᐊᕐᒥᐅᑦ ᓇᒡᓕᒋᓪᓚᕆᒃᑲᒥᒋᑦ ᐃᕐᓂᑐᐊᓂ ᑐᓂᓚᐅᕐᐹ, ᑕᒪᕐᒥᒃ ᑖᑦᓱᒧᖓ ᐅᒃᐱᕐᑐᑦ ᐊᓯᐅᖁᓇᒋᑦ ᓄᖑᓱᐃᑦᑐᒥᒡᓕ ᐃᓅᓯᖃᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 3:27

ᔪᐊᓇᓯᐅᑉ ᑭᐅᕔᑦ, “ᐃᓄᒃ ᓇᓪᓕᐊᑦ ᐃᒻᒥᓃᓐᓇᖅ ᐱᑖᕈᓐᓇᓐᖏᓚᖅ ᒎᑎᐅᑉ ᑐᓂᓯᕕᒋᒃᐸᒍ ᑭᓯᐊᓂ ᐱᓂᐊᕈᓐᓇᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 10:36

ᖃᐅᔨᒪᒐᑦᓯ ᐅᖃᐅᓯᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ, ᐊᔪᕆᕐᑑᓰᑦ ᐅᖃᐅᓰᑦ ᑐᓴᕈᒥᓇᕐᑐᑦ ᓮᒻᒪᕐᑎᑕᐅᓇᕐᑐᖅ ᔩᓱᓯ ᙭ᔅᑑᓯᒃᑯᑦ, ᑕᒤᓐᓄᑦ ᐊᑕᓂᐅᔪᒧᑦ.

ᕉᒪᒥᐅᓄᑦ 11:36

ᑖᑦᓱᒪᓐᖓᑦ ᑖᑦᓱᒨᓇᓗ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ, ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒧᑦ. ᐋᒥᓐ.

ᕉᒪᒥᐅᓄᑦ 5:1

ᑍᒤᒻᒪᓪᓕ ᒫᓐᓇ ᒎᑎᒧᑦ ᐸᓯᔭᒃᓴᐅᖏᓐᓂᕋᕐᑕᐅᔪᒍᑦ ᐅᒃᐱᕐᓂᒃᑯᑦ, ᒎᑎᒧᑦ ᐃᓱᒫᓘᑎᖃᕈᓐᓃᕐᐳᒍ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:30

ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:12

ᐊᕐᓇᖅ ᐊᖑᒻᒥᑦ ᐱᓯᒪᖕᒪᑦ, ᑍᒫᑦᓮᓐᓇᕐᑕᐅᖅ ᐊᖑᑦ ᐊᕐᓇᒥᑦ ᐃᕐᓂᐊᖑᓯᒪᒋᕗᖅ. ᑕᒪᕐᒥᓕᒫᓪᓕ ᒎᑎᒥᑦ ᐱᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:6

ᐱᓇᓱᐊᕐᓃᓪᓗ ᐊᑦᔨᒌᓐᖏᓚᑦ, ᒎᑎᓕ ᑖᓐᓇᑦᓮᓐᓇᐅᕗᖅ ᐱᔪᓐᓇᕐᓂᕐᑖᑎᑦᓯᔪᖅ ᐃᓘᓐᓇᖏᓐᓂᒃ ᐊᑐᓂᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:5

ᑍᒪᓕ ᐊᐴᓗᓯ ᑭᓇᐅᕚ? ᐸᐅᓗᓯᓗ ᑭᓇᐅᕚ? ᒎᑎᒥᒃ ᐱᔨᑦᓯᕐᑎᑐᐃᓐᓇᐅᕘᒃ ᑖᒃᑯᑎᒎᓇᖅ ᐅᒃᐱᕐᑐᓐᖑᕐᑎᑕᐅᕗᓯ, ᐊᑕᓂᐅᑉ ᐱᔭᒃᓴᖏᖕᓂᒃ ᐊᑐᓂᑦ ᑐᓂᓯᕕᒋᓚᐅᕐᒪᒋᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:6

ᐅᕙᑦᑎᓐᓄᓪᓕ ᒎᑎ ᐊᑕᐅᓯᐅᕗᖅ, ᐊᑖᑕ, ᑖᑦᓱᒪᓐᖓᑦ ᓱᓇᓕᒫᑦ ᐱᓯᒪᖕᒪᑕ, ᑖᑦᓱᒨᓇᓗ ᐃᓅᓪᓗᑕ; ᐊᑕᓂᕐᓗ ᐊᑕᐅᓯᐅᕗᖅ ᔩᓱᓯ ᙭ᔅᑑᓯ, ᑖᑦᓱᒨᓇ ᓱᓇᓕᒫᑦ ᐱᓐᖑᕐᑎᑕᐅᓯᒪᖕᒪᑕ ᑖᑦᓱᒨᓇᓗ ᐃᓅᓪᓗᑕ.

ᑯᓘᓯᐊᒥᐅᓄᑦ 1:22

ᒫᓐᓇᓕ ᐃᕐᓂᖓᑕ ᑐᖁᓂᖓᒍᑦ ᐅᑎᕐᑎᓯᒪᕚᓯ, ᐃᑦᔪᕐᓁᓕᖁᓪᓗᓯ ᓴᓗᒪᑦᓯᐊᓕᕐᓗᓯᓗ ᐸᓯᔭᒃᓴᐅᔪᓐᓃᕐᓗᓯᓗ ᑖᑦᓱᒪ ᓵᖓᓂ,

ᐄᑉᕈᐃᓄᑦ 2:17

ᑍᒤᒻᒪᑦ ᐃᓅᖃᑎᓂ ᐊᑦᔨᒋᓕᕆᐊᖃᓚᐅᕐᐰᑦ ᓇᐅᒃᑯᑐᐃᓐᓇᓕᒫᖅ, ᓂᑲᒍᓱᒃᑑᓗᓂ ᓱᕐᕋᔪᐃᑦᑑᓗᓂᓗ ᑐᓂᕐᕈᓯᕐᑎᑦᓯᔨᐅᓗᓂ ᐊᖓᔪᖅᑲᐅᖁᓪᓗᒍ ᑖᒃᑯᓄᖓ ᐱᔨᑦᓯᕐᓗᓂ ᒎᑎᒥᒃ, ᐃᓄᐃᑦ ᐊᔪᕐᓂᖏᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ.

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᔪᐊᓇᓯ ᓯᕗᓪᓖᑦ 2:2

ᑖᓐᓇᓗ ᐊᖅᑯᑎᒃᓴᑑᕗᖅ ᐊᔪᕐᓂᑦᑕ ᐃᓱᒪᒋᔪᓐᓁᕐᑕᐅᑦᔪᑎᒃᓴᖏᓐᓄᑦ, ᐅᕙᒍᑑᖏᑦᑐᕐᓕ ᓯᓚᕐᔪᐊᕐᒥᐅᓪᓕ ᑕᒪᕐᒥᒃ ᐊᔪᕐᓂᖏᑦ ᐱᓪᓗᒋᑦ.

ᔪᐊᓇᓯ ᓯᕗᓪᓖᑦ 4:10

ᑕᒪᓐᓇ ᑕᕝᕙ ᓇᒡᓕᖕᓂᖅ, ᒎᑎ ᓇᒡᓕᒋᓯᒪᒐᑦᑎᒎᖏᑦᑐᖅ ᑖᑦᓱᒪᓕ ᓇᒡᓕᒋᖄᓚᐅᕐᒪᑎᒍᑦ ᐃᕐᓂᓂᓗ ᑎᓕᓚᐅᕐᒪᒍ ᐊᔪᕐᓂᕗᑦ ᑖᑦᓱᒨᓇ ᐃᓱᒪᒋᔪᓐᓁᕐᑕᐅᖁᓪᓗᒋᑦ.