ᑯᕆᓐᑎᐊᒥᐅᓄᑦ ᐂᑉᐸᖏᑦ 5:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑖᓐᓇ ᑐᖁᓚᐅᕐᐳᖅ ᐃᓄᓕᒫᑦ ᐱᑦᔪᑎᒋᓪᓗᒋᑦ, ᑖᒃᑯᐊ ᐃᓅᔪᑦ ᐃᒻᒥᓃᓐᓇᖅ ᐃᓱᒪᒋᓗᑎᒃ ᐃᓅᓯᖃᕈᓐᓃᖁᓪᓗᒋᑦ, ᑖᑦᓱᒧᖓᓕ ᐱᑦᔪᑎᒋᓪᓗᒋᑦ ᑐᖁᓚᐅᕐᑐᒧᑦ ᒪᑭᓚᐅᕐᑐᒧᓪᓗ ᐃᓅᖔᓕᖁᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:15 Iomraidhean Croise

ᐊᑕᓃᑦ ᐂᑉᐸᖏᑦ 5:17

ᓁᒪᓐ ᐅᖃᓕᕐᐳᖅ, “ᐱᑎᑕᐅᔪᒪᖏᒃᑯᕕᑦ, ᐃᓕᖕᓄᑦ ᑭᒡᒐᖁᑎᒋᔭᐅᓂᓐᓄᑦᑕᐅᖅ ᓄᓇᑐᐃᓐᓇᕐᒥᒃ ᑕᒫᖓᑦ ᓇᒃᓴᕐᑎᑕᔪᒪᒐᓗᐊᕐᑐᖓ ᓯᐅᑎᖅᑯᕐᑐᔫᖕᓄᑦ ᒪᕐᕉᖕᓄᑦ ᓇᖕᒪᒃᑕᐅᔪᓐᓇᕐᑐᒥᒃ; ᑐᓂᕐᕈᓯᕐᓗᖓ ᒎᑎᓄᑦ ᑐᒃᓯᐊᖃᑦᑕᕈᒪᔪᓐᓃᕋᒪ, ᐊᑕᓂᕐᒧᑦ ᑭᓯᐊᓂ.

ᐃᓯᑭᐊᓕᐅᑉ ᐊᒡᓚᖏᑦ 16:6

“ᐊᖅᑯᓵᕋᒃᑭᑦ, ᑕᑯᓚᐅᕐᐸᒋᑦ, ᐊᓈᓇᖕᓂᑦ ᐊᐅᖕᒥ ᐊᓂᖃᑎᖕᓂ ᓂᒪᒃᑎᓪᓗᑎᑦ, ᐊᐅᖏᓐᓇᕐᒦᑎᓪᓗᑎᑦ ᐅᖃᐅᑎᓚᐅᕐᐸᒋᑦ, ‘ᐃᓅᒋᑦ,

ᐃᓯᑭᐊᓕᐅᑉ ᐊᒡᓚᖏᑦ 37:14

ᐊᓂᕐᓂᕋᓗ ᐃᓗᑦᓯᓐᓄᑦ ᐃᑎᕐᑎᑦᓱᒫᕐᐸᕋ, ᐃᓅᖁᓪᓗᓯ, ᓄᓇᑖᕐᑎᓪᓗᓯᓗ ᓇᖕᒥᓂᖅ ᓄᓇᑦᓯᓐᓂ; ᑕᕝᕙ ᖃᐅᔨᔪᒫᕐᐳᓯ ᐅᕙᖓ, ᐊᑕᓂᖅ ᐅᖃᓪᓚᓚᐅᕋᒪ, ᐱᓇᓱᐊᕐᓯᒪᓕᕐᓗᒍᓗ, ᐊᑕᓂᖅ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 37:9

ᑕᕝᕙ ᐅᖃᐅᑎᕚᖓ, “ᐃᓅᑉ ᐃᕐᓂᖓ, ᐊᓂᕐᓂᖅ ᐅᖃᖁᔭᓐᓂᒃ ᐅᖃᐅᑎᒍᒃ, ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐊᓄᕆᓂᑦ ᓯᑕᒪᓂᑦ ᐊᓄᕌᓚᐅᕆᑦ, ᐊᓂᕐᓃᖅ, ᐅᑯᐊᐅ ᑐᖁᖓᔪᑦ ᐊᓂᕐᓵᕐᕕᒋᓚᐅᒃᑭᑦ, ᐆᒻᒪᖁᓪᓗᒋᑦ.”

ᕼᐊᐸᑲᐅᑉ ᐊᒡᓚᖏᑦ 2:4

‘ᐱᐅᔪᕆᔪᖅ ᑕᑯᓯᐅᒃ, ᑖᑦᓱᒪ ᑕᕐᓂᖓ ᓱᓕᓂᕐᑕᖃᓐᖏᓚᖅ ᐃᓅᔪᓐᓇᑦᔮᓇᓂᓗ, ᐃᓱᐊᕐᑐᓕᔪᕐᓕ ᐃᓅᔪᒫᕐᐳᖅ ᐅᒃᐱᕐᓂᕐᒥᒍᑦ.’”

ᓴᑲᕅᐊᐅᑉ ᐊᒡᓚᖏᑦ 10:9

ᓯᐊᒻᒪᕐᑎᓚᐅᕋᒃᑭᑦ ᐃᓅᖃᑎᒌᒡᔪᐊᓄᑦ: ᐅᕙᓐᓂᒡᓕ ᐃᖅᑬᔪᒫᕐᐳᑦ ᓄᓇᓂ ᐅᖓᓯᒃᑐᓃᓪᓗᑎᒃ. ᕿᑐᕐᖓᖏᑦ ᓄᖑᑦᓱᒫᓐᖏᓚᑦ, ᓄᓇᒥᖕᓄᓪᓗ ᐅᑎᕈᒫᕆᕗᑦ.

ᓘᑲᓯᐅᑉ ᐊᒡᓚᖏᑦ 1:74

ᓴᐳᑎᔪᒪᓪᓗᑕ ᐊᑭᕋᕐᑐᕐᑎᑦᑕ ᐊᒡᒐᖏᓐᓂᑦ, ᓯᕘᕋᒋᔭᖃᖏᓪᓗᑕ ᐱᔨᑦᓯᑦᓯᐊᕈᓐᓇᖁᓪᓗᑕ ᒎᑎᒥᒃ,

ᔪᐊᓇᓯᐅᑉ ᐊᒡᓚᖏᑦ 5:24

“ᓱᓕᔪᒥᒃ ᐅᖃᐅᑎᕙᑦᓯ, ᐅᖃᐅᓯᓐᓂᒃ ᑐᓴᕐᑐᖅ ᐅᒃᐱᕆᓗᒍᓗ ᑎᓕᔨᒐ, ᑖᓐᓇ ᐃᓅᓯᖃᕐᐳᖅ ᓄᖑᓱᐃᑦᑐᒥᒃ; ᐃᖅᑲᕐᑐᕐᑕᐅᑦᔮᓇᓂᓗ, ᑐᖁᒥᓪᓕ ᓄᒃᑎᕐᓯᒪᓕᕐᐳᖅ ᐃᓅᓯᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 6:57

ᐊᑖᑕᐅᑉ ᐆᒪᔪᑉ ᑎᓕᓯᒪᖕᒪᖓ, ᐅᕙᖓᓗ ᐃᓅᕗᖓ ᐊᑖᑕᒐ ᐱᓪᓗᒍ, ᑍᒫᒃᑕᐅᖅ ᐅᕙᓐᓂᒃ ᓂᕆᔪᖅ ᐃᓅᓂᐊᕐᐳᖅ ᐅᕙᖓ ᐱᓪᓗᖓ.

ᕉᒪᒥᐅᓄᑦ 12:1

ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.

ᕉᒪᒥᐅᓄᑦ 4:25

ᑖᓐᓇ ᑐᖁᑕᐅᓚᐅᕐᐳᖅ ᐊᔪᕐᓂᕗᑦ ᐱᑦᔪᑎᒋᓪᓗᒋᑦ ᒪᑭᑎᑕᐅᓚᐅᕆᕗᖅ ᒎᑎᒧᑦ ᐸᓯᔭᒃᓴᐅᔪᓐᓃᖁᓪᓗᑕ.

ᕉᒪᒥᐅᓄᑦ 6:2

ᑍᒤᑦᑐᓐᓇᖏᑦᑐᖅ! ᐅᕙᒍᑦ ᐊᔪᕐᓂᕐᒧᑦ ᑐᖁᓯᒪᔪᒍᑦ, ᓱᓕ ᐃᓅᔪᒃᓴᐅᒋᕕᑖ ᐊᔪᕐᓂᕐᒥ?

ᕉᒪᒥᐅᓄᑦ 6:6

ᖃᐅᔨᒪᒐᑦᑕ ᐃᓅᓯᑐᖃᕗᖅ ᙭ᔅᑑᓯᐅᑉ ᑭᑭᐊᒃᑐᕐᑕᐅᖃᑎᒋᓚᐅᕐᒪᒍ ᓴᓐᓂᖓᔪᓕᖕᒥ ᑎᒥᐅᑉ ᐊᔪᕐᑐᓕᔪᒪᓂᖓ ᓵᓚᐅᖁᓪᓗᒍ, ᕿᓚᒃᓱᕐᑕᐅᓯᒪᔪᓐᓃᖁᓪᓗᑕᓗ ᐊᔪᕐᓂᕐᒧᑦ.

ᕉᒪᒥᐅᓄᑦ 8:10

᙭ᔅᑑᓯᓕ ᐃᓕᑦᓯᓐᓃᑉᐸᑦ, ᑎᒥᓯ ᑐᖁᖓᒐᓗᐊᕐᐳᖅ ᐊᔪᕐᓂᕐᒥ, ᐊᓂᕐᓂᓯᓕ ᐆᒪᕗᑦ ᐃᓗᐊᕐᑑᑎᑕᐅᓂᖅ ᐱᑦᔪᑎᒋᓪᓗᒍ.

ᕉᒪᒥᐅᓄᑦ 8:2

᙭ᔅᑑᓯ ᔩᓱᓯᒃᑯᑦ ᐊᓂᕐᓂᐅᑉ ᐃᓅᓯᖃᕐᑎᑦᓯᔫᑉ ᐱᖁᔭᖏᑎᒍᑦ ᕿᓚᕈᑦᔮᕐᑕᐅᒐᒪ ᐊᔪᕐᓂᐅᑉ ᑐᖂᓪᓗ ᐱᖁᔭᖏᓐᓂᑦ.

ᕉᒪᒥᐅᓄᑦ 8:6

ᑎᒥᐅᑉ ᐱᔪᒪᔭᖓᓂᒃ ᓈᓚᖕᓂᖅ ᑐᖁᓐᓇᕐᒪᑦ, ᐊᓂᕐᓂᕐᒥᒡᓕ ᓈᓚᖕᓂᖅ ᐃᓅᓯᐅᕗᖅ ᐃᓱᒫᓗᓇᕐᑐᖃᕋᓂᓗ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:33

ᐅᕙᖓᑦᑕᐅᖅ ᖁᕕᐊᒋᔭᐅᓇᓱᐊᕋᒪ ᐱᓂᐊᕐᓂᒃᑯᑦ ᑕᒤᑎᒍᑦ, ᐅᕙᖓ ᐱᕙᓪᓕᕈᑎᒃᓴᓐᓄᑑᖏᑦᑐᑦ ᐊᓯᒪᓕ ᐱᕙᓪᓕᕈᑎᒃᓴᖏᓐᓄᑦ, ᐊᒥᓱᑦ ᐱᐅᓕᔭᐅᖁᓪᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:10

ᑍᒤᒻᒪᑦ ᙭ᔅᑑᓯ ᐱᓪᓗᒍ, ᑕᕝᕙ ᓈᒻᒪᒃᓴᕐᐳᖓ ᓴᓐᖐᓐᓂᓐᓂᒃ, ᐅᖃᕐᓂᕐᓘᑎᒋᔭᐅᓂᕐᓂᒃ, ᐅᖁᒤᒃᓴᕐᑎᑕᐅᓂᕐᓂᒃ, ᐊᑭᕋᕐᑐᕐᑕᐅᓂᕐᓂᒃ, ᐊᒃᓱᕈᓐᓇᕐᑐᓂᒡᓗ; ᓴᓐᖐᑦᑑᓕᕌᖓᒪᓕ, ᐱᔪᓐᓇᕐᓂᖃᕐᓂᕐᓴᐅᓕᕐᐸᒃᐳᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:6

ᑖᑦᓱᒪ ᐱᔪᓐᓇᕐᑎᒻᒪᑎᒍᑦ ᐱᔨᑦᓯᕐᑎᐅᖁᓪᓗᑕ ᐊᖏᖃᑎᒌᒍᑎᒥᒃ ᓄᑖᒥᒃ, ᐱᖁᔭᑎᒍᑦ ᑎᑎᕋᕐᓯᒪᔪᑎᒎᖏᑦᑐᖅ ᐊᓂᕐᓂᑯᓪᓕ; ᐱᖁᔧᑦ ᑐᖁᑎᑦᓯᖕᒪᑕ, ᐊᓂᕐᓂᕐᓕ ᐃᓅᓯᕐᒥᒃ ᑐᓂᓯᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:16

ᒫᓐᓇᓕ ᑕᕝᕙ, ᑍᒤᒻᒪᑦ, ᑭᓇᒥᒡᓘᓐᓃᑦ ᐃᓱᒪᒋᔭᖃᕈᓐᓃᕐᐳᒍᑦ ᓯᓚᕐᔪᐊᕐᒥᐅᑦ ᐃᓱᒪᒋᔭᖃᕐᓂᖏᑎᑐᑦ; ᑍᑦᓱᒪᓂᑦᑕᐅᖅ ᙭ᔅᑑᓯ ᓯᓚᕐᔪᐊᕐᒥᐅᑎᑐᑦ ᐃᓱᒪᒋᓚᐅᕋᓗᐊᕋᑦᑎᒍ, ᒫᓐᓇᓕ ᑍᒫᒃ ᐃᓱᒪᒋᓐᖏᓕᕐᐸᕗᑦ.

ᒐᓔᑎᐊᒥᐅᓄᑦ 5:25

ᐊᓂᕐᓂᕐᒥ ᐃᓅᒍᑦᑕ, ᐊᐅᓚᑕᐅᓚᐅᕐᒥᑕᑦᑕᐅᖅ ᐊᓂᕐᓂᕐᒧᑦ.

ᐃᐱᓯᒥᐅᓄᑦ 4:17

ᐊᑕᓂᐅᑉ ᐱᖁᔨᓂᖓᒍᑦ ᐃᓂᕐᑎᕐᐸᑦᓯ, ᐅᒃᐱᖏᑦᑐᑎᑐᑦ ᐃᓅᔭᕆᐊᖃᕈᓐᓃᕋᑦᓯ, ᐊᑐᖏᑦᑐᓂᒃ ᐃᓱᒪᖃᕐᓗᑎᒃ ᐃᓅᓇᓱᐊᕐᑐᑎᑐᑦ;

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”

ᑯᓘᓯᐊᒥᐅᓄᑦ 2:12

ᐹᑉᑎᑕᐅᑎᓪᓗᓯ ᙭ᔅᑑᓯ ᐃᓗᕕᕐᑕᐅᖃᑎᒋᒐᑦᓯᐅᒃ, ᒪᑭᖃᑎᒋᓚᐅᕐᐸᓯᓗ ᐅᒃᐱᕐᓂᑯᑦ ᒎᑎᐅᑉ ᐱᔪᓐᓇᕐᓂᖓᒍᑦ, ᑖᑦᓱᒥᖓ ᒪᑭᑎᑦᓯᓚᐅᕐᑐᒃᑯᑦ ᑐᖁᖓᔪᓂᑦ.

ᑯᓘᓯᐊᒥᐅᓄᑦ 3:1

ᑕᕝᕙ ᙭ᔅᑑᓯ ᒪᑭᖃᑎᒋᓯᒪᒍᑦᓯᐅᒃ, ᐹᓃᑦᑐᓂᒃ ᐃᓱᒪᖃᕆᑦᓯ, ᙭ᔅᑑᓯ ᑕᑉᐹᓃᒻᒪᑦ, ᒎᑎᐅᑉ ᑕᓕᕐᐱᐊᓂ ᐃᒃᓯᕙᓪᓗᓂ.

ᑯᓘᓯᐊᒥᐅᓄᑦ 3:17

ᓱᓇᑐᐃᓐᓇᕐᓂᒡᓗ ᐱᓇᓱᐊᕌᖓᑦᓯ, ᐅᖃᐅᓯᒃᑯᓪᓘᓐᓃᑦ ᐱᓂᐊᕐᓂᒃᑯᓪᓘᓐᓃᑦ, ᐱᓇᓱᐊᖃᑦᑕᕆᑦᓯ ᐊᑕᓂᐅᑉ ᔩᓱᓯᐅᑉ ᐊᑎᖓᓂ, ᖁᔭᓕᓗᓯ ᒎᑎᒧᑦ ᐊᑖᑕᒧᑦ ᑖᑦᓱᒨᓇ.

ᑯᓘᓯᐊᒥᐅᓄᑦ 3:23

ᓱᓇᑐᐃᓐᓇᕐᒥᒃ ᐱᓇᓱᐊᕈᕕᑦ, ᐊᒃᓱᕈᕐᓗᑎᑦ ᐱᓇᓱᐊᖃᑦᑕᕆᑦ, ᐊᑕᓂᕐᒧᑦ ᐱᓇᓱᐊᕐᑐᑎᑐᑦ ᐃᓄᖕᓅᖏᑦᑐᖅ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:10

ᑖᓐᓇ ᑐᖁᓚᐅᕐᐳᖅ ᐱᑦᔪᑎᒋᓪᓗᑕ ᐃᓅᑎᓪᓗᑕ ᑐᖁᖓᓕᕐᑎᓪᓗᑕᓘᓐᓃᑦ ᐃᓅᖃᑎᖃᕈᓐᓇᕐᓯᔪᒫᖁᓪᓗᑕ ᑖᑦᓱᒥᖓ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐲᑦᑐᕉᓯ ᓯᕗᓪᓖᑦ 4:6

ᑕᒪᓐᓇ ᐱᑦᔪᑎᒋᓪᓗᒍ ᐅᖃᐅᓰᑦ ᑐᓴᕈᒥᓇᕐᑐᑦ ᐊᔪᕆᕐᑐᐃᑦᔪᑕᐅᓯᒪᕗᑦ ᑐᖁᓚᐅᕐᓯᒪᔪᓄᑦ ᐊᒡᓛᑦ, ᑖᒃᑯᐊᑦᑕᐅᖅ ᐃᖅᑲᕐᑐᕐᑕᐅᔪᒫᕐᒪᑕ ᑎᒥᒥ ᐃᓅᔪᑦ ᐃᖅᑲᕐᑐᕐᑕᐅᓂᒃᓴᖏᑎᑐᑦ, ᐊᓂᕐᓂᑯᑦ ᐆᒪᓕᖁᓪᓗᒋᑦ ᓲᕐᓗ ᒎᑎ ᐆᒪᖕᒪᑦ.

ᔪᐊᓇᓯ ᓯᕗᓪᓖᑦ 4:9

ᒎᑎᐅᑉ ᓇᒡᓕᖕᓂᓂ ᐊᑯᓐᓇᑦᑎᓐᓄᑦ ᓴᖅᑭᑎᓚᐅᕐᐹ, ᒎᑎᐅᑉ ᐃᕐᓂᑐᐊᓂ ᑎᓕᓚᐅᕐᒪᒍ ᓯᓚᕐᔪᐊᕐᒧᑦ, ᐅᕙᒍᑦ ᑖᑦᓱᒨᓇ ᐃᓅᖁᓪᓗᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:18

ᐆᒻᒪᕗᖓ; ᑐᖁᓚᐅᕋᓗᐊᕐᑐᖓ, ᒫᓐᓇᓕ ᑕᑯᒋᑦ ᐆᒪᓂᐊᓕᕐᐳᖓ ᐃᓱᖃᖏᑦᑐᒧᑦ, ᑐᖂᑉ ᑲᑉᐱᐊᓇᕐᑐᕕᐅᓪᓗ ᐅᒃᑯᐃᕈᑎᖏᓐᓂᒃ ᐱᖃᓕᕐᐳᖓ.